رواية تزوجتها كرها في ابيها
الحلقة 15
اولا حاجة نشكر كل من اتمسك بي اني انكمل الرواية وانشاء الله نكون عند تقتكم وانكملها ليكم
عايشة حي خيرها هادي اتعيط والضي هرب
انا بري شوفيها يا عايشة
عايشة بنات تعالو
انا لا لاخليهم معاي مرات انطيح كنلقاش من ايقيمني
ونسمعو في نور تعيط تاني
عند نور
نور يحمار ايدك قويا
مروان طرشتيلي ودني
عايشة نور وينك انت
نور تبكي عايشة اتعاليلي في حد شدني من ايدي شكله حوش خالتي ملبوس
مروان ايكلم فيها بصوت واطي: ملبوس بي عفريتك
“””””””””””””
سيف شن العياط اللي عندكم من اللي تعيط
انا هادي نور تعيط
سيف خيرها شن صايرللها
انا بشويا سلم خوي انت مش متحمل فيها
حتى دقت الشوكة يبابا هدا كروان ولد خالتك امكبد في عايشة
سيف بجديات مايطلع منها به علاش نور تعيط
انا مه ………
سيف به به مرات غدوة انجيكم هيا باي انا سلام
انا شن حطيتي التلفون يا ميار
ميار اهم حاجة باش نعرفو شن بيصر في العاشق
انا اي
بشرى اشبح شن صار
اي
نور عايشة وينك تعالي جنبي
عايشة اني جيت المشكلة ظلام خل انجيب تلفوني نفتح الفلاش بس
نور عيطت لا اقعدي جنبي اهني
مروان حلاص بري
واهني تمت مهمت مور وانسحبت لي الكوجينة
عايشة نور وينك نور
ومروان شدها من ايدها
انا واحد اتنين ثلاثة
ونسمعو عيطتها
ميار نحس فيه ولد خالتك صايع مرات ايدير حاجة في البنت
بشرى خير وخير باش تقعد ليه
انا اي نحصلو عرس عن قريب وتفكرت موضعي نزلت راسي
ميار قيمي راسك ردي بالك اتنزليه تاني فاهمة
انا ابتسمتلها تمام
هيا ناكلو انا جعانة
بشرى اصبري خل ايكمل مروان باش انسخنو الوجبات انسخن الوجبات في المكرويف
عندهم
عايشة ترعش من انت
مروان سكرلها فمها وقامها لي الدار وشرين ع نور باش تفتح الضي
انفتح الضي نور اتفاجت بي اللي داره مروان القت الدار كلها ورد وشموع
عايشة شن هادا
مروان عايشة انا نحبك هايشة هلاش تحرقي في قلبي هكي
عايشة ساكت والدموع في عيونها
مروان عايشة انا نحبك
عايشة مشت حضناته نجري وتبكي حتى انا نحبك يا مروان
مروان حاضنها ويبتسم
نور فتحت الباب
نور هيا يا بابا الشيطان بدي يخدم
مروان بري يامريضة هديكة امن اتفكري هكي
نور تعالي يا عايشة في ناس متقدرش الجميل بكل
عايشة قصدك انتو
نور ضحكت يس حبيبتي هادي فكرت جوري
عايشة الكلبة هادا علاش امبكري تسال فيا لاكن توا اتشوفو
“”””””””””””””””””””
ادم شن صار يا احمد
احمد تمام يا برو امتى ما تبي
محمد مبروك يا راجل العقبة لينا
ادم تي برى روح بالك تسحابني واخدها محبا فيها انا نبي ننتقم
محمد ربي يهديك يا ادم
خلاص هيا نمشو نهدرزو ع جداي معاش اتكلم فيا تعالى كلمها انت تعز عليها بالك ترضى
وتكلمني
ادم بجديات انت تتكلم
محمد املا انبصر تي كان المرة ماتت قبل ما تسامحني مستحيل انسامح روحي
ادم تي فكنيمعنديش جو نقعد انعاودلها في الكملة الف مرة باش تسمع وكان سمعت شويا وتنساها هادي جداك تبي واحد باله واسع
يتبع
طبعا انقول لي كل من ايتابع غي الرواية وعاضت اني معاش انكملها ربي يحفظكم وانشاء الله ربي يعطيكم الي تتمنوه وانشاء الله انا مستمرة معاكم