نوفيلا الصياد

الجزء الثالث

الحلقه(3)
سليم بغضب..انت اتجننت ايه اللى انت عملته ده انت متستهلهاش يا احمد بعد اللى عملته معاها جاى كمان تضربها ودفعه فى صدره فارتد احمد الى الوراء
سليم..انت بقيت انانى كده ليه رد فعلها طبيعى للى انت عملته انت مش بيهمك غير نفسك وهيا عندك ملهاش قيمه يا خسارة انا معرفتش اربيك
احمد..وهو الصح انها تعلى صوتها عليا وتشتمنى ده الصح ورد فعلها الطبيعى فى وجهه نظرك يا بابا ان مراتى تقف قدامى وتعلى صوتها عليا وتشتمنى قدام اهلى ده الصح انها تهين جوزها
سليم..هيا صحيح غلطت بس انت كمان غلط وغلطك اضعاف غلطها انت عالجت المشكله بمشكله اكبر منها شوف بقى هتصلح اللى انت عملته ازاى
كانت نوران تبكى مما يحدث امامها اما دانا مازالت فى صدمتها وجالسه على الارض ودموعها تنزل بهدوء على وجنتها
راها احمد فتالم بشده من اجلها
احمد بهدوء..دانا انا اسف انى مديت ايدى عليكى انا مبحبش الصوت العالى وانتى هنتينى كمان
دانا بغضب وقد وقفت امامه بتحدى..اسف ياااه تصدق اتاثرت اوى باسفك ده انت عارف انت عملت فيا ايه انت دمرتنى انا دلوقتى زمايلى فى الشركه بيبصولى باحتقار كلهم صدقوا اللى قاله ايهاب انت اتجوزتنى غصب بعد ما فضحتنى وكمان جاى دلوقتى تضربنى وبعدها بمنتهى السهوله تقولى اسف لا انا اللى اسفه انى حبيت واحد عمره ما حبنى انا دلوقتى بكره نفسي لانى حبيت واحد زيك لانك ببساطه عمرك ما شفتنى ولاحبيتنى
احمد بغضب..عمرى ما حبيتك لا بجد تصدقى انتى غبيه اوى انا محبتش حد فى حياتى غيرك من احنا عيال وانا مش شايف حد غيرك ده انا لبستك خاتم واحنا عيال علشان تفضلى ليا علطول كنت اخدك معايا وارجعك معايا علشان خايف عليكى افتكرتى لما انتى صارحتينى بحبك وقلتلك مينفعش لاننا اخوات مكنتش عايز اربطك بيا لان محدش عارف ممكن يحصل ايه لو كنت اعرف انك هتعملى كده او هتفكرى انى محبتكيش كنت قلتها من زمان انا مردتش اقولك بحبك غير وانتى على ذمتى يا دانا واخر حاجه الحب افعال مش اقوال عن اذنك عندى شغل وذهب الى غرفته
اما دانا نهضت من على الارض ودموعها ما زالت تهبط على وجنتها من اثر كلماته وجرح قلبها من فعلته بحقها وضربه لها ونزلت الى الاسفل بهدوء ولم تتكلم مع سليم او نوران
اتجه سليم الى نوران واحتضنها وربت على ظهرها بهدوء
سليم..بس يا حبيبتى اهدى هيبقوا كويسين
نوران ببكاء..يا ريت احمد ظلمها اوى بس انا حاسه بيه عارفه انه بيتعذب علشانها ده ابنى وانا عارفاه
سليم..وانا كمان عارفه يا نوران بس ربنا يقدرنى واصلح بينهم
نوران..وانا معاك الاتنين بيحبوا بعض بس عندهم هيضيع الحب ده
سليم..مفيش حاجه هتضيع ان شاء الله

اما فى كليه التربيه
برقت عين فارس بغضب كبير من دينا فلم يدرى بنفسه الا وهو يرد لها نفس الصفعه
شهقت دينا من فعلته وكذلك رحيق
فارس بغضب..انتى ليه كده ليه بقيتى عنيفه بالشكل ده معقول انتى دينا اللى انا عارفها البنت الرقيقه الهاديه ايه اللى غيرك بالشكل ده انتى مكنتيش كده انا سالت الدكاترة اللى بيدرسولك كلهم اكوا انك كويسه فى تعاملك معاهم اشمعنا انا اللى بتتعاملى معايا بالشكل ده ليه واخده منى موقف بالطريقه دى
دينا بحزن..اللى غيرنى هو انت دينا اللى كنت تعرفها مبقتش موجوده انت سبتنى زمان فاكر لما اترجيتك انك تفضل معايا ومتسبنيش مردتش عليا ومشيت لما ماتت والدتك انت رفضت انك تعيش فى مصر وسافرت لخالك وكملت تعليمك هناك ايه اللى رجعك تانى سافر يا دكتور انا كنت كويسه وانت بعيد لما رجعت مبقتش عارفه اكون طبيعيه سافر تانى انت رفضت تكون موجود فى حياتى زمان وانا مش هسمحلك تكون جزء منها دلوقتى
تركته واقف منصدم من كلامها والحزن الذى بان على وجهها
فارس..ياااااه معقوله انا السبب فى التحول ده لانى سبتها زمان بقت من بنت رقيقه لبنت شرسه بالشكل ده بس اوعدك يا دينا هرجعك زى الاول
فى منزل دانا
كانت دريه تحتضن ابنتها بعدما قصت لها كل شيء
دريه..انا مش هقلك انه مغلطش بالعكس هو غلط اوى انه اتعامل معاكى بالطريقه دى كان ممكن تحلوا المشكله بطريقه تانيه بس فى نفس الوقت انتى كمان غلطتى
دانا..غلطت فى ايه يا ماما احمد دمر سمعتى الشركه اللى حلمت كتير اشتغل فيها هو اتسبب فى ان المدير يطلب منى اقدم استقالتى وكمان الطريقه اللى اتجوزنى بيها كانت غلط
دريه..مهما كانت الطريقه اللى اتجوزك بيها بس هو بقى جوزك خلاص حتى لو بتكرهيه لازم تحترميه على الاقل قدام اهله وانتى هنتيه اوى قدام سليم ونوران اللى المفروض كان فى نظرهم كبير اوى وبيفتخروا بيه انتى صغرتيه قدام اهله وقدام نفسه
دانا..كنتى عايزانى اعمل ايه يعنى يا ماما اخده بالحضن واقوله بحبك
دريه..انا مقلتش كده احمد حكالى على كل اللى حصل زمان لما رفض حبك ليه وانا متاكده انه بيحبك وبيعشقك كمان وانتى كمان سمعتيها بنفسك منه
دانا..طب اعمل ايه انا صحيح فرحت اوى لما اعترف بحبه ليا بس مستحيل اسامحه بالسهوله دى ابدا احمد كسرنى وانا لازم اعذبه زى ما عذبنى وعيشنى السنين دى كلها وانا فاكرة انه عمره ما حبنى وعلى طريقته معايا وانانيته والطريقه اللى اتجوزنى بيها لو سامحته دلوقتى هيتعود يهينى مهو خلاص بقى ضمن انى بسامحه علطول
دريه..برافو عليكى اعملى بقى اللى بتقولى عليه ده بس بالعقل متسوقيش فيها لو لقتيه شادد ارخى انتى ولو لقتيه بيرخى شدى انتى فاهمانى يا دانا
دانا بحب..فاهماكى يا ماما
دريه ..وانا هتكلم معاه زى ما عرفتك غلطك لازم اعرفه غلطه هو كمان

صعدت دريه الى منزل سليم
فتحت نوران الباب ورحبت بها وكان يجلس كلا من سليم ومنى ونوران واحمد ودينا ولكن دينا كانت فى عالم اخر تفكر بما حدث معها
دريه..ايه اللى عملته ده يا احمد
احمد..هيا اللى اهانتنى
دريه بعضب..اهانتك وانت حكمت ونفذت مسالتش نفسك هيا عملت كده ليه انت عمرك شفت دانا بتهاجم حد او بتهينه بالطريقه دى او حتى اتكلمت معاك قبل كده بالاسلوب ده مسالتهاش ليه ضربتها وخلاص دانا انطردت من شغلها بسببك ايهاب شوه سمعتها قدام زمايلها برده بسببك انت حطمتها ليه متكلمتش معاها للاسف يا احمد انا كنت فاكراك غير كده
احمد..اعمل ايه يعنى ارجوكى انا اللى فيا مكفينى عن اذنك وتركها وخرج من المنزل وتوجه الى منزل دانا
نوران..انا اسفه يا دريه على اللى حصل
دريه..انتى عبيطه بتتاسفى على ايه كان لازم اعرفه غلطه زى ما عرفت دانا غلطها واتفقت معاها تربيه شويه لغايه ما يعرف انها مش لعبه فى ايده
سليم..اعوذ بالله منكم صحيح ان كيدهن عظيم
دريه..هههههه صح امال عايزين تغلطوا ومتتعاقبوش ولا ايه لا فوقوا احنا جامدين اوى
نوران..عندك حق لازم يتعلم الادب شويه
دريه..مالك يا دينا ساكته ليه
دينا..مفيش يا طنط تعبانه بس شويه عن اذنك هدخل انام
دريه..مالها يا نوران
نوران..مفيش حاجه تلاقيها تعبانه بس شويه من ضغط المذاكرة
دريه..ماشي انا قاعده شويه لان دلوقتى انا متاكده ان احمد نزل لدانا
سليم..وليه متاكده كده
دريه..قلبى دليلى يا استاذ سليم
سليم..مش قلتلك ان كيدهن عظيم

فى منزل دانا
فتحت الباب وجدته احمد
دانا ببرود..خير جاى ليه
كاحمد بهدوء..عايز اتكلم معاكى
دانا وهمت لتغلق الباب..مش عايزه اتكلم مع حد
فتح احمد الباب بغضب جعلها تترنح للخلف
دانا..فى ايه انت مجنون اخرج بره
احمد بحده..قلت عايز اتكلم معاكى ومش هخرج من هنا قبل ما اتكلم
دانا بغضب..وانا مش عايزه اسمعك انت ايه عايز منى ايه تانى ملكش دعوه بيا
احمد..مليش دعوه ازاى وانتى مراتى
دانا بسخريه..مراتك متقلقش الموضوع ده مش هيستمر كتير وهتطلقنى بمزاجك او غصب عنك
اقترب احمد بهدوء منها فتوترت وتراجعت للخلف حتى اصطدمت بالاريكه فوقعت عليها
مال احمد عليها وهمس بجانب اذنها
احمد..اطلقك ليه انتى بتاعتى انا وانا متاكد انك بتحبينى وبتحبينى اوى كمان
دانا بتوتر..مين اللى ضحك عليك وقالك كده
احمد بخبث ..قلبك اللى عمال يدق بسرعه ده وتوترك لما اكون قريب منك هما اللى قالولى
دانا بغضب لكى تخفى توترها ..انت بتضحك على نفسك فوق يا حضرة الضابط انا خلاص كرهتك وكرهت حبى ليك وانت هتطلقنى وهتجوز واحد يحبنى بجد مش زيك
غضب احمد بشده من كلامها وضرب المنضده بجانبه وتركها وخرج من المنزل باكمله وقاد سيارته باقصي سرعه
دانا وهى تتنفس بسرعه..منك لله هتموتنى ناقصه عمر انا مش لازم اقعد لوحدى انا هطلع عند طنط نوران

فى منزل سليم
حضرت دانا وقصت عليهم ما حدث
سليم..انتى كده صح
دريه..برافو عليكى كلامك ليه انك هتتجوزى واحد تانى هيخليه يفكر مرة واتنين وتلاته قبل ما يعمل اى حاجه
نوران..هههه بالراحه يختى انتى وامك ده برده ابنى الوحيد
سليم…خلاص دانا وامها هيسووه على نار هاديه وانتى بقى اقعدى اتفرجى على ابنك وهو بيستوى زى اللحمه
نوران..يا حبيبى يابنى لحمه هيا حصلت اللحمه

كان احمد يقود سيارته بسرعه رهيبه وهو يفكر فى كلام دانا انها ستكون لغيره من كثره غضبه لم يري السيارة التى كانت قادمه بسرعه فى اتجاهه واصطدمت به
تجمع الناس حول السيارتين واتت الاسعاف وتم نقل احمد الى المشفى

فى منزل سليم
جاء اتصال الى سليم يعلمه ان احمد تعرض لحادثه وهو الان بالمشفى
انهارت كلا من دانا ودينا ومنى ونوران وذهبوا جميعا الى المشفى
كان سليم يقف امام غرفه العمليات ويحتضن نوران وامه ويدعو الله ان ينجى ابنه
اما دانا ودينا يجلسان بجانب دريه وكلتاهما منهارتان من كثره البكاء ودريه تواسيهم
خرج الطبيب فاندفع الجميع اليه بسرعه
الطبيب..اطمنوا هو كويس الحمد لله مجرد بعض الخدوش فى وشه وكسر فى دراعه اليمين ونقلناه لاوضه عاديه تقدروا تشوفوه
اطمان الجميع عليه وذهبوا لكى يروه
سليم..حمد الله على السلامه يا احمد
احمد..الله يسلمك يا بابا
دريه..حمدالله على سلامتك يابنى
احمد ..الله يسلمك يا حماتى
اما نوران احتضنته وهى تبكى
احمد..انا كويس يا ماما متعيطيش
نوران ببكاء..كويس ازاى وانت بالشكل ده
سليم..خلاص يا نوران اهدى هو كويس الحمد لله انها جت على اد كده
نوران..الحمد لله
دينا..حمد الله على سلامتك يا حبيبي
احمد..الله يسلمك يا دودو
اما دانا نظر اليها احمد وجد على وجهها اثار البكاء فابتسم انها مازالت تحبه
نظر اليه سليم وفهم انه يريد ان يكون بمفرده معها
سليم..دينا روحى هاتيلى شاى وغمز لها
فهمته دينا على الفور وانصرفت
سليم..تعالى يا ماما انتى تعبانه بقالك يومين تعالى نشوف اى دكتور علشان اطمن عليكى وغمز لها هى الاخرى
دريه فهمت ما يريد سليم فعله
دريه..نوران عايزاكى لو سمحتى وخرجت مع نوران
اما سليم اخذ منى وبقى احمد بمفرده مع دانا
احمد..لسه بتحبينى
صدمت دانا من سؤاله وحاولت التمسك حتى لاتنكشف امامه
دانا ببرود..لا
احمد بخبث..امال كنتى بتعيطى ليه
دانا..مش هقولك معيطتش لا الصراحه كنت بعيط بس مش علشان انت جوزى وانا بحبك لا الموضوع ده مش معايا انا عيطت على العشره بس لانك جارى ومتربيين سوا مش اكتر
احمد بهدوء عكس البركان الذى بداخله ..ولو قلتلك انتى كدابه
دانا فى نفسها..اعوذ بالله هتفضل رخم وبارد كده وانا اللى كنت ناويه احن عليك شويه بس وربنا لاخليك تلف حوالين نفسك يابن نوران
دانا..صدق اللى تصدقه انا مش فارق معايا انت خلاص بقيت ماضى واكيد الحاضر والمستقبل انت مش هتكون فيه هيكون واحد تانى وتركته وخرجت من الغرفه
دريه..ايه اللى حصل
دانا بغضب..اعوذ بالله ايه ده حتى وهو تعبان بينرفزنى
نوران..معلش هنعمل ايه
منى..الواد ده نسخه من ابوه قليل الادب زيه
سليم..لا الواد ده عدانى بمراحل انا مكنتش كده
حضر فارس وفهد واطمانوا على احمد وتجنبت دينا فارس تماما مما ازعج فارس
مر يومان لم يحدث فيهما شيء سوى المشاكسات بين احمد ودانا وتجنب دينا لفارس وعدم ذهابها للكليه حتى لاتحتك به

فى الصباح فى منزل سليم
ذهبت دانا لرؤيه احمد كما طلبت منها دريه اما دينا ذهبت الى كليتها
فى غرفه احمد
احمد..اذيك يا زوجتى العزيزه
دانا ببرود..كويسه
احمد..يارب دايما بس ايه وحشتك علشان كده جايه تشوفينى
دانا..لا ماما هيا اللى قالتلى اجى اشوفك انما انا مكنتش عايزه اجى اشوفك اصلا انما انا مش عايزه اشوفك
احمد فى نفسه ..اقوم اضربها ولا اعمل فيها ايه انا زهقت من ردودها البارده دى
احمد..اطلعى بره يا دانا
دانا..بتطردنى يعنى
احمد…اه اطلعى احسنلك من هنا
دانا..كده ماشي انت اللى بدات

فى كليه التربيه
كانت دينا تجلس بمفردها بعد ذهاب رحيق مع الدكتور يوسف لكى يتحدثا سويا
فارس..ممكن اتكلم معاكى شويه
دينا..لا
فارس..شكرا وجلس امامها
فارس..بصى بقى انا غلطت لما مديت ايدى عليكى وانتى كمان غلطتى
دينا..عايز ايه يا دكتور
فارس..هدنه نتعامل بهدوء شويه بدل الخناقات اللى كل شويه
دينا..لا انا اصلا مليش دعوه بحد مش محتاجه هدنه
فارس..بطلى عند بقى انا بقول نتعامل بهدوء وافقى وانا اوعدك مش هضايقك تانى

اما عند رحيق ويوسف
يوسف..انا اسف يا رحيق سامحينى عارف انى غلطت
رحيق..وانا مش قابله اسفك ده وهمت لتذهب امسكها يوسف من يديها
نظرت له بخبث واردفت
رحيق..والله لو ما سبت ايدى لاصوت واقول بيتحرش بيا وبيستغل نفوذه كدكتور وبيهددنى انه يسقطنى فى الماده بتاعته
ترك يوسف يدها وهو منصدم منها تحولها
نظرت له بسخريه وتركته وذهبت

يا ترى ايه اللى هيحصل
توقعاتكم؟؟؟
بقلم/شيماء رضوان