رواية ابتزاز بقلمى زهور جمال الدين

#ابتزاز

بقلم زهور جمال الدين ?
?الحلقه التاسعه?
“حقيقيه ممزوجه بالخيال”

_

فى حوش فاطمه …

البنات كلهم قاعدات بايتات عند امهم ببناويتهم … حتى صالحة بيتوها معاهم هيا وبنتها شهد ..
البنات جنب امهم .. وبناتهم حتى هما مقعمزات معاهم قبل مايركبو لى دار هند
-فاطمه / ياااربي استر بنيتى ..واحفظهالى وطولى فى عمرها .. نجيها وعليها على من يعاديها ياااارب
-نادية/ يااام الناس تقول اللهم استودعتك ابنتى وبيتها ومالها وحالها وزوجها بعينك اللى لا تنام يااارب العالمين
-فاطمه / منعرفش نقول زى اللى قلتيه .. المهم انقول يااربي ودعتك بنتى
-نادية / مش هكى يااام
-مفيدة / ياودى ليش تكثري على امك .. ربي يعرف يسمع منها دعائها بي ثقافتها ..لانه هوا عالم اللى فى قلبها .. وبعدين ربي يعرف ميمونه … وميمونه تعرف ربي ..
ضحكت مفيدة / تعرفيها القصه ولا يا ناديه
-نادية / طبعا نعرفها زمان كان يحكيلنا فيها بوى الله يرحمه..
-مودة / احكيهالنا يا ماما بالله عليك مانعرفوهاش
-مفيدة / هيا بمعنى قولى لى ربي اللى فى خاطرك ونيتك وهوا تويفهمها منك ويستجيبلك
-انتصار / شوقتونا يا عمتى .. بالله احكوهالنا
للبنات كلهم مع بعضهم / احكوهالنا بالله عليكم
-ابتسمت ناديه/هدا ياستى زمان كان فى مجموعه من الدعاة الصالحين ….ماشيين فى سفينه فى البحر …شافو جزيرة من بعيد مشولها يجرو بيش يستريحو فيها.. لقو مراءة وحدة بس عايشة فى الجزيرة بروحها .. اسمها ميمونه
-سلمى / باهى وبعدين شوقتونا
-ناديه / لما خشو للجزيرة جتهم ميمونه وسلمت عليهم .. بدو يهدرزو عليها ويفهمو فيها ان فى حاجه جت للدنيا اسمها الدين الاسلامى.. وان الرسول هو سيدنا محمد عليه الصلاة والسلام .. وان الله امرنا بالصلاة ..
-مودة / باهى وبعدين
-نادية / قالتلهم انا من زمان انصلى وديما نقول هالدنيا هادى كلها لابدة من رب كريم هوا اللى خلقها .. فقالولها الصالحين كيف تصلى وشن تقولى .. قالتلهم فالصبح ووالليل يقيم يديا للسما ونقول / ميمونه تعرف ربي وربي يعرف ميمونه ..
قالولها لاااا مش هكى الصلاه .. لازم من الوضوء والركوع والسجود … وقفو علموها كيفيه الصلاة .. وصلت طول اليوم الخمس فروض
-شهد / باهى وبعدين يا خالتى
-نادية / ياسيدى صلت وراهم اليوم اكله وثانى يوم ناضو من الفجر خدو سفينتهم وودعوها وخشو للبحر …
هيا مقعمز تشبح فيهم راحلين وبدت اتراجع فى الصلاة فى دماغها لقت روحها نستها … طلعت تجرى واتأشرلهم بيدها يا جماعه الخير نسيت كيف تكون الصلاة … هما مايسمعوش فيها ايأشرولها بمعنى شنو … طلعت تجرى رجليها تمشى عالبحر تبى تلحقهم … هما تفاجئو بالمنضر اللى قدامهم انها ميمونه تمشى عالميه منغير ماتحس بنفسها .. وعرفو انها من الصالحين مع انها مع صلتش لى ربي ولا ركعه فى عمرها ولا خاشه للدين الاسلامى …
قالولها / بالله عليك بري .. لله فى خلقه شؤون ..ميمونه تعرف ربي وربى يعرف ميمونه
-مفيدة / ومن هنايا جى المثل للى مش زابط كيف يقول الدعاء عالمزبوط يقولو خليه ربي فاهمه
-مودة / قصه تهبلللل
وقفت انتصار / هيا نوضو يا بنات منخش دار هند ومنرقد
-البنات كلهم وقفو / هى
شهد وقفت معاهم .. ومشت لى امها تغطة فيها .. لان صالحة رقدت لا خاطرها فى هدرزة ولا سهر
-نادية / بري مع البنات شهودة تو نغطيها انا صالحة
-شهد / باهى يا خالتى

__________________________________________

_

فالفندق

-هند عيونها معبيات دموع / ليش ماقلتليش ..
-حمزة / بالشوى بيش نفهمك يا هند
-هند / لو سمحت انهى هالمهزلة وردنى لى امى عالاقل هيا تعرف كيف تعانينى
حمزة واقف يشبحلها ومصدوم .. مش مجهز نفسه للموقف هدا توة
-مشت جنب الباب وعيونها دموع/ هيا …هات الشنطة
حمزة اتفاجأ بالموضوع مش مجهزله ولا كلمه ..ماخطرش عليه انها بتسمع .. مشى للشباك يشبح للمبانى وهوا ساكت ..
ويخمم / لو بنرخى وبنساير بديرلى عياط ونبى امى.. ولو بنكشخ ماتهونش عليا … ياااربي كيف ندير
-هند واقفه جنب الباب وتعلى فى صوتها / قلتلك هات الشنطة ونزلنى هيا
حمزة مهما بيدير روجه كيوت مايقدرش لانه فالاصل ضابط وديما الطبع يغلب التطبع
-هند / نكلم فيك ولا .. خيرك ساكت
-شبحلها وعيونه حمر وماد يده للصالون?/ تعالى قعمزى هنايا
-هند تبكى / قلتلك لا… منروح لى اهلى
-حمزة يعيط بصوت عالى / قلتلك ……تعالى …..هنايا
وشبحلها / واضح كلامى .. ولا نعاوده
هند زى البنوته الطيبه جت للصالون وقعمزت عليه … وهوا قرب منها وقعمز عالصالون اللى مقابلها …
-هند / ليش درت هكى .. من قالك تساعدنى
-حمزة / انا نفسى اقسم بالله مانى عارف علاش درت هكى
-هند/ انا مستحيل نعرض نفسى للشفقه من حد …ونخليه
يجرى بيا ويعالجنى …انا الحمدلله قوية ومش مستحقاتك
-حمزة / لكن انا حبيتك
-هند / انا ماحبيتنيش… انت وهمت نفسك بي حبي.. شفت فيا امك اللى ماتت بنفس المرض … حازة فى نفسك انها درقت عليك .. لا خلاتك تجرى بيها ولا تعالجها
-حمزة عيونه دمعو / اقسم بالله لو قالتلى رانى جريت بيها فالدنيا كلها وماخليتها تموت
-هند / استغفر ربك .. امك هداكة يومها وهداكة عمرها
-حمزة / استغغر الله العظيم
-هند / انا مش امك … ولا نراجى فى مساعدتك .. ولا نبيك تشوفنى لما شعرى بيطيح … انة نبيك اطلقنى
-مسك يدها / انتى ليش خايفه منى انا نبى نساعدك
-هند / صحيت ومشكور… برة ساعد اهلك وخوتك .. انا مش مستحقه حد
-حمزة وقف/ انتى كيف عرفتى
-هند شادة راسها / افتح شنطى
-حمزة / خيرك
-هند تهز فى راسها بألم / اعطينى البنادول ..
-مشى حمزة للشنطه يفتح فيها / وين حاطتهم
-هند / فااشنط ة مننن فووق
خداهم حمزة ومشالها يجرى فتح الحبوب عطاها حبتين وصب طاسه اميه …
مسك كتافها بيد وحطلها الحبوب باليد الثانيه وشربها اميه
-هند / حبتين ثانيات
-حمزة / لا هلبة
-هند دموعها نازلات على عيونها عالجنب / اعطينى .. شكله ضغطى راكب مش قادة حتى نشبح …بندوخ
عطاها حبتين ثانيات وشربها اميه … وقامها بين ايديه بالفيلو … ورفعها للسرير … رقدها عليه
وقف .. حلو دجاكته ..ولف كمامه فوق … مشى لى شنطتها فتحها وقعد يفتش .. لقى روب ابيض .. وحوايج هلبا ..
.. فستان شيفون .. هيا مجهزتها بيش بتسافر بيها مش انها شنطه دخول بس .. قعد يدور لحد ماطلع توتة

خدى التوته … ومشى للسرير حطها جنبها … خدى سروال التوته وبدى يلبسلها فيه فى رجليها
-هند الالم عندها قوى ومش مستوعبه / شن ادير
-حمزة / راجى شوى …
مشى جهه كتافها يبي يحولها الفيلو .. لقاه قطعتين .. فتح السريته فى القطعه الفوقانيه … ورقدها فى ستيان .. تلفت خدى تيشرت التوته وتلفتلها ..البنت جسمها مغري .. لكن هوا مش ندل .. قعمز جنبها .. وقامها حطها بين ايديه .. مد يده على ضهرها فتح الستيان .. وحوله من يديها .. وخلاها فى حضنه منغير حوايج .. ومد يده للتيشرت خداه …ولبسهالها من جهه الراس وردها للسرير..قام يدها بيدخلها فى التيشرت
بان له جسمها كله منغير ملابس .. يبي يمد يده يمس لكن مقدرش فى حاجه فى داخله منعاته .. لبسلها التيشرت
ونزل للقونه متع للفيلو سلبهالها .. ولبسلها سروال التوته منغير مايشبحلها .. خايف نفسه تخونه …
لف للجهه الثانيه من السرير واتكى جنبها … يشبحلها وهيا راقدة لدرجه انها تشخر .. خداه النوم رقد

___________________________________________

_

فى دار هند

البنات الكبار مفرشين فراشات فى تركينه والصغار فالتركينه الثانيه .. كل مجموعه عندها اسرار بروحها
-سحر / ااه …شدوه .. من قاللكم
-مودة / يا حنه انتى مختفيه .. حتى التليفون ماترديش عليه
-سلمى / غير كان نعرف خيرك بس يا سحر
-سحر تبى تغير الموضوع / توة غير خلونا فى موضوغ فرخ الحرام هدا … وانا نقول خيره القروب تصكر .. تاريته الادمن ولد
-انتصار / معرفتش علاش دسوها الدوة .. توقعت اتصير فضيحة فى الفيس
-مودة / الباين عليها سياسة دول .. حاجة متع دولة مش متع ناس عادية
-سلمى / انت يا دولة ?
-سحر/ المهم توة فرخ الربي وين
-انتصار / قالت هند انه حمزة راجلها حبسه..وبيقعد فالحبس
يحققو معاه لين يزبطوه كم قتل وحدة
-سلمى / انشاءالله يتخ فى الحبوس طول عمره الواطى
-انتصار/ ااامين ..

سكتو شوى

-سحر/ منرقد
-سلمى / سحر خيرك .. مش عاجبتنى راهو
-سلمى / لا لا مافى شى ?

__________________________________________

_

ادن الفجر…

فاق حمزة على صوت الفجر … طيارتهم الساعه 10 يعنى لازم يكونو الساعه 8 فى المطار .. يبي ينوض هند بيش تجهز نفسها … لكن عنده نيه يخليها ترقد .. مش قادر يخش ياخد دوش خايفها تنوض وادير مافى راسها وتطلع من الباب
-حمزة / هند ….. هند …
حط يده على خدها / هند
فاقت مخلوعه / ايووه
-بعد عليها / بالشوى عليك
-هند / ترا بعد شوى لو سمحت
-وقف وبحزم / الطيارة معش وقت عليها نوضى جهزى نفسك
-نزلت رجليها وعطاته بالضهر/ ومن قالك بنسافر
-حمزة / شنو تحسابينى نشاور فيك .. قلتلك نوضى مع وقت عالطيارة
-مست التوته / منو غيرلى حوايجى
-حمزة / يعنى معانا حد ثانى فالغرفه …اكيدة انا
-تلفتتله / انت كيف تمسنى وتحولى حوايجى منغير ماتشاورنى .. من سمحلك تحولهم اصلا ..
-حمزة / بالك خايفه منى .. تحسابينى ماريت الا زويلك
-هند وجعتها / انا قلتلك المفروض ستادنت .. ونوضتنى من النوم.. اللى درته اسمه خسه وندالة
-حمزة / خسة لما يكون عندى نية ثانية .. لكن انتى ولا لفتيلى نضرى ..
-هند / ???
-حمزة / قلتلك هيامعش وقت
-هند / باهى عالاقل نقول لى امى وخوتى
-حمزة / مفيش داعى ..تقدرى تكلميهم حتى من المانيا لو تبى .. لكن توة معش وقت علينا
-هند اتأثرت / انت ليش تكلم فيا هكى

-حمزة / كلمتك بالباهية امس قلتى تشفق عليا… خلى نكلمك
بالخايبه بالك ماتحسيش بالشفقه …
هند حست انها انحرجت ووجها خاطرها ..
-حمزة / هيااااا … نقولك معش وقت
-هند?/ باهى ..
مشت للحمام خشت وصكراته … وصوتها واضخ تبكى لان الغرفه صغيرة
حمزة قعمز عالصالون قلبه يوجع فيه لانه كلمها هكى… مع انه كان قاصد يتكلم معاها هكى .. لانه عارف انه لو دللها وكلمها كويس حتقوله مش ماشيه معاك .. لكن هوا كلمها بحزم بيش ماتعباش

صلو الفجر جماعه … وغيرو حوايجهم .. وطلب حمزة تاكسى رفعتهم للمطار …
الساعه عشرة ركبو طيارتهم .. ليبيا_ تركيا _المانيا

وصلو المانيا خدو تاكسى رفعتهم لى شقتهم اللى امأجرهاله صاحبه فوزى …ساكن فى المانيا …
وصلو تعبانين …… رقدو طول

_________________________________________

_

ثانى يوم الصبح

هند راقدة فى دار النوم .. وحمزة راقد فالصالة … وباب الحوش يطق … فاقت هند على صوت طقان الباب .. نزلت من السرير .. طلعت للصالة لقت حمزة فى سابع نومه ..
-هند / حمزة … حمزة
-حمزة / نعم
-هند / نوض باب الحوش ايطق
-فتح حمزة عيونه / صباح الخير
-تلفتت هند للجهه الثانيه / صباح النور .. الباب ايطق
-وقف حمزة / تو نشوفه
هند مزالت زعلانه من تصرفه معاها فى الفندق قبل مايسافرة وكيف عيط عليها …
خش حمزة للحمام وقف عالحوض غسل وجهه بالميه وطلع وخشت هند بعده غسلت وجهها بالميه وطلعت مسحت

فتح حمزة الباب لقى مراءة ليبيه لابسه حجابها واقفه / صباح الخير
-حمزة / صباح النور
-المراءة / انا فدوى مرت فوزى
-حمزة / اهلا بيك اختى .. تفضلى
وتلفت لداخل / هند .. ياهند
-هند من داخل / نعم
-حمزة / تعالى هادى مرت فوزى صاحبي
-جاته هند / صباح الخير
-فدوى / هندددد
-هند / فدوى … اهلين اهلين
-حمزة اتفاجأ/ ماشاءالله طلعتو تعرفو بعضكم
سلمو هند وفدوى على بعضهم سلام حار
-هند / كيف حالك وكيف حال عمتى جازية والاولاد
-فدوى / الحمدلله كويسين
-حمزة / صار تعرفو بعض
-هند / فدوى صديقه الطفولة .. لعبنا مع بعض وكبرنا مع بعض ..قرايتنا كلها واحنا فى نفس المقعد ..
-فدوى/ غير ماتوفى بوى وحولنا من جنبكم …. اييييه ايام
-حمزة / تشرفت بيك اختى .. نستادنكم ..
-فدوى / قبل ماتستادن .. صفرة الفطور عالطاولة فى حوشى الباب مفتوح وراس اوخى جيبها
-حمزة يضحك / ليش تعبتو ارواحكم ..
ومشى لى شقتهم جاب الصفرة وحطها على طاولتهم ..
-حمزة / نستادنكم توة
وخش لى دار النوم اتكى عالسرير …..
-فدوى / اول ما شفتك خطر عليا خوى طارق
-هند / الله يرحمه ويغفرله
-فدوى / كان مش من عمره تم راك مرت خوى توة
حمزة انتبه قعمز وفتح ودانه
-فدوى / تدكرى ليله اللى ضربه خوك منعم
-هند / ايام ومشت على حالها يا فدوى
-فدوى/ لين مات وهوا يحبك
حمزة وقف .. بدى الدم يجرى فى راسه
-هند تبى تغير الموضوع / الله يرحمه ويغفرله .. كم ليك سنه متزوجه وشن عندك من صغار
-فدوى / ليا ثلاثه سنين.. توة بس حملت .. فوزى ماكانش يبي فى البدايه
-هند / ماشاءالله ربي يوصلك بالسالم
-وقفت فدوى / نستادنكم توة
-هند / اللطف امتى جيتى وبتروحى .. خليك
-فدوى / لا والله ماصارت .. اهو ساكنين قدام بعضنا .. ومزالت الايام وتو نشوفو بعض
-هند / صحيتى عالفطور وربي يحفظك
-فدوى طالعه وهند تسقد فيها / انشاءالله غير عجبتكم الشقه
-هند / لا ماشاءالله قنينه
-فدوى / فوزى قالى هدا صاحبي الروح بالروح ..لازم نسكنه جنبى انشاءالله نسكن انا وياه فى نفس الحوش
-هند / مشكورين وربي يحفظكم
طلعت فدوى وصكرت هند الباب وخشت
نادت حمزة عالفطور .. خش للحمام توضا وصلى وهند نفس الشى وبعتالى قعمزو فطرو .. وماحد يكلم فالثانى .. هند واخدتها مسأله كرامه تبيش تكلمه .. وحمزة لاهى يخمم وين احسن مستشفى متخصصه فالاورام فى المانيا

_________________________________________

_

ثانى يوم …

الساعه 9
حمزة حصل مستشفى متخصص فى الاورام … مشى هوا وهند خدو موعد .. وسألو لو تقدر هند تفطر والا لا .. قالتلهم الممرضه لا ماتفطرش لان الدكتور بيديرلها صورة.. يبي يشوف لو فى ورم والا لا … . طبعا المترجم معاهم خطوة بخطوة

الساعه 10 ونص …

هند وحمزة مقعمزين عالكرسى …
حمزة ماسك يد هند … وهند تبى ترجع ومش قادرة .. ماعندهاش شى ترجعه …
حمزة ماسكلها يدها … وبعدها لما سائت حالتها اكثر حضنها .. وخلى راسها على صدره
-هند / رنى لمكانى نخاف نرجع على حوايجك
-حمزة حاضنها / رجعى عادى …

الساعه 11 نادو عليها …

دارلها الدكتور الصورة وقاللهم راجو ساعه بيش يرجعو للدكتور …
خداها حمزة ونزلها لى كافيتيريا المستشفى فالدور الارضى .. خدالها فطور وعصير حامض .. خدت منه شوى .. على طول مشت بسرعه للحمام رجعت .. وحمزة معاها …

بعد ساعه

رجعو للدكتور والمترجم معاهم
-الدكتور / مؤخرة الرأس يوجد بيها ورم خبيث .. فى بداياته قاعد كيف مزرع … يلزمله عمليه ..وبعدها كيماوى
هند من هول الصدمه … اغمى عليها طاحت داخت ..
رفعوها لغرفه الانعاش .. فيقوها … ورجعو للدكتور .. اعطاهم موعد للعمليه بعد عشرة ايام … وفى العشرة ايام هادو تاخد دوا وحبوب .. وممنوع عليها البنادول .. ومنع عليها هلبا حاجات ثانيه …من ضمنها السكر

روحو للحوش …

الليل اللى ترقده الناس مرتاحة .. ترقده هند وهيا تعيط
-هند تبكى / بالله عليك برة جيبلى بندول راسى بيتفجر منى نلقى بيه
-حمزة بيتقطع عليها / يا هند الدكتور منعه عليه .. شن مزال ثلاثه ايام ونمشو للعمليه ..
طق الباب … مشى حمزة فتخ لقاها فدوى ومعاها فوزى .. . عطاته صفرة العشى
-حمزة / ليش اتعبو فى ارواحكم .. اهيا القهوة جنبنا ننزل نجيب منها
-فدوى / انت وخينا وهيا وخيتنا راهو …
وخشت لى هند …
-فوزى / حسيتها اليوم احسن ولاه.. عياطها امس واصل لى شقتنا
-حمزة / راسها يوجع فيها وتبى البنادول والدكتور مانعه عليها
-فوزى / ربي يكون فى عونك يا صاحبي.. المؤمن مصاب
-حمزة / والنعم بالله
-طلعت فدوى عيونها معبيات دموع / جيبيلها البنادول وخى حمزة مدامها تلقى بيه
-فوزى/ قالك الدكتور منعه عليها بيش تفهمى انتى

وروحو فوزى وفدوى … خدى حمزة صفرة العشى وخش بيها لى هند
-حمزة / راهو بتتعشى .. مش زى كل ليله تعاندى
هند تشبحله وساكته
-قعمز حمزة عالكرسى اللى قدامها / خيرك
-مدت هند يدها / هات يدك
-حمزة استغرب فيها وعطاها يده / انشاءالله خير
-هند / نبيك تسامحنى على اى تصرف غلط درته معاك .. واى كلمه قليله ادب قلتهالك
-حمزة / نسامحك بعد تاكلى .. لكن مدامك ماتاكليش قلبي وربي غضبانين عليكى ..
هند ضحكت
-حمزة / ايوووه هكى نبيك تضحكى …
مشالها حط يده على كتافها وقاعدها / بنوكلك بايديا
-هند / الدواء مش مخلينى ناكل
-حمزة / الدواء يبي ماكلة والا بيدوخك
حط حمزة ااعشى عالكرسى وقعمز عالسرير فى جنبها وخدى طرف جبنه مالحه / خودى شوووويا
-شبحتله / مانقدرش
-حمزة / وعلى خاطر حمزة اللى يحبك
-هند متأثرة حطت راسها على صدره / انا مش كويسه ..لا خليتك اتحس انك عريس .. ولا خليتك ترقد جنبى ..
-حمزة شبحلها / قولى عندى نيه علاش تتلككى
هند تضحك
-حط يديه الزوز على خدودها / ضحكتك اهيا .. كانى لمستك سنه كاملة ..
خدى طرف خبزة وحط فيه الجبنه وشبحلها / الدكتور قالى حاول انك ماترقدش معاها …يحسابنا مقطعين بعض?
-هند / بلا برادة عااظ
-حمزة / مايحسابنيش محروم …
-هند / نبى نكلم امى
-حمزة / اولامس كلمناها
-هند / نبى نكلمها ثانى
-حمزة / حاضر من عيونى انتى تؤمرى .. بس افتحى فمك بيش تاكلى
-هند / والله مانقدر
-حمزة/ فمك بتنبت فيه العنكبوت من قلت ماكلتك
-هند / الصبح فطرت عااد
-حمزة / حيييه الصبح … مقدمها … افتحى فمك هى
وقعدو يتعشو

________________________________________

_

يوم الثلاثاء

غادة بنت مفيدة اتصلت بي امها ..قالتلها تعالينا فيسع راهو اختى سحر مريضه ومتلوحه وفمها ابيض
سيبت مفيدة عملها .. وروحت للحوش خدت سحر شبه منتهيه من قلت الماكلة …
ركبتها فالسيارة ومشت بيها للمستشفى .. دخلوها الممرضات للدكتور …
بعد ساعه طلعت الممرضه / وينها ام سحر
-وقف مفيدة / انا
-الممرضه عطتها ورقه / اهما الحاجات قالك الدكتور جيبيها من الصيدليه لان المستشفى مافيشى شى
-مفيدة / حاجات !!… ححاجات شنو ؟ خيرها سحر
-الممرضه / ياماما بنتك حالة اجهاض .. كلمى جوزها يجى بيش بوقعلنا …
وتلفتت الممرضه خشت لداخل … وخلت مفيدة مصدومه ماتشوف فى شى قدامها … مشت مت هداكه الممر ماعارفاته وين بيرفعها …
طلعت تليفونها … ضربت رقم ناديه اختها ردت عليها
-مفيدة / نادية يا بنيه امى تعالى للمستشفى … رانى بنعيط ونلم عليا الناس
-ناديه انشغلت وتعيط / خيرك شن فى يا مفيدة
-مفيدة / غير تعاليلى بس شوفى المصيبه اللى اختك فيها
-نادية / انتى وين
-مفيدة / والله مندرى على روحى … تو نعطيك المراة اللى جنبى تقولك انا وين …

_________________________________________

تمت …. ويتبع

هند ?

لايكاتكم يا قمرات ?

نحبكم ❤