رواية أنحراف فوشيكا
الحلقةه: اثنى عشر
بقلم فاطمه سالم…..
شفت مرش كيف تكسر وقعدت نعيط من الخوف ونوخر واخر شي ندكره انه عثرت و طحت ونسمع في عياط امي وازدهار تقول تستاهل….…..
فاتو خمس ساعات واني ما نضتش….
لما نضت نسمع في صوت….في شي خلاني نفتحش عيوني…امي: اييي نعرفه اني سوق جامع هدا ابصر وين تنسرف هديازدهار: والله حق كان هادا علاش عياط هدا كله والاعصاب شكله في شي صاير وداساته علينا!امي: اخخ يابنتي انكان صاير شي هك ولا هك؟ازدهار: ما اعتقدش لان دوبها اول يوم توا… نقولك بطليها وخليها تندفس في الحوش وتعاوني فيه شني هادا قعدت ما ادير في شي كيف الصبيامي: والله حق هدي بتزيد تفرعن ولسانها يطوال خلي تقعد في حوش خير ما اديرلنا كارته ياكبدي واحني على عمياني نقعدوازدهار بخبث: هممم هدي لفعه ياحنه دروحها تقرا في جامع وهي اشبح شن ادير
امي: باهي باهي ان شاء الله خير تو اسكتي عن حد يخش يسمعنا يديرلنا حاله
….
كلامهم وتصرفاتهم زروعولي طغيان وكل حرف يزيد طغياني وتمردي ورغبة الانتقام …..حاسه الكل اعدائي لان محدش حسسني بي الاهتمام ابداا ولا ايي شي
“اقل حاجه هدوكا يحسسو فيا بي انوثتي صح حقير كلامي بس محتاجه اهتمام بجد ”
مرات تحتاج لحد يدعمك نفسيا، يحسسك إنك كويس، إنه مزال فيه أمل فيك ،إن الحلو في حياتك مزال حيجي، يمكن أنت عارف كل هدا بس لما حد ايقولهالك تختلف..!!
بقلم فاطمه سالم
……
قعدت مغمضه عيوني عشان نبيش نشوف وجوههم.. وسرحت بعقلي وما اهتميتش لي باقي كلامهم وقعدت نفكر في “عباس ”
وين اختفى وييين؟….اخخخ ياااقداشني محتاجاته اكتر من ايي لحظه وربي….قعدت نتخيل فيه قدامي ونحكيله…
محتاجاتك
و محتاجة إنك تكون جنبي ..
محتاجة لتصرفاتك هبله لي تحسسني بي الاهتمام .. .. مشتاقة لكلامك و حنيتك و خوفك عليا لما تراقب فيا لما نبكي ونحكي ونضحك ونتعصب وانت تتبرد عليا تبي تغيرلي جوي
مشتاقة لكل لحظة حلوة كانت بيناتنا ✨ .. لكل عتب حلو بدر من غيرتك عليا من أتفهه سبب ? .. ههه
#مشتاقتلك !
تصدق…..اموري مش تمام بكل! محتاجاتك ونبيك جنبي ومانبي حد غيرك لانه مفيش حد يفهم فيا زيك !،نبيك اطلع ضحكتي ببرداتك ، وحلاوة كلامك ونبيك تنسيني وجعي وتزرع فيا راحة في صوتك وكلامك !، خليك جنبي تو تبدا امورى تمام التمام…. محتاجاتك جنبي هالوقت محتاجة نسمع صوتك محتاجة لمسة ايدك ? محتاجة اني نحس بالأمان بمجرد ما تكون جنبي محتاجة حضنك الدافي اللي ح ينسيني كل هموم الدنيا محتاجة عيوني تشبع من شوفتك?
محتاجاتك معاي فوق ما تتصور
حاسة ان هالدنيا رافضتني ورافضة وجودي فيها
وحاسة انك كل يوم تبعد عني أكتر من اليوم اللي قبله وانا مش قادرة ندير أي شي حتى لو غصبا عنك حاسة بالعجز والضعف وانت مش جنبي والله ?
ياريت لو تحس بيا وتفهم
ياريت اصلا لو شخص واحد بس يفهمني معاش نبي حد…
اني تائهة و مكسوره ونادمه ومنغصه وحاسه بصراع داخلي مشتاااقه لراحه بال وربي مرات نقول ياريتني ما مشيت لجامع عشان من لحظه هديكا ما ارتحتش اخخخ ياربي اخخخ قعدت نبكي تحت شرشاف ومسحت دموعي
…..
سمعت بابا جي فتحت عيوني وحولت شرشاف وبوي الوحيد خايف عليا ولقيت ايدي ملفوفة ووجهي فيه خدوش بسيطه بس راسي مصدع هلبااا لما قعمزت وقالولي ان طحت عليه هدا سبب الصداع وكتبولي خروج وطول وقت ازدهار تشبحلي في شبحات تقول قاتله بوها…. تجاهلتها واول ما روحنا خشيت لي داري ورقدت من صداع
……
بعد ساعتين..
نسمع في امي تنوض فيا فتحت عيوني واني ناعسه بي استغراب
امي: نوضي هيا نوضي منوض كولي ياحنه ساد بوك بغددنا ومفددنا في جرتك كولي سم ان شاء الله
تنهدت وحطيت ايديا على راسي بضيقه وربي كان خلتني راقده خير من كلام مسموم هدا تي شن نبي فيها ماكله بعد كلام يسم البدن على قول سوريين… قعمزت وكليت شوي من الجوع ورجعت رقدت…. وشوي نسمع فيها امي تقول
امي: عفنه تاكل وترقد كيف حيوان ان شاء الله نشوفك طريحه فراش ياكبدي لا صنعه لا منعه سم ان شاء الله
حطيت راسي في مخده ومنغصه نبي نبكي ومش قادره مخنووقه قعدت نبكي لين رقدت….
…..
نضت الصبح بشخصيه جديده بكل…
وقعدت نضم في الحوش وهك بيد وحده شوي شوي عشان ايدي تانيه مخيطينها وهك وبعدين مشيت لمستشفى عقمولي ايدي وقعدت هك عشره ايام هكدا لعند حولولي الخياطه وقعدت معاش نمشي مدرسه ومشيت لي ام ريحان اتفقت معاها نشتغل معاها ووافقت وكسرت شفرتي ودرت سوفت وير لي تليفوني….لعند يوم جاني بوي…
بوي: اريام
اني: نعم
بوي قعمز بحداي ويشبحلي بخوف: ما تقوليليش يابنتي خيرك شن صاير معاك لي مخليك ما تطلعيش لا جامع لا مدرسه والبنت تجيك كل يوم لين وجهي تقشر واني نكدب ونقول راقده
اني تنهدت: ياابوي شن بنقولك…. الحق يعني نبي نشتغل والقرايه نخش على امتحانات وخلاص نظام منازل يعني
بوي: وليه عليك منقص عليك شي؟… خيرك يابنتي تكسري فيا
اني: حشاك يابوي بس القرايه منبيهاش هكي وخلاص ونبي نشتغل حتى هي تشتغل ريحان وامها فاتحين مزين وحبيت الفكره وبس
“تذكير: تتفكرو في ريحان لما دارت حلوى وفتله لي اريام اييي لانها تخدم مع امها في مزين عرفتو توا ”
نرجعو لروايتنا?
بوي: اخخ شن بنقولك هي يابنتي به يابنتي به لي تشوفيه المهم كان ناقصك شي قوليلي وكان ضايقك شي قوليلي
اني: ان شاء الله حاضر
بوي: هي تصبحي على خير توا
اني: وانت من اهله
….
من كثر الخوف الفقدان..خايفه بوي بعد ما تتحسن حالتي حتى هو يتغير ?خاايفه …كومه حزن في داخلي وتعبت من دموع نبي شي نعبر بيه لان كلام قعد مش كافي لتعبير ولا حد فهمني…
نضت صليت ركعتين واني مخنوقه ورقدت نضت الصبح مشيت لي مزين ام ريحان…
اني: خير
ام ريحان: اهلا اهلا خشي خشي
اني: كيف حالك
ام ريحان: حمدالله بخير وانتي
اني: في نعمه
ام ريحان: شوفي انتي بتاخدي فتله والحواجب وريحان استشوار بتجي في العشيه
اني: بس منعرفش!
ام ريحان: تعالي هنا شوفي…. وقعدت تعلم فيا كيف بزبط وكل شي ونعاون فيها شوي شوي لعند من التعب رقدت على كرسي مخصص للزبائن اللي بيديرو ميك اب عليه
حطيته ع قصاد الرقاد مديت كرعيا واستلقيت واسترخيت فاجئه نسمع في صوت مريم وبنات تانيات
مريم :صار هكي؟؟
: وهكي صار
مريم: قطيعه سيبيه وفكك منه؟؟
: نسيب في عينه قاعده ع قلبه هوا وياها ناقص غير نفوته
مريم: رد بالك تسيبيه والبسيله الاحمر هداك يجنن
: حقا لايق عليا الاحمر؟؟
مريم: تي يهبل..احتمال اليوم يسيبها ويجيك يرقد معاك
: مانبيله وجه نقهراه من بعيد
مريم: اقوي عليهم يا ههههههههه
: ميلي راسك يمين يسار وطنشي ؟؟
:به روب اسود؟
مريم : لالا كده مش كويس خالص ؟؟ههههه
:وليش ههههههه
….ونادت عليا ام ريحان
ام ريحان: ريومه تعاالي حبيبتي
نضت ومزال خاطري نسمع..: نعم
ام ريحان: تعالي نعلمك الميش وساعديني
اني: تمام
ام ريحان: هادي صاحبتي سمية
اني: اهلين كيف الحال
سميه: الحمدلله والله حال صداع مانحكيلك
ام ريحان: وخيرك ما عاينتي الطف
سميه: عاينت وما نفع شي لا بنادول لا حتى حاجه صداع نصفي هو
ام ريحان: عليك وع عسل الطبيعي حطي منه طشه
سميه:غر هدا هو تو نجربها حاضر
ام ريحان: قوليلي شن تبي اللون
سميه: ياحنه نبي نصبغ كله اشقر
ام ريحان:حاضر ادللي…. ريومه جيبيلي سيلفر والصبغه وسحب اللون
برمت نجيب الحاجات وجيت وقعدت نشوف وسوي شوي ندير في خصلات وكملنا
ام ريحان: ريومه سلفري انتي اني بنمشي نتصل لي ريحان عطلت
اني: تمام حاضر
وقعدت نسلفر..
سميه: ها من امتى انتي هنا
اني: اليوم اول يوم
سميه: اممم كم عمرك
اني: 14سنه
سميه بخبث: عندي ليك شغل يجيب في اليوم 1000
اني: وشن هو الشغل
سميه:….. يتبع
……..
زعما شن قصتها مريم وزعما يكون نفسه فارس يحكو عليه؟ وزعما شن هو الشغل الجديد؟ وزعما ازدهار شن ح ادير؟
كله ح نعرفوه في حلقه جايه❤…
نحبكم كمشه هك?