رواية أنحراف فوشيكا
الحلقـةه: تانيةه….
بقلم فاطمه سالم…….لقيت خوي مع بنت في مربوعه…. قعدت نشوف لان كان الباب مردود رد…
هي تزيد تحضن فيه و لما شدها قعدت تتبعد وتعيط وهو ياخد كتانه يصكر فيها فمها …..“اني قعدت نشوف و مستغربه لعند ما حسيت بيد على فمي وصوت انفاس وراي وشاد على ايدي بقوه ويجر فيا داخل حوش… رخاني طول التفتت لقيت امي!!!امي: فمك تغلقيه وتقولي كلمه على خوك ولا من لي شفتيه نحكلك فلفل من لوطا سامعه ولااني ببراءه: بس انتي مامته كيف يدير هك!ماما بخبث: اممم ههه لا هي مامته …… وغيرت موضوع… وشن طلعك ها مش قتلك مافيش طلوع!!اني: اسفهماما: بشرط متقوليش لحد على لي شفتيه سامعه ولا
اني: حاضر… ماما حطيلي على قناه براعم
….. ومرت السنين……
…
وخشيت الاعدادي وموقف خوي قاعد راسخ في دماغي…..
……
نضت صبح على صوت المنبه… خشيت حمام حشاكم غسلت وجهي وقعدت نشوفله بتعقيد من حب شباب….
طلعت من حمام بيأس ونشفت ولبست الزي متاعي وغيرت جدولي ولقيت ماما راقده كلعاده ومافيش فطور شربت مايه وطلعت…. مشيت لي ريحان…
قعدت نطقطق على باب حوشهم وصقع سميطري بكككل وندمت ان لبستش كبوط… وبعد شن طلعت ريحان تاكل في بريوشه ساخنه مليانه شكلاطه لدرجه ملبزه وجهها
اني: يا معفنه من مبكري نطقطق وانتي تاكلي
ريحان: تي قولي صباح الخير اول شي وبعدين كنت نفطر خيرك انتي تفطريش وخيرك بتقتلي روحك الباين تي جلمود يافرخه خيرك مش لابسه كبوط خشي معاي نعطيك وكولي حاجه تصحصحي بيها وتحلي فمك بيها
اني: ويا مكثر دوتك زفت هي سقدينا ومانبي شي
ريحان: مش على كيفك… ودخلت راسها من باب وقعدت تنادي: ماماا جيبيلي اربعه بريوشات و كبوط لي اريام… وشوي وجت عمتي نجمه ” ام ريحان ”
عمتى نجمه وفي ايدها كبوط وصونيه: شدي ياريحان صونيه…. اهلا بنيتي تعالي نلبسك كبوط
ريحان: خليها تو تلبس بروحها
عمتى نجمه: اسكتي انتي خليني نتفاهم اني وبنتي 
تعالي ريومه “وقعدت تواسيلي في كبوط وتشحط في الحزام وتقول باش يدفي جنابك وواستلي وشاحي ?
ريحان: ماامااا واني ليش مدرتيلي وشاحي
عمتى نجمه: وانتي تخلي من يواسيك وانتي تلعلعي من صباح ربي…. هي نعطلكمش وقت على مدرسه هي بتوفيق وردو بالكم من بعضكم… وقعدت في فم باب تشوفلنا لعند تبعدنا عنها ”
ريحان وهي تاكل: ماما تحبك اكتر مني
اني: مجنوونه بطلي هباال امي امك وامك امي من امتى الفرق وعطيني البريوش سادك
ريحان: اففف به به قريتي؟
اني: شن بنقرا ياحسره وانتي كل صبح تخلعي فيا
ريحان بهزوه: انتي عقلك مش معاك في فصل
اني: اخخخ معاش تنوضي مواجع ترا
ريحان: خيره شن في
اني: شني شن في تستعبطي كلعاده هو يحاول يفتح معاي موال واني نصد فيه طريقته كيف يتعامل معاي زفته
ريحان: انتي لي زفته مش مهتمه بروحك ياخايبه حواجبك تقول سكه قطار ولا مدايره فتله لا ماسك لعمرك لا حلوى
اني: تي من يديرهلي ياحسره لا خوات ولا ام كيف ناس
ريحان: واني وين يامنجوها تعاليلي واني نبرم عليك برمه سمحه
اني بهزوه: قصدك برمه ليهود ?
ريحان: نكلم فيك جديات تعاليلي ليوم وتو تشوفي شن نديرلك
اني: ساهل ساهل ما غر سميلي في اختبار ولا لي هو ما نبي منك شي غيرها
ريحان: خشي وانتي ساكته وانتي ما نافعه في شي
واول ما خشيت للمدرسه عباس عيونه عليا ويلحق فيا في كل مكان ويلوح في دوه…. لعند ما خشينا فصل هو سبقني وقعمز في مقعدي!
اني: تي حول يا دراه
عباس: مانيش محول بتقعمزي قعمزي كان هدا ملحي
اني: قتلك حول اني
عباس: غني لغدوا
قعدت واقفه ونهز في رجلي بنفاذ صبر
ريحان: تي خلاص قعمزي في مقعد اخر وريحينا
عباس: لا تقعمزي معاي اهو في وسع
على خشه الابله…
اني: يااا ابله قوليله يحول من مكاني ” وشيرت لي عباس”
عباس غمز للابله واني استغربت؟؟
ابله: احم سلام عليكم…. حبيبتي قعمزي معاه المقعد يحمل زوز مش فردي هو
اني بإحراج: بس يا ابله كيف
ابله: خشي لمقعدك وخلينا نبدو في الدرس
قعمزت في مقعد وقعد عباس يقرب مني واني نوخر لعند وصلت في اخر مقعد قريب نطيح و…. يتبع
لـمـا ربـي يعـرف نيـتـك مـعـاهـا حـ يسـهلك ويفـتحـلـك كـل الـطـرق بـش تـوصـلهـا
لـمـا يشـوفـك كيـف تجـري وتعـافـر وتـعانـد فـ النـصيـب بـش تـوصلـها يقـربـهـالـك
لـمـا تخـاف ربـي فيـهـا وتجـيهـا مـن البـاب حـ يكـتـبهـالـك
لـمـا تحـافـظ علـيهـا وتـدعـي لـ ربـك يجـمعـك بيـها حـ تلـقـاهـا بـيـن إيـديـك
مـافـيش حـاجـه تـجـي بـالـسـاهـل .، لـكـن فـي راجـل يـحـارب بـش يـوصـل للـي يـبيـه
وإللـي يبـيـك حـتـي لـو كـانـت طـريـقـك شـوك يـجـيـك??
….
شن اعتقادكم؟
زعما عباس شن دار ومن هي ابله وليش غمزلها؟ وزعما اريام تكرر نفس خطأ؟ لي متندريش عنه ان هو اكبر خطأ