رواية نِــسمة

 

الحلقة الثانية ❤?

نسمة .. ف شن كنت تبي تحكي ؟
يوسف.. طبعا متحسابيش اني كنت داس عليك الموضوع هدا غير كنت نستنى ف اللحظة المناسبة ولما نتأكد من كل شي باش نحكيلك .. انتي عارفة غلاوتك عندي ❤
نسمة.. هههههه اي اي .. من سنتين كنت تكلم فيها قتلي ?
يوسف.. تبي الحق ، مش سنتين بالزبط
نسمة.. كيف ؟
يوسف.. يعني اني كنت نبيها من سنتين ، كانت معاي فلجامعة ومن اسبوع بس كيف اعترفتلها بحبي وهي طلعت تبادل فيا نفس الشعور ❤ ..

واتكى ع الكرسي وشبح للسمي ..

ااه يانسمة ..محلاه الشعور ?? تعرفي حسيت روحي اسعد انسان فلعالم ❤

ونسمة تشوفله ومش عارفة شن تقول ولا كيف تتصرف .. وخايفة ترمش وتخونوها عيونها وتهرب منها الدموع ?

وقعدت تتأمل فيه وهوا سرحان وفخاطرها مليون كلمه تبي تقولها بس برضو مقدرتش ..

لحد مارجع شبحلها ولقي عيونها معبيات دموع عدل تقعميزته وقالها باستغراب .. نسمة خيرك !؟؟
نسمة .. لا شي .. ايي شن اسمها و وين تعرفتوا
يوسف.. هههههه هنادي ، وقتلك معاي فلجامعة قبل وين دماغك ?
نسمة.. هههه اه نسيت.. ربي يهنيكم ?
يوسف.. ان شاء الله يارب ويجي اليوم الي نشولك فيه مع ولد حلال يحبك ويخليك تحسي ب نفس الشعور الي نحس بيه توا ❤❤ لانك تستاهلي ?
نسمة.. هههه اي ان شاء الله ،،
يوسف.. وتوا بنغلس عليك و بنطلب منك طلب
نسمه.. ههههههه مصح وجهك كم سيفو عندنا حني.. ادلل
يوسف.. عيد ميلادها الاسبوع الجاي ونبيك تطلعي معاي ناخدولها حاجة ونبي مساعدتك مش عارف شن ناخد.. حاجة البنات منفهمش فيهم الحق??

ونسمة زي الي طاح عليها سطل مية مصقع بكل لين خلاص ?

نسمة .. اه ؟ اني ؟!
يوسف.. ايي انتي وانا ليا غيرك يانصة ?
نسمة.. به شن رايك تاخد معاك سيرين هيا حشيشتها الشوبنج والجو هوا.. لان شوفت عينك اخطى الكحل مانعرف شي فلمكياج ??
يوسف.. انتي دوقك احلى ❤ بعدين مش شرط ناخدلها مكياج بعدين اني نبيك انتي وراسك متكسريش بخاطري ?
نسمة ف سرها ..”وراسك انت متزيدش تكسرلي قلبي ? ” ااه ياشفش.. عارف قلبي حنين وميهونش عليا نرفضلك طلب ?
يوسف.. اي عارف ?? نجك ليا ?
نسمة.. ههههه هي وجهك خ نشوف سيرين شن تدير ..
يوسف.. هههه ماشي نمشي اني نكلم بوكم توا ؟
نسمة.. اي تمام كلمه وتعالا قولنا شن صار
يوسف.. مية مية نتلاقو بعدين مالا … منورة ??
نسمة.. ? باي

ومشت نسمة لسيرين ومشي يوسف باش يكلم بوها وبالفعل قاله انه في ولد صاحبه يبي يجي يخطب سيرين ولانه مستعجل ومسافر ويبي كل شي يوم الخميس وبجهد جهيد قنعه ?

وسيرين قريب تدير جوانح م الفرحة ??

وسامح نفس الشي كلم امه باش تمشي تخطبله سيرين…

منطولش عليكم جهزو كل شي وجي يوم التلاتاء ?

ف حوش العريس …

مهند.. تي هياااا انتي وياها الناس قريب يرقدو وانتم قاعدين مكملتوش ..

مرح وفرح .. هيااا خلاص كملنا
سماح.. عبايتي وين ???
سهام.. متقوليش كنتي بتمشي ب الي فيها فصوص زرق ! ??
سماح.. اييييييي وينها ???
سهام.. اياا حمودي ولدي طيح عليها عصير مبكري غسلتها ونشرتها نندريش عليك بتلبسيها هي ?
سماح.. وااااك عليك عملة وخلاص

وجت امهم >> مازلتوا انتم ؟!!

مرح.. لالا خلاص كملنا ماما هي اطلعي جايين وراك… سماح شدي عبايتي التانية هاك وهيا فيسع البسي وحصلينا…مرح وسهام هيا فيسع….

وطلعو وكانو امهم ومرح وفرح وسهام ماشيات رافعهم سامح ومهند ، وصهيب كان فالشغل مفضاش يجي معاهم …

ركبو فالسيارة لحد ماوصلو للزنقة بدو كلاكسات وحوش العروسة يزغرطو ?

عند سيرين ونسمه..

سيرين.. كل شي واتي ! شكلي باهي ؟ جاب يوسف الحلويات ؟ ?
نسمة.. ههههههههه اهدي اهدي كل شي ماشي مية مية .. يوسف جاب الحاجات وماما وخالاتي ومرت عمي جهزو كل شي وشكلك زي العسسسل ??
مش مصدقة بتنخطبي ياشفشة ????
سيرين..ولا انيي ?????

وطبطو بعض وطاحو فيها نويح ??

يوسف من ورا الباب.. هيا انتي وياها بتنخطب هيا مش مهاجرة ??و قتلكم امكم الناس وصلو اني بننزل لوطة للرجالة خفو روحكم

نسمة.. هياا جايات .. ومسحت دموعها وساوت لسيرين شعرها وطلعو ??

وكانو الضيوف مقعمزين ف الصالون وخشت نسمة سلمت وقعمزت ولحقتها سيرين بصونية العصير قدمتها وقعمزت ?

ام سامح .. ماشاء الله انتم زوز بنات بس ؟
نسمة.. ايي عمتي حني بس ..
ام سامح.. ربي يحفظكم لبعض تبارك الرحمن ??
ام نسمة وسيرين “هالة ” .. ويحفظلك بناتك وتفرحي بيهم كلهم يارب.. خسارة كان عندي ولاد ره خديتهم ههههههه
ام سامح “سمية” .. ههههههههه فيها خيرة

مرح .. لنقنه خوي دوقه سمح وحني منندروش يام ?
فرح.. ههههههههه اييي كنتنا سمحة بكل ماشاء الله عليها …

وسيرين ضاربها الحشم ومطبسة راسها ??

نسمة لسيرين بصوت واطي ،، اااه عالجاموس لما تكسفو الااياام ??
سيرين.. معففنه نقصي صوتك بتفضحيني ??
نسمة.. ههههههههههه دايرة روحها متحشمة قدامكم ع اساس ?? توا تشوفو الصوت بعدييين ، تي بترحموني منها انتم ??

وتنخصها سيرين ?

سيرين.. وانتم ميغركش اسمها ره صوتها يجيب لاخر الشارع ?

ومرح وفرح يضحكو?

مرح..ياحليييلي منكم تهبللووو ??????ماما عجبنا جوهم خوديهم الزوز والنبييي ??????

امهم… ههههههههههه ربي يخليكم لبعض

وسهام ساكته ومقالتش حتى حرف

وقعدو يهدرزو كلهم شوي وتكلمو علي شوية تفاصيل وسمية وهالة يتكلمو مع بعض والبنات يهدرزو ويبصرو ونسجمو بكل مع بعضهم ??

وسهام تساير بضحكة مرة مرة دايرة روحها الرزينة فيهم ?

سمية.. هيا يابنات خلاص ؟
مرح وفرح.. لااا خلينا شوية والنبي ?
سهام.. اشي تقول فرخات !؟?? تي تحشمو ع وجهكم انتي وياها درتو العار

نسمة.. ?? لالا عمتي بالعكس جوهم حلو وحبيناهم هلبا اني وسيرين ? كان علينا يباتو حتى البيتان عادي ??
مرح وفرح.. ???????

مرح تهمس لفرح.. قتلها عمتي حي عليها هادي مش هاتسلك منها تصرفي ??
فرح..ولعت ياحي عليها ?? ترحمي عليها ترحمي ?

وسهام وافقة وسمية وهالة كانو يتكلمو مع بعض ومش لاهيات

سهام بتعفليق.. لا مش عمتك اني ماما اني نكون سلفت اختك لو صار نصيب ان شاء الله .. يعني مرت خوها .. فهميتها ولا نعاودها ؟؟

مرح وفرح ..?????

وسيرين ونسمة يشبحوا لبعض ومصدومات …

نسمة.. سامحيني وخيتي بالله عليك منقصدش ? اسفة هلبا ?
سهام.. ولا يهمك … ولبست عبايتها وكابها وطلعت

سماح .. معليشي حبيبتي مدوريش تصير تصير
نسمة.. حي عليا زعمك تضايقت مني ??
مرح.. الحق هيا مهبلة الحوش كله بلسانها ?
فرح..وحني اول المتضررين منه ? الي يقولو الحموات يهبلو ف كناينهم يجو يشوفو سعدنا كيف طايح ?
سماح.. ههههه تحشموا ع وجوهكم.. هي حبيباتي نتلاقو علي خير ?

وسلمو ع بعض كلهم ونزلو الضيوف وروحو….

هالة.. راكم تهنو روحكم ديما وانتم فضاايح .. ومشت

والبنات خشو دارهم يبدلو >>

نسمة..??.. عليك موقف واااك ?
سيرين.. مااك حيوانه اكيد بتطلعه كله فيا توا ??
نسمة.. تي فوتيها شكلها وحدة مريضة التقعميزة كلها منطقتش حرف وتشبح للحوش وتفصص فيك تفصيص بعيونها قريب كلاتك … حقها ياكبدي ? بتجي كنه اصغر واحلى منها تاخد مكانها فلحوش ??

وحدفتها سيرين بلمخدة .. ضمي فمك قرردة ? ادعي بس نكون عجبت امه ويصير نصييب ❤❤
نسمة.. هاتعجبيه ياعمري وحتى خواته شكلهم زي العسل ??ومش هايتعبوك القدام ?? الخوف كله من مرت خوهم ? ربي يستر عليك منها…

نمشو للجماعة التانيين ?

ف سيارة سامح كانو امه وسهام وسماح

ومرح وفرح ركبو مع مهند ف السيارة التانية

سامح وهوا يسوق امه بجنبه .. شنوو منو ؟ ??
سماح.. ماشاء الله عليهم الحق اسلوب وضايفة ونزاكة وبناتهم زي العسل الزوز كداش ماحبيتهم .. عفويات وبسيطات ومؤدبات بكلل ❤
سهام.. اما ادب هدا تي التربية مش خاطمه عليهم خطووم طول التقعميزة وهما يضاحكو ويتسهوكو تقول ف شارع .. مالا الفرخة اختها لسانها متبري منها… قليلات ادب..
سامح.. ايااا ?? امي رسمي الدوة !
سمية.. الحق ماشفت منهم شي مش معنى انهم يبصرو ويضحكو يعني قليلات ادب بالعكس هدا يدل ع انه قلبهم ابيض وعفويات ومش ومصطنعات ومعندهمش عالخبث بكل .. ع بركة الله ياولدي توكل ❤
سماح.. اييي وحتى اختها زي العسسل ماما .. تعرفي كداش ماخاطري ناخدوها لصهيب كان خشو العيلة هما الزوز هايديرولنا جو مش عادي ..????
سهام.. شن هادي ناخدو اختها حتى هيا ؟ نظام تاخد وحدة تحصل التانية هدية ولا كيف ؟!
سامح.. والله كان بنت كويسة ومايعيبها شي اي لاش لا.. عن نفسي مدابيا الحق صهيب العمر يجري بيه وهوا مش حاس وقته كله فلخدمة .. جي الوقت الي لازم يفتح فيه حوش ويبدا عنده مرا تهتم بيه وتراعيه…
سهام.. تي نقولكم قليلات ادب الزوز والله الا مخدوعات فيهم ياخدوكم ب اللسان المعسل وبعدين يبان المستخبي..كانكم تبو وحدة لصهيب اهو روان ماشاء الله عليها منا وفينا ومتربية وجمال واخلاق.. علاش تمشو بعيد خليكم م العيلة
سمية.. سهام هنيلنا روحك مش فرخة اني باش ينضحك عليها
سهام.. حشاك اللاي مقصديش غير قلت نوقضكم بس لان بنات توا بدو يخوفو ..
سماح.. اي بارك الله فيك عارفينه قلبك علينا ?

و وصلو للحوش ونزلو كانت الساعة 9 الليل تعشو كلهم ورقدو م التعب ..

ف الليل مع الساعة 3 ناضت سماح تتسحب زي الحرايمية لدار مرح وفرح ??

وخشت للدار وسكرت الباب بشوية وفتحت الضي وقعدت تنوض فيهم

سماح بصوت واطي.. مرح مررح ، فرح .. نوضو

وهما زي الميتات ?

ناضت سماح ركت مرح تيرو باش ناضت ? ومرح ركتها صيحة
مرح.. علاااششش هكي ششن درتلك اني ?????
فرح.. شششنو شن فيبيي من مات ! ???

سماح.. تي لياا ساعة نوض فيكم وانتم ميتات.. نبيكم ف موضوع مهم صحصحولي هني

مرح وفرح.. ششن في ???

يتبع…………