نوفيلا الصياد

الجزء الثالث
الحلقه(4)
ترك يوسف يدها وهو ينظر لها بصدمه على تحولها من فتاه رقيقه لاخرى شرسه اما هى نظرت له بسخريه وتركته وذهبت وظل يوسف ينظر فى اثرها بصدمه وهى تبتعد
يوسف بذهول..لا اله الا الله انا عملت ايه البت اتغيرت 180درجه بس الصراحه عجبانى شراستها اوى ويا انا يا انتى يا ست رحيق

اما عند فارس ودينا
دينا بهدوء..موافقه على حكايه الهدنه دى بس يا ريت مترجعش فى كلامك زى ما عملت قبل كده
فهم فارس انها تتحدث عن الماضي فارد ان يجعلها تثق به
فارس بهدوء ووقد امسك يدها..مش عايزك تقلقى انا مش هرجع فى اى كلمه قلتهالك
سحبت دينا يدها بتوتر واردفت..لو سمحت متمسكش ايدى تانى كده غلط لان المرة الجايه رد فعلى مش هيعجبك وانت لسه بتقول هدنه ولو سمحت انا اتاخرت ولازم امشي ثم رات رحيق قادمه فاردفت
دينا..ورحيق جت اهه بعد اذنك
ذهبت دينا مع رحيق وبقى فارس يتنهد بتعب
فارس..شكلك هتتعبينى معاكى يا دينا بس على مين ده انا فارس
جاء يوسف وجلس بجانبه واصبح يتمتم بخفوت على الحال الذى وصلت اليه رحيق ويضرب كف على كف
فارس بتعجب..مالك يا يوسف انت سخن يا حبيبي ولا ايه
يوسف بتساؤل..ليه بتقول كده
فارس..اصل انت عمال تكلم نفسك
يوسف..بالله عليك اسكت انا اللى فيا مكفينى
فارس..احكيلى يمكن اقدر اساعدك
قص له يوسف كل شيء من البدايه ورد فعل رحيق منذ قليل
فارس..هههههه اقسم بالله البنت دى هيا اللى هتربيك
يوسف بحنق..اسكت بقى يا فارس وان شاء الله صاحبتها هيا كمان هتربيك
فارس..عرفت منين
يوسف..ده انت مكشوف اوى يا برنس
فارس..المهم احنا عندنا محاضرة مشتركه بكرة يعنى انت هتدخل معايا المحاضرة اتا هشرح جزء وانت جزء
يوسف..الفرقه بتاعت رحيق
فارس..اه هيا
يوسف..اشطا انا موافق
فارس..ناوى على ايه
يوسف بخبث..كل خير ان شاء اللهفى منزل سليم
كانت دانا تجلس مع نوران ويتحدثون
دانا..ينفع كده ابنك طردنى من الاوضه انا غلطانه انى جيت اشوفه
قاطت كلامها احمد
احمد بسخريه..فيكى الخير يا بنت دريه انك جايه تشوفى جوزك
دانا ..قلتلك الموضوع ده مش هيستمر كتير وبعدين ايه بنت دريه دى
احمد..اولا طلاق مبطلقش احنا عندنا الحريم بتفضل على ذمن الراجل لغايه ما يموت او هيا الى تفطس الاول وثانيا دريه دى تبقى حماتى ملكيش فيه انت حياللله بنتها
دانا..اعوذ بالله هو فى حد يقول تفطس
نوران..بس بقى انتوا مبتزهقوش من المناقره انا داخله اشوف ورايا ايه سليم زمانه جاى من الشغل وتركتهم وذهبت الى المطبخ
اقترب احمد منها وامسك ذراعها ودخل بها الى غرفته واوصد الباب جيدا
دانا بتوتر..افتح الباب
احمد..مش قبل ما تقوليلى تقصدى ايه بالكلام اللى قلتيه
دانا..اقصد ان موضوع انك جوزى ده تبله وتشرب ميته لانه مش هيستمر كتير
احمد بخبث وهو يقترب منها ..ومين اللى قالك كده
رجعت دانا للوراء حتى اصطدمت بالدولاب
دانا بتوتر..ايه ده كانت ناقصه الدولاب يبقى ورايا دلوقتى يعنى
حاصرها احمد بيد واحده لان الاخرى غير سليم
حاولت دانا دفعه ولكنه لا يتزحزح من مكانه
دانا..ابعد مينفعش كده لحد يشوفنا هيقول ايه
احمد بخبث..يقول اللى يقوله ميهمنيش ومال عليها وقبلها
ضربته دانا فى صدره فابتعد عنها
دانا ..انت مجنون لو قربت منى تانى انت عارف ممكن اعمل فيك ايه
احمد..الصراحه نفسي اعرف
جاء ليقترب مرة اخرى فركضت هيا وفتحت الباب وخرجت من المنزل باكمله
احمد..انتى لسه شفتى حاجه يا دانافى المساء
سليم..مالك يادينا حاسس انك فيكى حاجه
دينا..ابدا يا بابا مفيش انا كويسه يا حبيبي
سليم بشك..متاكده انتى عارفه اننا اصحاب قبل ما نكون اب وبنته لو فى اى حاجه قليلى
دينا اكيد طبعا يا سليم هقول هو انت غريب
اقترب سليم منها وقبلها فى جبهتها ..كل سنه وانتى طيبه عيد ميلادك بكرة
دينا وقد احتضنته..وانت طيب يا حبيبي ربنا يخليك ليا
احمد..خياااااااانه الحقى يا نوران جوزك حاضن البت
نوران..ابعدى يا بت عنه ده بتاعى
دينا .وبتاعى انا كمان وبعدين حضن سليم كبير يكفى الكل
احتضن سليم نوران ودينا..ربنا يخليكوا ليا
احمد..ايه يا عنترة مكوش على حريم البيت كله وحاضن الكل وانا مليش نصيب فى الحضن ده
سليم..لا مفيش روح يا خويا اتشطر وصالح البت اللى علمت عليك
احمد..علمت على مين يا ابو احمد ده انا مدوب قلوب العذارى
سليم..يا خوفى للعذارى دول يوقعوك على وشك
احمد..متخافش ابنك سبع
سليم..مش عارف ليه حاسس انك هتطلع ضبع
فى اليوم التالى اتفق سليم مع احمد ونوران لعمل حفله لدينا بمناسبه عيد ميلادها ولكن بدون علم دينا
فى الصباح
ذهبت دينا الى الجامعه والتقت برحيق وصعدتا الى المدرج لحضور المحاضرة
دلف فارس ومعه يوسف الى المدرج
فارس..المحاضره مشتركه النهارده بينى وبين دكتور يوسف وهيبقى فى مناقشه يعنى اللى عايز يسال فى اى حاجه فى الشرح ماشي
بدات المحاضرة وبدا فارس الشرح وكان طول الوقت عينيه على دينا التى توترت وفضلت النظر فى كتابها
فارس..فى حد عنده اى سؤال
وقف طالب وسال فى جزء من الشرح فاعاد فارس شرحه مرة اخرى
وجاء دور يوسف فى الشرح وكان ينظر لرحيق كثيرا
يوسف..فى حد عنده اى سؤال
رفعت طالبه يدها فاوما يوسف لها وعندما وقفت صدم انها رحاب الفتاه التى فرقت بينه وبين رحيق
يوسف بحده ظهرت فى صوته ..عايزه تسالى فى ايه
رحاب بخبث..ايه اللى بين حضرتك وبين رحيق الشافعى
تعالت الهمهمات فى القاعه واخفضت رحيق راسها وتجمعت الدموع فى عينيها فراها يوسف وغضب بشده
يوسف بغضب..اظن ان السؤال ده خارج المحاضرة ودى حاجات خاصه مينفعش حد يسال فيها بس انا ممكن اجاوبك عندك استعداد تسمعى الاجابه
رحاب بخبث وظنت انه سيحرج رحيق لما حدث بينهما سابقا
يوسف بخبث..الانسه رحيق تبقى وسكت قليلا ونظر فى عينيها وابتسم ثم اكمل كلامه ..تبقى خطيبتى احنا قرينا الفاتحه وان شاء الله تكونى من المعزومين فى الخطوبه علشان هيبقى فيه اوبن بوفيه واظن انك بتحبى الحاجات دى
غضبت رحاب منه بشده ونظرت له رحيق بصدمه فغمز لها
يوسف..المحاضرة انتهت وخرج هو وفارس من المحاضرة
خرجت دينا ورحيق الى كافيتريا الكليه
دينا..اقسم بالله دكتور يوسف مجنون ومنظر رحاب ده كنت هفطس فيه من الضحك
رحيق بحنق..ضحك ايه انا كده اتدبست والكل عرف اننا مخطوبين
دينا..وايه يعنى انتوا بتحبوا بعض
رحيق..اه بحبه بس انا كنت عايزه اربيه شويه
دينا بحنق..كفايه بقى وعيشى حياتك وانسي اللى فات
رحيق..موافقه بس على شرط تنسيه انتى كمان وتصارحى فارس بمشاعرك
دينا..رحيق اسكتى احسنلك وبعدين انتى مش ناسيه حاجه
رحيق ..ناسيه ايه
دينا بغضب..مفيش انا ماشيه

فى المساء فى منزل سليم
احمد..دينا ممكن تيجى معايا مشوار
دينا..مشوار ايه
احمد..تعالى بس معايا وهتفهمى كل حاجه
ذهبت دينا معه الى احد المولات الكبيره
احمد..اختارى فستان على ذوقك هديه لدانا اصلها منشفاها عليا اوى ويمكن لما اديها الفستان تطريها شويه
ضحكت دينا عليه واخارت فستان باللون الاحمر
دينا..دانا بتحب اللون ده اوى
احمد..تمام هاخده اختارى واحد كمان على ذوقك انتى
دينا ..ليه
احمد..اختارى بس
اختارت دينا فستان اخر باللون الازرق
دينا ..انت قلت على ذوقى وانا بحب اللون ده اوى
احمد..تمام ادخلى قيسيه
دينا..ليه
احمد..اخلصى يا دينا
ارتدت دينا الفستان وعندما راها احمد اطلق صفيرا عاليا على جمالها
احمد..مزه يا بت يا دينا طالعه لاخوكى يالا بينا بقى عندنا مشوار
دينا..مشوار ايه واستنى ادخل اغير
احمد..لا مفيش وقت تعالى كده
ذهبت دينا معه لاحد المطاعم وتفاجات بوجود سليم ونوران ومنى ودريه ودانا وحضر ايضا فارس وفهد وامامهم تورته عليها صورتها فاحتضنت اخيها من فرط سعادتها
دينا..ربنا يخليك ليا
احمد..ويخليكى ليا يا دودو
هناها الجميع بعيد ميلادها واعطوا لها الهدايا
فارس..كل سنه وانتى طيبه يا دينا
دينا..وحضرتك طيب يا دكتور
فارس..بلاش دكتور قوليلى فارس احنا مش فى الكليه
دينا..مينفعش
فارس..ليه بقى احنا مش عملنا هدنه
دينا بتنهيده ..حضرتك عايز ايه
مال فارس على اذنها وهمس بحبك ثم تركها وذهب
انصدمت دينا مما قاله ونظرت له بذهول فغمز لها
دينا..ايه ده هو قلب كده ليه واللى قاله ده بجد ولا انا بحلم ثم تنهدت بس مينفعش انا وهو مينفعش نكون مع بعض
انقضت الحفله ورجع كلا الى منزله
مر شهر على حفله عيد الميلاد ودينا تتجنب فارس بعد ان اعترف لها بحبه اما رحيق مازالت ترفض مسامحه يوسف فاتخذ يوسف قراره وعزم على تنفيذه ودانا مازالت ترفض مسامحه احمد على فعلته مما يجعله على وشك الانفجار كالبركان

فى منزل رحيق
وليد الشافعى والد رحيق..جهزى نفسك فى واحد جايلنا النهارده على الغداء
رحيق..مين ده يا بابا
وليد بخبث..واحد معرفه المهم جهزى نفسك وخلاص
رحيق..طيب انا مالى هو جايلى انا
وليد ..مش بالظبط يعنى
رحيق..انا مش مطمنالك يا بابا
وليد ببراءه ..ليه بس
رحيق..كده وخلاص حاسه انك مخبى عنى حاجه كبيره
وليد..مفيش حاجه يا حبيبتى
بعد ثلاث ساعات دق جرس الباب
وليد..شوفى مين يا رحيق
فتحت رحيق الباب ووجدته يوسف
رحيق بخوف..انت ايه اللى جايبك هنا يا مجنون
يوسف بحب.. وحشتينى قلت اجى اشوفك بس ايه الجمال ده
رحيق بتوتر..امشي من هنا قبل ما بابا يشوفك هتبقى مصيبه
جاء وليد من وراءها واردف..تعالى يا يوسف مدخلتش ليه وانتى موقفاه على الباب كده ليه يا رحيق
رحيق بتوتر..انت تعرفه يا بابا
وليد بخبث..انا اعرفه انما انتى تعرفيه
رحيق بتوتر..الدكتور يوسف بيدرسلى فى الكليه
وليد..طيب ادخل يا حبيبي
دخل يوسف وغمز لرحيق اما رحيق كانت فى حاله يرثى لها
وليد..رحيق الدكتور يوسف عايز يتكلم معاكى شويه هو كلمنى وانا وافقت وحكالى على كل حاجه وعلاقتك بيه وقالى انك رافضه تسامحيه
رحيق بغضب..انت ازاى تتكلم مع بابا انا مش قلتلك الموضوع انتى
يوسف..لا منتهاش يا رحيق انا بحبك وانتى كمان بتحبينى
وليد..انا هسيبكم تتكلموا شويه بس ارجع الاقيكوا اتصالحتوا لانكم لو خرجتم بره الاوضه دى قبل ما تحلوا مشاكلكم احمد ابن عمتك طلب ايدك منى وانا هوافق عليه لو محلتيش مشكلتك مع يوسف وتركهم وخرج
يوسف..اقعدى لابوكى ينفذ تهديده يا مجنونه
رحيق..ايه اللى جابك هنا
يوسف بحب ..علشان بحبك
رحيق بتوتر ..انت عايز ايه
يوسف..تتجوزينى يا رحيق بس قبل ما تردى عليا اعرفى انى محبتش حد فى حياتى غيرك انا اسف على الوجع والالم اللى سببتهولك انا ندمان على كل اللى حصل انا اتوجعت زيك ويمكن اكتر سامحينى وخلينا ننسي اللى فات ونبدا صفحه جديده
كانت رحيق تستمع اليه وتعلم ان الكلمات تخرج من قلبه فنزلت دموعها فرحا
يوسف بقلق..مالك يا رحيق بتعيطى ليه
رحيق بدموع..علشان بحبك وموافقه اتجوزك
يوسف بفرح..بجد لوووووولى انا مش مصدق نفسي يا عمى يا ابو رحيق رحيق موافقه
دخل وليد يضحك على جنون يوسف
وليد..ايه اقول لابن عمتك انك موافقه تتجوزيه
يوسف..ابن عمتها ايه ده انا اصورلكم قتيل هنا
وليد..بس اسكت يالا نقرا الفاتحه قبل ما تتجنن
قرا يوسف الفاتحه مع وليد وكانت رحيق فرحه بشده ولم تقل فرحه يوسف عنها

فى منزل سليم
احمد..دينا ممكن طلب
دينا ..تدفع كام
احمد..اللى انتى عايزاه
دينا..طيب عايزه لاب جديد لان بتاعى مش عاجبنى
احمد..انتى مستغله اوى انا هعمل اللى انا عايزه مش محتاج مصلحتك وقام واخذ الفستان الذى اشتراه لدانا يوم عيد ميلاد دينا ونزل الى شقتها ودق الجرس

فى منزل دانا
فتحت دانا الباب وجدته احمد
دانا..خير عايز ايه
دخل احمد ولم يعيرها اى اهتمام
دانا..هو انا اذنتلك تدخل
احمد..مش محتاج اذن علشان ادخل بيت مراتى
دانا..عايز ايه
احمد بحب..ممكن تقبلى منى الفستان ده
امسكت دانا الفستان واعجبها بشده ولكن لم تظهر ذلك
دانا..اسفه مش بقبل هدايا من حد
احمد بحده..خديه يا دانا انا جايبه ليكى
دانا..قلتلك لا
دريه..خديه يا دانا
دانا ..مش هينفع يا ماما
دريه..علشان خاطرى خديه
دانا..ماشي يا ماما واخذت منه الفستان
احمد..ممكن طلب
دانا بتساؤل..خير طلب ايه
احمد..النهارده واحد صاحبى عامل حفله فى مطعم بمناسبه جوازه وانا عايزك تيجى معايا
دانا..لا مش موافقه
احمد بهدوء عكس ما بداخله ..ليه مش موافقه
دريه..خلاص يا احمد هتروح الساعه كام
احمد..الساعه 7
دريه..خلاص دانا هتروح معاك
دانا..لا يا ماما مش هروح
دريه..وانا قلت هتروحى ايه هتكسري كلمتى
دانا..اسفه يا ماما
دريه..خلاص يا احمد عدى عليها وهى هتروح معاك
احمد ..تمام يا حماتى عن اذنكم

فى المساء ارتدى احمد ملابسه واخذ دانا وذهب الى المطعم
دخلت دانا المطعم وتفاجات ان احمد كان يكذب بشان حفله صديقه وحجز المطعم بالكامل ولا يوجد غيرهم بالمطعم
دانا..انت كنت بتكذب عليا
احمد..لو كنت قلتلك عازمك على العشا كنتى هترفضى
دانا..تقوم تكدب عليا
احمد..دانا يا ريت تنسي اللى فات كفايه بعد بقى ونبدا صفحه جديده
دانا ..صعب انسي اللى فات
ركع احمد على قدم واحده واخرج علبه بها خاتم وقدمه اليها
احمد بحب..تقبلى تكونى مراتى وحبيبتى وام اولادى وكل حاجه فى حياتى
فرحت دانا مما قاله ولكن تذكرت طريقه زواجه منها وضربه لها وسمعتها التى تدمرت بسببه
دانا..لا يا احمد انا اسفه مش هقدر انسي اللى انت عملته صعب اوى
احمد..يعنى ايه
دانا..يعنى انسي اننا نكون مع بعض وانت لازم تطلقنى
نهض احمد بغضب
احمد..تمام يا دانا بس انا مبطلقش واعلى ما فى خيلك اركبيه وجذبها من يديها وخرج من المطعم دفعها حتى تركب فى السياره وركب بجانبها
كان احمد غاضبا منها بشده على ما حدث اثناء سهرتهم سويا وكان يضرب المقود بيده بقوة
اما دينا فضلت الصمت حتى لاتكون الخاسره اذا تحدثت معه
بعد قيل كان احمد مازال يقود السيارة متجها للمنزل فوجد على جانب الطريق دراجه ناريه وبجوارها شاب فاقد وعيه فاوقف احمد السيارة حتى يعرف ما به
احمد بحده..متنزليش من العربيه ونزل واتجه نجو الرجل وكن جاء احد من وراءه ووضع السلاح براسه
استدار احمد فوجد انه ايهاب
احمد بسخريه ..لا طلعت جامد على الحركه دى بس اتاكد هتكلفك كتير اوى
ايهاب ..طيب بص هناك كده ناحيه عربيتك
نظر احمد تجاه السياره فوجد احد الرجال قد سحب دانا من السيارة ويضع السلاح براسها
دانا ببكاء..احمد انا خايفه
احمد ..اهدى متخافيش مش هيحصل حاجه
ايهاب..واثق اوى من نفسك ان مش هيحصل حاجه
احمد ببرود..عايز ايه
ايهاب..حياتك عايزها لانك اخدت منى حياتى واشار على دانا
احمد..انت بتحلم
ايهاب ..لا مش بحلم ووجه المسدس ناحيه احمد
صرخت دانا من الخوف فاشار لها احمد ان تهدا
احمد..سيب اللعبه اللى فى ايدك دى وقابلنى راجل لراجل
ايهاب ..وانا موافق القى السلاح على الارض وبدا القتال بينه وبين احمد
كان احمد يضربه بشده لانه اقوى من ايهاب ووقع ايهاب على الارض
اشار ايهاب للرجل الذى كان يمثل انه فاقد للوعى فاقترب من الخلف اتجاه احمد وفى يده سكين
ايهاب..مش هتلحق تحتفل بنصرك عليا
صرخت دانا عندما وجدت الرجل يقترب منه ..احمد حاسب وراك فاستدار احمد ولكن طعنه الرجل بالسكين فوقع احمد على الارض
تركها الرجل الذى كان يمسكها فركضت ناحيه احمد
ايهاب..انا هسيبك دلوقتى تودعى حبيب القلب قبل ما يموت بس هرجعلك تانى

رايكم يا حلوين وتوقعاتكم ؟؟؟؟ انا نهيت الحلقه على كده بسبب التفاعل لانه معجبنيش على الفصل الاخير ومعظمكم بيبخل عليا برايه او بيكتب تم
شيماء رضوان