منى:ربي يستر وخلاص ع الاقل لين تتزوج بعدين معش دخلنا البنت امانه عندنا
بشير:لالا كله تمام ان شاء الله ولايهمك
انس:انا طالع متبي شي امي
منى:سلامتك وليدي دير بالك ع روحك
انس:تمام…وطلع

اسيل:مقعمزه جنب رانيا ع السرير…متقوليش خيرك؟
رانيا:قلة ماكله ممكن ونتعب في الشغل هلبا وزاد موترني موضوع الجواز
امل؛به نجيبلك شي تبي حاجه؟!
رانيا:لالا حبيبتي سلامتك بنرقد شوي
اسيل:به ارتاحي تعالي امل ننزلو هليها ترقد شوي
امل:به ..ونزلو
رانيا:ردلها عقلها واذكرت ان انس بيخطب وبدت تبككككي بي العبره وفي عز بكاها وصلها مسج من رمزي

رمزي?:عروستي وتي روحك بنجي ناخذك عشان نختارو الدبله ودار النوم
رانيا:لوحت التالفون وبدت تبكي بشكل هستيري

انس:طلع من الحوش وقلبه قعد عند رانيا مكانش يعرف انه يحبها لدرجه هاذي?في وقت قصير وبدون هلبا كلام بينهم خذت قلبه وعقله وكل شي فيه يتعذب ومش قادر ينساها بس للاسف دار غلط شبه مجتمعنا كلللله يدير فيه كلم امه تخطبله عشان ينسى رانيا

امل:خايفه عليها
اسيل:بي اذن الله مش صايرلها شي تو ترتاح وتنوض امورها تمام
امل:ان شاء الله …حقا بنسألك
اسيل:شنو
امل:في شي بينك وبين معتصم؟!
اسيل:ااااععع تفو حشاني علاش؟!
امل:يضحكلك ويناشب فيك طول الوقت
اسيل:عارفتيه حقير وحشيشته البنات
امل:بس انا معمره كلمني
اسيل:يشوف فيك صغيرونه
امل:وحتا رانيا مكلمهاش قبل
اسيل:اففففف ياااا خلاص صكري عليا سيرته
امل؛سكتت

طق طق طق
رانيا؛مسحت دموعها …خشي
بشير:السلام عليكم
رانيا:نصدمت ان بشير راكب لافوق ع خاطرها …اهلين عمي تفضل
بشير:كيف تحسي في روحك توا
رانيا:بخير الحمد الله
بشير:عارف انك يمكن مضايقه من الزواجه هادي ومكنتيش حاطتيها في بالك
رانيا:نزلت راسها
بشير:لاكن خلاص يابنتي امر الله وصار حتى انا حاولت ندخل ومقدرتش لاكن الولد شاريحك ورح يقيمك ع كفوف الراحه
رانيا:انا مفي شي عندي مهم في حياتي غير خواتي منبيشي يقطعني عليهم وخاصتا زيارة بوي
بشير:اكيد اكيد من حقك هاذا هوا كلمتي توا وقالي قريب يوصل
رانيا:شبحتله بي صدمه
بشير:يبي يرفعك تختاري معاه الذبله والاثاث زي اي زوز مخطوبين يعني
رانيا:خليه يأجلها انا تاعبه
بشير ؛يابنتي الراجل قريب يوصل ره وعيب نردوه بعدين كلها ساعة زمان وتروحي
رانيا:سكتت
بشير:هيا نوضي سلم بنتي
رانيا:تنهدت تمام
بشير:ابتسملها وطلع من الدار
رانيا:ناضت من مكانها لبست عبايه سوداء ووشاح اسود وساعه دهبيه وشنطة وكندره ع البيج مسحت دموعه عيونها ومدارتش ولا نقطة مكياج قعدت مقعمزه ع سريرها وسااااارحه لين وصلتها رساله من رمزي
رمزي:?انا لوطه حبي انزلي
رانيا:تقززت من كلمة حبي ونزلت بسيييف مش طايقه روحي تمنيت قلبي يوقف وقتها

اسيل:مقعمزه تقرا في الجنان…رانيا وين ماشيه?
رانيا:جاني رمزي بنمشي معاه ناخذو الذبله والاثاث
اسيل:ياعمررري ع المخطوبه?
امل:ارفعوني معاكم?
اسيل:تحشمي شنو يرفعوك …بري رنوش ديري بالك ع روحك
رانيا:ضحكت علي عقلهم البريئ وطلعت نمشي بي خطوه ونبي نرجع عشررره عيوني لوطه وخلاص قلبي فيه غصه لين سمعت كلااكس قمت عيوني شفت سياره عاااليه وفخمممه مقعمز فيها رمزي ضحكلي بي ضحكته الخبيثه ضحكته الحقيره يلي قريب نموت منها ?حاولت نتمالك نفسي وركبت السياره بدون منحكي

رمزي:مسك يد رانيا…نورررتي سيارتي
رانيا:نفضت يده بقووه
رمزي:هههه متحشمه عادي عادي تو تتعودي …طلع بي السياره ومشغلها اغنية حبك يدق بي الراس
رانيا:شفت لي الروشن ودموعي ينزلو

بنووتة الشيخ:طول الحلقات هادي معرفتكمش بي رمزي طبعا رمزي مواليد86ولد واحد لي بوه وامه الزوز عايشين من عائله فلووووس هلبا بوه متورطت في هلبا جرايم نصب واحتيال وغسيل اموال بس ديمه يطلع منها واي شي رمزي يبيه يكوون عنده …مواصفاته جسم عادي مش رياضي ومش سمين طوله متوسط عيونه ولحيته ع الاسود وشعره نفس الشي وطويل شووويه نازل ع رقبته بشرته بيضه .مش مكمل تعليمه وشاري3شهادات متزوج مغربيه بي سر وجابت منه بنت وطلقها

انس:نبي نسافر تمشي معاي؟
هاني:وين وعلاش?
انس:بنمشي تونس لين تتزوج البنت يلي فتلك عليها وبعدين بنروح
هاني:بتهرب من الواقع يعني
انس:حاجه زي هكي
هاني:الززح علاش متخطفهاش ولا ادبر كيف تفركسلها الزواجه هيا
انس:شافله بي وجع….هيا تبيه
هاني:سكت ومعش عرف شنو يقول
انس:المهم شوف روحك كان تبي تسافر بوا سايرني وسفرتك ع حسابي
هاني:تم نضم اموري بعدين ساهل
انس:تمام

رمزي؛هي انزلي ياعسل
رانيا:نزلت من السياره وخشينا لمحل ذهب كبير
رمزي:اووو عمده كيف الحال
عمد:اهلا رمزي تي وين عاش من شافك
رمزي؛تعيش وتشوف اليوم جايك في خدمه
عمده؛ادلل
رمزي:طبعا هادي المدام
عمده:مشااااء الله مشاااء الله ربي يكمل عليكم
رانيا:عيونها لوطه وساكته
رمزي:نبي احسن واغلى ذبله عندك في المحل
عمده:من عيوني لحضات بس…وخش للمخزن
رمزي:وقف جنب رانيا…تبي شي معين
رانيا:منبي شي
رمزي:كيف جاي بيتكلم قاطعه صاحب المحل
عمده؛تفضلو شوفو
ومزي:شد يد رانيا وقعد يقرب فيها
عمده:الصفه هادي ألماس العيارات يلي تبيها موجوده
رمزي:شن رايك؟
رانيا:اي وحده متفرقش حتى فالصو
رمزي:اختار ذبله من بينهم ولبسها لي صبع رانيا
رانيا؛وقت لبسني الذبله حسيت انه قفل ورح يقيدني طوووول عمري
رمزي:تمام عمده اعطيهالنا
عمده:تم تم هي ….دارها في كيسه وخلص رمزي حقها طبعا حقها مبلغ فلكي وطلعو من المحل

رمزي:شنو توا وين نمشو ؟!
رانيا:نبي نروح
رمزي:الاثاث مخذينا فيه شي
رانيا:انا تاعبه ومعش قادره خوذه بروحك …وركبت السياره
رمزي:ركب السياره وشغل المكيف…متقوليليش امتا بتفرديها ؟
رانيا:متطلبش مني حاجه زي هادي لان عمري وحياتي مارح نحبك ولا حتى رح تشوف مني ضحكه
رمزي:تكنطى وشد يدها من المرفق بقوووه لين تألمت…صوت دين امك هواااا متعليشي علياااا فااااهمه ويلي نقوله انا هوا يلي بتمشي عليه خير متشوفي وجه تاااااني
رانيا:بدت تبكي…نحي يدي توجع
رمزي:طلق يدها وقعد يشوفلها
رانيا:تبكي وتمس في يدها
رمزي:مسحلها دموعها….اششش خلاص حبيبتي ياسرك بكي عااد كله منك انتي اطلعي فيا من طوووري معش تعصبيني به ياروحي؟
رانيا:شافت جيهة الروشن وكملتها بكي

امل:بنمشي نرقد انا
اسيل:تتصفح في شيتاتها….خيرك من توا
امل:مش عارف حاسه راسي صداع
اسيل:اممبه بري
امل:خشت للڤيلا وع خشت معتصم
اسيل:قامت عيونها تشوف معتصم جاي من بعيد ولابس شرط بس?حاط فوطه ع كتفه ومداير شعره فوق?
معتصم:قعمز ع الصالون …شن جو
اسيل:رمشت ونزل راسها…تمام
معتصم:وين العائله السعيده
اسيل:امل راقده رانيا طلعت مع خطيبها امك واختك طلعو يلودو
معتصم:بروحنا يعني ??
اسيل:ترا طير من هنايا خليني نقرا بعدين مش ناسيه شن درت انس وبنحرش فيك عمي بشير
معتصم؛يشبحلها ويضحك
اسيل:خيرك تشبح هكي
معتصم:محلاك كيف تدري جديات
اسيل:ترا سكرلي فمك …بعدين خيرك لابس هكي
معتصتم:جت النيه في الميه بنعوم في الحوض
اسيل:به مليح….عيونها في الشيت
معتصم:تعومي معاي؟
اسيل:شبحتله منعرفش وحتى كان نعرف انت اخر حيوان مائي ممكن اني نعيش معاه
معتصم:وقف …اهاااا مبه ع راحتك
اسيل:وجعت للقرايا وفجأه يقيمها معتصم وهووووب ينزل هوا وياها للحوض

في المطعم:-
رمزي:ها شنو نطلبلك؟
رانيا:اميه بس
رمزي:نادا الجرسون ووصاه ع غدي كامل
رانيا:في لحضه بس سرحت انا رح نتزوج واحد فلوووس عمري ماخلمت اني رح نلبس ذهب واليوم بنلبس الماس كيف انا مش فرحانه؟اااااه بس لو يعرفو الناس ان مش كل شي فلوس والسعاده مش مرتبطه بيهم?
رمزي:الووو
رانيا:هاا
رمزي:هدرزيلي عليك شويه
رانيا؛شن بنهدرزلك وانت المخابرات كلها عندك طبيعي انك تعرف عليا كل شي
رمزي:اها بس في حجات اكيد منعرفهاش وحاب نسمعها منك
رانيا:معنديش نيه نهدرز
رمزي:وين حابه تمشي شهر العسل؟
رانيا:ها?لالالا مستحيل منقدرش نسيب خواتي ره من توا نقولهالك
رمزي:تو نديرو راي

اسيل:خافت تغرق في الحوض شدت في معتصم وتعيط
اسيل:طلعنننننننني????
معتصم:هههههه تي اهدي شوفي ها كيف نعومو الجو حلوو
اسيل:مكبشه في رقبته….لالالاا??طلعني معتصم بالله عليك ياخرااا
معتصم:الزح مش قادر نطلعك عاجبني الجو كيف لاصقه فياا
اسيل:بعدت من عليه وطاحت في الميه وقامها معتصم مره تانيه
اسيل:????حرام عليك طلعني
معتصم:به اهدي واسكتي باش نطلعك خلاص
اسيل:سكتت وكانت تتنفس بقوووه ومعتصم هايم فيهااا
اسيل:هياااااا?
معتصم:باسها في فمهااا ونزل بيها في الميه وفمها ع فمه
اسيل:نزلت للميه وهوا حاضني وفمي ع فمه معرفتش حتى كيف نعيط تخدرت فسط الميه
معتصم:رجع ركب فوق وركبها
اسيل:احووووو احووو احوووو …نحي من علي وجهي طلعنييي
معتصم:قعد يعوم بيها لين وصلو لي الدروج وركب هوا وياها

اسيل:وقفت تكح وتمسح في فمها….احووووو احووو معتصم بجدددد لاهنايا وخلاص تجاوزت حدودك وهلبا
معتصم:اشرلها ع صدرها بي عيونه
اسيل:شبحت لي روحها وكانت لابسه سوريه بيضه ومع الميه ولت شفافه وال?يبان?
اسيل:وجها احمرررر دفت معتصم لين طاح في الميه …حقيرررررررررر???? …وخشت تجري
معتصم:يعوم ويضحك

رانيا:حطو قدامنا سفرة غدي مشكله من جمييييع الحجات يلي يتخيلها عقلك قعد رمزي يامل وانا مخذيتش غير اميه وكاشيك سلاطه بس مش قاااده نبلع ولا حاجه كمل رمزي وقعدت انقنق نبي نروح لين اخيرا وافق وطلعنا بي السياره للحوش

اسيل:خشت تحت الدوش وحاطه يدها ع فمها تذكر يلي صار كأن قلبها بدي يدق لي معتصم الصايع متع البنات?‍♀️

معتصم:طلع من الدرش رقدت علي سريره حاط يده ع فمه ويحاول يرجع بعيونه للحضه يلي باس فيها اسيل حس انها لحضه غيرررر اول مره يعيشها هكي مع بنت يمكن لانها مش طايقاته وتتلصق عليه

رانيا:وصلت الحوش اخيرااا جيت بنززل شدني من يدي
رمزي:استني شوي
رانيا؛شنو؟
رمزي:هاك خوذي الكيسه هاذي فيها مبلغ اطلعي اشري بيه يلي ناقصك
رانيا؛مش ناقصني شي انا
رمزي:بلااااش استعباط عاد العرس بعد شهر بس
رانيا:نصدمت…نعممممم؟؟؟كيف بعد شهر بس وين عقلك انت؟
رمزي:من البدايه قتلك مش قادر مستعجل يالله متعصبينيش ووتي روحك
رانيا:نزلت راسها بصدمممه
رمزي:باسلها يدها
وانس:يشبحلهم من بعيد?
رانيا:خذت الكيسه ونزلت من السياره للڤيلا طول عيونها لوطه حتى انس مشبحاتاش ركبت لي الدار وهيا بتتفجر
اسيل:بسم الله خيرك
رانيا:شي رااسي نصدع من كثر الدوران
اسيل:شن صار وشن…..
رانيا:سولتي متسأليني ع شي راااسي بيتفجرر…ونزلت
اسيل:خيرها هادي ?
رانيا؛نزلت للمطبخ شربت اميه وطلعت تلاقت مع انس?
انس:كيف حالك توا؟
رانيا:بخير?
انس:دووم ..ربي يكمل عليك فرحتك انا بكرا مسافر
رانيا:بصدمه وين?؟
انس:تونس…قتلك عشان …..مش عارف ليش قتلك بس اهو عندك علم
رانيا:نزلت راسها
انس:سيبها ومشي

اختصار_الاحداث
سافر انس ورانيا كل يوم خالها للأسوء ودمرت نفسيا مشت زارت بوها وع اساس في قمة السعاده بي زوجها وقلبها متفترش من داخل بذات بعد مسافر انس مقدرت تشري شي كله حجزاته بي النت ومخذتش بعض الحجات يلي لازم تاخذها كللل عروسه

اسيل:مشاعرها تلخبطت القلب يبي والعقل راافض بس اسيل مخليا عقلها يتحكم في كل شي وحاطه حدود لي قلبها وبدت تتباعد وتتجنب انها تتلاقى مع معتصم

بعد مرور شهر:-
رانيا:طلبت انها متبيش عرس مبير يوم واخد وبس داره بشير في الفيلا عزم عمها وصغار عمها والناس يلي يخدمو معاها في المصحه وفرحة منى كبيررره طبعا

قعمزت رانيا ع الكوشه بي ڤيلوها المنفوخ وتاكم الالماس يلي جابهولها رمزي ومكايجها يلي طالع عليها يجنن بس دموعها جفو من كثر البكي وتحاول تبين انها عادي قدام الناس
اسيل و امل كانو حاسين ان في شي غلط بس مش فاهمين شنو بذات لما يسألو في رانيا توصح ان امورها تمام

فاتت الحفله ورانيا تدعي ومتمنيه الموووت بذات لما سمعت بي امالي العريس جو وجاها رمزي طارح ويضحك ضحكته يلي ادره الكبد …درجها وهيا قلبها يفكر في انس يلي سافر تونس باش ميشوفهاش عروسه ?ومحستش بي روحها غير في حوش رمزي

اسيل وامل بكو هلبا ع غياب اختهم يلي كانت في مكان امهم تقريبا وبوها يلي مقعمز في الحبس فرحان يسحابه تزوجت برضاها ?

رانيا:خشت الدار قامت الطرحه وخش وراها رمزي…يتبع