رواية أنحراف فوشيكا
?انحراف فوشيكا ?
الحلقةه: اربعه عشر والاخيرةه❤“جزء الاول?
بقلم فاطمه سالم ?…..
………
اني بتوتر: نعم
بوي: تعالي تعالي سلمي على قريبنا فارس
ارتبكت وقعدت نمشي بخوووف كبير وبدون مانشبحله مديت ايدي وهو شد على ايدي بضغط وقال
فارس: اهلا اهلا اريام
رفعت راسي ليه لقيت عيونه كلها مكر وخبث وزاد ضغط على ايدي
فارس: هئحم اني استادها اريام نقري فيها
بوي: بالله!… وشن مستواها وفي ايي ماده تقري فيها
شبحتله بخوف ولقيته مركز عليا وحول ايده وتنحنح وشبحلي بحدة وخبث وقعد قلبي يدق ومتووووتره وخايفه وزدت خفت من بابا عن يلاحظ ملامحي وتوتري..
فارس: English…. احم اممم اي طالبه اريام من اشطر طالبات وكويس مستواها بس…وشبحلي
بوي بترقب: باه كويس!
وجهت نظري ليه وباين على عيوني الترجي والخوف واكيد مليون في مئه ان دقات قلبي مسموعه…
فارس: بس يا حاااج…
بوي بنفاد صبر: تفضل يا ولدي احكي
فارس زاد تنحنح وواسه حوايجه ويخنسلي ويبتسم بخبث: هئحم يا حاج اني رايد بنتك اريام بحلال
ازدهار شهقت لدرجه بابا التفتلها
بوي: خيرك يا بنتي
ازدهار: اا لالا شي غر رجلي نخبطت في كرسي
…
بوي بحدة: احم عدي يااريام شوفي اختك…والله شن بنقولك يا ولدي والله ما فيك ما ينعاب وقريبنا ونعرفوك عز معرفه لكن يا ولدي توا احني في ظرف علاج وبعد نرجعو للبلاد ياحي
فارس توتر: شهاده منك نعتز بيها ياحاج و اا احم وان شاء الله تروحو صحيحين و سالمين وربي يكتب فيها الخير
بوي: ان شاء الله يا ولدي وما نلقى خير منك والله بس توا ظروف ومش في حوشنا ومتغششين وربي يستر
فارس: ما تخافش يا حاج ما فيه الا كل خير ما ترعشش روحك
بوي: ان شاء الله ان شاء الله والله تعبونا لينا 12 ساعه هنا
فارس: تو تساتر يا حاج وسع بالك بس
بوي: يستر الله هي نستأدنك
…..
وركب بابا السياره
امي: خيره شن في
بوي بتخمين: اممم والله يبي يخطب
امي: الحق راجل ما يتعوضش واحد معرفه وزي هدا ما يتعوضش
بوي: ههه اممم بس ما قلتيش منو انتي
امي: اكيده ازدهار منو عاد
بوي: ههه لا اريام
امي نتفضت: بالله عليك ياراجل
بوي: هههه واللهي
امي: كيف يا راجل ما يصيرش هلكلام
بوي: ليش خيرك؟
امي: شني خيرني ياراجل بالله عليك بعقلك انت تي اريام صغيره دوبها 14 سنه
بوي: شن 14 العفو 16 وانتي عمرك 12 تزوجتك! شن صغر بيها؟؟
امي: اييييه يا حاج تي توا انت تقارن فيا بي بنتك تي كلامك هدا ياراجل من عام الحلبه ره خيرك ياراجل العفو ياربي شن صارلك وبعدين اريام دوبها تحط مكرونه على نار
بوي: وتعلم التطيب مش قضيه عاد يا مرا ما تعكليهاش ترا خلي لي في راسي نديره ايواه
امي: تي شن لي في راسك اديره يا حول الله راهي البنت بنتي اني ايواه ولا تربايه وقرايه بنتي وزواج وباقي بنتك هااا؟؟
بوي: اييييييه علينا ياه ناس يسمعوا فيك ترا اسكتيلي ولا والله نولي ره لو كان فيها حنك ما يردني شي اسكتي خيرلك
امي اتمتم: اي فالح غر تسكت فينا
…..
بعد سااعات طويله باش طلعنا من بوابه تونسيه تخيلو…
والله شحطونا تشحيط الله الله…
بس تعرفو شن فرق بين تونس وليبيا؟؟
خلينا من مباني وهدا كله لان كلهم كماليات مش اساسيات…
الفرق هو حب وطن ❤
تعالو نحكيلكم موقف صار ❤
تعرفو عاد طريق طووويله ومشينا من دهيبه عشان راس جدير مش آمنة طريقها….
عموما وصلنا الحدود ساعه طناش ظهر وخودلك عاد من تشحيط ومقعمزين نستنو لعند رجلينا ينتفخو وننزلو بعدها للمسجد منها نطلقو كرعينا ومنها نمشو لدوره مياه حشاكم ونصلو…
طبعا في مسجد ❤بساطه ليبين وطيبتهم ماتغيرتش ❤
لي يهدرز على وجعه ومرضه ولي ماشي دهوراي وهكدا نوسعو في خاطرنا ونحكو وكأن نعرفو بعض
وعاد البطن صقعت من بشاكيط وعصاير وقهوه تعرفو جوووع كافر والله…
مهم قعدنا هكي لعند ساعه اربعه ❤عرب منطقه جابو قصاعي وفرحنا ونعزمو على بعض ونحكو ونهدرزو وكأن كلنا عيله وحده ❤
بجد على رغم تعب طريق والله لكن راحه نفسيه وبهجه لما تلقى مزال ناس طيبه لعند توا ❤
رغم حروب وكل شي قاعدين قلوبنا على بعضنا ❤
موقف بسيط بس يعطيك امل والله ❤
حسو بكلامي قصدي تحسي بغربه وتعب وجوع وضيق بس هوووب موقف بسيط وصغير مليان هلبا مشاعر ❤
شكرا ليبيا ❤شكرا لي ناسها واحبابها ❤شكرا بلادي ❤
ونتمنى بجد ان تبقى بلادي هك على طول ?❤
……
بس طول طريق مشاحانات بين ماما وبابا واني وازدهار وهي تهزب فيا بسبب ولا بلا سبب وكل شوي تشبحلي في شبحات تقول قاتله بوها….
ازدهار: ناقصك تتزوجي غر فارس هااا صار تفتليك وهدا كله باش تاخدي راجل قعمزي وتريحي والله ما اطوليه فارس
اني: خوديه فارس وريحيني ترا وقتك هو توا وبوي مريض وانتي تفكريلي غر في فارس
ازدهار: عاد شن بيشغلك في فارس والله وجي خطبك وتوا دروحك شاغلك بوك ههه تي كان ما تطلعي انتي لي متفقه معاه ومقايلتيله ان احني ماشيين لي تونس دقيلي خضرا هنا كان هدا شن عرفه هو ان احني ماشيين هااا ولا بتفوتيه عليا ياسمحه ما غر اعبي
اني: يا حول الله اسمعي مش راقيتلك ره اخطيني
ازدهار: عندك الحق لانه الحق مش فيك فيا اني لي رفعتك معاي يومها
والتفتت على روشن وهي تسحن وتهز في رجلها
??واني خديت سماعات وقعدت نسمع في اغنيه لي لقى احبابه نسى صحابه “راشد الماجد ” لعند نعست….
اللي لقى احبابه .. نسى اصحابه
يادنيا ياغرابه
كان العشم يبقى لي .. ويموت فيني لحالي
لاما ترى في بالي .. كذا الغالي
ينسى ويطول غيابه
ايام كام عشناها .. يامحلاها
وشلون بس ينساها
وصار بسلامه يبخل
وتمر سنه ومايسأل
وشلون يازمن الاول .. كذا تحول
لي عشرته كذابه ..
يدري في عيني داره .. ومقداره
لكن طريقه اختاره
خلوه يشوف ويجرب
ومايلقى غيري حبيٌب
وان كان معدنه طيب .. انا طيب
وقليبي فاتح ابوابه
????
….
“بعد 6ساعات ”
نضت صكرت الاغاني واني متكسله و ظهري يوجع فيا
بابا شبحني من مرايا
بابا: بنيتي نضتي
اني نحك في عيوني: ايي ?
بابا: خودي شاورما وبشكوط كولي انتي ما كليتيش شي
اني: حاضر توا ناكل ?…
حطيت ايدي على وجهي نحول في العمش حسيت وجهي مدهن عشان بشرتي دهنيه هلبااا ضايقت..
اني: بابا مافيش جامع هنا نبي الحمام
بابا: توا كيف فوتنا من بحدا جامع غر كان قلتي تو نلقو لكن
اني: اففف شن بيصبرني??
بابا: تو تساتر اصبري بس
.. ?بقلم فاطمه سالم?
قعدت نفتح في شكاير ونطلع وناكل واني مضايقه وازدهار سرحانه حسيتها مكتئبه قعدت نتفكر في موقف كيف صاحبتها قتلي ان تحب فارس قاعد كلامها يزن في ودني… ?فلاش باك?
صاحبه اختي: يااامريضه استاد هدا تحبه اختك انتي كيف اديري هك واختك نار حمره ما عندهاش الريح وين ادور
اني: شن تقولي انتي واني شن درت اصلا!!
شبحتلي شبحه من فوق للوطا بأستحقار ومشت…
……
وقتها محدش فهمني ولا علمني ولا ايي شي لين خسرت اغلى شي عندي…
هدي انسانه وحيده قالتلي كلمتين قاعدات يزنن في ودني لعند توا….. اخخ بالله اني نقول؟ ولا شن نراجي من ناس بعد امي واختي هكي!؟
هزيت على كلامي وحولت ماكله نسدت نيتي وحتى دموعي جفو خلاص اصلا نفسيتي تعبت ان نبكي على نفس شي…
ومليت من طريق
اني: بابا امتى نوصلو
بابا: اهو قريب هانت خلاص
اني: به حمدالله…. بابا انت مفروض استأجرت سياره لان تعب عليك وانت مريض
بابا: عاد يابنتي شن بندير هي وخوك بايت برا لا يسأل لا يدور وهو عند صحابه اكتر منه ولا يقول بالك هلي يبو شي
ازدهار وماما مش طايب عليهم الكلام هدا….
نطت ازدهار: وفي حاجه اسمها تليفون والله
بابا: وهو يرد كيف ناس دروحه مداير تليفون وطول وقت يا مشغول ويا مقفل ولا يعاود لا سو
ماما: راجل وبيقعد مع صحابه والله شن يبي في قعده الحوش كيف بنت
بابا تنهد: ما قلنا شي لكن يسأل يدور مش هكي
ماما: اممم تي باهي باه توا لي صار صار
بابا: شن لي صار صار بالله اني مريض وتاعب بدل ما هو يسوق بيا ونعبى عليه ونقول عندي ولد…. اني لي نسوق بالله وتوا كان رقدوني في مستشفى انتم من بيقعد معاكم هي اخخ وخلاص
ماما: فرخه اريام هدي سبب مشاكل كان هدا شن جبده كلام هدا كله
بابا: وهدا الحق ايواه وهي ما قالت شي
ماما: وشن قولها هي خلي تسكت مش وقت دوه توا ومتغششين
بابا: خيرك يا مرا متقولش بنتك بكل
ماما: وشن لي تغير طول عمري نهزب فيها وما تتكلمش خيرك توا نطيت
??بقلم فاطمه سالم ?
بابا: من دون خوتها حاطه راسك من راسها بالله
ماما: اييييه علينا خليني ترا وانت مستلمني اليوم
بابا:اسكتي يا مرا اعصاب معده منتحملش
ماما: انت لي تجيب لي روحك في مشاكل
بابا: ريحينا يا مرا واقصري الشر
…..
والطريق كلها لازم من مناقره وما حصلنا شقه الا بعد جهد جهيد….
خشيت لشقه وعلى طووول خديت حوايجي ومنشف وشيشه واركينه وشامبو ومنديل وفورا دوش من العرق وخديت غسول غسلت وجهي ورغم نفتح في شيشمه بلمنديل ومعاي شيشه واركينه واحسن شي في حمام في بلوعه ” حشاكم ” عشان قالو ناس ان حمامات في تونس مافيش بلوعه ينشفو تنشيف يعني ما يسيقوش فهمتو ولا…. عموما بعدين لبست حوايجي لي حاطتهم على منديل ونشفت وطلعت واني نجفف في شعري نسمع في ازدهار تقول…
ازدهار: اممم هي توا في الدوش امم ايي… تمام اول ما تطلع من دوش نكلمك اوك باي
….
نصدمت زعما شن لي ناويه عليه هدي؟ قعدت نرعش ورجعت للدوش اول ما حسيت في حركه وقعدت ننخض مع بعضي وبابا ينادي يبي الغدي نسمع فيه يقول..
بابا: اااه ديرولي برودو ولا حاجه خفيفه وساخنه ناكلها تعبت راني جيعان في بطني ديرولي عشبه سلمنكي يا مرا يا اريام اه يا ربي اه
….
حسيت روحي حقيييره واني نسمع في بابا يتألم وينادي واني في حمام لفيت منشف على شعري وفتحت الباب واول ما طلعت لقيت قدامي ازدهار!!!… وعلى طول ارتبكت لما شافتني..
ازدهار: اااا خ خيركك
اني ابتسمت بخبث: ههه خيرك انتي لي وجهك منخطف
ازدهار: وووك عليا تخوف نظرتها يا كبدي وووه
اني بهزوه: ههه قوليها لي روحك… “وخبطت على ظهرها ومشيت ”
ﺗﺒﺪﺍ ﻋﺎﺭﻑ ﻭ ﻓﺎﻫﻢ ﻭ ﺷﺎﻳﻒ ﻭ ﺳﺎﻣﻊ ﻭ ﻣﺘﺄﻛﺪ ﺑﺲ
ﻣﻄﻨﺶ ﻭ ﻣﺪﺍﻳﺮ ﺍﻟﺤﻮﻟﻪ ﺏ ﻣﺰﺍﺟﻚ
ﻣﺶ ﻟـي ﺷﻲ ﻟﻜﻦ ﻋﺸﺎﺍﻥ ﺑﺲ ﻭﻗﺖ ﻳﺠﻮ ﻳﻘﻮﻟﻮ ﻛﺬﺑﻨﺎﺍ?
ﻋﻠﻴﻚ ﻭ ﺩﺳﻴﻨﺎ ﻭ ﻣﺶ ﻫﺎﺩﺍﺍ ﻟﻲ ﺻﺎﺍﺭ ﺗﺮﺩ ﺑﻜﻞ ﺛﻘﻪ ﻭ
ﺍﺗﻘﻮﻝ ( ﻋﺎﺭﻑ ﻭﺍﻟﻠﻪ )
ﻭﻗﺘﻬﺎ ﺡ ﻳﺤﺴﻮ ﺭﻭﺣﻬﻢ ﺣﺸﺮﺍﺕ ﻭﺍﻟﻠﻪ ﻭ ﻳﺘﻤﻨـﻮ ﺭﺑـﻲ
ﻳﺴﺨﻄﻬﻢ .. ﺻﺪﻗﻮﻧـﻲ ?اي نعم واعر شعور خدلان بس مش اوعر من ان اذل نفسك ليهم ويزيدو يدخلو لدالك نلزم صمت خير?
مشيت لي كوجينه وتكلمت بصوت عالي: بابا تو نديرلك اني حاضر
بابا: صحيتي بنتي
قعدت نلود ونقول حي كيف بندير برودو ومافيش خضره لا بهارات بعدين لقيت خضره في تلاجه بس خضرتهم ابداااع ?ولقيت بهارات في الحكه وفازوات وقعدت نقرض في خضره واني منغصه وطيبت البرودو ومشيت خديت حليب من صاكو وصبيته في طاسه ورفعته لي بابا…
بابا: صحيتي بنتي صحيتي
حطيت السفره وقلت: تبي ايي شي كلمني بابا وبعدين تو نديرلك عشبه سلمنكي عشان لازم تامل هي قويه العشبه
بابا: حاضر ان شاء الله يابنتي
…. ومشيت لدار لقيت فراش مسخ حمدت ربي ان جايبه بطانيتي فرشتها وقعدت نصلي صلوات لي فاتوني متاع امس وليوم وازهار وامي يلقحو…
ازدهار: شكله يا امي ما يحسبوش فينا احني ولا كيف
امي: الله غالب يما نشمو بس احني راض الله علينا
ازدهار: منبوهاش ماكلتنا احني منبوهاش تو نطيب اني
امي: ياودي ما هناك تطيب اهفتي وقعمزي
“جاب ربي ان كملت صلاة ظهر لان نفلقت ضحك ??”
ازدهار: باهي يما به…. وانتي شن يضحك فيك
مدورتهاش وقفت نصلي اخرى…
ازدهار: اني مش عارفه كم مره تصلي بس
امي بهزوه: تصلي في لي فاتها ياحنه تحسابيها كيفك
“هو مرات امي تقول في الحق وتعرف تقصف ??”
ازدهار: يمااا خيرك ليوم عليا!
امي: اخخ وخلاص نوضي نوضي ياحنه كان ماجباتاش اختك الغدي ما تجيبيشي نوضي ترا حسني ريقي نشف في جرتك
ازدهار: يما خيرك عليا ليوم مستلمتيني
امي: قتلك نوضي جيبي نتسمسمو مش راقيتلك راني
ازدهار: اووفف ها نضنا
اني كملت صلاه وخديت بطانيتي فرشتها على السرير ورقدت وخليتهم ياكلو…
… بعد ساعات نضت…
لقيت بابا يعطي في ماما لفلوس ويوصي فيها بالك ان يرقد في مستشفى وهك وهي تبكي وهو يطمن فيها ?تعرفو على رغم عراكهم ومشاكلهم بس باين في حب ?بينهم ?رغم عراكهم اكتر شي بس لحظه هدي بينتلي كل حاجه ?مش ضروري ان كل وقت كلام معسول وتفاهم لان مرات في وقت الجد يطلع هدا كله فص ملح وداب…
…. ابتسمت رغم منخنقه ووتيت حوايجي لغدوا وقعدت نكتب لي فاطمه سالم على رغم نكتبلها في حاجات مختصره بس هي تعبر عني بتفاصيل غير مدركه ?…
رقدت واني متريحه نوعا ما لان فضفضت شوي على رغم كلامي لي كتبته مفترش وهي قتلي ان نقرا قرءان وادكار مساء وصباح ونبتعد على كل من ضرني…..
?نصت صبح واني مستبشره??
ومشينا عياده ودارو ملف لي بابا وشوي ودخلو لغرفه واحني معاه وقاسوله ضغطه وسكر ويسألو فيه هل دار عمليه من قبل او لا وبعد شوي دخلوه لحجره عمليات وقعدنا نازلين راقيين ونستنو ونوقفو قدام غرفه ما يطلع حد نرجعو نرقو لي ريسبشن ونسألوهم شن صار خفنا على بابا وماما تبكي وازدهار ترعش وداخت وجابولها فطور مابتش تاخد شي الا عصير وقعدنا مشغولين لعند مشينا لغرفته وشوي هك وجي بابا في سرير وقالولنا نطلعو مشي طلعنا من غرفه وشوي وخشينا نبكو ونسألو وبابا رايق ويطمن فينا وان داروله منظار بس مش عمليه ??
??فضحكت فبشرناها ??
اني نبكي: خلاص بابا لازم تاكل زي قبل ره هدي مش ماكله
بابا فرحان: سلم بنتي لي خايفه عليا ?حاضر بإذن الله وتوا بيعطوني دواء وطلعت حاجه ساهله بسيطه
اني: بابا به توا انت لازم تاكل حاجه لان طالع من عمليات وصايم لازم تاخد حاجه
بابا: اي توا قالو بيجيبو
اني: تو نطيبلك حتى اني
بابا: لا ماهو لازم ناخدو استشاره طبيب وبعدين ساهل ?
ازدهار: عطينا فرصه معاك اسكتي
بابا: ايييه علينا ره عندي اعصاب معده فكونا من مشاكل عاد
…..
اني قعمزت وسكتت وقعدو هم يحكو وبعد شوي طلعنا خلصنا لعياده وروحنا تغدينا وفي عشيه مشينا لدكتور واكتبلنا دواء واستأشرنا وقال ان بابا يبعد على معجنات وياكل الشريح “كرموس “… وادهورنا شوي وروحنا وبعد تلاته ايام ارجعنا لي ليبيا….
بعد رجعنا قعد وليد يعارك…
وليد: كيف متقولوليش واني نسمع من ناس معقوله كيف بابوي اديرو هكي
بابا: عاد لقيناك احني وانت طول وقت بين صحابك لا تقول عندي اهل لا شي ولا يبو شي ناقصهم شي دابك داب صحابك
وليد: كلموني في حاجه اسمها تليفون
بابا: انت شن طلعك من حوش وتبات برا من الاساس!!
وليد: تي طالع من حوش ومخليهلكم
بابا: اي بارك الله فيك هدا ما نراجي منك بدل ما تسأل على حالي ولا شن قالولي بارك الله فيك يا وليد
طلع وليد وصرفق الباب وهو يسب
وبابا وجعه كلام وليد جيته اني قعدت نقوله
اني: بابا خلاص مدوراش انت عارف وليد لما يعصب كيف
امي: شن مدوراش انتي تانيه اي ولدي عنده الحق كيف يقعد اخر واحد
بابا: سبب مرضي ومشاكل الحوش انتي طالق عدي معاش تلزميني
ماما قعدت تنقز وتهزب فيه: وووه عليا عقاب عمري نطلق كله من هلجيفه هدي كله
وجت بتشدني تضربني بابا دفها قعدت امي تعيط
امي: وووه عليا زودولي يا ناس ووه عليا بيضربني ااه وووه
وهو بابا واقف يشبحلها ومتشلوف وناس اطقطق من برا
:. يا حاج افتح ناس كلها برا
بابا: عقابها انتي ديريلي عار عقابها انتي طالق بتلاته ..وفتح الباب حوش وقال: مرا هدي معاش تلزمني قولو لي هلها يرفعوها وتمت…ومشي
:. عيب عليك يا راجل مش هكي تنحل امور غر استهدي بالله
وبابا مشي تبعد عن حوش واني في حاله دهول كل شي نقلب في لحظه في تانيه ?
ازدهار تبكي: كله منك كله كله منك انتتتي…. وجتني كيف غوله وفي ايدها غربال
وما حزوني منها الا الجيران وهي تعيط وتصارف
….
خشيت عنها للدار وقعدت نبكي وناس تسأل واختي ازدهار تبكي وتحكيلهم نسمع فيهم في لي يشمت وفي لي مستغرب وطبعا كلهم يسألو بي فضول مش اهتمام ولا ذره انسانية
……
قعدت نبكي لين رقدت وفي الصبح نسمع في خالي وماما جو ضمت دبشها وهي تعارك وتهزب ما بيتش نطلع من الدار مخاطريش نشوف حد ونسمع في ازدهار تقول…
ازدهار: يما اني معاش نبي نقعد في هلحوش
امي: عدي ضمي دبشك وامشي معاي وخليها شيطانه هديكا مع بوها واسمعي لي يسالك من ناس قولي بوي مسافر فاهمه ولا
ازدهار مرتبكه: حاضر
امي: بسرعه امشي قبل لا يجي بوك
خشت ازدهار للدار ودرت روحي راقده وغامه بطانيه عليا وهي تلف في الدار…. وجعتني في وسط قلبي كيف امي مهتمه بكلام ناس اكتر مني ولا عبرتني ولا سألت عليا على اقل ازدهار فيها الخبث ونقولو لكن امي شني بالله!؟ ?
… ما فاتتش ربع ساعه والا امي واختي وخالي طالعين….
اخخ وخلاص اهو الحوش وفضي عليا لا عيلة لا صحبه لا حب… عيله متفككه من قبل وتوا زادت عن حدها قعدت لا تملنا سفرة لا مشكله لا شي
عيله ريحان واحني وياهم متقولش جيران على اقل حاسه بشعور عيله معاهم و بيت جدي وجدتي كان مجمع اهلي وعزوتي ونضحك صوتنا للسماء و سفرة واحدة تلمنا وديما مع بعضنا وتوا خلاص الزمن فرقنا لكن الذكري ما بينا هي اللي عايشين عليها والحب ديما في قلبنا لبعضنا لكن لاسف مشاغل الدنيا عرفت تهدنا
قعدت نتذكر في ذكرياتنا في كل زاويه?
في بيت واحد كبير و سهرة صيف لعند الصبح
و اني وازدهار ووليد نجرو باش نلحقو على سرير الفوقي لي ملحقش يرقد على الوطا .. و عراكنا على ابسط شي حتى على مخدة ..
و طوابير الصبح على الحمام وهبالنا
و نتعاركو على الكراسي .. و ازدهار تحب تاكل واقفة عادي..?
…..
اخخ وتوا شني!؟
توا مش طايقين حد وريحان مدورتنيش ابدا وحتى عمتي نجمه…
وين اللمة !! وين مكاني في التركينة ?
وصغار الخالة والعمة .. والجارة من الصبح اتجينا
والعيلة كلها ملتمة .. للصبح ☀️ اطول حكاوينا
لا نكد ولاضيقة غمة ? غير الضحكة في سهارينا ??
ياحسرة ??
Fatema Salem ?❤
….
فاتو اسبوعين وبوي مصلح حاله وقعد ياكل وهك ووليد من يومها معاش جي واني مليت من الحوش لدالك اقترحت على بابا نرجع للشغل في الاول رفض بس بعدين بعد قتله ان مليت من حوش وهك ونبيش نرجع للمدرسه وافق…
وخشيت لداري وتيت حوايجي وصليت عصر ولبست حوايجي وطلعت اول ما طلعت قعدت واقفه نشوف لي حوش ريحان اخخ من قال معاش نمشيلهم من قال بس ?… نقهرت وكملت طريقي للمزين ولما خشيت عمتى نجمه نصدمت ولقيت ريحان بصراحه حسيت ان مش مرغوب فيا وكل الانظار عليا حتى الزبائن خشيت سلمت على عمتي نجمه وريحان وكأنه معرفتنا معرفه سطحيةه تماما…
عمتي نجمه: شنو يا اريام بتكملي شغل؟
“نصدمت نصدمت من قااال عمتي نجمه تقول اريام من قااال طول عمرها ادلع فيا وتقولي يا ريومه لدرجه تلبكت في كلام ”
اني: اا اه اي بنكمل ان شاء الله
عمتي نجمه ببرود: امم اوك يلا البسي كلافز وشوفي من تميش وابديلها
“قاعده في لحظه دهول بجدد لا سألتني على حالي ولا على بابا ولا شي وريحان ولا كأنها تعرفني ابداا… مشيت للزبائن و ياريتني ما مشيت وتصادفني سميةه!!! ”
تنصدم من ناس كيف تغيرت!؟
ههه علاش تنصدم ادا كلمه وحده بس هي تتغير كليا بسبب حرف بلسم “بسم ”
يعني عاادي جدا في ناس يمثلو وكأنهم بلسم ولكن هم السم يجري في عروقهم بدل الدم يعني بلفصيح عباره “عرب واجد من نفس الدم عقارب محشيات بسم ”
سمية: اهلا اهلا بلغلا وينك مختفيه نجي يوماتي اهني ملقيتكش
“لوهلة حسيت عمتي نجمه حسيت تقتلني من نظاراتها هي وريحان ”
اني: ااا اي ماهو كنت مسافره
سمية تمضغ في مستكه وحطت كفوفها في وسطها: يااعيني ياعيني وليش يا حسره دهواري ولا علاج؟
عمتي سميه: علاج ياسميةه هيااا اريام شوفي شغلك وقت ره وزبائن واجد
سمية: امم اووك لاباس حبوبه ههه بشويه عليها يانجمه خزرطتيها البنت
عمتي نجمه: معليشي يا سميه مافيش وقت والله هدرزو مره اخرى
سمية: اممم اييي والله دكرتيني يا نجومه دكرك بلخير يا اريام اعطيني رقمك باش نهدرزو على رواق هههه
عمتي نجمه تفنص: يا سميه بعدين بعددين قلنا
“حسيت عمتى نجمه تبينيش نحتك بي سمية ”
سمية وقفت وقربتلي: اووك اعصابك حبوبه… يلا ريووم اصبغيلي احمر يا قلبي
اني رتبكت: ان ان شاء الله تفضلي
هي قعمزت واني مشيت للطاوله وفتحت صبغه وقعدت نخلط فيها وشوي وجتني عمتي نجمه
عمتى نجمه بتشويش ونبره تهديد: ابعددي عنها فااهمه!
“اني نصعقت بي نبره صوت عمتي نجمه لدرجه خفت وقعدت نحرك في صبغه بسرعه من الخوف لدرجه مشيت لي سمية بدون وعي واني نحط في صبغه ”
متشكرين على فرحه البدايات… والنهاية سابت في القلوب علامات ??
سميه اطربق في مستكه: بشويه عليك يا حلوه
صبغتلها وسلفترلها بدون ما نرد عليها او ناقشها..
سميه: صحيتي حبوبه كم الحساب؟
اني: الحساب عند عمتى نجمه
سميه: ههه لا يا قلبي انتي صبغتيلي مش نجمه
عمتي نجمه: تعالي اهني يا سميه اهني
سميه فتحت شنطتها طلعت الفلوس ومعاهم كرت مدتلي الكرت بخفه وغمزتلي ومشت لي عمتي نجمه… وجتني ريحان
ريحان: شن عطاتك!؟
اني: شي
ريحان: قلت شن عطاتك اني
اني ضايقت: قلنا شي ياه… ومشيت عنها وخليت ريحان تشبحلي بي استغراب
… لبست عبايتي ووشاحي وخديت فلوسي وطلعت مشيت لمحل شفرات شريت شفره… وروحت فتحت نت لقيت كاتبه فاطمه سالم باعتتلي رساله..
متزعليش لما ديري حاجه حلوه لحد وميقدرهاش، ومتزعليش لما تتعبي ع خاطر حد وميحسش بتعبك ولا يقدره ، و لما تفكري فـ حد وهوا ميفكرش فيك، ومتزعليش علي اي احساس حلو فـي داخلك وعطيتيه ، ومتزعليش ع كلمة حلوة قولتيها وكان المقابل 100 كلمة توجع ، ومتزعليش من حاجات هلبا، متزعليش وافرحي لان ربي حيعوضك..?
متزعليش ياقلبي…واطمني كل اللي يصير معاك هدا خير حتي الحاجات اللي بتوجعك والكلام اللي بيجرحك والمواقف كل هدا ربي يعرفه وعارف كل حاجه في داخلك وحاس بيك وقادر سبحانه انه يبدل وجعك وجرحك هدا فرحه وجبر خاطر بطريقه متتخيلهاش بكل انتي بس اصبري وارضي واضحكي اصلا ضحكتك مهمه لناس لي تحبك ربك حبيبك قال في كتابه ” لا تدري لعل الله يحدث بعد ذلك امرا ” وقال “ولسوف يعطيك ربك فترضي “صدق الله العظيم??
يعني يعطيك لحد ماترضي ويفرجها عليك من حيث لا تعلمي ” ولقد نعلم انك يضيق صدرك بما يقولون . فسبح بحمد ربك وكن من الساجدين “صدق الله العظيم
استغفروه ?
…
“بجد على قد زعلي لي كان على قد ما فرحتني بكلامها لدرجه معاش عرفت كيف نعبر او نحكي حتى لما شكرتها حسيت روحي ما وفيتهاش على كلامها فما بالك كيف ح نوفي ربي على افعاله ورحمته عليا ?الحمدالله ❤?”
….
صكرت نت وخزنت رقم سميه واتصلت بيها…
اني: الو
سميه: ايوه من معايا
اني: اني اريام
سميه: اهلا اهلا يا سموحه
اني: اي شن هو شغل
سميه: هههه ياقلببي وحده وحده عليك ههه اممم يااستي شغلتك بسيييطه تخشي وكأنك ما سمعتي شي وتطلعي كأنك ما شفتي شي ولي ينطلب منك تنفديه يا سمحه ومكافئتك 1000 دينار ينطح دينار
اني نصدمت: وشن نظامه هلشغل بالله؟
سميه: عياده ياعمري
اني: اوووك بس كيييف اني مش مكمله حتى الاعدادي
سميه: هههه ماقلتش ليك تخدمي دكتوره اني يا سمحه
اني: ها مالا شن وظيفتي
سميه: اعتقد في حاجه اسمها ممرضة يعني
اني: اوك به امتى نبدا؟
سميه: لو تحبي حتى من غدوا بسسس اا….
اني استغربت: خيرك تكلمي بس شنو؟
سميه: اممم بس اا شغل المزين تسيبيه
اني: علاااش
سميه مرتبكه: احم هههه شن علاش 1000 دينار ومش مكفياتك وبعدين كيف بتلايمي!
اني: عادي نلايم من صبح للقايله في عياده والعشيه للمغرب في المزين وين مشكله؟
سميه: اففف ياه شن تقولي انتي تحسابيها مدرسه باش تكون لعند قايله
اني: ها امالا؟
سميه: يا سمحه…
اني قاطعتها: بعدين بعدين نكلمك باي…
سمعت صوت باب حوش دسيت تليفون وطلعت نجري لقيت بابا..
اني: بابا خديت دواك
بابا داهش: اي
اني: خيرك بابا؟
بابا: خيرني
اني: خيرك داهش وتاعب
بابا: ااه كنت نكمل في اجراءات طلاق امك
اني وكأن حد صب عليا مايه مصقعه: ككيف!
بابا: شن هو لي كيف
اني خنقتني عبره: يعني مافيش امل؟
بابا نتفض: شن مافيش امل هدي؟…. خلاص ماء وملح وخف وتمت ودنيا نصيبات
خشيت لداري واني منقهره وفاقده امي بجد فاقدتها ومستاحشتها في نهايه امي يا ناس ?تقهر وربي على قد ما امي عدبتني و قهرتني في حياتي على قد ما نقهرت على فقدانها ?من كثر ما بكيت لين راسي اصدع ومعاش نقدر نبكي ونخنقت… و سميه تتصل وتعاود واني نردش اخر شي رديت…
سميه بعصبيه: منحبش من يقاطعني ويصكر عليااا
اني: هئحم معلش اضطريت نصكر
سميه مستغربه: خيره صوتك؟.. فيك شي
“جت على جرح تماما اخخخ بالله قصدك ” شن لي ما فيش ”
اني نقهرت من سؤالها: ولا شي..
سميه: براحتك عموما بتجي غدوا؟
اني تنهدت: نسأل بوي قبل ويصير خير
سميه: اوك ليلتك سعيده
اني: ليلتك اسعد
وصكرت الخط ونضت درت عشي بوي وحطيتله العشي
بوي: قعمزي
قعمزت…
بقلم فاطمه سالم
بوي تنهد: ياابنتي والله كنت ما نبي نوصلكم للمرحله اهيا بس انتي شفتي امك واهمالها بيك وقسوتها عليك من دون خوتك بلا بسبب واهمالها ليا وتعارض فيا وتعاند فيا حتى على حساب مصلحتكم كله كله عشان تمشي كلمتها…. يابنتي راهو السكن مهوش صقف واربع سيسان وتمت لا السكن هو يكون فيه سكون وتفاهم وكل سبل راحه وكل راي يتخد على قناعه وتفاهم ويرضي جميع اطراف راهو ماهي راي سلطه ره حتى سلطه رئاسيه تاخد في قراراتها براي العام والشعب…. وانتي شفتي خوك كيف انضل قعد مضلول وكل يوم مشكله حشمني بين ناس في مدارس حشمني في جامعه ما يحضرش في ولا محاضره لدرجه الاستاد استغرب وقال لي ماعمريش شايفه يابنتي والله قهرني في عقاب عمري…. وكل من مني من امك نقول تطلعش هي تقول اطلع في كل حاجه معارضتني عناد فيا لين خوك كرهني ومعرفش صواب من الغلط
اني:….. يتبع