رواية طفلتي | للكاتبة Hano Salem

وفاتوو اياام وكان يوسف ديما يرقب ف ايميلها ومرايف علها بس مايبيش يكلمها
ويشوف ف مناشيرها حززن وجعاتها وعارفها تبكي?
جي يوم وقرر يبعتلها
يوسف: اني ولا لانستا ؟
نور: كيف
يوسف: اختااري اني ولا لانستا كلامي واضح
نور: انت
يوسف: نور بما انك اختارتيني مانبيش نشوف عندك انستا ولا اي برنامج غير لفيس وبعد مانخطبك حتى لفيس نلغيه فاهمه ؟
نور: فاهمه
يوسف: رايفت عليك لينا واجد ماتكلمناش
نور: عادي شكلك تعودت لو رايفت راه ماتحملتش بعدي
يوسف: كنت نعاقب فيك بس ونبيك تحسي بغلطتك
نور: باهي تمام
يوسف: بعدين شويه بنتصل بيك
نور: تمام
وفاات شوية وقت ونور تتصفح ع لفيس لين تصل يوسف?
نور: ايوا
يوسف: ايوا هههههه تقولي فها بدلع
نور: لا والله عاديه?
يوسف: مازلتي زعلانه
نور: لا
يوسف:عارفك بارده وماتحسيش
نور: خزي بدال ماترضيني
يوسف: من لمفروض يرضي التاني
نور: اني من اول ماكلمتني ع لانستا تأسفت
يوسف: خلاص فوتي لموضوع محرد مانتفكره نتنرفز
نور: سكتت
يوسف: قعد يهدرز علها ويغيرلها ف جوها
نهاية لمكالمه
يوسف:نور
نور:نعم
يوسف: يشهد الله نحبك من قلبي❤
نور: سكتت??
يوسف: هههه قولي حتى اني نحبك حتى بالكذب
نور: تو نقولهالك ف الدردشه
يوسف:ههههههه لا توا
نور: نحبك❤?
يوسف:حلوه منك ربي يحفظك ليا?
نور:ويحفظك لياا
يوسف:هي توا بنسكر مع سلامه
نور:ف امان الله
وفاتوو ايام وهما جوهم حلوو?
جي يوم بتمشي حوش خالها قالتله بنمشي
وطبعا شرط يوسف تلبس عبايه وماتسلمش
وجي لوقت بتمشي لبست سروال اسود وسوريه عنابيه وقايمه شعرها ولباقي مطلوق ولبست عبايه?
وفي طرريق بعتلهاا يوسف
يوسف:ان كان للأكسجين مسمى اخر فيكون انتي❤
نور: حبيب قلبي ??
ووصلو لحوش خالها
خشت لقت بنت خالتها اخت احمد وعزوزتها سلمت وخشت بدت تعول وبعدين قعمزت ولاحظت عزوزة بنت خالتها طول لوقت وهيا تشوفلهاا
روحت وفاتوو اياام بعتلها احمد
احمد: يا اهلين
نور:بيك
احمد: شن كل مره جاي حد يخطب فيك
نور: شن قصدك ؟
احمد : عزوزة اختي تبيك لولدها وتكلمت عليك بس اختي قالتها نبوها لخوي
نور: نصدمت?
نور:لامتى بتقعد يلي جي تبعده
احمد:لين ناخدك
نور سكرت وبدت تفكر احمد لا خدمه لا شيء وفوقها مايبيش حد يخطبني ?
واحمد ف كل وقت يبعتلها ف رسائل وحتى هيا متردش يعبرلها قداش يحبها

فات لوقت وهيا تفكر شويه بعتلها احمد
احمد:نور
نور:نعم
احمد: من امتى درتي شفره مش قبل ماعندكش ؟
نور : ليا فتره بسيطه من قالك ؟
احمد : عرفت وخلاص .. اعطيني رقمك
نور :شافتها وماردتش
احمد: نكلم فيك اعطيني رقمك
نور: رقمي مانعطيشي لحد
احمد : اني مش حد اني خطيبك
نور : ماردتش.
احمد: وعندك حتى فيس ونبي نعرف ايميلك
نور: انت منين تجيب ف اخباري
احمد: نحبك يعني اكيده نعرف عليك كل شيء
احمد: وعلى فكره نبي نقولك
نور: شن
احمد: شكرا لانك رفعتيلنا راسنا❤
نور: مافهمتش
احمد: في ولد يقرا معاك ف لكورس امس كنت اني وخوي نهدرزو بعدين عرف انك بنت خالتي ف قالي بنت اخلاقها عاليه وشاطره
نور: باهي بارك الله فيه
احمد : حركه هكي ولا هكي يجيبلي اخبارك كلها
نور: خلى يجيب عارفه روحي شن
احمد: تمام نستنى ف اضافتك ع لفيس
نور شافت وماردتش وقالت ف بالها لو يوسف يعرف بيه يدبحني
نور مكسده قعدت تتفرج ع ولاد ناس ف نت
يوسف: هلا
نور: اهلين
وقعدو يهدرزو ونور مش مركزه ف لهدرزه لان تتفرج
يوسف: ف شن مشغووله ؟
نور: نتفرج
يوسف: ع شن
نور: ع اصييل
يوسف: كرهتيني فيه
نور: خيره انسان كويس ?
يوسف: نوور فكيني من الدووه الزايده ومعاش تتكبمي ع ولد
نور: يا اخ العرب هذا فنااان
يوسف: قتلتيني بيه خليك تفررجي بالأذن
وسكر النت
نور : يا حليلي منه ع سبله
كملت نور تتفرج وسكرت نت ورقدت?

ناضت الصبح لقت يوسف مش فاتح
لعند لعشيه مافتحش ومايردش ع رسائلها
اتصلت بيه رد علها
نور:اهلين
يوسف:اهلين بيك
نور: كيف حالك
يوسف:الحمد الله وانتي
نور: خيره صوتك ؟
يوسف: توفى جدي?
نور: لا حول ولا قوة الا بالله الله يرحمه ويغفرله
يوسف:امين
نور: ماتزعلش روحك هذا حال الدنيا ودير بالك ع روحك
يوسف: ان شاء الله توا بنسكر
نور: تمام ف امان الله
سكرت نور وقعدت تبكي وجعها حال يووسف?
ومافتحش نت نهائي ونور كل مره تطمن عليه برساله بس
عند يوسف تاني يوم ف لعززي
شاف بنت خالته يلي خالته تبيهاله
اروى: كيف حالك يوسف
يوسف: الحمد الله
اروى بنت جميله وطلعت لعند لباب من غير حجاب
يوسف: خشي جووا
اروى: كنك
يوسف: بحتي ع منظرك بلا طروحات زايده خشي مش وقتك
اروى : بحتت فيه وخشت
اروى رغم هزبها نعجبت بيه وبشخصيته
شوي فات لوقت وتصلت بيه خالته يوسف
رد ايوا خالتي
اروى: اني اروى
يوسف: كنك شن تبي
اروى: انت يلي كنك تهزب
يوسف: شن تببي
اروى: ماما قالتلك تعال شيلني لبيتنا
يوسف: تمام
يوسف قريب واجد من خالته
مشي بيرفعها
طلعت خالته واروى
يوسف: هي انتي خشي جوا
اروى: بنعدي مع ماما
يوسف ف خاطره شن رفعها معانا
ركبو وهما ف طريق شاف للمرايه لقاها تبحت وبتسمتله
يوسف: تي كنها هاادي
خالتها قالتله ليش تهزب ف اروى
يوسف: من حركاتها لبايخه
اروى: قلبت عيونها ونزلت
بعدها فاتو ايام ودزتله رساله
مكتوب فها نحبك رغم انك عصبي بس عجبتني ومستعده نتغير كيف ماتبي
يوسف: ارزني واخطيني
اروى: تي كنك انت لولاد كلهم ميتين فيا
يوسف ف خاطره لنقانك سمحه بس حركاتك غلط
يوسف: باهي باهي
فاتو ايام من غير مايكلم نور وهيا مشغوله عليه
فتحت ف ليل نت لقاها مسكره
بعتلها رساله
يوسف: افتحي نت مرايف علييك
نور طول فتحت
وبعتتله الله لا يغيبك علياا
يوسف: رايفتي عليا
نور: ايه واجد?
يوسف: تكلمي بلهجتك قولي هلبا?
نور:ههههه ع اساس ميته ع لهجتكم
يوسف:باهي اسكتي
وقعدوو يهدرزو وحكالها ع اروى
نور: هاذي نفسها يلي بعتتلك رساله قبل
يوسف:ايه
نور: ربي يستر منها
يوسف: تصدقي
نور:شن
يوسف: لبنت سمحه واجد
نور : شافت وماردتش
يوسف: اوي نكلم فيك
تي ردي
ونور ولا كأن تشوف ف رسائله بس
يوسف: نعد للعشره ورب لكون ماترديش حتندمي
نور: ها شن تبي
يوسف: كنك انتي
نور:شيء
يوسف: قولهاا للي مايعرفكش
نور: ساااد راه ديما تقول

#الكااتبةة
Hano salem