جمعنا القدر للكاتبة | خلود شلابي
الحلقة 15
منال كل أحاسيس العالم مالية كيانها،،،، أخيراً أيمن وفي نفس المكان ونفس الطريقة بس صدفة شتوية،،، والأولى صدفة صيفية،،، وما أجمل الصدف،،، تملأ احاسيسك دفئا في الشتاء وبرووودة في الصيف،،،، منال تعيش حااالة من الانهيارات الداخلية جزء منها يتمنى يحضن أيمن وجزء يتمنى يضربه كف لحد ما يستاقظ،،، وجزء يقوللها اهربي،،،، وجزء يبكي شفقة عليها من كااائن مالي المكان بجيته،،،،، وردت منال على أيمن بكل هدوء،،،،، مش بس انحبه لو جيت الجبل وماجيتش هني معناها ماجيتش الجبل
أيمن تنهد بصوت عالي سمعاته منال،،، الي شكرت ربي الف مرة ان الدنيا ليل وأيمن مايشبحش ألوان الطيف الي على وجهها،،،،
?? روايــــات دمــــعتــي تـــــروي مــــــأســـاتــي ??
الكاتبة|:- ? خ ـــلـــود شــــــــــلابـــــي ?
??Kd Sha La Bi??
أيمن: عشقك للمكان غريب،،، والاغرب والي عاجبني فيك إنك ماتخافيش
منال: من قال مانخافش؟ نخاف وجدا بس في الحب يختفي كل رعب،،،
أيمن: فيه شيئ من المنطق،،، مروحة والا؟؟
منال :اكيد مروحة،،، ومشو بجنب بعض وفي صمت،،، منال حاولت تمنع نفسها إنها تكلمه
أيمن: باين أنك تجاوزتي الحادث الحمد لله
منال: الحمد لله،،، بس فجأة وقفت وواجهاته :أيمن كيف جاك قلب وماسالتش عليا؟
بس أيمن ماردش،،، وهي كملت،، قالت ماما أيمن دار معانا الواجب شكراً ونردوهالك في الافراح،،، وقت الي قدرت منال تحكي انفجرت بكل عنفوان وماعرفتش تسيطر على كلامها،،،، توقعت إنك تسأل عن منال مش على ولد عمك،،،، تخيل لو كنت في نفس الموقف،،، كل الوقت كنت نستنا في اتصال،،، مسج،،، سلام حتى،،، كل الناس جوني،، كلهم سألوا،،،،أيمن اكبر من أن يتنازل ويسأل،،،، جرحتك؟ على قدر الجرح الي فيا،،، لأول مرة نفقد حد،،، ونستني،،،، وعلى قد ماكانت موجوعة كانت تحكي وبغضب ونزلوا دموع غضب وسخط عليه وعلى نفسها،،، وفي عز ماتبكي وتحكي وبدون سابق إنذار وبدون توقع حضنها أيمن وحط راسها على كتفه :اسسسسسس خلاص
ومنال هدت شوية وفجأة خلصت روحها منه وبتمشي بس أيمن مسكها من يدها: مهبولة وعبيطة وغبية وكرهتيني فيك،،،، مانبيش نسأل عليك،،، غبية،،، لآخر مرة منال :تزوجيني نبيك معاي ولا تسالي على نادية ولا غيرها معاي وليا فقط وبدون تفكير،،،في الحب يختفي كل رعب،،، عبارتك
منال ألف فكرة جتها وخافت تتسرع وترددت مرة أخرى
أيمن مسكها من يدها :خلاص مادامك ترددتي في الاجابة انسي وهيا روحي،،،،،
منال بتحكي لكن أيمن سكتها وجبدها من يدها وروح بيها،،،، كل الوقت ومنال حاسة بحضن أيمن ولو تموت ماحتنساه،،، حست بدفئ جميل،،،، طوووول الليل وهي عايشة دوامة حضن أيمن عطره،،، ايديه،،، صدره،،، أنفاسه،،،،، كل حاجة فيه خلتها ادوخ وتنسى إنها منال للحظات،،، لتواني تساوي عمر كامل،،،،، لحظة عاشت فيها حياة كاملة بكل تفاصيلها،،، وفي لحظة تردد ضيعت كل حاجة،،،، أيمن الي عمره ماتنازل لحد،،، يتنازل ويحضنها ويتمناها لنفسه وهي بعباطتها تخرب كل قصور الأمل،،،، تمنت ترجع لحظاااات فقط وترد عليه بحضن احلى،،، بس الي يفوت ما يرجع،،، لحظات في الحياة لن تعاد،،،، تفكرت العبارة هاذي وكأنها سمعتها من قبل،،،،، ممكن بس ما قدرتش تفكر لأنها الليلة بقدر ما كانت راااائعة بقدر ما كااانت تعيسة،،،، زعما فيه أمل تلاقي أيمن من تاني،،،، ويتنازل ويطلبها تاني؟؟؟؟ ربما،
منال مارقدتش وهي تفكر ويانب فيها ضميرها ولاول مرة تحس بانها عايشة وحدة وفراغ قاتل … وصقع ينخر في العظم ومنال مخنوقة ومقهورة ..ركبت علي السطح ….صقع مش بس في الجسد منال حاسة انها جمدت حتي مشاعرها وخذتها مشاعر الخيبة والانكسار والوجع الي حوش ايمن ومدت عيوونها لحد الضي الي طالع من حوش ايمن وفكرت علاش ايمن مش قاعد مع امه ؟
وتمنت تكون في اللحظة هاذي مع ايمن وحاولت انها ماتفكرش فيه وكابرت علي نفسها وقلبها وبدت تفكر في جمال الشتاء في الجبل …بس الحقيقة الي محلي الجبل في نظر منال وجود ايمن فيه …..وتنفست منال بعمق وتنهدت ولاول مرة تعترف لنفسها بانها فعلا تحب ايمن والاعتراف هاذا ذوبها وبدل يعطيها قوة عطاها شحنة من الالم والحزن والكمد والقهر ….وبكت منال حسرة ايمن الي خسراته والمرة هاذي للابد ربما ……..وكل الوقت عيونها في حوش ايمن …واضح انه ايمن مش راقد وممكن عايش نفس وضعها بس كبرياءه عمره ما ح يسمحلا انه يتنازل تاني ….ايمن قدام الحوش ولاف نفسه في العبي ويتحرك بعصبية وقعمز ومرر يديه علي راسه بحركات عصبية ومنال تراقب ايمن وتتمنى تصير اي كارثة الليلة وتجمعهم ….ساعات ومنال عالسطح ولا ملت من مراقبة ايمن ..ولا ايمن جاه خاطر وخش للحوش واذن الفجر وشخص يقرب من حوش ايمن عرفاته منال …هاذا بوها ونزلت منال …صلت وحاولت ترقد بس صعب طلعوا كلهم في الربيع ولاقاهم ايمن طالع بالسيارة ….والقتها فرصة تمشي للحوش ….ومشت منال ….الي عرف منال في الجبل عرفها انها تحب تمشي لمناطق واماكن في الجبل وعارفين منال تحب تتنزه في كل المنطقة …وصلت لحوش كل الليل تراقب في صاحبه وفي خاطرها انه عطره عالق في الاماكن ….وتفكرت اغنية الاماكن ….الاماكن الي مريت انت فيها
عايش بروحي وابيها …بس لكن ما لقيتك
جيت قبل العطر يبرد …قبل حتي يضيع في صمت الكلام واحتريتك…..كنت اظن الريح جابت عطرك يسلم علي
وكنت اظن الشوق جابك …تجلس بجنبي شوي
كنت اظن وكنت اظن وخااااب ظني …وما بقي في العمر شيئ واحتريتك
كل زاوية وكل ركن وكل كرسي وكل حجر وكل وردة وكل قشة في اجواء الحوش شهدت علي احاسيس منال …..وتمنت يكون الحوش مفتوح وراقبت كل حاجة في حوش ايمن ….حتي خشب الرواشن قعدت تحت الداليا …والجو بدي يتغير وشكلها المطر …..بس منال ولا يهمها الامطار داخل كيانها اقوي ومسكت الباب الي بمجرد حطت يدها علي المانيليا انفتح ….ولا لحظة ترددت منال في الدخول ….خشت الي عرين الاسد وصكرت الباب واروع دخول في حياتها ولا فكرت انها تكون اقتحمت خلوة انسان ….وحاولت تلمس كل حاجة بيدها حتي الجدران خشت المطبخ كله مرتب والدار ….كلها حميمية ودفيئ تلفزيون مفتوح ؟ وصالون طويييل متاع نوم الباين ؟ سجادة هي جديدة بس بموديل تقليدي …جلد خروف ابيض ناصع …(فنار) معلق بطريقة مبتكرة وروشن خشبي صغير وفيه حديد ….رف لكتب …مليان عربية واجنبية …..وعباة ايمن معلقة علي شماعة في الحيط …………………..مسكت منال العبي وحست بشيئ غريب وجميل ودافيئ …..وووووووو مفاجاة نزلت علي منال زي الصاعقة وقت الي شبحت ايمن قدامها ونزلت ايديها وسط ابتسامة ايمن الواضحة ….الله قداش ايمن جميل الان وقت يضحك خاصة …وقداااش هي في نظر نفسها وقحة وخاشة لحوش مش حوشها وتلعب بحوايج راجل مش ليها ……..وصوووت جاي من برا
: ايمن ؟ ايمن ؟
منال : هاذي نادية ؟
وايمن دخل منال الدار وصكر عليها
ايمن : اهلا يادكتورة ؟
نادية : من الصبح ندور عليك
ايمن : خير ان شالله
نادية وباين انها تدلل علي ايمن ومنال تسمع : ايمن ؟
ايمن : احكي
نادية : بس اعزمني علي قهوة ..قهوتك مش عادية واني بنخش داخل صقع
ايمن اعترض : لالا مستعجل ما تخشيش احكي بسرعة شن فيه ::
نادية : فيه واحد خطبني
ايمن : الف مبروك يوووم المني الي نزوجك نادية
نادية : اخسسسسس علاش لامتى بتعاقبني حرام عليك
ايمن : نادية مش عقاب واني ماوعدتش بشيئ وانت الي اخترتي من الاول
?? روايــــات دمــــعتــي تـــــروي مــــــأســـاتــي ??
الكاتبة|:- ? خ ـــلـــود شــــــــــلابـــــي ?
??Kd Sha La Bi??
نادية بدت تتكلم بعصبية استغربتها منال …نادية الهادية القوية الرزينة تدير هكي ؟ …وبدت نادية تحكي في كلام راكب نازل
ايمن : نادية الزمي حدودك من فضلك من الاول حكينا في القصة
نادية : كله علي خاطر بنت عمك ؟ حتى بعد ما وريتك المسجات الي باعتتهوملي ؟
…ايمن ماكثرش دوة وخلا نادية تطلع ….وطلع وراها وخلا منال في الحوش وصكر الباب بقوة
طلعت منال وحاسة ببعض الانتصار ……..يتبع