رواية تزوجتها كرها في ابيها

الحلقة 28
من دون سابق اندار يتنطر الدم ع القبر
انا مشيت نجري شديته و شديت تلفوني و ايدي ترعش رسيت ع اول رقم طلع قدامي
ادم الوو
انا تعاااااااااالى بسرعة بيموت
ادم من اللي بيموت تكلميييييي
انا نبكي تعاااااالى و سكرت اقل من ربع ساعة اربع سيارات امظلة كانو قدامي و وحدة منهم نزل منها ادم
انا نرعش و الدم كان ملبزني جو الولاد خدو مروان و انا قعدت نشوف في القبر و الدم اللي لبزه و كانه هالدم اخر هدية توصل لي عايشة باش تتفكره شويا بديت نتخيل فيها واقفة تشم في الدم اللي ع القبر و تقولي بري ياجوري متخيروشي زي ما خسرتوني ع الاقل واحد منا ايعيش
انا بديت انعيط من كل مكان و كل جهية نتعدب شن درت انا صاعبة تزوجت اجبار كل يوم طرايح و هزايب بنت خالتي تموت ولد خالتي اللي يحبها رجل اهني و التانية في القبر
عايشة بدت تضحك ح تفرج باذن الله و بدت الصورة تتلاشة
فات الوقت مروان في العناية العيلة كلها في المستشفى و جوري تحت الاكسجين بسب الظغط النفسي اللي هيا فيه

“””””””””””””””””””
ماما تبكي علاش ياربي بنتي بعدين عايشة و توا مروان علاش بس
سيف اس يما توا يوسف قريب يوصل من المطار مترعشيشي الله ايربحك
نور شبحتله بي طريقت خليها تفرغ بي اللي تحس بيه
سيف هز راسه و طلع برا شويا و تجي الصدمة الكبرا
سيف طاح منه التليفون من الصدمة
البنت هاي
سيف شبح لي يوسف من هادي
يوسف ااا هادي مرتي
سيف حدف التليفون ع الحيط تي شن تخرط ياراجل معقولة ولد خالت في العمليات و التانية مليهاش شهر ميته تتزوج و لا اجنبية الصراحة طحت من عيني
يوسف انت متعرفش ضروفي غادي كيف كانت باش تتكلم
سيف خلاه و مشي
ماسه هبيبي هيره خوك هكي معصب
يوسف فوتيه توا يتعود
ماسه به و باساته ع خده و الناس كله تشبحلهم
يوسف تخشم معاش اديري هكي قدام حد اهني عندنا عيب
ماسه باه
و خشو و كان التوتر رابك سيف من ردت فعل العيلة كيف ح تكون ؟
سال الاستعلامات ح مكان الحلات و دلاته و كان الخوف ايزيد كل خطة يمشيها اما ماسه كانت عادية كل هما يوسف و بس

“””””””””
في هالوفت كان الدكتور عندي و ايدير في الفحص و بعد ما كل طلع
سيف طمنا يادكتور شن فيه
الدكتور الوضع النفسي متازم للزم تبعد ع التوتر و الزعل و الا حتدهل في غيبوبة للاسف
س
و اهني يجو ماسه و يوسف و كان جايب معاه شنطة فيها هداية مع ان الوقت مش مناسب و من بينهم قفطان ليا نفس اللي في الصورة
جي و بدي ايسلمع الكل والكل كان مصدوم في ماسة اللي كانت اية من الجمال و خصلات شعرها الاشقر اطير منها
جت ماسة ثعمزت بحداء ماما و تهدرز عليها و الواضح الصدمة عليها لاكن تحاول متبينش
هوا و ايشوفو في ميار جاية تجري شدت في ايد نور خيرهاكانت كويسة شن صار
نور هيا ………..
ميار قعمزت ز تحاول تشد روخها لان الدنيا ملخبطة حاليا
جت ماسة تهدرز عليهم و الواضح انهم انسجمو مع بعض
“””””””””””””””””
حالت مروان قاعدة خطيرة مقدرو انفولو انه حي ع الاجهزة بس
اما انا كنت تحت الاكسجين و نتفكر في كل شي صار معاي كل لقطة كل دمعة نزلت فيا كل اللحظات اللي عشتها مع صحباتي مع عايشة و بعدين ظباب دامس و اللي هوا ادم اللي دخل ع حياتي فجاء بس الحاجة الوحيدة اللي مهونة عاليا هالعتمة هيا بنت بنت اخته فداش ما بريئة و طيبة و تنسيك الهم
“””””””” طلعو الدكاترة جري
خالتي ناضت تحري توقف في الدكتور
قولي الله ايربحك شن فيه
الدكتور نزل راسه……….
خالتي وووووووووووه عالياااااااااااااا راس وليييييييييد عندي
يتبع