رواية شهوه
رواية شهوه
جميع الحقوق محفوظة للكاتبة أروى الطاهر المسلاتي
(مقدمه)
في الحبس///
سمير:اششش بنتي متبكيش خلاص
رانيا:غصب عليا وحق ربي كيف بنتحملو العيشه بدونك?
سمير:كلها سنه ونص وتلقيني برا المهم اسمعيني توا نبي منك خدمه
رانيا:مسحت دموعها ..عيوني ليك
سمير:وانتي طالعه من الحبس تلقي راجل يستنى فيك برا هوا يلي بيروح بيك تنزلي للحوش تجيبي خواتك وحجاتكم وتمشو معاه
رانيا:تفاجأت…راجل شنو؟?ووين بنمشو
سمير:الراجل هاذا رح يرفعكم لي حوشه وهوا يلي بيتكفل بيكم صاحبي هلبا وبتكونو في امان معاه ومش رح تحتاجو شي
رانيا:لاكن!!!
سمير:ملاكنش …معندكم حد في الدنيا بعدي غير عمكم محمد ومنبيكمش تمشو عنده لانكم بتتعبو
الشرطي:الزياره نتهت
سمير:زي مقتلك يا رانيا وديري بالك ع خواتك
رانيا:تبكي وهزت براسها
الشرطي:خذي سمير ودخله الزنزانه
في الحوش:✨✨
امل:به توا كيف بنديرو معندنا حد غير بوي في الدنيا يعني بنقعدو بروحنا في الحوش؟عمتي مسافره وعمي محمد مش رح يرضى نقعدو معاه وحتا خ…
اسيل:افففف يااااه….خلاص عاد نفختيلي راسي خلي تجي رانيا ونتفاهموو
رانيا وامل واسيل ثلاثه خوات بوهم نحكم عليه سنه ونص حبس بتهمه النصب واحتيال في الشركه يلي يخدم فيها امهم اجنبيه من كندا بس للاسف سافرت وهما صغار متحملتش العيشه مع عزوزتها الله يرحمها خذت جوازها وهربت ومعادش سمعو عليها ولا شي اكبر وحده فيهم رانيا
رانيا:مواليد90 دكتوره تخدم في مصحه مواصفاتها بيضه ونقشها ع العسلي طويله شوي ورقيقه كل هموم الحوش ع راسها وحنونه هلبا يعني في مكان الام
اسيل:مواليد96تقرا هندسه مواصفاتها بيضه هلبا وعيونها كبار شعرها ع الاسود الداكن فمها يجنن قصيره وجمسها مليان شوي بس حلو عندها غمازات عيونها ملونات شوي بين الاخضر والعسلي واسيل تعتبر احلا وحده فيهم لاكن مسمووومه وعصبيه واي مشكله تمد يديها طول
امل:اخر العنقود مواليد99مواصفاتها حنطيه شوي عيونها عسليات وعندها نمش خفيف وشعرها بني داكن متحبش تهدرز ديمه وانطوائيه وديمه تفكر في امها يلي سيبتهم بس لما حد يزعجها تشرده وقتها كانت تقرا ثالثه ثانوي علمي
رانيا:طلعت من الحبس وانا قلبي مهموم ومش عارفه شنو يستنى فيا انا وخواتي جيت بطلع ع الرئيسي بنشوف تاكسي لاكن….
بشير:هلا بنتي
رانيا:اهلين تفضل؟
بشير:اكيد بوك حكالك عليا انا صاحبه
رانيا:قعدت نشوفله كان انسان كبير في العمر شوي لاكن لبسه مرتب …هلا بيك
بشير:يالله اركبي السياره خلي نمشو لي خواتك وناخذوهم
رانيا:مقلتش لا لان بابا موصيني ركبت السياره وكانت فخمممممه وعااااليه هلبااا
بشير:مشاء الله كبيره ربي يحفضك
رانيا:ويحفضك…وشافت لي الروشن
بشير:انتي الدكتوره صح؟
رانيا:اي
بشير:بتوفيق
رانيا:تسلم ….قعدت ندوي معاه كلمه وقص لين وصلنا
طق طق طق
امل:جت اخيرااا
اسيل:فتحت الباب…ساعتين زياره؟؟وبعدين علاش مقلتيش راهو مشينا معاك
رانيا:اسيل جيبو حوايجكم بنمشو
اسيل:شافت السياره الفخمه يلي مدرسه برا …وين
امل:جت امنا صح ?عرفت ان قعدنا بروحنا وجت تاخذنا
اسيل:اسكتي امل ام شنو يلي بتجي….تكلمي رانيا
رانيا:استاذ بشير صاحب بوي لما مشيت زرت بابا اليوم قالي برو معاه رح يتكفل بينا ونكونو مرتاحين لين يطلعو
اسيل:كيف نمشو مع حد غريب
رانيا:منعرفش بس مدام بابا قال اكيد انسان كويس هيا كل وحده تحضر شنطتها تجيب معاها حوايجها وبس
امل:خشت لدار تبكي وتوتي في شنطتها كانت متوقعه ديما ان في يوم تجي امها وتاخذهم ?
بعد ربع ساعه تقريبا
نزل شاب من السياره ركب الشناطي وركبو البنات
بشير:مشاء الله ربي يحفضكم صبايا
اسيل:سلمك?
بشير:عندي بنت من عمركم ان شاء الله رح تنسجمو معاها وتكونو مرتاحين لين يطلع بوكم بسلامه
رانيا:يارب
قعد بشير طول الطريق يحكي معاهم ويسأل فيهم علي حياتهم عشان يرتاحوله شوي بس امل مكانتش تتكلم ولا ترد عليه لين وصلو
بشير:يالله انزلو يابنات
نزلو الثلاثه مع بعض
اسيل:رر ر رانيا هاذا شنو????
رانيا:يمكن مش حوشه ?مرات غالطين ولا شي
امل:هاذا ڤيلا قصر قلعه اي شي بس مش حوش
بشير:هيا خشو متتحشموش
رانيا:ان شاء الله هيا اسيل ….امممل هيا
اسيل:وخشينا للڤيلا حاجه خيااال نشوفو فيها في التلفزيون بس جنانهم اكبر من طموحي معشب ونافوره انضف من حياتي قعدنا الثلاثه فاتحين فمنا ومش مستوعبين شي في غمضت عين صبحنا في ڤيلا ؟!
بشير:تفضلو قعمزو ع الصالون شوي وتجيكم مرتي وبنتي تتعرف عليكم لحضات اناديها
رانيا:تمام?
بشير:خش للفيلا وقعدو البنات مقعمزين في الحديقه ع الصالون الخارجي
رانيا:شي رهيب?
اسيل:من امتى بوي عنده صحاااب زي هكي فلووس في شي غريب في القصه
امل:مش مرتاحه انا نبي نروح
اسيل:اسكتي انتي التانيه مش ناقصاتك
رانيا:مسكت يد امل….متخافيش كل شي رح يكون تمام
اسيل:وقفت وقعدت ماشيه جايه…به توا كيف بنتحملو بوي يبي سنه ونص باش يطلع نعلمو بيهم الناس هادم كويسين ولا لا
رانيا:اسيل متنفخيليش راسي قاعدين متعرفناش عليهم الناس
اسيل:حطت شنطتها بقووه ع السياره يلي مدرسه جنبها ….افففف ياااا
بدت السياره اطلع في صوت وي وي وي وي
معتصم:منو الحمااااااااار التافه يلي حط يده ع السياره
اسيل:بشويه عليك بابا راهو يصيرلك اكتئاب في المريئ من الاعصاب
معتصم:وزياده تعلي في صوتك هاذا يلي ناقص غير الخدم يلعلعو عليا تعالي اضربي
اسيل:حذفت شنطتها…غااااالي والطلب رخيص …وجت بتنقز عليه تشدها رانيا
رانيا:خلااااص اسيل متحشميناش
امل?
اسيل:خليني نعجنه طريحه ونربيه ها تيس
معتصم:انا تيس يامعفنه مش متربيه عليك بيئه
بشير:معتصم جيت؟مصارش من مشية بنغازي؟!
معتصم:اي اجلناها للخميس …منو هادم؟!
اسيل:وقفت تساوي في روحها وتشوف لي معتصم بي نضرات تو نوريك?
منى:السلام عليكم
رانيا:توترت….وعليكم السلام
بشير:هاذي رانيا دكتوره مشاء الله واخواتها اسيل وامل هاذم يلي حكيت عليهم امس بنات صاحبي ورح يقعدو عندنا
منى:شافتلهم من فوق لا لوطه ….اهلين بيكم
اسيل:وبيك?
بشير:هاذي منى مرتي ومعتصم ولدي ومزال اماني بنتي الوحيده ….اهيا جت
اماني:اهلين …بابا نبي البطاقه متعك بطاقتي وقفت
بشير:به سلمي عيب
اماني:سلمت عليهم…من هادم
اسيل:هاذم حني?
رانيا:نخصتها بشويه
بشير:البنات يلي حكيت عليهم امس
اماني:قامت حاجبها…اهاا
بشير:مزال ولدي انس بس شكله قاعد مروحش تو تتعرفو عليه
منى:تفضلو نوريلكم غرفتكم
رانيا:تمام هيا بنات برو معاها نحكي تالفون ونلحقكم
امل:خشت ولحقتها اسيل
معتصم:حط رجله قدام اسيل عشان اطيح
اسيل:ضربتله رجله وقلبت عيونها وخشت
معتصم:ضحك بي هزوه وطلع
عيلة بشير :-
منى:مرته مرا انيقه هلبا وتموت في الناس الاغنياء والمضاهر تخدم في جمعيه خيريه
اماني:بنته مواليد 97تقرا هندسه انسانه فارغه ومدورش الى في الشباب الحلوين والاغنياء هاذي وضيفتها في الحياه وتحب تكون محط انضار الجميع
معتصم:مواليد92صايع ضايع كل يوم مع بنت بس المشكله انه طرف هلبا ويقدر يقنع اي وحده بي جماله ووجها البريئ مواصفاته طويل بشرته حنطيه وعيونه خضر شعره لحيته عسلي الهااااادي
انس:خلو الحلقه الجايه
رانيا:قعدت تتمشى في الجنان….ايوا
كريمه(صاحبتها):ها شن صار معاك
رانيا:قصه طويله تعرفي بكرا نحكيلك في المصحه
كريمه:اوكي تمام
رانيا:مهم بالله ابعتيلي جدول المواعيد ع الواتس
كريمه:تمام
رانيا:صحيتي
كريمه:ولو❤️
رانيا:يلا سلام ….وسكرت الخط
رانيا:لاحضت اثار دم جنب رجلها وقعدت اتبع فيهم لين قامت عيونها وشافت ولد يديه دم وحالته مش طبيعيه
رانيا:?????حاولت ترجع بي خطواته وتنادي حد لاكن في لمح البصر صكر فمها بي يده لين طاحت وجي فوقها?….يتبع
جميع الفصول
- رواية شهوة الحلقة 2
- رواية شهوة الحلقة 3
- رواية شهوه الحلقه 4
- رواية شهوة الحلقة 5
- رواية شهوة الحلقة 6
- رواية شهوة الحلقة 7
- رواية شهوة الحلقة 8
- رواية شهوة الحلقة 9
- رواية شهوة الحلقة 10
- رواية شهوة الحلقة 11
- رواية شهوة الحلقة12
- رواية شهوة الحلقة 13
- رواية شهوة الحلقة 14
- رواية شهوة الحلقة الاخيرة