رواية أنحراف فوشيكا

?انحراف فوشيكا ?
الحلقةه: تامنه
بقلم فاطمه سالم

……
اني: وين ماشي بيا

فارس: لي ديري فيه غلط فهميني ليش هدا كله ليييش؟

اني: اني زي ما قتلك مش عارفه شن دنبي فهمني شن في!

فارس حط ايده على ستيرسو وتنهد: لي نقولك عليه ديريه وبس

اني: به

فارس: توا قوليلي وين حوشكم ومدرسه غيري منها او ايي حركه بديريها بيكون عندي علم بيها وحولي حظر من عليا فاهمه

اني: ان شاء الله.. حوشنا في شارع جرابه

روحت للحوش غيرت دبشي و فشيت غلي في الضم والكنس وبعدين غسلت اطرافي وخديت الفون حولت حظر من على فارس…. وبعد روح بوي قتله بنمشي لحوش جدي وامي فرحت ان بنمشي وقعدت تقنع في بابا “خلها تغير جوها وتمشي وحتى مدرسه من غادي اقربلها وتوسع خاطرها “…. بابا وافق بعد جهد جهيد ووتيت دبشي ومشيت على رجليا ومعاي بوي لانه حوش جدي يبعد علينا بي سته شوارع واني متعوده على المشي على رجلين…

…
قعدنا نهدرزو اني وجداي وجدي وولاد خوالي والبنات…
حسيت الجو كل واحد مشغول في همه وافكاره حبيت نغير الجو..
وقعدت نغني وهم ضحكو لان كان جو هاادي وفاجئه اني قطعت كل افكارهم وبطريقه هبله…
قعدت نرقص بطريقه اشبه بتحضير الجان ?… ونغني ونصفق…
جدي قال: شكلك متعوده على تكشيك
قلتله بعفويه: مش مني من مدرسه….. “وركزت على تعابير وجه بوي لي نسيته موجود معانا… تغيرو تعابير وجهه وناض مقدرش يحكي قدام جدي…
ما اهتميتش هلبا عشان بوي نقدر نتفاهم معاه….
وقعدنا نغنو وجداي كدالك تغني وتقول: دليني يامنه هي دليني يامنه هي دليني كانك سهرانه قوليلي يامنه هي?

بنموت يامنه هي بنموت يامنه هي بنموت جيبولي الغالي يحضرني يامنه هي…يحضرني بدموع عيونه يغسلني يامنه هي… يغسلني بسوريته البيضة يكفني يامنه هي يكفني في وسط قليبه يدفني يامنة هي
يدفني… حتي الجبانة باعوها يامنه هي…. باعوها داروها حياش وسكنوها يامنه هي

شعري الاصفر يامنه هي شعري الاصفر يامنه هي شعري الاصفر…. لو كان يزيد صفوريه يامنه هي صفوريه مانخلي عزري مع بنية يامنه هي…

شعري الاسود يامنه هي شعري الاسود يامنه هي شعري الاسود…..لو كان نزيده المردومه يامنه هي المردومه مانخلي عزري في حومه يامنة هي…

عيني الكحله يامنة هي عيني الكحله يامنه هي….عيني الكحله لو كان تزيد كحوليه يامنه هي كحولية مانخلي عزري مع ولية يامنه هي…

صدري الابيض يامنة هي صدري الابيض يامنه هي صدري الابيض لو كان نزيده المجاره يامنه هي المجاره مانخلي عزري في داره يامنه هي…

ظفرة شعري يامنه هي ضفره شعري لوكان نحل ونطلقها يامنه هي نطلقها مرت السلطان انطلقها يامنه هي

طولي الوافي يامنة طولي الوافي لوكان نزيده القبقاب يامنة هي القبقاب يجوني الخطابة للباب يامنه هي

طير حمامة يامنة هي يهدي من نخلة ل نخلة يامنة هي نخلة ل نخلة حبيته وان شاء الله تخلي منة هي

زوز محارم يا منه هي زوز محارم وحده حرير وحده طاوس ..وحده طاوس بين العراسه تتحاوس…

….
وجدي يسمسم في عيونه لي جداي وجداي تغطي وجهها بلشال على وجهها وهي متحشمه ?..

وحسيت ان جدي وجداي رغم عمرهم كبير الا ان عندهم روح طفوليه….

❤?قلوب لا تاخذ من الشيب الا لونه. ????

اللي مرات نزعلو منهم بي ابسط كلمات ونعتقدو انها كلمات محرجه…. الا انها في حقيقه مجرد مداعبه…. هم تصرفاتهم طفولته ❤?
….
وبعدين قعمزت وقعدنا نحكو وجداي تحكيلي في قصه ام بسيسي….. وحسيت الجو كئيب تغير وقعد الجو حلو ❤
بس في شي ضايقني لي هي “محاولات سميره وهي غايره مني لانها… مره تقول حولي اني بنقعمز بحدا جداي…. و مره تقول اسكتي اني بنغني والا اسكتي اني بنهدرز…
” على رغم كلنا نحكو ونغنو بس هي حطت راسها من راسي! “….. اني مش مستغربه لان من قبل هك؛ بس اشمعنى اني!!؟
…
حاولت نتجاهل الامر… وهوووب جي الضي وقعدنا نصفقو فرحانين ?…
رغم انه شي هدا اصبح اعتيادي لان لينا تقريبا ” تسع سنين على منوال هدا “هروب الضي ”
بس ببساطتنا وفرحتنا للبساطه ❤كدالك هو شي اعتيادي…
….
وبعد جي ضي… نضت من مكاني… ولما نضت حسيت كل الانظار عليا!!
انتبهت لي لبستي انها لاصقه على جسمي ومبينه كل جسمي….
بس برضو مش انا بس!!
…
لبست شبشبي بصعوبة من توتر وخشيت… ونسرع في ?خطواتي…. ولي زاد توتري….
سميره خشت وهي مفزوعه وقالت بدهشه….
سميره //يااافرخةه الكل معلق عيونه عليك
اني زاد خوفي وتوتري //ش ششنو!!
سميره بخبث ورفعت دراعينها وصفقت بكفوفها //ياماما الكل معلق عيوونه عليك والباين عجبتيهم مديريليش روحك متندريش كل صفيق والغني هدا كله ليش ياخيه شن زرك عليه
اني زمطت ريقي وقعدت ساكته نحاول نستوعب كلامها والموقف وبحركه سريعه رمشت عيوني كم مره وانتبهت ليها تستنى في ردي تكلمت بتوازن عكس ما في داخلي //و اني شن دخلني كان عقولكم سوس!!!
سميره برفعه حاجب وحطت ايدها على كتفي //كلام هدا قوليه ليهم…. وطلعت وخلتني في حيرةه… وخشيت فتحت المكيف و رقدت ومعاش طلعت
……………
… بقلم فاطمه سالم

بعد يومين
حناي:. ﻫﺎﺍ ﻭﻳﻦ ﺧوالك
ﺍني:.ﻓﺎﻟﻤﺰﺭﻋﺔ ﻛﻠﻬﻢ
حناي:. ﺍﻣﻤﻤﻤﻢ ريتي ياحنه قايد خالك ساهر لصبح مع معشوقته يكلم فيها
ﺍني ضحكت: . ﺗﻲ ﻭﺟﻮﻩ زواج ﻫﻤﺎ ﻋﻠﻲ ﺍﺳﺎﺱ
حناي: . ﺑﺎﻫﻲ ﺍنتي ﻣﺶ ﺗﺒﻲ ﺗﺪﻳﺮﻱ ﺣﻠﻮى
ﺍني: .ﺍي مرات غدوا
حناي:. وﻓﻴﺶ ﺗﺮاﺟﻲ ياحنه مدﺍﻡ ﺍﻧﻪ ﺧﻮالك ﻣﺶ ﻗﺎﻋﺪﻳﻦ ﻋﺪﻱ ﺩﻳﺮﻳﻬﺎ ﺍﻧﺎ بنمشي لي سرتيه تحجمني امس ما رقدت بكل من كتوفي يوجعو فيا

ﺍني: به تو كان جو تو نديرلهم العشي ونعقبلك

حناي:.لا تو نتعشي غادي هي ﺑﺎﻟﺴﻼﻣﻪ

“ﻃﻠﻌﺖ حناي ﻟﺠﺎﺭﺗﻨﺎ ﻭﺍﻧﺎ ﻛﺴﺪﺕ ﺷﻮﻳﻪ على العدس نْقي فيه اتصل بيا فارس مبيتش نرد وبعد كم مره رديت ”

ﺍﻧﺎ .ﺍﻟﻮ

فارس: . اهلين وين مختفيه

ﺍني:. والله نفكر نخش على امتحانات وخلاص نظام اشتراك

فارس: .نظام منازل يعني…. لالا خليك اقري نظامي خيرلك

اني:.ﺑﺎﻫﻲ ﻧﺘﻼﻗﻮ ﻓﺎﻟﻤﺪﺭﺳﺔ

فارس: . تعرفي تخشي نظام منازل تشوفي شن نديرلك

ﺍني.يصير خير

فارس. هي ما نطولش عليك سلام ياشفشه

ﺍني. ﻫﻬﻬﻬﻬﻬﻬﻬﻪ ﺑﺎﻱ

” ﺻﻜﺮﺕ منه ﻭﻗﻌﺪﺕ ﻣﻜﺴﺪﺓ ﻭﻣﺎﻋﻨﺪﻳﺶ ﻣﺎﻧﺪﻳﺮ فتحت فيس ملقيتش روايه نقراها شفت ساعه لقيتها 8 ﻗﻠﺖ ﺧﻠﻴﻨﻲ ﻧﺼﺒﻲ ﻧﺒﺪﺍ ﻓﻴﻬﺎ ”
ﺧﺸﻴﺖ ﻟﻠﺤﻤﺎﻡ ﺩﺭﺕ ﻳﺪﻳﺎ ﻭﻛﺮﻋﻴﺎ ﻭﺑﻌﺪﻫﺎ ﻃﻠﻌﺖ ﺑﺪﻳﺸﻤﺒﺮ ﺍﻟﺤﻤﺎﻡ ﻟﻠﻜﻮﺟﻴﻨﻪ
ﻧﺒﻲ ﻧﺎﺧﺪ ﻣﻴﻪ ﻭﺭﺩ ﻧﺪﻳﺮﻫﺎ ﻋﺸﺎﻥ ﻣﺎيقعدليش ﺣﺒﻮﺏ .
ﻓﺘﺤﺖ ﺍﻟﺘﻼﺟﻪ ﺧﺪﻳﺖ ﺍﻟﺸﻴﺸﻪ ﻭﻗﻌﻤﺰﺕ ﻋﻠﻲ ﻛﺮﺳﻲ ﺍﻟﻤﻄﺒﺦ ﻭﺑﺪﻳﺖ ﻧﺪﻳﺮ ﻭفاجئه…. يتبع

زعما ليش سميره هك؟…. و زعما اريام بتكمل قرايتها؟… وزعما من خش عليها؟…. هدا كله نعرفوه في حلقه جايه
توقعاتكم ??

نحبككم❤?