رواية أنحراف فوشيكا
ﺭﻭﺍﻳﺔ : ﺍﻧﺤﺮﺍﻑ ﻓﻮﺷﻴﻜﺎ
ﺍﻟﺤﻠﻘﺔ : ﺛﺎﻟﺖ ﻋﺸﺮ ﻣﻘﺎﺑﻞ ﺍﻻﺧﻴﺮﺓﻩ
ﺑﻘﻠﻢ ﻓﺎﻃﻤﻪ ﺳﺎﻟﻢ ..…… ﺍﻧﻲ : ﺷﻦ ﻫﻮ ﺍﻟﺸﻐﻞ؟ﺳﻤﻴﻪ : ﻳﺎﺳﺘﻲ ﺍﺳﺘﻨﻲ ﻧﻐﺴﻞ ﺷﻌﺮﻱ ﻭﺑﻌﺪﻳﻦ ﻧﻌﻄﻴﻚ ﺭﻗﻤﻲ ﺑﺲ ﻫﺎﺍﺍ ﺍﺻﺤﻜﻚ ﺗﻘﻮﻟﻲ ﻋﻠﻰ ﺷﻐﻞ ﻫﺎﺩﺍ ﻟﻲ ﻧﺠﻤﻪ “ ﺍﻡ ﺭﻳﺤﺎﻥ ” ﻓﺎﻫﻤﻪ ﻭﻻ ! ﺍﻧﻲ : ﺍﻥ ﺷﺎﺀ ﺍﻟﻠﻪ ﺣﺎﺿﺮ … ﻛﻤﻠﺖ ﺗﺴﻠﻔﻴﺮ ﻭﻏﺴﻠﺖ ﺍﻳﺪﻳﺎ ﻭﻗﻌﻤﺰﺕ ﻧﻔﻜﺮ ﻓﻲ ﺍﻟﺸﻐﻞ ﻫﺎﺩﺍ ﺷﻨﻮ ! ؟ .… ﻭﺷﻮﻱ ﻭﺟﺖ ﺭﻳﺤﺎﻥ ﻓﺮﺣﺖ ﺑﻴﻬﺎ ﻭﻫﺪﺭﺯﻧﺎ ﻭﻫﻚ ﻭﺷﻮﻱ ﺭﻳﺤﺎﻥ ﺍﻟﺘﻔﺘﺖ ﺟﻴﻬﺔ ﺳﻤﻴﻪ ﺑﻘﺮﻑ ﻭﺗﻜﻠﻤﺖ ﺑﺼﻮﺕ ﻭﺍﻃﻲ
ﺭﻳﺤﺎﻥ : ﺭﻳﻮﻣﻪ ﺭﺩﻱ ﺑﺎﻟﻜﻚ ﻣﻦ ﻫﺪﻱ
ﺍﻧﻲ : ﺳﻤﻴﻪ !
ﺭﻳﺤﺎﻥ : ﺍﻳﻲ ﺭﺩﻱ ﺑﺎﻟﻚ ﻣﻨﻬﺎ .… “ ﺳﻜﺘﺖ ﺷﻮﻱ ﻭﻓﻨﺼﺖ ﻭﻗﺮﺑﺘﻠﻲ ﺑﺤﺪﻩ …“ ﻣﻦ ﻭﻳﻦ ﺗﻌﺮﻓﻴﻬﺎ !! ؟
ﺍﻧﻲ ﺍﺭﺗﺒﻜﺖ ﻭﺯﻣﻄﺖ ﺭﻳﻘﻲ : ﻧﻌﺮﻓﻬﺎﺵ ﻣﺎ ﻏﺮ ﺳﻠﻔﺮﺕ ﺷﻌﺮﻫﺎ
ﺭﻳﺤﺎﻥ ﺿﻐﻄﺖ ﻋﻠﻰ ﺍﻳﺪﻱ ﺑﻘﻮﻩ ﻭﺭﻛﺰﺕ ﻓﻴﺎ : ﻣﺎ ﻗﺎﻟﺘﻠﻜﺶ ﺣﺎﺟﻪ ﻫﻜﻲ ﻭﻻ ﻫﻜﻲ !
ﺍﻧﻲ ﺯﻣﻄﺖ ﺭﻳﻘﻲ ﺑﺨﻮﻑ : ﻛﻴﻒ ﻳﻌﻨﻲ ! ؟
ﺭﻳﺤﺎﻥ ﺟﺒﺪﺗﻨﻲ ﻟﻴﻬﺎ ﻭﺧﻀﺘﻨﻲ : ﻗﺘﻠﻚ ﻗﺎﻟﺘﻠﻚ ﺷﻲ ﺧﺎﺭﺝ ﺻﺒﻐﻪ ﻭﺍﻟﺸﻐﻞ ﻭﻻﻻ ﺟﺎﺍﺍﻭﺑﻴﻨﻲ ! ؟
ﺍﻧﻲ : ﺍﺍﺍ ﻻﻻ ﺯﻱ ﺷﻦ ﺑﺘﻘﻮﻝ !
ﺭﻳﺤﺎﻥ ﺿﻴﻘﺖ ﻋﻴﻮﻧﻬﺎ ﺑﺸﻚ : ﺭﺩﻱ ﺑﺎﻟﻚ ﺍﺭﻳﺎﻡ ﺭﺩﻱ ﺑﺎﺍﺍﻟﻚ ﺗﺨﺸﻲ ﻓﻲ ﺩﻭﺍﻭﻱ ﻣﻠﻴﻬﻨﺶ ﺍﺧﺮ ﺭﻩ ﺑﻌﺪﻳﻦ ﻓﻲ ﻛﻼﻡ ﺗﺎﻧﻲ ﻓﺎﻫﻤﻪ ﻭﻻ …
“ ﻧﺎﺿﺖ ﻣﻦ ﺑﺤﺪﺍﻱ ﻭﻗﻌﺪﺕ ﺗﺸﺘﻐﻞ ﻭﺧﻠﺘﻨﻲ ﻣﺴﺒﻮﻫﺔ ﻓﻲ ﻛﻼﻣﻬﺎ ﻟﻲ ﻗﺎﻋﺪ ﻳﺰﻥ ﻓﻲ ﻭﺩﻧﻲ ﻭﺧﻮﻓﻨﻲ ”
ﺍﻟﺘﻔﺘﺖ ﺟﻴﻬﺔ ﺭﻳﺤﺎﻥ ﻟﻘﻴﺘﻬﺎ ﺗﺨﻨﺴﻠﻲ ﺑﺠﺪ ﺧﻮﻓﺘﻨﻲ ﻭﺣﺘﻰ ﻟﻜﻨﺘﻬﺎ ﻛﻴﻒ ﺗﺤﻜﻲ ﺭﻋﺸﺘﻨﻲ .… ﻟﻤﻠﻤﺖ ﺍﻓﻜﺎﺭﻱ ﻭﻭﺍﺳﻴﺖ ﺣﻮﺍﻳﺠﻲ ﻭﻣﺸﻴﺖ ﻟﻲ ﺳﻤﻴﻪ ﺑﻲ ﺍﻟﻔﻢ ﺳﺎﻛﺖ ﻭﻫﻲ ﺗﺸﻮﻓﻠﻲ ﻭﻓﻲ ﻋﻴﻮﻧﻬﺎ ﻛﻼﻡ ﻭﺍﻧﻲ ﺣﺎﻭﻟﺖ ﻧﺘﺠﺎﻫﻞ ﺍﻓﻜﺎﺭﻱ ﻭﻧﻈﺮﺍﺗﻬﺎ ﻭﻧﻈﺮﺍﺕ ﺭﻳﺤﺎﻥ ﻟﻲ ﺭﺑﻜﺘﻨﻲ ﻭﻣﺸﻲ ﺍﻟﺠﻮ ﻣﺴﺘﺘﺐ ﻋﻠﻰ ﺭﻏﻢ ﻣﻦ ﺍﺭﺗﺒﺎﻙ ﻋﺮﻗﺖ .…
ﻏﺴﻠﺖ ﺷﻌﺮ ﺳﻤﻴﻪ ﻭﺩﺭﺗﻠﻪ ﺑﻠﺴﻢ ﻭﺧﻠﻴﺘﻬﺎ ﺗﺘﻔﺎﻫﻢ ﻣﻊ ﺍﻡ ﺭﻳﺤﺎﻥ ﻋﻠﻰ ﺍﻟﺴﻌﺮ ﻭﻟﺒﺴﺖ ﻋﺒﺎﻳﺘﻲ ﻭﻭﺷﺎﺣﻲ ﻭﻏﺴﻠﺖ ﻭﺟﻬﻲ ﻣﻦ ﻋﺮﻕ ﻭﻃﻠﻌﺖ ﻭﻋﻘﻠﻲ ﻓﻲ ﻋﺎﻟﻢ ﺗﺎﻧﻲ ﺗﺒﻌﺪﺕ ﺷﻮﻱ ﺳﻤﻌﺖ ﺻﻮﺕ ﺳﻴﺎﺭﻩ ﺍﻟﺘﻔﺘﺖ ﻟﻘﻴﺖ ﺳﻤﻴﻪ ﻃﺎﻟﻌﻪ ﻣﻦ ﺍﻟﻤﺰﻳﻦ ﻭﻧﺰﻝ ﺭﺍﺟﻞ ﻣﻦ ﺳﻴﺎﺭﻩ ﻓﺘﺤﻠﻬﺎ ﺍﻟﺒﺎﺏ
ﻣﻮﺍﺻﻔﺎﺕ ﺭﺍﺟﻞ “ ﻭﺳﻴﻢ ﻭﻫﻨﺪﺍﻡ ﺭﺍﻗﻲ ﻣﺜﻴﻞ ﻟﻲ ﺍﻻﻣﻴﺮ ﻭﺳﻨﺪﺭﻳﻼ ﻭﻛﻴﻒ ﻓﺘﺤﻠﻬﺎ ﺍﻟﺒﺎﺏ ﻭﻃﺮﻳﻘﻪ ﺍﻟﻮﻗﻔﻪ ﻭﻣﻼﺑﺲ ﻭﻧﻈﺎﺭﺍﺕ ﺗﻘﻮﻝ ﺍﻥ ﻣﻦ ﺍﻓﻀﻞ ﻭﺍﺭﻕ ﺍﻧﺴﺎﻥ ﻋﻠﻰ ﻭﺟﻪ ﺍﻻﺭﺽ ” ﻭﻣﺸﺖ ﺍﻟﺴﻴﺎﺭﻩ …
ﻭﻗﻌﺪﻭ ﺍﻻﻓﻜﺎﺭ ﻓﻲ ﺭﺍﺳﻲ ﻣﻦ ﻛﻞ ﺗﺮﻛﻴﻨﻪ .…
ﺯﻋﻤﺎ ﻧﺨﺪﻡ ﺍﻟﺨﺪﻣﻪ ﻫﺪﻱ؟
ﺑﺲ ﻟﻴﺶ ﺭﻳﺤﺎﻥ ﻗﺎﻟﺖ ﻫﻜﻲ ! ؟
ﺑﺲ ﺷﻜﻠﻬﻢ ﻭﻃﺮﻳﻘﻪ ﻛﻼﻣﻬﻢ ﺭﺍﻗﻴﻪ !
ﺯﻋﻤﺎ ﻟﻮ ﺍﺷﺘﻐﻠﺖ ﻫﻜﻲ ﻧﻜﻮﻥ ﺯﻳﻬﻢ ﻭﻧﻌﻴﺶ ﻓﻲ ﻋﻴﺸﻪ ﺳﻤﺤﻪ ! ؟؟
ﺍﻻﻓﻜﺎﺭ ﻫﺪﻱ ﺍﺩﻭﺭ ﻓﻲ ﺭﺍﺳﻲ ﻃﻮﻝ ﻃﺮﻳﻖ ﻟﻌﻨﺪ ﻭﺻﻠﺖ ﻟﻠﺤﻮﺵ ﺑﺪﻭﻥ ﺍﺩﺭﺍﻙ .…
ﺧﺸﻴﺖ ﺍﻟﺤﻮﺵ ﻭﻟﻘﻴﺖ ﺣﻮﺷﻨﺎ ﻣﻘﻠﻮﺏ ﺗﻤﺎﻣﺎ …
ﺑﻮﻱ : ﺍﻩ ﻳﺎﺍﺍ ﺍﺯﺩﻫﺎﺭ ﻗﻮﻟﻲ ﻟﻲ ﺍﻣﻚ ﺗﺠﻴﺒﻠﻲ ﺯﻳﺖ ﺯﻳﺘﻮﻥ
ﺍﺯﺩﻫﺎﺭ : ﻳﻤﺎ ﻧﻮﺿﻲ ﻳﺎﻩ ﺗﻌﺒﺖ
ﺍﻣﻲ : ﺍﻓﻔﻒ ﺷﻦ ﻫﺎﻟﻌﻴﺸﻪ ﻫﺪﻱ ﻭﺧﻼﺹ ﺭﻳﺤﻮﻧﻲ ﻳﺎﻩ
ﺑﻮﻱ : ﺗﻲ ﻳﺎ ﻣﺮﺍ ﺗﻌﺎﻟﻲ ﻟﻴﺎ ﺍﺳﺒﻮﻉ ﻣﺎ ﺧﺸﻴﺖ ﺣﻤﺎﻡ ﺑﻄﻨﻲ
ﺍﻣﻲ : ﻭﺷﻦ ﺑﻨﺪﻳﺮﻟﻚ ﺍﻧﻲ ﻃﺎﻟﻖ ﺑﻨﺘﻚ ﻫﺪﻳﻜﺎ ﻃﻮﻟﻬﺎ ﻃﻮﻝ ﻋﺼﺎﺗﻬﺎ ﺍﺷﺒﺢ ﻭﻳﻦ ﺍﺩﻭﺡ
ﺑﻮﻱ : ﺗﻲ ﺣﺮﺍﻡ ﻋﻠﻴﻚ ﺍﻟﺒﻨﺖ ﺧﻠﻴﻬﺎ ﺗﺨﺪﻡ ﻋﻠﻰ ﺭﺍﺳﻬﺎ ﻭﺍﻟﻬﻲ ﺑﻲ ﺑﻨﺘﻚ ﻫﺪﻱ ﻭﻭﻟﺪﻙ ﻭﺭﻳﺤﻴﻨﺎ
ﺍﻣﻲ : ﺍﻱ ﺯﻳﺪ ﺯﻳﺪ ﺩﻟﻌﻬﺎ ﻟﻴﻦ ﺍﺩﻳﺮﻟﻚ ﺧﺎﺭﻗﻪ
ﺑﻮﻱ : ﺑﻨﺘﻲ ﻭﺍﻧﻲ ﺣﺮ ﻓﻴﻬﺎ
ﺍﻣﻲ : ﺗﻮ ﺗﻨﻔﻌﻚ
ﺑﻮﻱ : ﺍﻩ ﻳﺎﺍﺍﺭﺑﻲ ﺗﻲ ﻧﻮﺿﻲ ﻳﺎﻣﺮﺍ ﺍﺳﺘﻬﺪﻱ ﺑﺎﻟﻠﻪ ﻭﺩﻳﺮﻳﻠﻲ ﻋﺸﺒﻪ ﺳﻠﻤﻨﻜﻲ ﺧﻠﻲ ﺗﺮﻳﺤﻨﻲ ﺷﻮﻱ ﺭﺍﻧﻲ ﻣﺶ ﻗﺎﺩﺭ ﻧﺎﻛﻞ ﺷﻲ ﻋﻨﺪﻱ ﺍﻣﺴﺎﻙ
.…
ﻫﺪﺍ ﻛﻠﻪ ﻭﺍﻧﻲ ﻓﻲ ﻋﺘﺒﻪ ﺍﻟﺒﺎﺏ … ﻣﻌﻘﻮﻟﻪ ﻧﻐﻴﺐ ﻋﻠﻰ ﺣﻮﺵ ﺳﺎﻋﺎﺕ ﺑﺲ ﻭﻳﺤﻜﻮ ﻋﻠﻴﺎ ﻫﻜﻲ ! ؟ … ﻭﻣﻦ ﻣﻨﻲ؟ … ﺍﻣﻲ …!! ﺷﻦ ﻧﺮﺍﺟﻲ ﻣﻦ ﺍﻟﻨﺎﺱ ﺑﺲ …!! ﻣﺴﺤﺖ ﺩﻣﻮﻋﻲ ﻋﺸﺎﻥ ﻣﺨﻨﻮﻭﻗﻪ ﺣﺘﻰ ﺩﻣﻮﻉ ﺟﻔﻮ ﺍﺻﻼ … ﻭ ﺧﺸﻴﺖ
ﺍﻣﻲ : ﺧﻴﺮ ﺧﻴﺮ ﺑﺎﻫﻲ ﻟﻲ ﺷﺮﻓﺘﻲ ﻭﻳﻦ ﺍﺩﻭﺣﻲ؟
ﺗﺠﺎﻫﻠﺘﻬﺎ ﻭﻻ ﺷﺒﺤﺘﻠﻬﺎ ﺣﺘﻰ ﻭﻭﺟﻬﺖ ﺍﻫﺘﻤﺎﻣﻲ ﻟﻲ ﺑﺎﺑﺎ : ﻛﻴﻒ ﺣﺎﻟﻚ ﺑﻮﻱ
ﺑﻮﻱ : ﺑﻄﻨﻲ ﻫﻼﻳﺎﻡ ﻧﺤﺲ ﻓﻴﻬﺎ ﻭ ﻟﻴﺎ ﺍﻳﺎﻡ ﻣﺎ ﻛﻠﻴﺘﺶ
ﺍﻧﻲ : ﻧﻌﻄﻴﻚ ﺯﻳﺖ ﺯﻳﺘﻮﻥ !
ﺑﻮﻱ : ﺑﻪ
ﺍﻣﻲ : ﻭﻣﻦ ﻭﻳﻨﻠﻚ ﺍﻟﺰﻳﺖ ﺍﻟﺰﻳﺘﻮﻥ ﻭﻻ ﺩﺍﺳﺘﻴﻪ !
ﺧﺸﻴﺖ ﻛﻮﺟﻴﻨﻪ ﺑﺪﻭﻥ ﻣﺎ ﻧﺮﺩ ﻋﻠﻴﻬﺎ ﻭﺻﺒﻴﺖ ﺍﻟﺰﻳﺖ ﻓﻲ ﺻﻮﻧﻴﻪ ﻭﺣﻄﻴﺖ ﺧﺒﺰﻩ ﻓﺮﻥ ﻭﺣﻄﻴﺘﻬﻢ ﻟﻲ ﺑﻮﻱ
ﺑﻮﻱ : ﺷﻨﻮ ﺟﺒﺘﻲ ! ؟
ﺍﻧﻲ : ﺯﻳﺖ ﺯﻳﺘﻮﻥ ﻭﺧﺒﺰﻩ ﻓﺮﻥ
ﺑﻮﻱ : ﻻﻻ ﻣﻌﺠﻨﺎﺕ ﻣﺎﻧﺒﻴﺶ ﻋﻨﺪﻱ ﺍﻣﺴﺎﻙ ﺻﺒﻴﻠﻲ ﺯﻳﺖ ﺯﻳﺘﻮﻥ ﻓﻲ ﻃﺎﺳﻪ ﻭﻋﻄﻴﻬﻠﻲ ﻭﺧﻼﺹ
ﺍﻧﻲ : ﺑﻪ
ﺧﺪﻳﺖ ﺻﻮﻧﻴﻪ ﻭﺻﺒﻴﺖ ﺍﻟﺰﻳﺖ ﻓﻲ ﻃﺎﺳﻪ ﻭﻣﻌﺎﻩ ﻣﻴﺎﻩ ﻣﺮﻗﻴﻪ ﻭﻋﻄﻴﺘﻪ ﻟﻲ ﺑﺎﺑﺎ ﻭﺧﺸﻴﺖ ﺑﺪﻟﺖ ﺩﺑﺸﻲ ﻭﺗﻮﺿﻴﺖ ﻭﺻﻠﻴﺖ ﻣﻐﺮﺏ ﻭﻃﻠﻌﺖ ﻟﻲ ﺑﻮﻱ ..
ﺍﻧﻲ : ﺷﻨﻲ ﺑﻮﻱ ﻛﻴﻒ ﺣﺎﻟﻚ ﺗﻮﺍ ﺗﺤﺴﻨﺖ ﻭﻻﻻ؟
ﺑﻮﻱ : ﺣﻤﺪﺍﻟﻠﻪ ﺗﺤﺮﻛﺖ ﺗﻮﺍ ﻓﻲ ﻏﺎﺯﺍﺕ
ﺍﻧﻲ : ﺑﻪ ﺣﻤﺪﺍﻟﻠﻪ … ﻋﺎﻳﻨﺖ؟
ﺑﻮﻱ : ﻻ ﻟﻜﻦ ﻛﺎﻥ ﻣﺎ ﻓﻴﺶ ﻓﺎﻳﺪﻩ ﺑﻨﻌﺎﻳﻦ ﻭﺧﻼﺹ
ﺍﻧﻲ : ﺍﻥ ﺷﺎﺀ ﺍﻟﻠﻪ ﺧﻴﺮ ﻭﻻﺯﻡ ﺗﻌﺎﻳﻦ … ﺗﺒﻲ ﺷﻲ ﺑﻮﻱ ! ؟
ﺑﻮﻱ : ﺳﻼﻣﺘﻚ
ﺍﻧﻲ : ﻧﻘﺮﺿﻠﻚ ﺳﻼﻃﻪ؟
ﺑﻮﻱ : ﻻﻻ
“ ﻭﻫﺪﺍ ﻛﻠﻪ ﻭﺍﻣﻲ ﺗﺸﺒﺤﻠﻲ ﻓﻲ ﺷﺒﺤﺎﺕ ﻗﺮﻳﺐ ﺗﺎﻛﻠﻨﻲ ﻭﺍﺯﺩﻫﺎﺭ ﺷﺎﺩﻩ ﺗﻠﻴﻔﻮﻧﻬﺎ ﻭﻭﻻ ﻛﺄﻧﻬﺎ ﻭﻭﻟﻴﺪ ﺑﺎﻳﺖ ﻋﻨﺪ ﺻﺤﺎﺑﻪ ﺍﻛﻴﺪ ﻳﺘﻤﻌﺸﻖ ﻭﺧﻼﺹ ”
ﺗﻨﻬﺪﺕ ﻭﻗﻠﺖ : ﺗﺼﺒﺢ ﻋﻠﻰ ﺧﻴﺮ ﺑﻮﻱ
ﺍﺯﺩﻫﺎﺭ : ﻭﺧﻴﺮﻧﺎ ﺍﺣﻨﻲ ﻣﺶ ﺑﺸﺮ ! ؟
ﺧﺸﻴﺖ ﻋﻨﻬﺎ ﻟﺪﺍﺭﻱ ﻭﻗﺮﻳﺖ ﺍﺫﻛﺎﺭ ﻣﺴﺎﺀ ﻭﺭﻗﺪﺕ .…
ﻧﻀﺖ ﺍﻟﺼﺒﺢ ﻋﻠﻰ ﺻﻮﺕ ﺑﻮﻱ …
ﺑﻮﻱ : ﻳﺎ ﻣﺮﺍ ﻳﺎ ﻭﻟﻴﺪ ﻧﻮﺿﻮ ﺍﻩ ﻧﻮﻭﺿﻮ ﻣﻌﺎﺵ ﻧﻘﺪﺭ ﻧﻮﻭﺿﻮ ﺍﺭﻓﻌﻮﻧﻲ ﻟﻲ ﺗﻮﻧﺲ
ﻧﻀﺖ ﻭﺍﻧﻲ ﻣﺨﻠﻮﻋﻪ ﻧﺠﺮﻱ …
ﺍﻧﻲ : ﺧﻴﺮ ﺷﻦ ﻓﻴﻚ ﺑﺎﺑﺎ ﺧﻴﺮﻙ
ﺑﻮﻱ ﺷﺒﺤﻠﻲ ﻭﻋﻴﻮﻧﻪ ﺭﻗﺮﻗﻮ ﻭﺍﺿﺒﻄﻨﻲ : ﻣﺎﻓﻴﺶ ﺷﻲ ﻳﺎﺑﺎﺑﺎ ﻣﺎﻓﻴﺶ ﺷﻲ ﺗﺮﻋﺸﻴﺶ ﺭﻭﺣﻚ ﺍﻩ ﻏﺮ ﻧﻮﺿﻴﻬﻢ ﺧﻠﻲ ﻧﻤﺸﻲ ﻟﻲ ﺗﻮﻧﺲ ﺑﻨﻌﺎﻳﻦ ﻭﻻ ﻳﺪﻳﺮﻭﻟﻲ ﺣﻞ
ﺍﻧﻲ : ﺑﺎﺑﺎ ﻧﻌﻄﻴﻚ ﺯﻳﺖ ﺑﺎﻫﻲ؟
ﺑﻮﻱ : ﻏﺮ ﻧﻮﺿﻴﻬﻢ ﺑﻌﺪﻳﻦ ﺳﺎﻫﻞ
ﺍﻧﻲ : ﺑﻪ
ﻣﺸﻴﺖ ﻟﻲ ﺍﻣﻲ ..
ﺍﻧﻲ : ﻳﻤﺎ ﻣﺎﻣﺎ ﻳﺎﻣﺎﻣﺎ ﻧﻮﺿﻲ
ﻣﺎﻣﺎ : ﻫﻤﻤﻢ ﺧﻴﺮﻙ
ﺍﻧﻲ : ﻧﻮﺿﻲ ﺑﺎﺑﺎ ﻣﺮﻳﺾ ﺑﻴﻤﺸﻲ ﻟﺘﻮﻧﺲ
ﻣﺎﻣﺎ : ﺍﻳﻴﻴﻪ ﻋﻠﻴﻨﺎ ﻛﺎﻧﻬﻮ ﺑﻴﻤﻮﺕ ﺗﻮﻧﺲ ﻣﺎ ﺑﺘﻜﺘﺒﻠﻪ ﻋﻤﺮ ﺟﺪﻳﺪ ﺑﺎﻟﻠﻪ ﻓﻜﻴﻨﻲ ﻣﻨﻪ ﺗﺮﺍ
ﻭﺟﻌﻨﻲ ﻛﻼﻣﻬﺎﺍﺍ ﻭﺗﻜﻠﻤﺖ ﺑﺼﻮﺕ ﻋﺎﻟﻲ : ﻣﺎﺍﻣﺎ ﺧﻴﺮﻙ !!
ﻣﺎﻣﺎ : ﻃﻔﻲ ﺍﻟﻀﻲ ﺗﺮﺍ ﻭﺩﺭﻗﻲ ﻭﺟﻬﻚ
ﺑﺎﺑﺎ ﻓﻲ ﺍﻟﻤﻤﺮ ﺑﺼﻮﺕ ﻋﺎﻟﻲ ﻳﻌﺎﺭﻙ : ﻧﻮﻭﺿﻲ ﻧﻮﻭﺿﻲ ﻳﺎﻣﺮﺍ ﺗﺤﺸﻤﻲ ﻋﻠﻰ ﻭﺟﻬﻚ ﻭﺍﻻ ﻭﺍﻟﻠﻪ ﻧﻤﺸﻲ ﺑﺮﻭﺣﻲ ﺍﻟﻠﻪ ﻭﺗﻮﺻﻠﻚ ﻭﺭﻗﺘﻚ ﻓﻲ ﺣﻮﺵ ﻫﻠﻚ
ﻣﺎﻣﺎ ﻧﺎﺿﺖ ﻓﻨﺼﺖ ﻋﻴﻮﻧﻬﺎ ﻭﻗﻌﺪﺕ ﺍﺗﻤﺘﻢ ﻭﺗﺪﻋﻲ ﻭﻭﺗﺖ ﺍﻟﺸﻨﺎﻃﻲ ﻭﺑﺎﺑﺎ ﻗﻌﺪ ﻳﻮﺗﻲ ﻓﻲ ﺍﻟﻮﺭﺍﻕ ﻭﺍﻧﻲ ﻣﺸﻴﺖ ﻟﻲ ﺍﺯﺩﻫﺎﺭ ﻧﻮﺿﺘﻬﺎ ﻋﻠﻰ ﺭﻏﻢ ﻧﺒﻴﺶ ﻧﻜﻠﻤﻬﺎ ﺑﺲ ﻋﻠﻰ ﺧﺎﻃﺮ ﺑﺎﺑﺎ ﺑﺲ .… ﻭﻃﻮﻝ ﺍﻟﻮﻗﺖ ﻧﺪﻋﻲ ﺍﻥ ﺑﺎﺑﺎ ﻣﺎ ﺳﻤﻌﺶ ﻛﻼﻡ ﻣﺎﻣﺎ ﺷﻦ ﻗﺎﻟﺖ ﺑﺲ ﻭ ﺧﺸﻴﺖ ﺩﺍﺭ ﻭﻟﻴﺪ ﻣﻠﻘﻴﺘﺎﺵ ﺍﻟﺒﺎﻳﻦ ﺑﺎﻳﺖ ﻋﻨﺪ ﺻﺤﺎﺑﻪ ﻓﺎ ﻣﺸﻴﻨﺎ ﺍﺣﻨﻲ ﺍﻻﺭﺑﻌﻪ ﻭﺧﻼﺹ …
ﻭﻃﻮﻝ ﻃﺮﻳﻖ ﻧﻌﻄﻲ ﻓﻲ ﺑﺎﺑﺎ ﺯﻳﺖ ﺍﻟﺰﻳﺘﻮﻥ ﻭﻧﻬﺪﺭﺯﻭ ﻟﻌﻨﺪ ﻗﺮﻳﺐ ﻧﻄﻠﻌﻮ ﻣﻦ ﺑﻮﺍﺑﻪ ﻟﻴﺒﻴﺎ ﻗﻌﺪﺕ ﻧﻜﺘﺐ ﻓﻲ ﻣﺪﻛﺮﺗﻲ ﺑﺎﺵ ﻧﺒﻌﺘﻬﺎ ﻟﻲ ﻓﺎﻃﻤﻪ ﺳﺎﻟﻢ …
.…
ﺍﻟﺪﻧﻴﺎ ﻋﻮﺍﺋﻖ .…
ﻣﺮﺍﺕ ﺗﻜﻮﻥ ﺻﺤﺘﻚ ﻋﺎﺋﻖ ﻣﺮﺍﺕ ﻳﻜﻮﻥ ﺷﺨﺺ ﻳﻌﻴﻖ ﻃﺮﻳﻘﻚ …
ﺑﺲ ﻣﺸﻜﻠﻪ ﻭﻳﻦ .…
ﻣﺸﻜﻠﻪ ﻳﻜﻮﻥ ﻗﺮﻳﺒﻚ ﻋﺎﺋﻖ .…
ﻣﺜﻞ ﺣﺒﻴﺐ ﺍﻭ ﺍﺏ ﺍﻭ ﺍﺥ ﻳﻜﻮﻥ ﻋﺎﻕ
ﻳﻜﻮﻧﻮ ﻣﺶ ﻣﺤﺘﻮﻳﻨﻚ … ﻭﻳﻜﻮﻥ ﺍﻋﺘﻘﺎﺩﻫﻢ ﻗﺎﺻﺮ …
ﺑﺄﻥ ﻋﻨﺪﻫﻢ ﻛﻤﺎﻟﻴﺎﺕ ﻭ ﺍﺳﺎﺳﻴﺎﺕ ﻫﻢ ﻣﺎﺩﻳﺎﺕ …
ﺍﺳﺎﺳﻴﺎﺕ ﻫﻢ ﻣﺸﺎﻋﺮ ﻭﺍﻻﺣﺴﺎﺱ ﻭﺍﺣﺘﻮﺍﺀ …
ﺍﺳﺎﺳﻴﺎﺕ ﻫﻲ ﺍﻟﺤﺐ
ﺍﻥ ﺍﻡ ﺗﺤﺒﻚ ﻭﺗﺤﺘﻮﻳﻚ ﻭﺍﻻﺏ ﻳﺴﻨﺪﻙ ﻭﻳﻀﺤﻲ ﻋﻠﻴﻚ ﻣﺶ ﺑﻴﻚ
… ﻭﺍﻻﺥ ﻳﺨﺎﻑ ﻋﻠﻴﻚ ﻭﻳﻌﻠﻤﻚ ﻭﺣﺒﻴﺐ ﻳﺤﺒﻚ ﻭﻣﺎ ﻳﺨﻠﻴﻚ ﻭﻳﺪﻋﻤﻚ ﻭﻳﻬﻨﻴﻚ …
ﺣﺘﻰ ﺗﻌﺒﻴﺮ ﻟﻴﻪ ﻧﻐﻤﻪ ﻣﻤﻴﺰﻩ ﻓﻤﺎ ﺑﺎﻟﻚ ﺍﻻﻓﻌﺎﻝ !
ﺡ ﺗﻜﻮﻥ ﺟﻨﺔ ﺍﻻﻓﻌﺎﻝ ..
..… ﺧﻠﻮﻧﻲ ﻧﺤﻜﻲ ﻣﻘﺘﺒﺲ ﻣﻦ ﻗﺼﺘﻲ ﻭﺑﺠﺪ ﺷﻜﺮﺍ ﻟﻲ ﻓﺎﻃﻤﻪ ﺳﺎﻟﻢ ﺍﺗﺎﺣﺖ ﻟﻲ ﺍﻥ ﻧﺤﻜﻲ ﻛﻞ ﺷﻲ ﺑﺘﻔﺼﻴﻞ ﻭﻫﻲ ﺗﻌﺒﺮ ﻋﻠﻰ ﻣﻌﺎﻧﺎﺗﻲ ﺷﻜﺮﺍ ﻋﺰﻳﺰﺗﻲ .…
.…
ﺍﺳﻤﻲ ﺍﺭﻳﺎﻡ ﻧﻘﺮﺍ ﺷﻬﺎﺩﻩ ﺗﺎﻧﻮﻳﻪ .… ﻋﻴﻠﺘﻲ ﻣﻮﻗﻌﻬﺎ ﺑﺪﻭﻱ ﻭﻟﻜﻨﻬﺎ ﺣﻀﺎﺭﻳﻪ ﻭﺑﻮﻱ ﺭﺟﻞ ﺷﺮﻗﻲ ﻳﻌﺘﺒﺮ ﻭﺣﺰﺍﺭ ﻭﺍﻣﻲ ﺍﻧﺴﺎﻧﻪ ﻗﺎﺳﻴﻪ ﻭﻣﻬﻤﻠﻪ ﻭﺧﻮﻱ ﺷﺨﺺ ﻻ ﻳﻬﺘﻢ ﻭﺍﺧﺘﻲ ﻟﻴﺲ ﻟﻬﺎ ﻣﻌﻨﻰ ﺍﻻ ﺍﻧﻬﺎ “ ﺧﺎﺋﻨﻪ ﻭﺍﺧﺘﻲ ﻗﺪﺭﻱ ﻭﻟﻴﺴﺖ ﻗﺪ ﻣﻘﺎﻡ ﺍﻻﺳﻢ ” ﻭﻟﻜﻦ ﺣﺘﻰ ﺑﻴﺌﻪ ﻟﻬﺎ ﺗﺄﺛﻴﺮ ﻛﺒﻴﺮ ﻓﺎ ﺍﻛﻴﺪ ﻣﻌﺘﻘﺪﺍﺕ ﻋﻴﻠﺘﻨﺎ ﺗﻘﻠﻴﺪﻳﻪ ﻭﻧﻮﻋﺎ ﻣﺎ ﺣﻀﺎﺭﻳﻪ .…
……
ﺩﺭﺕ ﺣﻔﻆ ﻭﺻﻜﺮﺕ ﺍﻟﻔﻮﻥ ﻭﻭﺻﻠﻨﺎ ﻓﻲ ﺣﺪﻭﺩ ﺗﻮﻧﺴﻴﻪ … ﻟﻘﻴﺖ ﺍﺳﺘﺎﺩ ﻓﺎﺭﺱ ﻟﻲ ﻛﻨﺖ ﻣﻌﺎﻩ ﻋﻠﻰ ﻋﻼﻗﻪ …
ﺑﺲ ﻭﻗﺘﻬﺎ ﻛﺎﻥ ﺧﺎﻃﻒ ﺑﻨﺖ ﻭﻟﻤﺎ ﺷﺎﻓﻨﻲ ﺷﻔﺘﻪ ﺗﻐﻴﺮﻭ ﻣﻼﻣﺤﻪ ﻭﻗﻌﺪ ﻳﻤﺸﻲ ﻭﺭﺍﻧﺎ …
ﻭﻑ ﺣﺪﻭﺩ ﺗﻮﻧﺴﻴﻪ ﺗﻌﻄﻞ ﺗﺒﺪﺍ ﺗﺴﺘﻨﻰ ﻻﻥ ﻃﺎﺑﻮﺭ …
ﻭﻟﺴﺒﺐ ﺗﻌﻄﻴﻞ ﻓﻲ ﻣﺴﺎﺟﺪ ﻓﻲ ﺣﺪﻭﺩ ﻻﻗﻀﺎﺀ ﺣﺎﺟﻪ ﺣﺸﺎﻛﻢ ﺍﻭ ﺻﻼﻩ ..
ﻓﺎ ﺍﺿﻄﺮﻳﺖ ﺍﻥ ﻧﺨﺶ ﻣﺴﺠﺪ ﻟﺪﻭﺭﻩ ﻣﻴﺎﻩ ﺣﺸﺎﻛﻢ …
ﻭﻗﻌﺪﺕ ﻧﻐﺴﻞ ﻓﻲ ﺍﻳﺪﻳﺎ ﺣﺴﻴﺖ ﺑﻲ ﺣﺪ ﺧﺶ ﺗﻮﻗﻌﺘﻬﺎ ﻣﺎﻣﺎ
ﻗﻠﺖ : ﻣﺎﻣﺎ ﺟﻴﺒﻴﻠﻲ ﻗﻄﻦ ﻭﻣﻨﺪﻳﻞ ﻣﻦ ﺳﻴﺎﺭﻩ
// ﻻﺭﺩ؟
ﺍﻟﺘﻔﺘﺖ ﻟﻘﻴﺖ ﺍﺳﺘﺎﺩ ﻓﺎﺭﺱ !!!
ﺗﺨﺰﺭﻃﺖ ﻭﻗﺘﻠﻪ ﻫﺪﺍ ﻣﺼﻠﻰ ﻟﻨﺴﺎﺀ ﺭﻩ
ﻭﻫﻮ ﻋﻴﻮﻧﻪ ﺑﺎﻳﻦ ﻋﻠﻴﻬﻢ ﺧﺒﺚ
ﻭﻗﻌﺪ ﻳﻘﺮﺏ ﻭﻳﺠﺒﺪ ﻓﻴﺎ ﺍﻛﺘﺮ ﻟﺤﻀﻨﻪ … ﻓﻘﺖ ﻣﻦ ﻏﻴﺒﻮﺑﺘﻲ ﻭ ﻓﺎﺟﺌﻪ ﺍﻧﻬﺮﺕ ﺑﺎﻟﺒﻜﺎﺀ ..… ﺣﻀﻨﻲ ﻭ ﻗﺎﻝ
ﻓﺎﺭﺱ : ﺍﺳﺘﺤﺸﺘﻚ ﻟﻴﺶ ﺣﺎﺭﻣﺘﻴﻨﻲ ﻣﻨﻚ
ﻧﺒﻲ ﺍﻧﻮﺽ ﻗﻌﺪﺕ ﻧﺒﻌﺪ ﻓﻴﻪ ﻓﻜﻴﺖ ﺍﻳﺪﻩ ﻭﺗﺒﻌﺪﺕ ﻗﻌﺪﺕ ﻧﻮﺍﺳﻲ ﻓﻲ ﺣﻮﺍﻳﺠﻲ ﻭﻧﺒﻜﻲ
ﻓﺎﺭﺱ ﻗﺮﺏ ﻣﻨﻲ ﻭﺭﻓﻌﻠﻲ ﺭﺍﺳﻲ : ﺷﻮﻓﻴﻠﻲ .… ﺭﺍﻧﻲ ﻧﺤﺒﻚ ﻟﻴﺶ ﺗﺤﺮﻣﻲ ﻓﻴﺎ ﻣﻨﻚ
ﻭﺧﺮﺕ ﻭﺷﺒﺤﺘﻠﻪ ﺑﺘﻘﺰﺯ : ﺧﻠﻴﻨﻲ ﻓﻲ ﺣﺎﻟﻲ ﺧﻴﺮﻟﻚ
ﺧﺸﻴﺖ ﻟﻠﺤﻤﺎﻡ ﻭ ﺍﻧﺎ ﻧﺸﻮﻑ ﻟﻲ ﺟﺴﻤﻲ ﺍﻟﻲ ﻋﻠﻴﻪ ﺁﺛﺎﺭ ﺍﻧﻔﺎﺳﻪ ﻭﺭﻳﺤﺘﻪ .…… ﺗﻘﺰﺯﺕ ﻣﻦ ﻧﻔﺴﻲ ﻫﻠﺒﺎﺍﺍﺍ
ﻟﻴﺶ ﻛﻞ ﻣﺎ ﻧﺒﻲ ﻧﺒﺪﺍ ﻣﻦ ﺍﻭﻝ ﻭﺟﺪﻳﺪ ﻳﺼﻴﺮﻟﻲ ﻋﺎﺋﻖ !
ﻟﻴﺶ؟؟
ﻟﻴﺶ ﺍﻧﻲ ﻣﺶ ﻛﻴﻒ ﺑﻨﺎﺕ؟
ﺍﺷﻤﻌﻨﻰ ﺍﻧﻲ ..!!!
“ ﻟﻴﺶ ﺧﻮﻱ ﻳﻜﺴﺮ ﻋﻠﻴﺎ ﺯﺟﺎﺝ ﻭﻧﻨﺠﺮﺡ ﻭﻳﺤﺪﻑ ﻋﻠﻴﺎ ﻣﻮﺱ ﻓﻲ ﺳﺒﻴﻞ ﺣﺒﻴﺒﺘﻪ .…
ﺍﻣﻲ ﺗﺪﻋﻲ ﻋﻠﻴﺎ ﻭﺗﻬﺰﺑﻨﻲ ﺑﺪﻭﻥ ﺫﻧﺐ ﻋﻠﺸﺎﻥ ﺗﺒﻴﺶ ﺗﺰﻋﻞ ﻭﻟﺪﻫﺎ ﻭﺗﺤﻂ ﺍﻟﺤﻖ ﻋﻠﻴﺎ
ﻧﺠﻲ ﻧﺒﻲ ﻧﺤﺐ ﻭﻧﻨﺤﺐ … “ ﻳﺤﺒﻮ ﺟﺴﻤﻲ ﻭﻳﻜﺴﺮﻭ ﻗﻠﺒﻲ ”
ﻧﺨﺒﺮ ﺑﻮﻱ ﻭﻧﺸﻜﻴﻠﻪ ﻳﻄﻠﻌﻨﻲ ﺍﻟﻤﺪﻧﺒﻪ
ﺻﺪﻳﻘﺘﻲ ﺗﺨﻮﻧﻲ ﻣﻊ ﻟﻲ ﻧﺤﺒﻪ !
ﻧﻘﻌﺪ ﺑﺮﻭﺣﻲ ﻭﻧﻨﻌﺰﻝ ﻳﺴﻤﻮﻧﻲ “ ﻣﺘﻮﺣﺪﻩ ”
ﺗﻌﺒﺖ ﺗﻌﺒﺖ ﺗﻌﺒﺖ ﺑﺠﺪ ﺗﻌﺒﺖ ..…
ﻃﺒﺴﺖ ﻭﻛﻮﺭﺕ ﺭﺟﻠﻴﺎ ﻋﻠﻰ ﻧﻔﺴﻲ ﻭﺗﻨﻬﺪﺕ ﻣﺶ ﻗﺎﺩﺭﻩ ﻧﺒﻜﻲ ﺣﺎﺳﻪ ﺑﻐﺼﻪ .…
ﺷﻮﻱ ﻫﻚ ﺣﺴﻴﺖ ﺑﺨﻄﻮﺍﺕ ﻳﺘﻘﺮﺑﻮ ﻣﻦ ﺑﺎﺏ ﻭﻧﺴﻤﻊ ﻓﻲ ﺻﻮﺕ ﺍﻧﻔﺎﺳﻪ ﺗﻨﻬﺪ ﻭﻃﻠﻊ ..…
ﻭﻗﻔﺖ ﻭﺍﺳﻴﺖ ﺣﻮﺍﻳﺠﻲ ﻭﻣﺴﺤﺖ ﺩﻣﻮﻋﻲ ﻭﻃﻠﻌﺖ .… ﻭﻟﻘﻴﺖ ﺍﺳﺘﺎﺩﻱ ﻣﻊ ﺑﻮﻱ !!!!
ﻭﺑﻮﻱ ﺿﺒﺢ ﻋﻠﻴﺎ ﻣﺸﻴﺘﻠﻪ ﻭﻧﻈﺮﺍﺕ ﺍﻻﺳﺘﺎﺩ ﺑﺘﺎﻛﻠﻨﻨﻲ …
…
ﺍﻧﺎ ﺑﺘﻮﺗﺮ : ﻧﻌﻢ
ﺑﻮﻱ ……: ﻳﺘﺒﻊ
ﻣﻼﺣﻈﻪ ﺣﻘﻮﻕ ﻧﺸﺮ ﻣﺤﻔﻮﻇﻪ ﻭﻣﻤﻨﻮﻉ ﻣﻨﻌﺎ ﺑﺎﺗﺎ ﺍﺧﺪ ﺭﻭﺍﻳﻪ ﺑﺪﻭﻥ ﺍﺳﻤﻲ “ ﻓﺎﻃﻤﻪ ﺳﺎﻟﻢ ..”