رواية أنحراف فوشيكا

جميع الحقوق محفوظة للكاتبة فاطمة سالم

بقلم فاطمه سالم…
…..
الدنيا عوائق….
مرات تكون صحتك عائق مرات يكون شخص يعيق طريقك…
بس مشكله وين….
مشكله يكون قريبك عائق….
مثل حبيب او اب او اخ يكون عاق
يكونو مش محتوينك… ويكون اعتقادهم قاصر…
بأن عندهم كماليات و اساسيات هم ماديات…
اساسيات هم مشاعر والاحساس واحتواء …
اساسيات هي الحب
ان ام تحبك وتحتويك والاب يسندك ويضحي عليك مش بيك ?… والاخ يخاف عليك ويعلمك وحبيب يحبك وما يخليك ويدعمك ويهنيك…
حتى تعبير ليه نغمه مميزه فما بالك الافعال!
ح تكون جنة الافعال..
….. خلوني نحكي مقتبس من قصتي وبجد شكرا لي فاطمه سالم اتاحت لي ان نحكي كل شي بتفصيل وهي تعبر على معاناتي شكرا عزيزتي ….
….
اسمي اريام نقرا شهاده تانويه…. عيلتي موقعها بدوي ولكنها حضاريه وبوي رجل شرقي يعتبر وحزار وامي انسانه قاسيه ومهمله وخوي شخص لا يهتم واختي ليس لها معنى الا انها “خائنه واختي قدري وليست قد مقام الاسم ” ولكن حتى بيئه لها تأثير كبير فا اكيد معتقدات عيلتنا تقليديه ونوعا ما حضاريه….

…… اقتباس معاناتي…
تلاقيت مع استادي في حدود تونسيه… لي كنت معاه على علاقه…
بس وقتها كان خاطف بنت ولما شافني شفته تغيرو ملامحه وقعد يمشي ورانا…
وف حدود تونسيه تعطل تبدا تستنى لان طابور…
ولسبب تعطيل في مساجد في حدود لاقضاء حاجه حشاكم او صلاه..
فا اضطريت ان نخش مسجد لدوره مياه حشاكم…
وقعدت نغسل في ايديا حسيت بي حد خش توقعتها ماما
قلت: ماما جيبيلي قطن ومنديل من سياره
//لارد؟
التفتت لقيت استاد فارس!!!
تخزرطت وقتله هدا مصلى لنساء ره
وهو عيونه باين عليهم خبث
وقعد يقرب ويجبد فيا اكتر لحضنه … فقت من غيبوبتي و فاجئه انهرت بالبكاء …..حضني و قال
فارس: استحشتك ليش حارمتيني منك
نبي انوض قعدت نبعد فيه فكيت ايده وتبعدت قعدت نواسي في حوايجي ونبكي
فارس قرب مني ورفعلي راسي: شوفيلي…. راني نحبك ليش تحرمي فيا منك
وخرت وشبحتله بتقزز :خليني في حالي خيرلك
خشيت للحمام و انا نشوف لي جسمي الي عليه آثار انفاسه وريحته …….تقززت من نفسي هلباااا
ليش كل ما نبي نبدا من اول وجديد يصيرلي عائق!
ليش؟؟
ليش اني مش كيف بنات؟
اشمعنى اني!!!..
“ليش خوي يكسر عليا زجاج وننجرح ويحدف عليا موس في سبيل حبيبته….
امي تدعي عليا وتهزبني بدون ذنب علشان تبيش تزعل ولدها وتحط الحق عليا
نجي نبي نحب وننحب… “يحبو جسمي ويكسرو قلبي ”
نخبر بوي ونشكيله يطلعني المدنبه
صديقتي تخوني مع لي نحبه!
نقعد بروحي وننعزل يسموني “متوحده ”
تعبت تعبت تعبت بجد تعبت…..
طبست وكورت رجليا على نفسي وتنهدت مش قادره نبكي حاسه بغصه….
شوي هك حسيت بخطوات يتقربو من باب ?ونسمع في صوت انفاسه تنهد وطلع…..
وقفت واسيت حوايجي ومسحت دموعي وطلعت…. ولقيت استادي مع بوي!!!!
وبوي ضبح عليا مشيتله ونظرات الاستاد بتاكلنني…
…
انا بتوتر: نعم
بوي:…… يتبع

ملاحظه حقوق نشر محفوظه وممنوع منعا باتا اخد روايه بدون اسمي “فاطمه سالم”..