رواية نِــسمة
الحلقة الرابعة ❤?
صهيب.. سلامتك ياغالية ? شن صارلك خيرك ؟
امه.. تهمك صحتي ؟
صهيب.. اكيييد تي شن تقولي.. وراسك الا عيوني مش خسارة فيك ??
امه.. به بنطلب منك طلب …
صهيب.. أمريني ❤
امه.. نبيك تخطب
صهيب.. بس ؟ غالي والطلب رخيص ? من غدوا توا نخطب ❤ اوامر تانية ؟
امه.. هاتخطب البنت الي بنختارهالك اني ..
صهيب.. كيف ؟
امه.. اخت خطيبة خوك .. نسمة
صهيب.. نسمة ؟ تي شن قصة هالبنت الي طلعتولي بيها فجأة … اني كنت بنخطب روان بنت عمتي
امه.. تخطب قهرتك
صهيب.. علاش تقولي هكي ؟؟
امه.. شوف قدامك بنات الدنيا كلهم… اختار الي تبيها منهم إلا هيا… وتم النقاش
صهيب.. علاااش باهي خييرها البنت شن دارتلك !!؟؟
امه.. هههههههه شن دارتلك ؟؟ تحسابني فرخة وتستغفل فيا وماشي تدير معاها علاقة من وراي ؟؟؟؟
وهيا مأمنينها علي بيتنا ودرناها زي اختكم وفلاخير مدارتش قدر للتريس ولا ليا ولا الي فلحوش وجت دارت هكي بكل عين وقحة !!!!
صهيب.. امي ،، اني وروان نحبو بعض من زمان.. وكان تبوني نخطب مش هاناخد وحدة غيرها.. غير هكي مفيش
امه.. اه مسألة عناد هيا ؟
صهيب.. يا امي مش عناد علاش تبيني ناخد وحدة لانعرف اصلها من فصلها وقدامي البنت الي تحبني ونحبها !!
امه.. تحبببب قهرتك وطيح سعددك هادي وحدة طااامعة فيك وفلووسك وامها تدف فيهااا علييك باش تعلقك بيييها وتخليك تحببها وترجع تحط ايدها عالششركة من جديد لانها حاقدة علينا من موضوع الورته وكارهتنا وانت زي الااهبل دايرااتك خاتم ف صبعها وتللف بيك زي ماداارت كنه القهرة والعازة مرت خوك وضحكتك علييه و وهماته وخلاته يتجوزها ومحدش صدقني وعرف حقيقتهاا الا بعد ماجابت صغار ومعاش في كيف تتطلق من خوك ع خاطر صغاارهم وهيا وصلت لكل الي تبييه ..وانت نفسس الشي قاعد يصيرر معااكك ومش حاسس !!!! انتم تبو تجلطوني كلكم ! كل واحد فيكم ماشي يجيبلي وحدة احرف من التانية !! ياخسارة ربايتي فيكمم عبيت عليكم رجالة ماينضحكش عليهم وليهم قدر وهيبة يجو هادم يخللوكم هكي ! يخلوكم تنقلبو ع الي ربتكم وكبرتكم وضيعت عمرها وشبابها كله ف سباكم !!؟؟؟
وبدت تبكي … اااااه ياخسارة ماربيتي وكبرتي ياسمية ياخسسارة عمرك الي ضاع وانتي عابية ع روحك كبرتي رجالة ..
وصهيب بدي يبكي معاها وهيا تتكلم ومش عارف شن يقول ولا كيف يتصرف ?
وقعدو ساكتين الزوز يجي ال5 دقايق بعدين تكلمت امه….
امه.. هدا اخر كلام عندي ، غدوة بنكلم بوك يطلب نسمة مع اختها غدوة وتمشو تلبسو المحابس وتم الموضوع
صهيب وهوا يبكي.. يا امي حرام عليك علاش تديري فيا هكي ? والله ظالمتيها انتي روان صدقيني اعطيها فرصة بس …
امه.. قاااااعد تقولي ظالمتيها !!!! علاقل احترم الششيب الي ف راسي الهمم .. شن تعرف انت عالدنيا مزال ! انت بينتلي انك قاعد متعرف شي عليها ولا كيف ماشية وسهل اي حد يضحك عليك …
وصهيب يحاول يتمالك اعصابه وطبس راسه وقعد يمسح علي شعره …
صهيب وهوا مطبس .. مش هانقدر ، مش هانقدر ناخد غير روان يا امي ..سامحيني
وكيف بينوض وقفت امه…
امه.. تكسر كلمتي ع خاطرها هيا ؟ تمام حط ف راسك ان جوازت خوك مش هاتم لو انت مخطبتش البنت هيا بالتحديد هي.. مدامها خشت عناد هكي….
صهيب.. ياا امممي اسستغفر الله علاشش تدخلي في ساامح فلموضووع شن دنبه هوا !!!! الولد يبي البنت علاش تدخليه ف مشاكلي اني علاااش ؟!!!
امه.. هكي مدامك بتديرها معاي عناد.. يا انتو الزوز مع بعض يا لا ..
صهيب.. الزززفت اهو اني قددااامك ديري فيا الي تبيييه متدخليششي هوا فلموضووع حرام علييك عاد ماترفسسييش الدنيا كلها ف بعضها الله يربببحك ياام
والبنات برا خايفات ع امهم وعارفين الموضوع الي بتكلمه فيه ?? وكذلك سامح معاهم ….
وخايفين من رد فعل صهيب اكتر شي..
وبعدين سمعو صياح فالدار وبعدها بدقيقتين طلع صهيب من الدار وعيونه حمر ويبكي ومش شايف شي قدامه وامه طالعه وراه تصيح وتبكي
امه.. مششش راضية عليييك لادنيا لا اخرة ياصهييييب سمعتني ولااااااا … مش راااضية علييييك… لا عااد وللللدي لا نعررررفك.. مش رااااضية عليييييك لييوم الدييين … سسسمعتني.. وعررس خوكك ؛؛ ملغيييييي سمعتووني كلكم .. ملللغييييييييي
و طاحت واغمى عليها >>>>>>
وناضو كلهم يتجارو اما سامح ف معاش عرف يتحرك من الصدمة ? مشعارف شن صار الداخل وشن دخل عرسه فلموضوع وشن الي خلى امه تقول هكي ??
بس منظر امه وهيا علارض معطاشي فرصة يفكر جري وقامها للسيارة وسماح لبست عبايتها ولحقاته بسرعة وطارو علمستشفى اما صهيب ف كان طلع من الحوش وميندريش عليها……
وبعدها نزلو سهام وروان عالصوت
بس اكيد خاطركم تعرفو ف شن كانو يفترشو قبل لاينزلو ??
توا نقولكم اسمعوا هي ?
سهام.. خاطري نعرف علاش تعلقي روحك ب حبال دايبة.. توا قدامك واحد زي صهيب وبمركزه وفلوسه والبنات يتحدفو عليه وغير ارضى علينا وماشية تقوليلي نحب وائل ؟؟ تي شن بديري بيه وائل لا فلوس لا شكل لا حوش بتاخديه وتعيشي معاه ف براكة و ع المية والخبزة !!؟
روان وهي تبكي … يا سهام نحبه والله نحبه.. ومش قادرة نحب صهيب ولا نتخيل حياتي معاه ، انا نسايركم عادي ندير معاه علاقة بالسر ننخطبوا بالكتير بس زواج لالا مستحيل
سهام.. غبيييية من ساسك لراسك .. يقولك خودي الي يحبك مش الي تحبيه.. كانه وائل مدورك ره وقفت معاك بس هوا يضيع بيك ف وقت وخلاص ..وصهيب يحبك ويموت فيك.. ومش هاتعرفي قيمة كلامي الا لما تجي هالقزمة نسمة تاخده منك وتتمتع هيا ب العز وانتي تقعدي غير تعدي ف شيبك وانتي ملوحة مع الايام …..
روان……
سهام.. اختاري مصلحتك ..ومصلحتك مع صهيب
وكيف بتتكلم روان سمعو صوت صياح لوطة
ونزلو وشبحو منظرهم كيف يجرو ب امهم بس ملحقوش عليهم لانهم كانو مشو بالسيارة بس كانو مرح وفرح قاعدات ويبكو
سهام.. خيرها اللاي شن صارلها !!!
والبنات يبكو وميردوش عليها…
روان.. وااك تبكشو هما البسي عبايتك فيسع سهام توا نلحقوهم بالسيارة ….
وبالفعل لبست سهام بسرعة وكلمت عمار وقتله ع الي صار ومشت وراهم عالمستشفى
و اول ماوصلو استقبلوهم فالطوارئ ودخلو امهم بسرعة وكانت فاقدة الوعي وخشت معاهم سهام
وكل واحد سارح ف جيهة سماح تفكر ف امها وخايفة وسامح شوية يتصل ب صهيب وهوا ميردش شوية يفكر علاش امه لغت عرسه فجأة وشن سبب الي صار
وروان كانت ف عالم اخر وتفكر ف كلام سهام ?
وبعدها بشوية طلعت الممرضة ولحقها الدكتور وبعده سهام…
سامح.. خير يادكتور طمنا ..
الدكتور .. والله شن بنقولكم… لازم تديرو بالكم ع صحتها اكتر من هكي
سماح وهي تبكي.. باه هي شن صارلها..
الدكتور.. امكم معاها القلب من قبل ؟
سامح.. كييف ؟؟ قلب !!
الدكتور.. يعني موضوع مكانش عندكم بيه علم ؛ للاسف امكم القلب متاعها تعبان ونبضاته اقل من الطبيعي وغير مستقر حاليا… هانكتبلكم شوية ادوية تمشي عليها وبتقعد معانا هني الليلة وغدوة لو استقر نبضها هانكتبولها خروج بعدين نبعتكم لدكتور قلب يتابع معاها حالتها ولازم تديرو بالكم عليها ارجوكم ومتعرضوهاش لاي ضغوطات نفسية او توتر الراحة النفسية مهمة جدا.. نستاذن
ومشي الدكتور وسماح تبكي وسامح مشعارف شي م الي صار وسهام ساكته ومتكلمتش وروان قال ايه مسدومة وموتأسِرة جِداً ?
وسامح كل شوية تتصل بيه سيرين وهوا ميردش عليها لانه مشعارف شن يقولها ?
سيرين.. اووف ياربي خيره هدا ??
نسمة وهي ترسم ،، خيرك تأففي من مبكري فددتيني
سيرين.. سامح من الصبح نكلم فيه ميردش مشعارفة خيره
نسمة.. بالك غير رأيك ??
سيرين.. مش وقت خفت دمككك
نسمة.. به جربي كلمي سماح واسأليها عليه…
سيرين.. زعما ؟
نسمة.. اي عادية اللقطة..
سيرين.. اوك …وطلبت رقم سماح…
وردت عليها …
سماح.. السلام عليكم..
سيرين..وعليكم السلام ❤ كيف حالك سموحة
سماح .. كويس الحمدلله
سيرين.. خيره صوتك حبيبتي ؟ كنتي تبكي ؟
وسماح مقدرتش تشد روحها وبدت تبكي ومش قادرة تتكلم
وسيرين مخلوعة ومش فاهمة شاورت لنسمه باش تجي وفتحت السبيكر …
سيرين.. سماااح خيرك شن فيي !؟؟؟
سماح وهي تشهق.. امي ،، امي ياسيرين
سيرين.. عمتي سمية خييرها !!؟
سماح.. حني فلمستشفى توا.. وهيا..تعبانه ..
سيرين.. يا الله !!! شن صارلها ؟؟؟؟؟
وسماح مش قادرة تتكلم م البكي ….طلع معاها القلب
سيرين.. به انتو ف اما مستشفى ؟!!!
سماح .. مستشفى ال ***
سيرين.. ماشي تمامم حني جاينكم …
نسمة.. يا الله مسسكينه..
سيرين.. نوضي فيسع البسي عبايتك خ نمشي نقول لماما ونجي
نسمة.. ماشي هيي
سيرين.. ماااما .. ياماماا
امها.. ايواا سيرين اني فالمطبخ..
سيرين.. ماما ام سامح مريضة هلبا ورفعوها المستشفى توا
امها .. بجديييات ؟!! لا حول ولا قوة الا بالله .. العفو المرا كانت صحيحة مافيها شي اول امس شن جاها
سيرين.. قتلي سماح توا طلع عندها القلب مسكينه? بنمشو اني وسيرين للمستشفى
امها.. استنوني بنجي معاكم عيب نخلوهم بروحهم ف الوقت هدا
سيرين.. مااشي هي 10د وتلقينا فالسيارة
ومشو كلهم عالمستشفى و اول ماوصلو سيرين اتصلت بسماح وجوهم لحد عندهم ..
ولما مشو كانت سماح حالتها بالهون وتبكي ?و اول ماشفت نسمة وسيرين جرت عليهم وقعدت طبط فيهم و ف امهم هالة وتبكي بالعبرة ?
هالة.. خلاص يابنتي مديريش ف روحك هكي شدة وتزول
سيرين.. خلاص حبيبتي مديريش ف روحك هكي معاش تفاولي عليها .. ديرو بالكم عليها زعلي صحتها بس وتوا ترجع زي قبل واحسن ❤❤
نسمة.. اي خلاص سموحة ? اضحك بقى ياجميل? متشمتيش الاجانب فينا ??
سماح.. هههههه قردة.. والله كان تعرفو شوفتكم بس ريحتني❤
نسمة.. ايي اصلا قالو بياخدونا يضغطونا ف كبسولة ويديرو منا حبوب سعادة ?
سيرين.. ياروحي انتي مضغوطة من ربي?
سماح.. ههههههههههه يعطيهالكم انتو الزوز
نسمة.. ??? ، وين عميمة ؟
سماح.. تحت الملاحظة توا ممنوع حد يخشلها.. بيطلعوها ال7 الصبح لو استقر نبضها
نسمة.. باذن الله خير متخوفيش روحك ❤❤
روان.. هادم هما سيرين ونسمة ؟
سهام.. اي هما بسلامتهم..
روان.. طيح سعدهم مجوش يسلمو حتى بلكدب
سهام..تي قتلك قليلات ادب ومش متربيات
روان.. اما وحدة فيهم نسمة ؟
سهام.. القصيرة.. والتانية خطيبة سامح
روان.. وعاد جايات هني مدايرين فيها بنات الاصول باش ياخدو الكل ف صفهم .. وباش تاخدها سمية لصهيب حتى هيا.. سوسات الهم
سهام.. بالزبط هكي ،
وسيرين تشوف ب عيونها يمين ويسار وتدور علي سامح..
سماح.. ههههه حبيب القلب نزل ياخد قهوة لوطة
سيرين.. ??صحيتي? ممكن نمشي نشوفه ؟
سماح.. هههه ياسلام.. اكيد تقدري
سيرين.. اوك نشوفه ونجي ❤
نسمة.. شن رايك نجيبلك قهوة سموحة؟
سماح.. اي والله ياريت ..
نسمة.. ماشي بنمشي نوصل سيرين ونجيبلك قهوة ونجي
سماح.. تمام ❤
ومشو نسمة وسيرين للمقهى ، وقعدت سماح مع هالة تهدرز
وسيرين لقت سامح مقعمز عالطاولة ومطبس راسه وميتكلمش
نسمة.. ياروحي شكله مدمر ? بري واسيه امشي خ نجيب قهوة وتلقيني فوق ..
سيرين.. ماشي
ومشت سيرين لسامح وقعدت تشوفله ومشعارفة تبكي معاه ولا تواسيه ??
سيرين.. حبيبي
وسامح سمع صوتها قام راسه طول وعيونه كان حمر و واضح انه كان يبكي … سيرين ! شن ديري هني ؟
وقعمزت ع الكرسي الي مقابله …
سيرين.. ههههه تبيني نخليك ف وقت زي هدا ؟
سامح… ههههههه نجيلي حبيبتي السمحة ❤
سيرين.. اميين ? كنت تبكي ؟
سامح.. لالا
سيرين.. شن منعرفكش اني ؟ كنت تبكي .. خلاص معاش تضايق روحك حبيبي خيركم كلكم تفاولو عليها العفو صدقوني غدوة توا تولي زي قبل واحسن وانتم ردو بالكم عليها وعلي صحتها وتوا تولي تمام ?
سامح.. مش علي هكي بس اني .. وبيتكلم شرين تليفونه وكان صهيب ….
سامح.. لحظة بس ، اه صهيب .. جيت ؟ خلاص تلقاهم فالدور التالت …. ماشي هي ، سلام
سيرين.. هدا صهيب ؟
سامح.. اي .. الباشا صهيب
سيرين.. هههه علاش تقول عليه هكي ؟
سامح.. لان بسسسببه اني وياك ،،،،
سيرين.. اني وياك شني ?? ….. خيرك سكتت ؟ ……كمل !!؟
سامح.. استغفر الله وخلاص ….اني نايض توا نجيك
سيرين..وين ماشي !!
سامح.. بنشوف صهيب …
سيرين.. ماشي نتلاقو بعدين
سامح.. سلام …ومشي طول
سيرين.. هدا خيره هوا ؟
ومشي سامح يدور ف صهيب >>
وركبت سيرين ونسمة واقفة تستنى فلقهوة …
جي حد جنبها….لو سمحت وحدة نص نص
نقولكم مني ؟ ? هوا صهيب بس نسمة متعرفاش ولا هوا يعرفها ?
وقعدو يستنو الزوز والراجل حط وحدة ع الرخامه ومشي يدير فالتانية والزوز مدو ايدهم ف نفس الوقت ع الطاسة ..
نسمة.. 
لو سمحت خوي هادي طاستي
وصهيب شد الطاسة منها وخداها .. اي معليشي اطلبي غيرها… وخداها و ولع دخانه ومشي ركب
نسمة.. شششن هالوقاحة هادي ?? مصح وجهكك ناقصة هياا مه … لو سمحت معليشي وحدة تانية
وخدت نسمة القهوة وركبتلهم تاني فوق ومدت القهوة لسماح..
سماح.. الله ريحتها تجنن.. صحيتي ❤❤
نسمة.. سلمك .. بس تعرفي واحد وقح ليا ساعة نستنى وفلاخير خدي طاستي وقالي خودي وحدة تانية مصح وجهه ????
سماح وهي تشرب.. هههههههه عليك شعب..
وقعدو يهدرزو مع بعض شوية وصهيب واقف من بعيد يسال ف الدكاترة علي حاله امه…وبعدين جي قرب منهم ،، و اول ماشبحاته روان جرت عليه
روان.. حبيبي ?? ويين كنت خوفتني عليك !
صهيب.. بعدين نقولك .. وين سماح وسامح ؟
روان..سامح كان لوطة وجي هني يدور فيك بعدين نزل تاني وسماح قاعدة غادي
صهيب.. ماشي بنمشي نشوفها ونجي
سماح.. اشي السخيفة قدام الناس لها الدرجة وصلت بيك الوقاحة
ومشي صهيب لسماح الي كانت تهدرز مع سيرين ونسمة وامها..
صهيب.. السلام عليكم
ردو كلهم.. وعليكم السلام ورحمه الله
سماح.. صهيب هادي سيرين خطيبة سامح ان شاء الله.. وهادي امها خالتي هالة… وهادي اختها .. نسمة
وصهيب شبح لنسمة وقام حاجبه وابتسملها ب شر
صهيب.. اهلين خالتي كيف حالك..
هالة.. بخير ياولدي .. شدة وتزول شد حيلك ودير بالك ع وخياتك
صهيب.. اكيد خالتي .. ونعم بالله.. <ومد ايده لسيرين> اهلين سيرين كيف الحال
سيرين.. الحمدلله كيف حالك انت☺
وسلم ع نسمة من غير مايتكلم معاها ولايشوفلها ونسمة كذلك
وروان تشوفلهم من بعيد وقريب تاكلهم بعيونها ?
وقعد معاهم شوي واستأذن لان تليفونه يشرين
صهيب.. الو ،.. انت وين ؟.. ماشي جايك هي
وسكر ومشاله…
وسامح كان مقعمز ع كرسي فلحديقة وعيونه حمر م البكي ?
صهيب.. شن في ؟ خيرك !
سامح… شن في !!؟؟ في اني خسرت البنت الي نحبها بسسبببك وبسبب طيششك عرسي التغى وعلااش مش فاهم..وبسببك امي جاها القلب ..وبسببك مليون مصيبة ومصيبة وانت ولاا على بااالك..وتبي الي ف راسسك يمشي … وناض شده من سوريته…. اني نتحمل اي شي فالدنيا منك ياصهيب … عنادك وكساحة راسك وطبعك واسلوبك الزفت… لاكن نخسر امي والبنت الي نحبها هادم خط احمممر.. سمعتننيي ولا !!!! خططط احمرررر
و صهيب شده من راسه وهوا يبكي.. اهددددي ياسامح من قاالك اني قاااصد هدا كله !!! حتى اني مش من حقي نحب وننحب !!! علاش تبو تجوزوني بلغضب لوحدة منعرفهااش شن الي يخلييكم تديروو فيا هكي خوووك حتى اني ره خوووك … حتى اني لحم ودم ونحسسس ..ونبي نعيش زييك مع البنت الي نحبهاا
سامح..هههههههه متقوليش الي تحبها هادي تطلع روان !؟
وصهيب انصدم وسيبه من ايده وقعد يشوفله …
سامح.. يعني هيا صح ؟ روان ؟
صهيب.. من قالك
سامح.. مش محتاج حد يقولي .. واضح ، و الواضح اكتر من هكي انه هيا تتسلى بيك وتضيع بيك ف وقت… لانها لو تحبك ره مش كل ماتفتح معاها موضوع الجواز تتهرب منك ..
صهيب.. انتم ماتعرفوا شي اخطوني وراسكم
سامح.. لا نعرفو وكلنا نعرفو انك تحبها وميت فيها لدرجة مش قادر تشوف قداش هيا وحدة تافهة وسطحية وتهتم بالمظاهر ومشاعرك واحساسيك كلها مش مهمة بالنسبة ليها..حتى حني خواتك وتهمنا سعادتك واني منرضاش ف خوي وحدة زي هيا تخليك خاتم ف صبعها وتطيحلك قدرك بلشكل هوا.. اني ومهند وخواتك البنات كلهم حاولو يبعدوك عليها وكلهم عارفين انها تلعب بييك .. افهممها هادي ياصهيييب .. روان مش ليييك.. متحبكش … انت اخررر همهاا
وسيبه ومشي
وصهيب قعد عالكرسي يبكي ومش فاهم شي لان كلهم يقولوله ف نفس الكلام عليها وعقله يبي يصدق بس قلبه يمنع فيه وهدا اصعب واحر شعور فالدنيا لما تقعد ف صراع بين قلبك وعقلك ??
نرجعوا عندهم فوق >>
هالة.. خلاص يابنات هي الوقت تأخر ، الساعة 9 .. غدوا الصبح ان شاء الله نجوكم تكون الوالدة تحسنت ف وفاقت
سماح.. ماشي بارك الله فيكم خالتو ? نسومة ، سيرين تصبحو ع خير حبيباتي ?
سيرين ونسمة.. وانتي ب الف خير سموحة❤
هالة.. هي طهورا ان شاء الله …
وسلمو ع بعض ونزلو >>
سيرين.. ييي نسيت شنطي فوق … ماما استنيني نجيبها ونجي
امها.. ماشي فيسع ، نسمة اجري ولعي السيارة انتي لين نجو
نسمة.. باهي متعطلوش
ونزلت نسمه تولع السيارة وهيا تدور فلمفاتيح فالشنطة سمعت صوت حد من تالي يكلم فيها
،،ههههه صار انتي نسمة
ولما تلفتت لقاته صهيب
نسمة…….
يتبع………