رواية أنحراف فوشيكا
الحلقةه: تاسعه
بقلم فاطمه سالم….
واني ندير في ماء الورد سمعت حد يطقطق على الباب…. معاش عرفت ما ندير نفتح واني بلحاله هدي؟… خديت فوطه لفيتها عليا وتقربت من الباب حطيت الخيط وخشيت الحمام جري ??وغسلت جسمي سريع سريع ولبست دبشي وطلعت لقيت ولد خالي…
…
….
قتله //شن هدا يارمضان….قالي //هدا لي جداي بعتتهلها امي العشي وقوليلها مدرتاش حار على خاطرك؛ و هدا لي جدي”فرحت ياوخيتي كنت نفكر شن بناكل وقتله //باهي يارمضان باه سلمك جياب وعليك حجاب وقول لي امك جيتك عندي خير ما دنيا كلها غر كان جيتيحك راسه وضحك وقال //هدا هو ياريومه تو مره اخرى تجيك هي نستأدنخديت خبزه جيت بناكل الفاصوليا خفت وقلت بالك دراتلي سحر ولا شي حاجه والله اديرها هلشيطانه شديته بترجي وقتله// لالا والله مانك طالعها لا يارمضان كول معاي مالا شنو ولا ما تبيشاستغرب في تصرفي وارتخي كا محاوله صد وقال //او باهي ياريومه ناكل معاك مش ما ناكلش لكن والله عندي شغل ضروريخشيت في بعضي وقلت كا محاوله تلطيف جو من تصرفي الغبي ///ههه ايي ايي ياخيه عليك قنانات ههه صار تشتغل ماشاء الله ههه اوباه يارمضان عدي مربوحه عديوشكشك مفاتيحه ياخيه وواسه روحه و هدا كله واني نشبحله من باب كوجينه وهايمه وناكل?…. فطنلي وانتفض؛ التفتلي وقال بتنحنيح //هي ما تبي شي ياريومه
توترت من نظراته وقعدت ندير في روحي نضف في قفطاني من خبزه لي ناكل فيها…. قعدت ساكته معرفتش ما نرد
زاد تنحنح وقال //احمممم ها تبي شي ولا شي حاجه
زمطت ريقي وشبحتله //نعم ياباتي…. اه لا مانبو شي ما نبو شي سلامتك
قعد يشبحلي بنظره غريبه وكأن يقول راه زابطك وبحركة سريعه سقم روحه وهو طالع قال //هي مالا ديري بالك على روحك….
صكر الباب واني قعدت هايمه في ريحته ❤غمضت عيوني واني نتخيل فيه جنبي وبعدين تعكر جوي بلا سبب وقعدت نلم في خبزه وخشيت كوجينه بناكل….وخديت نفس طوويل
من ريحه الفاصوليا وقلت //هممم محلاها ريحتها….
خديت تبسي وحطيت لي روحي وحطيته في سفره ومعاه خبزه كليت كليت ليييين حسيت كل ركن في بطني امتلئ…. ورقدت…
…..
نضت الصبح قعدت نتفكر في حركات رمضان امس ونسمع في اغنيه وليد التلاوي” قلبي دايب دوب من الغلا عليك مرايف يا محبوب ”
قلبي دايب دوب من الغلا
قلبي دايب دوب
قلبي دايب دوب عليك مرايفة يالمحبوب
من الغلا قلبي دايب دوب
قلبي ميت فيك
مرايف مايبي يخاطيك
ياغالي ملهوف عليك
ماك تأمن بالله الصوب
من الغلا
قلبي دونك ليه
في حيرة راك مخليه
تعالى توا واشقى بيه
على حبك مايتوب من الغلا
…. بقلم فاطمه سالم
وقعدت ندندن ونرقص وهايمه واني معجبه بتصرفات رمضان هكي يعني رازن و عاقل وملامحه جدابه ونرتبك لما يكون موجود و…. هوووب تخش عليا جداي
جداي: هدا على اساس امس بتحطي لي جدك واني تأخرت يامهيته هاا نوضي منوض وتحشمي على خليقتك وصكري الخرا هدا صبح يا فتاح
صكرت الاغنيه بسرعه ونتفضت: ا اسفه يا جداي بس امس غفيت ورمضان امس جاب عشي هدا بيش مادرتش وحتى جايب فاصوليا حاره لي جدي و فاصوليا مش حاره ليك
جداي: به باه نوضي يا حنه اسفيلي كمامك ونوضي انشطي وسيقي الجنان والديار ياااشوق من ضم عندنا نوضي افطري توا وبعدين ساهل
اني: به حاضر…… وقعدت نطبق في البطاطين وحولت فراشي حطيته في دار الخزين ومشيت للمربوعه ضميتها ومشيت لدار جداي لقيتها مليانه زيت زيتون والنفة ومسك ايح ايح الحاجه مدلعه روحها ??…. المهم ضميتها وطلعت خشيت الحمام وتوضيت وغسلت اطرافي و وجهي ودرت لوشن لجسمي من متاع خالتي ??
“لان خالاتي معقبات حوايج هنا للاحتياط باش كان جو يلقوهن واني طبعا زايطه فيهن ? ”
وطلعت صليت الفجر وخشيت كوجينه لقيت جداي مدايرتلي فطوري… فطرت وبديت في الضم لي برا… وقعدت على حال هدا شهر واني محوله شفره من تليفوني عشان نبيش نتواصل مع ايي كائن…. وبعد شهر رجعت للحوشنا ومشيت للمدرسه…
……
حضرت حصه اولى وتانيه وتالته على نار واني نبي نشوف فارس….. التفتت بنسأل ريحان على فارس… سمعت صوت شخص لين تقشعر جسمي والتفتت بصمه لمكان صوت…
لقيت سعد ?….. وبدت الحصه وهو انظاره عليا ويشرح واني في عااالم اخر مش عارفه خيرني نغصيت فاجئه وحاسه بروحي مخنوقه كملت الحصه وطلبه طلعو واني قاعده متسمره محسيتش بشي….. وبطريقة مش في الحسبان نقلبو الموازين…..
سعد جي قدام وجهي بنظره ماكره وخبيثه وقال كلمتين كسروني وهمشو كياني
سعد: تعرفي لو ما تجيش اليوم للمنتزه….. قسما عظما دابني مفضح بيك يا…..
اني فتحت عيوني على وسعهن هدا “شن يقصد!! ”
اني: شن تقووول انت بتفضح بي شن
سعد لعق شاربه سفلي بخبث: اممم شكله عجبك… هههه بعدك اني قداااش ليا نستنى فيك عموما افتحي تليفونك وعلى عصر تكوني في منتزه خير ما نكون اني في حوشكم اوك ياحلوه
وطلع سعد واني وقفت واني منصدمه وطلعت لقيت فارس يكلم في سعد!!! ….. مشيت لي فارس بنكلمه وسمعت…… يتبع
زعما ليش فارس يكلم في سعد؟؟… زعمت ازدهار دارت شي؟ كله ح نعرفوه في حلقه جايه انتظروني ?