رواية طفلتي | للكاتبة Hano Salem

___
ركب لداره رقد وناض اتصل بنور
يوسف: اهلا
نور: اهليين بيك وسيفتي شن وصلت?
يوسف: بصوت حزين ماصارش
نور: ههههه كيف تبصر
يوسف: نور مش بايدي قالو في ضرب
ومعاش سمع الا صوت بكاها?
يوسف: نورتي حبيبتي ماتبكيش لعلى خير واني حنجيك لما يفتح مش حنخليك
نور: لا لا خلاص اكيده اني مش من نصيبك
يوسف: اس خلاص والله وعد نجيك
نور : ماعنديش حظ يا يوسف
يوسف: لا اعتراض ع حكم الله
نور: الله غالب .. خلاص حبيبي ارتاح بعدين نكلمك
يوسف: تمام ديري بالك ع روحك❤
___
نور خشت لدارها وقعدت تبكي
اكيده ربي ماسخرش لان اني داسه عليه موضوع احمد
ياارب اني نبيه يوسف
يارب خليني من نصيبه?
__
يوسف نفس شيء راقد ويفكر فها
معقوله ربي يبيني نعرف شيء ع نور مانعرفاش
بس نور كويسه وطيبه مستحيل يكون في شيء
__
نور رقدت وناضت ع اتصال احمد
ردت
نور: شن تبي يا احمد
احمد: نبيك انتي ❤
نور:انت عارف مانحبكش
احمد : لمهم اني نحبك حتى من طرف واحد خير من بلاش
نور: من قالك اني مانحبش باهي
احمد: متاكد ماتحبيش بس حتى لو تحبي عادي لمهم تكوني لياا ياحلوتي
نور: امرك غريب انت يا احمد خلها ع النصيب
يوسف: انتي نصيبي وعمري❤ وحنجيب معاك احلى صغار
____

نور : ماما
ام نور: نعم
نور: ماصارش مش حيجي
ام نور: علاش شن في
نور: ع خاطر لمطار
ام نور: متاكده يبيك بالك يكذب عليك يانور اني واثقة فيك وماتمنيتكش درتي علاقه
نور: واثقة فيه يا ماما خلاص

___
يوسف: هلا
نور: اهلين
يوسف: ماتقوليش قاعده زعلانه
وهوا بروحه زعلان?
نور: ايه حاسه روحي بنموت من حظي
يوسف: ههههه كنه حظك يا هبلة يكفي اني حبيبك
نور: اها والله انت نعمه الحمد الله❤
يوسف: ديري بسبوسه وابعتها بش نجي طول?
نور: هههههه
يوسف: واخيرا ضحكتي?
جي تاني يوم
يوسف: صباح الخير ع اغلى بنوته❤
نور: صباح الورد وسيفتي
يوسف: كيف حالك ليوم
نور: بخير الحمد الله وانت
يوسف:تمام الحمد الله
نور: لمفروض ليوم تكون كلمت بابا?
يوسف : معليشي نورتي مرات خير ليا وليك
نور: يوسف خايفه تطول لمده وماتجيش
يوسف: وعد نجيك ومانخليكش
نور: ان شاء الله
وهدرزو شويه وسكرو
___
نور : بابا
بوها: نعم
نور: طلعني لعشيه للمحلات نبي نشري حاجات
بوها: باهي حاضر
___
نور: يوسف بنطلع ماتقوليش ماعطيتكش علم
يوسف: مافهمتش توا تشاوري ولا شن
نور: لا اني حتى واتيه عطيتك علم بس
يوسف: عنجد كلامك
نور: هي سلام حبيبي

___
نور يحسابه ديما عيد نقعد نشاور فيه اصلا لو عطيته فرصه مايخلينيش نطلع
وطلعت نور وغيرت جوها
وشرت قونه عنابيه وسوريه بيضاء❤
__
نور: هلا وسيفتي جيتك
يوسف: عنجد برودك
نور: قتلك غيرت جوي وشريت حاجات
يوسف: وريلي شن شريتي وبعدين حسابك ع مبدري
ورتله شن شرت
يوسف: بتلبسيهم ????
نور: ايه بنلبسهم مالا بنتفرج عليهم
يوسف: وين تبي تلبسيهم ؟
نور: عادي عند خالاتي خوالي عمامي وهكي
يوسف: تعرفي
نور:شن
يوسف: تلبسيهم نعدمك
نور : علااش
يوسف: خليهم للحوش طلوع لا
نور: يوسف شريتهم بفلوس
يوسف: كان ماقلتليش نحسابهم بلاش
نور: اني عاجبيني
يوسف: اقسم بالله يانور تلبسيهم حتى من وراي مامسامحك
نور: افف
يوسف: شن قايلك علها لكلمه هاااذي ؟
نور: شيء
يوسف: قعد صاابر عليك
نور: ان مفتاح الصبر الفرج
يوسف: كل شيء ليه فرج ف نهاية الا انتي عقده
نور: توا نستأذن
يوسف: وين ماشيه
نور: عندي اشغال
يوسف: هالشركات يلي ماسكتهم
نور: مديرة اعمال ماعندكش علم?
يوسف: غر ناخدك بس تو نوريك عليه رداً الدوة
نور: باهي خلاص توا سلام
يوسف: ف حفظ الله

طبعا يوسف معجبتاش لقونه لانها ضيقه شويه ? وهوا يغار من اتفه لاشياء
__
عند نور
تتفرج ع التلفزيون ?
جتها رساله من احمد
احمد: امتى يوصلني طلب ع لفيس
نور: السنه الجايه
احمد: تعبتيني علاش ماتحبينيش زي مانحبك
نور: لحب يجي من ربي
احمد: يالا نحبك اني ساد
نور: مداير علاقات من قبل
احمد: كنت نحب قبل ودرت بس زيك ماريتكش?
نور: فتكو منك
احمد: مقبوله منك اصبري لين نلبسك لخاتم بس
____
نور ف قلبها فوتني بالله اني غير يوسف مش حناخد
__
فتح يوسف ف ليل امخر
نور: وين هذا كله ؟
يوسف: عند اروى?
نور: كيف تمشيلها
يوسف: والله انتي ماتسمعيش ف لكلام قلنا خلى نشوفوها
نور: عرسكم عليا مادور شيء
يوسف: علييك برود فيك
نور: والله يلي يبيني مايتكلمش ع غيري?
يوسف: نور تعرفي لو ماصارش منك شن بندير
نور: شن
يوسف: بناخد اروى وخلاص اقل شيء تحبني
نور: والله مصح وجهك
يوسف: هههههههه
نور : يوسف معاش تتبرد تحرقلي ف اعصابي
يوسف: باهي حاضر اصلا مانشوفش ف غيرك?
نور: عليك كذب مالا من يلي قبل يحكيلي ع شعر بنت خالته
يوسف: انتي مايمشيش معاك لكلام لحلو هزايب بس
نور : اصلا ديما تهزب فيا تعودت وتبكي فيا
يوسف : كنك قلبتها دراما
نور: لا نحكي جديات ديما متعصب عليا
يوسف: لانك ماتفهميش
وجعه كلام نور?
يوسف: نور حبيبتي
نور: نعم
يوسف: اسف حبيبتي والله من غيرتي وخوفي عليك ولما نتعصب معاش نشوف ف شي قدامي
نور : معاش تهزبني
يوسف: حاضر لو معاش نرفزتيني
نور: يوسف
يوسف: عيونه
نور: مالاحظتش خليتك تتأسف ههههههه واحد شيء
يوسف: والله ماتمشي معاك الطيبه خزي ع وجك
نور: ههههههه معليشي حبيبي يوم ليك ويوم عليك
يوسف: باهي ارقدي لوقت تاخر
نور: لا بنقرا روايه
يوسف: قلت اررقدي
نور: نقراها ونرقد
يوسف: اقسم برب العباد لو نعد ل 3 وماترقديش لما ندمك ونوضي صلي لفجر .. لفجر توصلني رساله
نور: فاهمة بس معاش عرفت روحي ف معسكر ولا نحكي مع حبيبي
يوسف: تحكي مع عفريت
نور: ياريته لابسك
يوسف: تعالي جاي
نور: نعم
يوسف: عاودي اكتبي يلي قلتيه
نور: ياريته لابسسسك
يوسف: والله لما نكسره راسك هذا تمرقدي
نور: تصبح ع خير
___
نور لما نجننه نخليه يمشي ف الطريق وينطق ف اسمي?
رقد يوسف تحت لمكيف وخدي برده مفتحش يوم
نور نشغلت عليه
كلماته اتصال
نور: اهلا
يوسف: اهلين نور
نور: خيرك مافتحتش
يوسف: مريض شويه
نور: لا باس عليك وسيفه وضحكت
يوسف: كنك تضحكي
نور: هههههه صوتك مضحك وهادي وانت مريض
يوسف: حك سنونه ف بعض وقال بصوت واطي اضمي فمك ولا
نور: ههههه خلاص سكتت
نور: امشي عاين
يوسف: باهي ان شاء الله
نور: دير ليم قارص كويس
يوسف:نكلم ف جدايه اني
نور: هههههههه
يوسف: توا بنسكر تعبان شويه
نور: تمام دير بالك ع روحك ?
يوسف: حاضر .. سلام
نور: ف امان الله
سكرت منه ودارت كيكه وقعدت تتفرج ❤
بينما يوسف رقد طول من شدة التعب
___
جت لعشيه ونور تبي تطلع وطبعا يوسف مسكر ف كلماته اتصال
نور: اهلا وسيفه
يوسف: اهلين بيك
نور: كيف حالك توا ان شاء الله احسن
يوسف: اهو الحمد الله
نور: عاينت
يوسف: لا من بدري راقد
نور: عاين ماتقعدش هكي
يوسف: حاضر
نور: نبي نقولك
يوسف: شن
نور: نبي نطلع
يوسف:وين
نور: مانعرفش ع بابا لمهم نبي نغير جوي
يوسف: ديما الطلووع هوا
نور: ايه عادي شن واجعك انت
يوسف: مافيش مشي
نور: بنمشي خيرك انت ديما طالع
يوسف: كلممه هياا مافييش مشي
نور لما يوسف يعلي صوته تخاف منه?
نور: علاش
يوسف: هكي شدي حوشك من غير كثر دوه راسي يوجع فيا
نور: باهي
يوسف: هي توا سلام وياويلك تطلعي
نور: تمام ف امان الله
___
نور قعدت تفكر تبي تطلع وخايفه من يوسف
مشت نور لبست عبايه لونها ازرق كحلي ووشاح كوتشي لونه رصاصي غامق وسيبدرو رصاصي?

__
وطبعا يوسف خطير عارفها ماتردش عليه لما يتصل الا لما تكون ف لحوش
نور كيف كانت بتطلع تصل يوسف?
نور: بصوت كسلان ايوا
يوسف: وين انتي
نور: راقده
يوسف: من امتى ترقدي ف نهار
نور: كساد شن تبيني ندير رقدت وخلاص
يوسف: كنت بنتأكد لو ف لحوش ولا طلعتي من وراي بس مدامك ف لحوش خلتص اطلعي وماطوليش والبسي عبايه
نور: حاضر وشكرا ع لموافقه
يوسف: مافيش شيء تقوليه قبل ماتمشي
نور: زي شن
يوسف: خلاص شيء
نور : نحبك❤
يوسف: نموت فيك❤
نور: توا مع سلامه وسيفتي
يوسف: سلام
__
نور: الحمد الله يارب سترتني ?
نور طلعت للمدينه نزلت هيا وعيلتها
ونور قعدت تتمشى
جتها بنت صغيره باست ع خدها وقالتلها انتي تهبلي❤
نور: هههه سلمها يارب انتي يلي تهبلي ❤
___
نور ف سياره وصلتها رساله
يوسف: الدنيا مغرب يا ابلة امتى بتروحي
نور: اهو قريب نوصل
يوسف: باهي تمام
__
يوسف امتى ناخدها تعبتني واني نقعد حريص علها?
__
وصلت للحوش فتحت نت
نور: جيت
يوسف: وين هذا كله
نور: درنا دوره
يوسف: تم خلاص معاش في طلوع
نور: خيرك انت
يوسف: نور واضح كلامي
نور: باهي
نور: يوسف
يوسف: نعم
نور: تعرف في بنوته تهبل جت باست ع خدي ?
يوسف: ههههه ماهو من كثر ماعندك خدود تحسابهم حلوة صوف
نور: خزي ?
يوسف: امتى ناخدك ونقعد نلعبلك بشعرك ونرقدك اني❤
نور: واني امتى ناخدك بش نحرفلك عيشتك?
يوسف: هههههههه انتي كان قدرتي تتكلمي معاي كلمه اصلا
نور: خايفه ناخدك وتقعد تهزبني ع كل شيء?
يوسف: صح اني عصبي واجد بس طيب وحنين
نور: ايه صح والله قلبك طيب❤
يوسف: تعرفي لما تعصبني نحطك ف الدار ونطفي الضي ونسكر عليك عارفك تخافي من الظلام?
نور: ههههههه نعيط نلم عليك الناس
يوسف: مرتي ماعندهم مايديرو?
نور: مش تقولي طفلتك معناها عاملني بحنيه
يوسف: نبي نهزبك بش تبكي ونمسحلك دموعك ونرقد جنبي❤
نور: وسيفه
يوسف: نعم
نور: ساد حلم?
يوسف: لا مهنيتني ف حلم ولا واقع??
نور: مزال تشوف لما نوصلك??
يوسف: ياودي من وجهك مانضنيش توصلي?
ويوسف يكلم فها وخاش ع ايميلها
لقاها باحثه ع ولد
يوسف بعتلها صورة لايميل
يوسف: نور من هذا
نور: وين لقيته
يوسف: تعرفييه ولاا
نور: ايه
يوسف: منيين تعرفي جده
نور: يقرا معاي
يوسف: ليش باحثه عليه
نور: موده قالتلي شوفي صوره تقول مش هوا متغير
يوسف: وانتي شن دخللك بيه يتغير ولا يموت
نور: ماقصدي شيء شفته بس
يوسف:قدااش تحبي لمشاكل والنكد الزح
نور: لقطه عاديه غر انت تتحسس
يوسف: توا نوريك يا نور
ونور سكرت طول
وهوا قعد يشوف ايميلها وخش ع هدرزتها هيا وموده
لقي موده كاتبتلها
موده: نور شوفي صفحته تقول مش هوا يجنن?
نور: شن دخلي بيه بش نشوفه
موده: غر شوفيه بالله والله بروحك تنصدمي
نور: خشت شفاته
نور: سبحان الله قنين ف لفيس
موده: ايه يجنن❤
نور: كيف عرفتي ايميله
موده: سر لمهنه?
نور: ملحي?
____
يوسف زعما ظلمتها ولبنت عقدتها ع كل شيء نهزب فها
بس خلها تستاهل تقول ع ولد قنين شن مش عادتني راجل
__
نور لهاا هلباا مامشتش لحوش خالتها فتره طويله
ام نور: هي نوضي بنمشو لحوش خالتك
نور: لا ماما فكيني
ام نور: عيب خالتك ليك فتره مشفتيهاش ومادخلكش باحمد تجاهليه
نور: باهي
نور ناضت لبست قونه سودا وسوريه لونها ازرق ووشاح ملون ❤
مشو لحوش خالتهم واحمد يلي فتح لباب
احمد سلم ع خالته بالاحضان ومد ايده لنور
نور سلمت
احمد : كيف حالك نور
نور: الحمد الله ومابتش تشوفله بكل
بينما هوا عيونه قلوب علها?
وخشت قعدت تهدرز مع خالتها وبنات خالتها وهما حوشهم كبير ومقعمزين ف جنان بعتتها خالتها تجيب اميه اصلا لحوش مافيه حد
خشت نور وهيا تعبي ف اميه
احمد : بست
نور: نخلعت خيرك انت
احمد : نقصي صوتك
نور: جت بتمشي قرب بيشدها من ايدها
نور: بعدت ايدها قبل مايقرب
جرب تعادوها والله ايدك نكسرهالك
احمد : ههههه متخافيش مش دايرلك شيء لين تبدي حلالي
نور: خافت وقلبها يدق بسرعه ولون وجها بدي اصفر
احمد: اهدي خيرك
طبعا احمد قلبه طيب بس حبه لنور عماه وهيا مش قادره تتقبله
نور: حول من قدامي
احمد : طالعه حلوه وضربها ع راسها ومشي
نور: بصوت واطي مبرده خزي
احمد : سمعتك ياحلوه
نور: مشت رجعت قعمزت مع لعيله
____
ويوسف لا عبرها ولا شيء ع اساس يعاقب فها
نور بعتتله رساله ف حوش خالتها
نور: شن تعودت ع فراقي
يوسف: ايه نسيتك اصلا
نور ماردتش عليه
يوسف: كنك مسكره نت
نور: مادخلكش
يوسف: تجاوبي كويس ولا
نور: توا ف حوش خالتي
يوسف: شن طرطور ماتقوليليش بنمششي
نور : والله حضرتك مش مدورني
يوسف: غر روحي بعدين سااهل
___
طلعو بيروحو
احمد مقابل نور بس بعيد علها
احمد : غمزلها وقاللها انحبك طبعا قالها من غير صوت
نور : قلبت عيونها وطلعت
__
وصلت للحوش لقت يوسف كاتبلها محاضره ع النت كيف تطلعي وحتى كان متعاركين قولي ومش عارف شن
نور: ههههههه نجه ليا لعصبي
نور: جيت
يوسف: ليش ماقلتيش انك بتطلعي
نور: انت كنت مسكر وبعدين متعاركين مانقولكش
يوسف: اخرلك مرة اديرها فاهمة حتى متعاركين تقولي
نور:باهي
يوسف: لبستي عبايه ؟
نور: لا قونه وسوريه
يوسف: شن قايلك ع لبس هذا
نور: مشيت حوش خالتي يعني من سياره للحوش
يوسف: شاافك حد من ولاد خالتك
نور:لا
ياريت قلتلك عليه من لاول ?
يوسف: باهي تمام
نور: سامحتني ولا شن
يوسف: قريت محادثتك مع موده وعرفت ان هيا يلي قالتلك بس والله تعودها يانور تشوفي وجي تاني
نور: ههههه وريلي وجهك التاني بالك احلى
يوسف: لا مش احلى
قعدو يهدرزو لين بدو يحكو ع لمستقبل?
يوسف: يوم عرسنا ماتصوريش ومش حنطلعك اني
نور: علاش
يوسف: حركات بايخه مانحبهاش
نور: لا بنصور هاذي ليلة لعمر
يوسف: نوور ليلة لعمر خلها ذكرى ف بالك مش بالتصوير ومش حنخليك اتصوري في ولا موقف بالمختصر ممنوع التصوير
نور: تو نشوف
يوسف: لا مش حتشوفي هذا يلي بيصير
نور: باهي من بيطلعني
يوسف: امي ان شاء الله
نور:????
هذا خيره اللطف
يوسف: كنك مش عاجبك
نور: لا مش هكي
يوسف: هذا طبعي
نور: باهي لو صار نصيب ونقرت فاتحتنا نصور اني وياك يعني لما نلبس البودري
يوسف: شن لبودري
نور: ردي بودري تلبسه لبنت?
يوسف: اها مانعرفاش ماعندناش لعاده هاذي
نور: غريبه
يوسف:لا مقروض?
نور: ههههه باهي لمهم نصورو ف ليوم هذا
يوسف: تصوير لا يا نور اهو قلتلك من توا
نور: باهي فوت لموضوع
يوسف: باهي اصلا توا طالع مع صحابي نتلاقو بعدين
نور: تمام مع السلامه
____
يوسف طلع مع صحابه ونور مع لعيله تتفرج?
يوسف قعد هوا وصاحبه ف سياره
قرر يتصل بنور
نور: ايوا
يوسف: اهلين نور
نور: اهلين بيك
يوسف: شن ديري
نور: شيء نتفرج
يوسف: ان شاء الله ما ازعجتكش
نور: لالا عادي
وقعدو يهدرزو وجوهم حلو ?
لين نور سمعت صوت جنب يوسف
نور: من جنبك ؟
يوسف: ههههههه هذا صاحبي
نور: سكتت وغمت علها
يوسف: كنك سكتي
نور: شيء ماما تنادي فياا
يوسف: تي كنك شن في
نور: قلتلك ماما تنادي فيا لازم نسكر
وسكرت
يوسف: يانور
___
نور قعدت تبكي معقوله يقولي نبي نحافظ عليك وانتي مراتي وهوا يكلم فيا قدام صاحبه حي عليا اني? وديما اغلب كلامنا عراك
يوسف قعد يرن لنور ونور تسكر عليه ماتبيش تكلمه
___
اتصلت موده بنور وقعدو يهدرزو ع بعض ويوسف يتصل يطلعله مشغول?
هاذي ف من تكلم واني نتصل ماتردش الزح
__
نور عيونها تورمو من لبكي وقالت ف بالها معقوله واحد زيه يخليني ندير هكي? وهوا مقايللها لما نسكر النت انتي تسكري
ناضت نور فتحت نت وخشت ع فيس
وبدت تتفرج ع فيديوات مسلسل ولاد ناس❤
لين بعتلها يوسف
يوسف: كنك نور
نور شافتها وماردتش
يوسف: ماتعصبنييش قولي كنك
نور: فوتني يوسف مش طايقاتك
يوسف: نبي نفهم شن صاير
نور: كرهتتك خلاص اني معاش نبيك فووتني
يوسف: مش ع كيييفك ادوي كوويس
نور: مش تخااف عليا وتغاار علياا واني مرتك كيف تكلمني قدام ولد كييف
يوسف: ووين لمشكله ؟
نور: هههه شيء شيء
يوسف: تي هذا صااحبي من اول ماكلمتك هوا يعرف هذا زي خوي ماندس عليه ف شيء
نور: خليه ينفعك صاحبك مش اني يلي تكلمني قدام ولد
يوسف: يا نور والله حركه عاديه مش قصدي بها شيء
نور : يوسف ارجوك خليني توا
يوسف: تمام اسف .. سلام
___
نور قعدت تقرا ف دردشتهم من لاول وتبكي ومعاش فهمت شيء?
لين خداها النوم ناضت صلت لفجر ومعاش جاها نوم
وقررت تفتح نت
ولقت يوسف باعتلها
يوسف: نور اقسم بالله نحبك جديات ووالله ماقصدي بها حاجه حركتي معقوله تشكي فيا اني تي ليك سنوات تعرفيني كنك انتي ووالله ماحكي لصحابي عليك غير هذا صاحبي لمقرب وحطها ف راسك مش حنسيبك لان بجد نشوف فيك حلالي
نور: صبح يافتاح علاش الجريده هاذي
يوسف: استغفر الله بس
نور: اني نعرف لو تحبني ماديرش هكي ف متوجعليش راسي
يوسف: يانور حلفتلك ان مافيش غيره يعرف ليش هكي اديري
نور: اني يلي بنت ماعمري حكيت عليك خساره بس
يوسف: اقسم بالله تعدلي كلامك خير مانجيك
نور: فوتني تربح .. سلام
يوسف: تعالي جاي
نور: شن تبي
يوسف: والله نحبك ونبيك حلالي ليش هكي
نور: وجعها يوسف بس قعدت تكابر?
نور: هيا كلمه معاش نبيك
يوسف: لو كنت نضحك عليك راه ماكنتش نجي نخطبك
نور: نبي نرقد
يوسف: ترقدي وتخليني هكي ؟
نور: شن خليتك مافيك شيء
يوسف: اسف
نور حنتله?
نور: باهي عادي
يوسف: نفهم قبلتي اعتذاري
نور: ايه
يوسف: نحبك والله ❤
نور: باهي توا نرقد عادي
يوسف: تصبحي ع خير حبيبتي❤
____
يوسف رقد يفكر فها وفي باله لو اني راه ماسمحتهاش طول والله نور طيبه ربي يحفظهالي❤
بينما نور تفكر ف هل يوسف راجل لمناسب لها ولا?
____
نور رقدت وناضت ع تليفون لارضي يرن
ردت وهيا نعسانه طلعت خالتها ام احمد?
نور: اهلين كيف حالك خالتي
ام احمد: بخير الحمد الله وانتي كيف حالك
نور: الحمد الله
ام احمد: قلت لاحمد يكلمك قال ماردتش عليا
نور: اها مشفتش رسائله
ام احمد : معليشي بنيتي اعطيني امك
نور: حاضر خالتي مع السلامه
نور يارب هاذي شن تبي زعما تحكي لماما ع احمد ووه عليا
___
امها وخالتها يتكلمو ونور مافهمت شيء وامها تشبحلها نور خافت
بعدين امها سكرت
نور: شن في يا ماما
ام نور: قريبنا توفى يابنيتي
نور: ووه الحمد الله نحسابها بتتكلم ع احمد
ام نور: امشي من قدامي
نور مشت?
__
تصل بها يوسف ردت
يوسف: اهلين بنورتي
نور: اهلين بيك .. في حد جنبك
يوسف: استغفرالله خلاص معاش تتكرر
نور: باهي
يوسف: قبلتي اعتذاري ولا
نور: ايه
وقعد يهدرز ويغيرلها ف جوها لان عارفها طيبه وتسامح طول❤
ف نهاية لمكالمه
يوسف: نحبك والله ونوعدك تكوني ليا
نور: حتى اني نحبك
يوسف: ابعتيلي رقمك باتك بعدين لان بنجيكم عن قريب ان شاء الله
نور: حاضر ان شاء الله ❤
ونور فرحت فرحه لا توصف
يوسف: ماتفرحيش واجد بش يصير منها لان وجك شوم?
نور: هههههه خزي
يوسف: ع وجك
نور:هي سلام توا
يوسف: ف امان الله❤
___
بعتت رقم بوها ليوسف
وبعد ايام عرس بنت عمها
نور قالت ليوسف بنمشي ونبات
يوسف: فكيناا من لبيتان
نور: لا بنبات عرس هذا
يوسف: باهي راسليني من غادي
نور : حاضر
__
ومشت نور ولبست ف السهريه سروال امريكاني وسوريه بودري هادي وقايمه شعرها ولباقي مطلوق❤
وبعتتها مرت عمها تنزل لوطا ف لخيمه تنزل حاجات
وهيا نزلت مافي حد
ولد عمها : نوور
نور: نعم
ولد عمها: خشي لداخل شن ديرري هني
نور: خشت طول وماردتش عليه
جي ليوم التاني نور بترجع للحوش بتجيب حاجات
لقاته
ولد عمها: كيف حالك نور ومد ايده
نور : الحمد الله وانت
ولد عمها: الحمد الله
نور مصحه امس هزبني?
___
روحت نور جابت حاجاتها وفتحت نت شويه هدرزت ع يوسف وفي لهدرزة
نور: حنيت ايدي
يوسف: اعوذ بالله نكرها لحنه
نور: لا اوفر انت لا حنه لا تصوير لحبس خير
يوسف: امشي لبيت عمك خير مايجيك كف
نور: حاضر سلام
___
وطبعا يوسف قرر يخطبهاا❤?
ليوم الثاني من لعرس نور كانت طالعه حلوه ولكل يشوفلها بينما بنت عمها تكرها تشوفلها بحقد?

طلعت نور وبنت عمها بصدفه وجي ولد عمها
بنت عمها دفت نور لين طاحت?

#الكااتبةة
Hano salem