الجزء الثالث

الحلقه(1)

تعريف الشخصيات الجديده

احمد سليم السيوفى..شاب قوى احب مجال المخابرات كابيه وعمل بنفس المجال بعد تعب وجهد حتى يصبح مثل ابيه يلقب بالثعلب لمكره الشديد وقوه استيعابه وتصرفه

دانا نصاى..فتاه جميله تعمل مهندسه برمجه باحدى الشركات عنيده الى حد كبير لا تستسلم

دينا سليم السيوفى ..ورثت عن نوران الجمال وتشبهها الى حد كبير لذلك يعشقها سليم كثيرا لانه يرى فيها نوران وهى صغيره ولكن نوران مسالمه الى حد كبير اما دينا فلا تستسلم عنيده قويه الشخصيه ولا تهاب احد

فارس فهد الصاوى…ابن فهد صديق سليم معيد بكليه التربيه حاد فى معاملته وسيم ولكن ليث كثيرا ما يميزه عيناه الحاده كالصقر وشعره الناعم الطويل نسبيا

رحيق الشافعى فتاه جميله وهى صديقه دينا وزميلتها بكليه التربيه تحب دكتور بالجامعه وصارحته بحبها وعلمت انه ايضا يحبها ولكن هناك فتاه غيورة جدا اسمها رحاب اقنعت الدكتور ان رحيق لم تصارحه بحبها الا لنيل اكبر الدرجات وان حبها له مزيف

يوسف المنصورى..معيد بكليه التربيه صديق لفارس احب رحيق وكنه ظن انه خدع فيها شاب ليس وسيم لدرجه كبيره ولكنه يمتلك جاذبيه شديده

الحلقه

كانت تتحدث على الهاتف مع امها
دانا..ايوه يا ماما انا فى الشركه لا هتاخر شويه
دريه…………
دانا..حاضر مش هتاخر مع السلامه
دريه…..
دانا بتفكير..يا ترى ايه الموضوع المهم اللى ماما عايزانى فيه قاطع تفكيرها ايهاب زميل لها يعمل معها بنفس الشركه
ايهاب..اذيك يا انسه دانا
دانا بجديه..الحمد لله يا استاذ ايهاب
ايهاب..انا كنت عايز اتكلم معاكى بموضوع شخصى شويه ممكن اعزمك فى اى مطعم نتغدى سوا ونتكلم لان مش هينفع هنا
دانا..اسفه مش هينفع انا لازم ارجع البيت بدرى ومش بحب اكل المطاعم فحضرتك تقدر تتكلم هنا
ايهاب..احم حضرتك مرتبطه
دانا بحده..اظن ده ميخصش حضرتك
ايهاب..انا اسف بس بصراحه انا طالب ايدك للجواز
دانا باستغراب..انا
ايهاب..ايوه انا من يوم ما شفتك وانا بصراحه علطول بفكر فيكى ونفسي نكمل حياتنا مع بعض
دانا حتى تنهى هذا الحوار ..طيب هفكر وارد عليك عن اذنك عندى شغل
ايهاب..حاضر هستنى بس يا ريت متطوليش وتركها وذهب
دانا والدموع فى عينيها…ااااه دوست على الجرح يا ايهاب الكلام ده كنت اتمنى اسمعه بس مش منك انت من واحد انانى مش بيهمه حاجه غير نفسه

فى صاله التريبات بالمخابرات
سليم..اضرب يا تعلب مالك فرهدت كده
احمد..انا مش عايز اتقل عليك وانت بقيت عضمه كبيره
سليم بغرور..ده انا شباب اكتر منك ولكمه فى وجهه
احمد..كده يا صياد احنا مش قلنا الوش لا والوش مفيهوش معلش ولكم سليم هو الاخر
سليم..اه يا بن نوران والله لاربيك وضربه سليم عده ضربات اسقطته
فهد..اوعى الصياد وابنه بس كنت فاكرك وحش يا احمد زى ابوك طلعت سلعوه
ساعد سليم احمد على النهوض
احمد..ماشي يا فهد باشا ليك روقه امال المعفن فارس فين من يوم ما رجع من السفر وانا مشفتوش
فهد..اكيد فى الكليه دلوقتى النهارده اول يوم ليه
احمد..طيب انا رايحله
فهد.دينا هترجع امته من انجلترا
احمد.على فكره دينا رجعت امبارح
فهد..حمد الله على سلامتها هاجى النهارده اسلم عليها انا وفارس
سليم..تنور يا فهد يالا بينا زمان نوران مستنيه
احمد..لا انا رايح لفارس وحشنى الصراحه

فى كليه التربيه
كانت تمشي وهى تلعب بهاتفها ولم تنتبه الا عندما اصطدمت بشخص
فارس..مش تفتحى
دينا بغضب..انا اللى افتح انت اللى ماشي زى القطر
فارس..انا قطر يا شبر ونص طب ماشي انا عارفك شفتك النهارده وانتى بتتكلمى فى المحاضره وقلت بلاش احرجها قدام زمايلها لكن دلوقتى مادتى دى بالنسبه ليكى هتبقى عقبه ومش هتعرفى تعديها
دينا..طظ فيك وفى مادتك وتركته وذهبت
فارس..ايه البت دى عليها لسان عايز يتقص منه مترين بس انا حاسس انى اعرفها مش عارف ليه وتنهد وتذكر الفتاه الجميله ذات العشره سنوات التى احبها وهو فى سن الخامسه عشر
فارس..مش عارف ليه حاسس ان البت دى ليها علاقه بدينا حب حياتى اااااه وحشتينى يا دينا سالت عليكى قالولى مسافره خلاص هانت وهشوفك يا قلبى

اما دينا ..مش عارفه ليه حاسه انى اعرفه بس انا اعرف الاشكال دى اعوذ بالله واتصلت على صديقتها رحيق
دينا..عندى ليكى مفاجاه جامده اخر حاجه
رحيق…….
دينا…لا يا حبيبتى اما اشوفك بكرة حد قالك تغيبى النهارده سلام يا قلبى
دينا..اما اروح اشوف نوران وسليم حبيب قلبى

فى منزل سليم
منى..امال دينا فين
نوران ..زمانها جايه يا ماما
سليم..البت دى بتوحشنى اوى
نوران….هههههه لانها شبهى مش كده
سليم…يا واد يا واثق انت
منى..يا بنى عندك ولد وبنت على وش جواز ومش عايز تعقل ابدا
سليم..اعقل هو فى حد اعقل منى صح يا نوران
نوران…هههه فعلا عاقل اوى حضرتك
وصلت دينا الى المنزل
دينا…خيااااااااانه
سليم..فى ايه يا بت انتى
دينا..بتاكلوا من غيرى دى اخرة تربيتى فيكم
سليم..يا بت اتهدى بقى واعقلى
منى..وهيا هتجيب العقل منين احمد ورث عنك قله الادب ودى ورثت الهبل ومحدش طلع هادى ومسالم لنوران ابدا ولا كيوت وحلو ليا
دينا..يا واد يا كيوت العبى يا منى يا جامده
منى..بطلى يا بنت سليم
سليم..سيبى بقى سليم فى حاله المهم فهد وفارس ابنه هييجوا عندنا بالليل
نوران..بجد فارس رجع من السفر مشفتوش من وهو عنده 15سنه
سليم..ايوه رجع وبقى معيد فى الكليه كمان
منى..والله الواد ده وحشنى اوى واخد ملامح امه الله يرحمها
سليم ونوران ودينا..الله يرحمها

فى منزل دريه والده دانا
عادت دانا من وظيفتها وتناولت الغداء مع امها
دريه ..عايزاكى فى موضوع مهم
دانا بتساؤل …خير يا ماما
دريه..عشق الطفوله عايز يتجوزك
دانا بدهشه ممزوجه بالالم..احمد!
دريه..اه احمد جالى النهارده وطلبك منى قلتى ايه
دانا بحزن فى نفسها..يااه لسه فاكر
دريه ..فى ايه يا دانا سكتى يعنى ومقولتيش رايك
دانا بحده..قوليله لا يا ماما طلبه مرفوض عن اذنك
دريه..يعنى ايه طلبه مرفوض واتصلت على احمد
دريه..الو ايوه يا استاذ انت عامل للبت ايه اول ما قولتلها على طلبك قالتلى لا
احمد………
دريه..يعنى ايه كنت متوقع حاجه زى دى
احمد……..
دريه..انا مش هستنى لما تيجى فهمنى دلوقتى
احمد…….
دريه ..يعنى البت قالتلك بحبك وانتوا عندكوا 14 سنه وانت قلتلها احنا اخوات يخرب بيتك متعرفش ان دانا بتاخد كل حاجه على نفسها ومش بتنسي بسهوله قابل بقى يا جيمس بوند
احمد…….
دريه..لا طبعا هساعدك لانى عارفه انها بتحبك وانت كمان بتتنيل بتحبها ومتخفش هعمل اللى اقدر عليه
احمد…..
دريه….هههههه عارفه انى زى العسل مش هتضيف حاجه جديده يابن نوران مت السلامه يا جوز بنتى مستقبلا ان شاء الله

اغلق احمد الهاتف
احمد بخبث..كنت عارف انك هتعملى كده ماشي يا دانا اعملى اللى انتى عايزاه بس مسيرك تقعى تحت ايدى
نوران..بتكلم نفسك يا اهبل
احمد..لا يا نوران بكلم الجيران
سليم..لم نفسك يا واد انت
احمد..حاضر يا سليم
نوران..ايه اللى فى وشك ده
سليم..ابدا ابنك طلب نتمرن سوا وده الختم بتاعى على وشه
نوران بخضه..تتمرنوا سوا كده برضه تبهدل وشه يا سليم
سليم..هو اللى طلب وانتى عارفانى بنفذ مبحبش ارفض لحد طلب
احمد..اصيل يا ابو دينا
سليم..ماشي يابن نوران
احمد..امال دينا فين
دينا..انا اهه يا قاهر قلوب العذارى
احمد بغرور..طبعا يا بنتى هو اخوكى اى حد

فى المساء
حضر فارس وفهد
سليم..اهلا يا فارس وحشتنى اوى
فارس ..وانت كمان يا عمى وحشتنى
نوران..حمدالله على السلامه.
فارس..الله يسلمكم وانتوا كمان وحشتونى
احمد وهو يحتضنه..حبيب قلبى حمد الله على السلامه
فارس..الله يسلمك يا احمد
منى..اقعد يا فهد وانت يا فارس هتفضلوا واقفين
فهد..امال فين دينا عايز اسلم عليها.
دينا ..انا هنا يا اونكل اذيك
فارس بصدمه..انتى دينا
دينا وقد اخفت صدمتها ورفعت حاجب له ..ايه مش عاجبك يا دكتور ولا ايه
فارس بغضب..لا طبعا اتفضلى يا انسه
فهد ..انتوا تعرفوا بعض ولا ايه
فارس..انا ابقى الدكتور اللى بديها فى الجامعه
دينا بسخريه..اه صحيح عن اذنكم ورايا مذاكرة
دخلت دينا غرفتها وتحدثت مع رحيق
دينا..هتيجى بكرة ولا زى النهارده
رحيق……
دينا..طيب اشوفك بكرة سلام
دينا ..معقول فارس بتاع زمان طلع الدكتور الغتت ده دى شكلها هتحلو اوى استعنا عا الشقى بالله

فى اليوم التالى
فى كليه التربيه
رحيق..يعنى الدكتور فارس طلع فارس الواد اللى كان بيلعب معاكى
دينا..انا انصدمت اوى بس مبينتش ليه حاجه
رحيق..طيب ايه المفاجاه اللى قلتيلى عليها
دينا..معايا فيديو لرحاب وهيا بتعترف انها كدبت على الدكتور يوسف ووقعت بينكم
رحيق بفرحه..بجد يعنى هكشفها البت دى واخليه يندم انه كدبنى وصدقها
دينا..عيب عليكى اه طبعا انا خليت واحده من صحابها توقعها فى الكلام وتخليها تعترف وصاحبتها دى بتكرهها اوى
رحيق..شكرا يا دينا انا مش عارفه اقولك ايه
دينا..وكمان بعت الفيديو وزمان الدكتور يوسف شافه وهيطق من الغيظ دلوقتى والندم على اللى قاله ليكى
رحيق..انتى بجد صاحبه جدعه اوى ربنا يخليكى ليا

بعد قليل
اتى الدكتور يوسف
يوسف..اذيك يا رحيق
رحيق ببرود ..اهلا
يوسف..ممكن اتكلم معاكى على انفراد لو سمحتى
دينا..طيب عن اذنكم اشوفك بعدين
امسكتها رحيق من يدها
رحيق..استنى يا دينا اسفه يا دكتور مفيش كلام بينى وبين حضرتك
يوسف..لا فى يا رحيق
رحيق..كان فى انما دلوقتى لا عن اذنك يالا يا دينا
ذهبت رحيق ودينا وبقى يوسف يتنهد ويتذكر ما قاله لها
فلاش باك
رحيق ببكاء..والله الكلام ده كدب متصدقش البنت دى
يوسف بغضب…انتى اكتر واحده مش محترمه عرفتها انتى واحده مخادعه وانانيه مش هامك غير مصلحتك بس انما مشاعر الناس عندك لعبه
رحيق بدموع..ياااا انت شايفنى وحشه كده
يوسف..كنت شايفك انسانه جميله عايز اكمل حياتى معاها انما دلوقتى اكتشفت انك واحده كدابه واهم حاجه عندك مصلحتك عن اذنك
انتهى الفلاش باك
يوسف بندم..سامحينى يا رحيق عارف انى غلطت معاكى اوى بس هتسامحينى ومش هتكونى لحد غير ليا
فى اليوم التالى
امام العماره التى يسكن فيها احمد ودانا
كان احمد ودانا يتحدثون
احمد بهدوء عكس ما بداخله ..انتى رافضه تتجوزينى ليه
دانا ببرود..مليش مزاج
احمد..واذا قلتلك رايك ميهمنيش
دانا بغضب..انا مش قاصر علشان حد يجبرنى على الجواز وبعدين انت زى اخويا
احمد باستفزاز..قولى بقى انك لسه فاكرة لما جيتى قلتيلى بحبك وانا قلتلك انتى زى اختى
دانا بغضب وصوت عالى ..انت بارد ومستفز
احمد بغضب وامسك يدها ..صوتك ما يعلاش عليا تانى
نفضت دانا يدها منه بعنف ..احنا فى الشارع يا استاذ ولو مسكت ايدى تانى هقطعهالك سامعنى يا تعلب وتركته وذهبت وهو يكاد ان يقتلها على ما تفوهت به
احمد بغضب..الغبيه مش عايزه تفهم انى مكنش ينفع اعلقها بيا واحنا صغيرين وصعد الى منزله
جلس احمد بجانب والده ويبدو عليه الضيق الشديد
سليم..مالك
احمد بخفوت ..مفيش يا بابا
سليم..مش عليا انت فاكر نفسك كبرت وتعرف تخبى عليا فوق انا الصياد قبل ما تبقى التعلب شكلك متخانق مع دانا
نوران ..متخانق معاها ليه
احمد..طلبتها للجواز وهيا رافضه
نوران..وهيا رافضه ليه
سليم..هههههه شكلها عرفت انها غلطت انها وافقت ازك تخطبها وانتوا عندكوا خمس سنين فقالت تصلح الغلط ده دلوقتى
احمد بغضب..الغبيه لسه فاكرة انى يوم ما جت قالتلى انها بتحبنى واحنا عندنا 14سنه انا قلتلها انى بعتبرها اختى الموضوع ده معلق معاها
سليم بهدوء..ايه اللى خلاك قلتلها كده
احمد..مكنتش عايز اعلقها بيا احنا كنا لسه صغيرين ومحدش عارف الايام مخبيه ايه
نوران..طيب وهتعمل ايه
احمد..على جثتى انها تبقى لحد غيرى وهتجوزها غصب عنها هيا واهلها
جاءت منى ..ولد عيب كده بدل ما اضربك بالشبشب
احمد..ايه يا منى نسيتى انى قطعته ورميته من البلكونه الزهايمر عامل شغله معاكى
منى ..انت قليل الادب لمين
سليم بابتسامه..ليا يا ماما ابنى طالع قليل الادب لابوه
دق جرس الباب وكان فهد ويبدو عليه الغضب
رحب به الجميع وطلب ان يتحدث مع احمد وسليم على انفراد
احمد..مالك يا عمى
فهد بغضب ..انت مجنون قلنا لازم تسيب حد عايش علشان ناخد منه معلومات تقوم تموت الكل انت
سليم بغضب ..ايه يا احمد برده اشتغلت من دماغك كده هنجيب المعلومات منين وانت خلصت عليهم كلمهم
احمد..اهدوا بس
فهد بغضب اهدى ايه وزفت ايه
احمد..ممكن تسمعونى
سليم..قول يا اخويا
احمد ..انا صحيح خلصت عليهم كلهم لانهم كشفونى ومكنش ينفع اقبض على حد فيهم لانهم ممكن يهربوه وحضراتكم عارفين بنتعامل مع مين بس قبل ما اخلص على اخر واحد اخدت منه كل المعلومات اللى احنا عايزنها ونقلتها على فلاشه وركده اضمن انى افضل مخفى ومحدش يعرفنى منهم
فهد باعجاب ..هذا التعلب من ذاك الصياد
سليم..قصدك هذا الشبل من ذاك الاسد
احمد بغرور مصطنع..امال انتوا فاكرين ايه بلعب
سليم..وناوى تعمل ايه يا فالح مع دانا
احمد..سيبنى بس وانا اتكتك واخطط ليها كويس
بعد قليل
كانت نوران تتحدث مع دانا
دانا..عايزه ايه يا طنط
نوران..تبقى مرات ابنى
دانا..لا
نوران..يا بت ده بيحبك والله وقالك انكم اخوات لما كنتم صغيرين لانه خايف عليكى وانتى كمان بتحبيه صح ولا لا
اخفضت دانا راسها ولم ترد
نوران..يبقى بتحبيه والله انتوا جيل معقد
دانا..يعنى عايزانى اروح اقوله موافقه يالا نتجوز
نوران..لا طبعا جننيه وخليه يغير عليكى متقلقيش انا هظبطك زى ما حماتى كانت بتعمل معايا
حضر احمد
احمد..خير جايه ليه
نوران..احمد عيب كده
دانا..سبيه يا طنط
احمد..ايه موافقه تتجوزينى
نوران..لا يا احمد نوران جالها عريس وهيا موافقه وكانت عايزانى اشوفه مع اهلها انا وابوك
صدمت دانا مما قالته نوران
احمد..نعم
نوران…جايه اهه يا ماما عن اذنكم وتركتهم وذهبت
احمد..انتى اتجننتى موافقه
دانا بتوتر..اه موافقه انت مالك دى حاجه متخصكش
احمد..لا تخصنى يا دانا وانتى بتاعتى انا سواء قبلتى او رفضتى
دانا..لا يا احمد دى حياتى وده مستقبلى ومن حقى اختار الانسان اللى هكمل باقى حياتى معاه وانت متنفعش
امسكها احمد من ذراعها بغضب ..هتجوزك يا دانا سواء برضاكى او غصب عنك وتركها وذهب

يا ترى ايه اللى هيحصل وياريت اعرف تحليلكم للاحداث
توقعاتكم؟؟؟؟
بقلم/شيماء رضوان