رواية نِــسمة
الحلقة الثالثة ❤?
سماح.. تي لياا ساعة نوض فيكم وانتم ميتات.. نبيكم ف موضوع مهم صحصحولي هني
مرح وفرح .. ششن في ???
وعدلو تقعميزتهم..
وال3 لما يلتموا ربك يستر ???
سماح.. صهيب
مرح.. كنه ؟!
سماح.. مش ناوي يحط عقله ف راسه ويفوت فرخة الشياطين هيا روان
فرح.. باهي وشن الجديد خوك اهبل وعارفتيه هدا لاش منوضتينا ؟!
سماح.. مبكري فالسيارة يبو ياخدو نسمة اخت سيرين لصهيب ناضت هالحرباية سهام تبخ ف سمها قتلهم خودوله روان وابصر شن .. اني لو نموت منخليش المخلوقة هيا تتجوز خوي
مرح.. ايا عليك عملة.. قصدك صهيب بيتجوز روان ! روان وسهام مع بعض ؟! لا ياربي ارجوك هلبا هكي حني وحدة ومتحملينها بالسيف ???
فرح.. باهي شن الراي توا ؟!
سماح.. لازم نقنعوا امي تاخد نسمة لصهيب.. هيا الوحيدة الي بتقدر تنسيه روان والي جابوها
مرح.. ياسلام وانتي تحسابيه اهبل وبيقتنع ب السهولة
هادي !؟
سماح.. ياودي حني غير نحطو الفكرة ف راس امي بس وصهيب توا نشوفو كيف نتصرف معاه..
فرح.. خيركم انتو نشوف فيكم ليكم كدا يوم متكلموش ف بعض ؟
سماح…… سكتت ونزلو دموعها ?بعدين تكلمت بصوت مبحوح ، تخيلو صهيب الي كان يقتل اي حد تنزلي دمعة بسببه.. ?جي اليوم الي قام فيه ايده عليا ع خاطر وحدة تانية …… ودموعها بدو يصبو
فرح.. ضربك !!!!!!!!
مرح.. حييييه عليه المجنون هواا.. ششن صار لعقله
سماح.. كان بيضربني و وقف ف اخر لحظة ؛ بيضربني ع خاطر التافهة هاديك.. عرفتي علاش محروقة منها ! والله العظيم الا جوازة صهيب من روان الا بتكون ع جتتي … هالحقيرة والله ماتستاهله تستكرد فيه ومش مدايرتله قدر ولا معبراته وهوا يذل ف روحه عليها … وغير ارضي
فرح.. استغغر الله وخلاص..كلبة.. به توا شن بنديرو ..
مرح.. متسمعيش فيها شن تقول ! غدوة الصبح امي لازم نقنعوها تاخد نسمة لصهيب .. ب اي طريقة.. اني معاك سماح فلموضوع هوا.. بنت طيبة بكل ودمها خفيف وحلوة متأكدة هادي الي هاتقدر تخلي صهيب ينسى البقرة الصفراء هاديك
سماح.. بالزبط هكي.. يعني انتو معاي ؟
مرح وفرح.. معاك ياكبير ?✊
سماح..هههههههه مية مية .. غدوة نقعمزو مع ماما ونحبسوها ف دار ومش هاتطلع منه الا لما ينزرع الموضوع ف راسها
مرح.. ههههههه باهي غير اطلعي وخلينا نتمرقدو بس لاني نهلكت اليوم وتعبانه
فرح وهي تتاوب .. ايي هي ?
سماح.. ماشي تصبحو ع خيير ❤ تبو نغطيكم ونبوسكم زي زمان ؟ ??
مرح.. لواه تغطينا العفو ?تعالي بحدانا ??
فرح.. اييييي هي ???
سماح… ههههههههه زيدو غادي ❤
وادنولها ورقدو جنب بعض ال3 ❤❤
تاني يووم >> ?
كانت امهم فلمطبخ توتي فلفطور
كمال.. صباح الخير ،،
سمية..صباح النور .. نديرلك قهوة ؟
كمال.. اي ياريت .. شن صار معاكم امس
سمية.. والله البنت ماشاء الله الحق وشكلهم عيلة كويسة ومحترمة ..
كمال.. خلاص كان هدا كلميهم يحددو يوم نقعمز مع بوها ونطلبوها رسمي منه …
وهني خشو البنات مع بعض ❤
مرح وفرح ? ،،صباح الخييير ??
سمية.. صباح النور بنياتي ..تعالي سموحة سلم بنتي ساعديني فلفطور ..
سماح.. حاضر ماما هي ❤ شن حالك بابا اليوم ؟ قاعد مزكوم ؟
كمال.. الحمدلله احسن اليوم .. شنو ياتوأم الشر انتم ? قريب تطيرو نشوف فيكم هههههه عجبتكم مرت خوكم ؟
مرح.. تي تعررف زي العسسل يابابا وعندها اخت تشوف وحدة فيهم تنسى التانية ???
كمال.. هههههههه باهي الحمدلله انكم مرتاحينلهم
فرح.. علاقل تعوض الهم الي عندنا ?
سماح.. هههههه فرح عيب
سمية.. سلم بنتي العاقلة ?
سماح.. ماما بابا شن رايكم ناخدو نسمة لصهيب ؟
كمال.. من نسمة ؟
فرح.. اخت العروسة بابا ?تهبل حتى هيا ميتعوضوش الزوز فوقتنا هدا منلقوش منهم بكل ره ..
كمال.. وعلاش ناخدو من برا العيلة لصهيب ؟ اهي بنت عمته روان أولى
سماح.. بس بابا روان بغض النظر عن انها بنت عمتي ومع احترامي ليها بس نحس ف دماغها قاعد صغير ومش حمل مسؤولية
كمال.. والله نشوف فيها أولى من غيرها ومنها ميطلعش من العيلة ويبعد علينا
سمية.. ياحاج غير شوف البنت الي يحكولك عليها بعدين ساهل حتى هيا ماشاء الله زي مايحكو البنات
مرح .. يعني انتي موافقة عليها ماما ؟??
سمية.. ايه معنديش اي مانع لو بوكم وافق نخطبوهم الزوز واني مادبيا الحق
سماح..وحق ربي انتي احلى ماما هي ????
فرح..بابا شنو ?? قول باهي ارجوك?
كمال .. شرب من قهوته وقعد يشوفلهم شوية ،، انتم قاعدين تتناقشو وتتكلموا ونسيتو تاخدو راي صاحب الشأن نفسه.. شوفوه هوا شن يبي مش اني … صهيب هوا الي يقرر الشي هوا بنفسه والانسب ليه .. اسألوه شن يبي بعدين نتفاهموا ..
صهيب.. تتفاهمو ف شني ??
سماح بصوت واطي.. اياا .. فسد الموضوع ?
كمال.. صهيب ولدي.. تعالى قعمز بنتكلم معاك
صهيب.. ان شاء الله خير ؟
وكيف قعمز اتصلت بيه حد وسكر عليه
< شوية ونولولهم خ نمشو لوحدة انتم تحبوها هلبا ?
رواان ?????تن تن ترارارن .. تن تن ?
كانت راقدة وناضت ع صوت تليفونها يشرين ?
شبحت للساعة لقتها 9 ونص الصبح..
روان.. من هدا الي بيتصل ع صبح ربي ?
وردت ،، الو ؟
سهام.. ايوا روان.. صباح الخير
روان .. اه سهام.. صباح النور كيف حالك حبيبتي
سهام.. بخير حياتي .. ان شاء الله منكونش نوضتك بس ؟
روان.. لالا عادي اصلا كنت بنوض … ان شاء الله خير في حاجة ؟
سهام.. لالا بس نبي نقولك ع حاجة
روان.. شن في .. شن صار معاكم حقا امس .. شن جو عيلتهم
سهام.. هدا الي بنكلمك عليه.. البنت عجبت اللاي هلبا واليوم بيتصلو بيهم باش يحددو موعد بوها يقعمز مع عمي كمال ويوم تلتلبيسة مفهمتش شن عاجبهم فيها وهيا لا اسلوب ولا شكل
روان.. اه ..هههههه.. باهي كويس
سهام.. تلقي عندك الفاجعة ?
روان.. شنو ؟؟
سهام.. العروسة اختها كلهم مخبوطين فيها ويبوها لصهيب …
روان ناضت وقفت استعداد … كييييف كيف شني مني !!!!
سهام.. اي زي ماقتلك .. السوسات خواته قاعدين يلعبو ل اللاي ف دماغها باش تاخدها لصهيب.. جيت نقولك باش تشوفي كيف تتصرفي ومضيعيش الولد من ايدك … ومعاش تزيدي تتغلي عليه لان احتمال ف غمضة عين معاش تلقيه و وقتها تنفع ب ايه ياندم …
روان.. مسستحيل ياخدوو عينهم اكييد هبلوو هاادم..
سهام.. تكلمي مع صهيب روان وبلاجو زايد.. تعرفي انتي الولد مستعد يقيدلك صوابعه ال10 شمع ومستني منك كلمة باش يخطبك .. متقعديش تشوفي روحك عليه لايضيع منك.. واحد ف شكله ومركزه وفلوسه حرام يضيع منك الحق وانتي ماناقصك شي.. جيت ننصحك وباش تلحقي روحك ومتجيبيش سيرة اني حكيتلك …
روان.. ماشي ماشي سكري انتي توا ….
سهام.. تمام هي نتلاقو غادي ف العشية ..اني شوية وبننزل
روان..ماشي هي سلامات
وسكرت منها واتصلت طول ب صهيب بس فصل عليها الخط …….
روان.. تفصل عليا اني الخط ياصهيب ؟! ماشي به .. شكله عجبك الموضوع.. بس تحلم تاخدها
عند صهيب >>
صهيب.. اي بوي .. شن في
وشبح لسماح واقفة كانت تصب فالشاهي صباته وطلعت من غير ماتشوفله لانها قاعدة زعلانه منه ?
ومرح وفرح بكل حواسهم معاهم ?
كمال.. امك وخواتك زي ماتعرف امس مشو يشوفو لخوك سامح البنت الي يبيها وعجبتهم هلبا وبنحددو يوم نقعمز فيه اني مع بوها ونطلبوها رسمي
صهيب.. باااهي مليح الحمدلله ان شاء الله ربي يهنيه .. اهم شي عيلة كويسة ومحترمه
سمية.. عيلة ماشاء الله الحق
كمال.. اي وعندها اختها حتى هيا عجبتهم ويبو ياخدوها ليك ..
صهيب.. ههههههههههه من ؟ ليا اني ؟ علاش حد قالكم نبي نتجوز ؟
سمية.. ياولدي تربح عمرك 28 وشهر وتطق ال29 خلاص ل امتى بتقعد هكي ؟
صهيب.. اني حر يام نتجوز امتى مانبي
سمية.. لا مفيش حاجة اسمها زي مانبي العمر يجري قدامك وانت مش حاس واني مش قاعدتلك العمر كله
صهيب.. ايااا علاش الدوة هادي توا بعيد السو عليك ??
كمال.. ياولدي شوف بغض النظر عن موضوع الي بتاخدها بس مينفعش تقعد هكي خوك الاصغر منك خطب وبيتجوز وانت مزال قاعد شن قاعد تستنى ؟ مفيش حاجة اسمها امتى مانبي … العروسة مش هانغصبوك ع اي وحدة انت الي بتختار الي تبيها وتكمل معاها حياتك.. مادبيا عرسك انت وخوك ف ليلة وحدة ف خُف روحك وفكر فيه الموضوع هدا ونبي منك رد ف الليل لما تروح م الشركة
وصهيب بدي معاش يشوف ف شي قدامه لان البنت الي يبيها قاعدة متبيش يخطبها فلوقت الحالي ومشعارف السبب ?
صهيب.. ان شاء الله ياحاج ان شاء الله .. هي تبي شي ؟
كمال.. سلامتك
صهيب.. هي سلام
سمية.. مش هاتفطر قبل لاتمشي ؟!
كمال.. عندي اجتماع ال10 نبي نلحق .. توا بعده ناكل اي حاجة….. وخدي مغاتيحه وطلع
وكمال شرب قهوته وفطر وطلع حتى هوا …
وبعدهم خشت سماح كانو مرح وفرح يهدرزو ع امهم..
سماح.. شن صار ؟ تكلمتو معاه ؟
مرح وفرح شبحو لبعض وسكتو
سمية.. تكلم معاه بوك
مرح.. ماما قصدكم بجديات بتاخدوله روان؟ ?
سمية.. ياخد قهرته .. يبي يديرلي زي عمار خوه طيح الله سعده عالكنه الي جايبهالي
مرح.. شن قصدك زي عمار ?? شن دار خوي ؟
سمية.. خوك مادار شي كان اهبل وعلي نياته .. هيا ضحكت عليه ولفت عليه ..
سماح.. قصدك انتي مكنتيش تبي سهام م الاول !!!!
سمية.. ههههههه كنت نبي السعد مش سهام …
فرح.. احكيلنا به كيف خديتوها ??
سمية.. عمار وقتها كان عمره 27 سنه .. واني قبل مانتقاعد فلمدرسة كانت معاي أبلة جديدة كيف متعينه .. وهيا هادي الهانم سهام .. عمرها 23 سنة وقتها …
كنا ف حجرة المدرسات بين كل حصة نقعمزو نهدرزو كانت كل وحدة تدوي حني بوي عنده كدا وكدا والي تقول راجلي كدا وكدا وعنده وعنده وعنده .. و بوك وقتها كان مزال عمكم الله يرحمه مدير للشركة الي فيها صهيب توا .. وكان الحال ع القد ..
وفلفترة هادي كان عمار يشتغل موظف عند عمه ويكمل دوامه ويجي يروح بيا م المدرسة كل يوم .. وشاف سهام بالصدفة عجباته سألني عليها قتله مانعرف عليها شي كيف متعينه بس توا نسألك عليها…
تاني يوم سألتله عليها وكلهم قالولي متع مظاهر وراك تقربيها وحذروني منها .. وعرفت انها تقرا طب بس تشتغل باش تجيب فلوس لقرايتها لان حالتهم المادية كانت ضعيفة سخفتني
ومصدقتهمش قلت الناس حشيشتها الدوة والفترش الزايد ومبيتش نحكم ع البنت لين نتعرف عليها …
وتعرفت عليها اول يومين كانت تمام بعدين قلتلها عندي ولدي شافك وعجبتيه وكان مش مرتبطة نبو نجو يوم ونقعمزو مع الوالدة وكذا ونخطبوك ليه..
ارتبكت فلاول بعدين حددنا يوم مشي بوك قعمز مع بوها وقعد يسأل فيه شن عندكم وشن تخدم و ولدك شن يخدم واسئلة هكي وقالنا توا نردو عليكم بعد اسبوع
و ولدي كان قريب يطير بعدها ب اسبوع اتصلت بيه هيا وقتله بابا مش موافق ومفيش نصيب …
اضايق عمار وقتله فيها خيرة ياولدي وكله نصيب …
بعد 6 شهور توفى عمكم .. وعمكم مكانش عنده صغار ،ومعنداش خوات ولاد غير بوكم .. وعنده 3 خوات بنات الي هما عمتكم ربيعة “ام روان ” وكريمة وفوزية حماواتي .. هادم كانو كل الورثة الشرعيين فلعيلة ..
وعمكم مخلاش وصية لانه مات فجاة ..
وزي ماقال السرع تقسم الورت ع عماتكم و بوكم تنازل ع كل املاكه التانية وحساباته ف البنك وثروته وقسمهم بلعدل وقال مانبي شي غير الشركة لانها كانت لبوهم وتعز عليه وعمكم كان قفاص شوية ومخلاش بوكم يخدم معاه .. ولما مات بدي بوكم هوا مالك الشركة وبدي يخدم فيها ب قلب ورب لحد مازاد كبرها وبدي ليها اسم
لاكن ربيعة مكانش عاجبها انه خدي الشركة ودارت الي مايندار وقتها فلاخير بوكم باش يسكتها خدي راجلها يشتغل معاه فلشركة ودارله منصب ومرتب محترم
المهم تعدلت حالتنا المادية وشرينا الحوش هدا وكله بمجهود بوكم لان زي ماقتلكم تنازل ع ثروة عمكم كلها يعني كله بتعبه وشقاه …
وبعدين فلمدرسة انتم زابطين جو الابلات كيف يتناقلو فالدوة المهم عرفو بالموضوع متع الورته كله وان حالتنا بدت مستريحة وفوق الريح..
جتني السوسة سهام هاديك بدت تجر ف ناعم معاي وتسال مرة مرة ع عمار واني صدقت كلام الناس كيف قالولي متع مظاهر وفلوس م الاول .. واني بديت نسكلها فلازرق امشي شن تدير …
عمار كان كل يوم يستنى فيا فلحصة الاخيرة نكمل باش يروح معاي وهيا كانت تستغل فلفرصة باش يشوفها وتزيد تعلقها بيه ودارت حتى علاقة معاه من وراي لحد ماعمتله قلبه وعيونه …وجي قالي مرة تانية نبي نخطبها واني رفضت بعد ماعرفت غرضها وغايتها وانها طامعة ف فلوسه مش اكتر ..وهوا مش مصدق الشي هوا و وصلت بيه انه قعد برا الحوش اسبوع ميبيش يروح عناد لين نخطبوهاله .. لحد ماكمال مشي خطبهاله من بوها مرة تانية واني مدريتش الا بعد ماقرو الفاتحة .. حتى بوكم الله يسامحه ? عالديرة الي دارها فيها وعليك كنة طحت فيها.. محشمتني مع خلق ربي كلهم لا اسلوب لامنطق وياريت حتى شكل باهي تقول ساحراته ….
مرح وفرح مصدومات ويشوفو لبعضهم
وسماح كذلك..
سماح .. وانا نقول كنها هيا وروان حبايب اتاريهم نفس العجينه
سمية.. اي و روان مستحيل نسمح انها تتجوز ولدي صهيب .. واني زابطة عمتكم وحركاتها تدف فيها علي صهيب باش تعلقه بيها ويرجع يتعاود نفس السيناريو الي صارلي مع عمار ، لانه ربيعة قاعدة حاقدة علينا من موضوع الورته ..وتبي تلصق بنتها ف صهيب باش ترجع تحط ايدها عالشركة مرة تانية….. بس ورحمه امي وبوي ماساكته ع الي دير فيه …
مرح.. يعني انتي زابطة انت روان وحركاتها ؟
سمية.. اين زابطها هادي تي عاجنتها عجن هي وامها.. تبي تخلي ولدي يحبها ويتعلق ب بنتها وتدير فيا نفس الفصل الي داراته سهام بس تحلم
وهني البنات شبحو لبعض وعرفو ان امهم معندهاش علم بعلاقة صهيب وروان ….
سمية..خيركم تشوفو لبعض ؟
سماح.. ماما ؟ …وشدت ايدها .. ره صهيب وروان بلفعل علي علاقة ?
سمية.. شن تقولو ؟
مرح وفرح .. اي ماما ، ليهم سنه
وسمية فجأة سخنت وطاحت من طولها ………
البنات… ماااااااماااااااااااااا
مرح وفرح.. مامااا ?????
سماح.. اميي تسسمعي فياا !! مامااا!!! مرررح جيبي برفان بسسرعة..
علي جيت مهند كيف فايق.. خيركم شن في !!!
وشبح امه طايحة علارض وانفجع م المنظر
مهند.. اميييي خيرها !!!؟!؟؟؟
مرح … مندري كانت تهدرز وساخت ????????
وقامها مهند بسرعة ودخلها للدار وحطها ع فراشها وجت فرح تجري ب البرفان وبخولها شوية وقعدو يفيقو فيها لحد مافتحت عيونها
مهند.. امي انتي كويسة !!
وامهم هزت براسها وغمضت عيونها ….
مهند.. اني بنركب لسهام نقولها تجي تشوفها
سماح.. لالالااااا سهاام لا … اتصل بدكتور حمدي لاكن سهام لا …
مهند.. علاش ؟!
سماح.. ديير زي ماقتلك ..
مهند.. ماشي ومشي مهند يتصل بالدكتور والبنات قعدو جنبها وهي دايخة ..
لحد ماشرين الباب وطلعت مرح تفتح ……
وبعد شوية رجعت للدار قارنتهم
سماح وفرح.. شكون ؟
مرح.. بقرةٌ صَفراء فاقِع لونُها ??
فرح.. ووووووه شن جايب عمها هادي توا
مرح.. مشعارفة حدفتها فالصالة قتلها توا نجي وقتلي اصلا بنركب لسهام ركبت ..
سماح.. هالبهيمات الزوز …
وامهم فتحت عيونها شوي وسمعت كلامهم فهمت ان روان هني ….
و سمية تتكلم بصعوبة قتلهم .. صهيب ،، صهيب وين ؟
سماح.. فالشركة ماما
سمية.. توا اتصلي بيه قوليله يجي
سماح.. علاش؟
سمية.. اتصلي توا قتلك
سماح.. ماشي
ومشت سماح اتصلت بصهيب وقتله ع الي صار مع امه وانها تعبانه وتبيه وسيب الي ف ايده وجاها يجري وكذلك سامح معاه وخشو للحوش ف نفس الوقت مع الدكتور
والدكتور كشف عليها وطمنهم وطلع ، وامهم طلبت منهم كلهم يطلعو وان هيا تبي صهيب بروحه
وطلعوا كلهم وصهيب قاعد بحداها عالفراش وشاد ايدها ودموعه ف عيونه م الخوف….
لانه كان متعلق ب امه بدرجة لاتوصف ?
صهيب.. سلامتك ياغالية ? شن صارلك خيرك ؟
امه.. تهمك صحتي ؟
صهيب.. اكيييد تي شن تقولي.. وراسك الا عيوني مش خسارة فيك ??
امه.. به بنطلب منك طلب …
صهيب.. أمريني ❤
امه…….
~~~~~~~~~~~~
والبنات برا خايفات ع امهم وعارفين الموضوع الي بتكلمه فيه ??
وخايفين من رد فعل صهيب اكتر شي..
وبعدين سمعو صياح فالدار وبعدها بدقيقتين طلع صهيب من الدار وعيونه حمر ويبكي ومش شايف شي قدامه وامه طالعه وراه تصيح وتبكي
امه.. مششش راضية عليييك لادنيا لا اخرة ياصهييييب سمعتني ولااااااا … مش راااضية علييييك… لا عااد وللللدي لا نعررررفك.. مش رااااضية عليييييك لييوم الدييين … سسسمعتني.. وعررس خوكك ؛؛ ملغيييييي سمعتووني كلكم .. ملللغييييييييي
و طاحت واغمى عليها >>>>>>
تبو تعرفو شن الي صار ؟ ?
استنوني فلحلقة الجاية توا نقولكم??
يتبع……..