حطيتك في عيوني

#حطيتك_فعيوني

??للكاتبه زهور جمال الدين ??

???الحلقه الثانية?? ?

مباهر تسمع فى تليفونها يشرين ..ركبت تجرى لدارها

-مباهر: الو اهلين سرو

-سرور: شن صار قلتى لامك

-مباهر: تى فكينا منها الحفله هادى ..

جاية الفرخه سارة وانا والله ماعندى ليها خلوق

-سرور: وراسك سارة ماهى جايه اصلا انا اكدت على بتول وقالتلى مش حنعزمها ..عيد ميلادها اللى فات درهتلها كبدها بالتجكتير

-مباهر: باهى بتعطلو

-سرور: ممكن نقعدو للساعه 1

-مباهر: نهارى احرش?.. تى اقسم بالله ماما تقتلنى …وبعتالى وين المكان العام هدا اللى يقعد للساعه 1

-سرور : قالت بديرها فالريقاته

-مباهر: وين فالريقاته ..معندهمش مكان مخصص للعيدميلاد

-سرور: قالت بديرها فى شاليه اختها اللى فالرقاته … لكن انا نحس فيه صاحبها ايمن معسكرهم شاد غادى.. وهوا اللى عطاها شاليه ادير فيه حفلتها

-مباهر: باهى شن منقول ل ماما

-سرور: انتى قولى لامك بتباتى عندى .. وانا نقول بنبات عندك .. وبعتالى انروحو مع اكرام بنت خالتى خوتها مسافرين وتقدر تكلم الشغاله تفتحلنا

-مباهر: وانتى علاش متقوليش لامك بتباتى فحوش خالتك

-سرور: نخاف ماما تكلم خالتى تسال عليا

-مباهر: ياعنجد افكارك .. هدا علاش ماعرفناش ماما وامك على بعضهم .. بيش ناخدو راحتنا فالكدب ???

-سرور: شنو اخر راى عندك

-مباهر : تم تعرفينى نموووت فالحفلات.. المهم انتى متاكدة مفيش ولاد

-سرور : لا لا متاكدة مفيش

-مباهر: خلاص تم امالا

____________________

ثانى يوم …

-مباهر: ماما بنبات عند سرور صاحبتى

-وردة: وعلاش ماتجيش هيا تبات عندك

-مباهر: جايتها اكرام بنت خالتها .. وصاحباتنا ثانيات

-وردة: سلم بنيتى فكينى من خوك سراج

-مباهر: وانتى ليش تقوليله مباهر طالعه ..هوا يروح متاخر .. وعمره ماطق عليا فى دارى .. ونورى تو نقوله انا توة

-وردة: كلمى نورى.. واللى يقولهولك ديريه

-مباهر باست على امها : تم يا غزالتى

مشت كلمت نورى وقاللها بعد الغدا نرفعك انا عندها وخلى السيارة فالحوش

وبالفعل جهزت مباهر حوايجها ومكياجها وحاجاتها ودارتهم فى كيسه …وقالت لامها تبى تطلع ترفع حوايجها للمغسله …

طلعت شرت هديه لبتول صاحبه العيد ميلاد..وفاتت
على حوش سرور حطت عندها الحوايج والهدية ..لانها لما بيرفعها نورى بعتالى مش حتقدر ترفعهم معاها

وروحت للحوش …لقت الغدى واتى ..وروح نورى

تغدو .. وارتاح نورى شوى .. ومشى وصلها لحوش سرور

لبسو ومكيجو ووتو روحهم .. وسرور قالت لامها بيجى نورى خو مباهر يرفعنا ..

طلعو لقو اكرام جاية بسيارتها تراجى فيهموقدام الباب ..
قالتلهم قلت لماما بنبات فى حوش مباهر.. بيش تخلينى نمشى فالسيارة ??….ولفى بينا يادنيا .. وقعدو يضحكو

_________________

ماشيين فالطريق يهدرزو

-اكرام: تى كانا محصلتش رقمه الاسبوع هدا معش نتسمى اكرام

-سرور: تى شايف روحه هوا ودايررجو الرزن .. يحساب روحه حاجه كبيرة

-مباهر: يا قعادكم تجرو ورا الارقام

-اكرام: ياماما نبى نطيح طيحه باهية بيش نقعد متهنية طول عمرى

-سرور: لا لا خلى مباهر فى حالها متبيش تتزوج

-مباهر: لا قررت نتزوج

-اكرام : شن هالتغييرات

-مباهر تضحك: بعد تفكير وتدبير وتمحيص وتفحيص .. لقيت انى لازم نتزوج بيش نحصل عيل ??

-سرور: تغييرات مليحه وزعمك منو سعيد الحظ

-مباهر: اول شى لازم يكون راقد ريح

-اكرام : وعلاش

-مباهر: بيش بعد مانحمل ونحصل مطلوبى ونطلب الطلاق ..
مايقعدش دايرلى روحه ولد فلان وبياخد منى ولدى.. نبيه لا حول له ولا قوة

-سرور: وانتى علاش بتطلقى لو تزوجتى..تزوجيه بلا شخصيه وعيشى حياتك

-مباهر: لا لا وانا شن لازنى يا حنه .. ندير وليدى ولا بنيتى فى حجرى ونخدم خدمتى ونعيش حياتى…انا لانحب الارتباط ولا الالتزام

-اكرام: لا حكاية راقد ريح هادى فكرة منطقيه .. والله مايقدر يديرلك حاجه فى هالزمان الاغبر لان ليبيا تغيرت بدت مع الواقف

-سرور : ياحنه انشالله تلقيه

-بتول : بادن الله نلقاه

وصلو للريقاته …

الولد فم الباب قاللهم وين ..فقالوله انهم خاشيين عيد ميلاد بتول .. والولد متع البوابه طبعا عنده علم
فقاللهم تفضلو

وصلو للشاليه اللى فيه العيد ميلاد .. لقو صاحباتهم كلهم غادى .. سلمو عليهم ..وضحكو وهدرزو

فتحو الموسيقى ورقصو

هدا كله ومباهر مقعزة .. نوعها ادير فالرزن لما تبدا جنب صاحباتها

بعد ساعه ونص .. قريب الساعه 12 الا ربع ..

خشو البنات بيجيبو التورته من داخل …

وخشت مباهر للحمام تواسى فى مكياجها

اكرام جاها تليفون من امها ان بوها تعبان هلبا لان عنده القلب
-اكرام: سرور نوضى بابا تعبان

-سرور : خيره اللطف

-اكرام : شكله عضلات اللقلب ناضو عليه من جديد

-سرور : هيا انادى مباهر من الحمام وننزلو

-اكرام: منغير شوشرة.. واهو انا نزلت للسيارة منبيش شوشرة وتوصل لماما الدوة انى كنت هنايا ..ومتعطلوش فالنزول

-سرور : باهى هانى جاية

-خشت سرور للحمام طقت على مباهر: اسمعى بو اكرام تعبان وبنروحو هيا اطلعى

-مباهر : هى شوى وطالعه

-سرور: اسمعى اهو نزلت انا والحقينى منبيش البنات يلاحظونا طلعنا مع بعض قالتلى اكرام منبيش شوشرة

-مباهر : تم .. خمسه دقايق ونلحقك طول

ونزلت سرور ركبت فالسيارة لقت اكرام تتكلم فالتليفون ..

-اكرام: اهو فالطريق انا يا ماما مترعشينيش خلينى نعرف نسوق

سكرت اكرام المكالمه ..

وقفت سيارة قدام الشاليه ..

سيارة متع المكافحه

-اكرام : هدا شنو ..حيه على امه شكله كمين

-سرور: حيه علينا مباهر قاعدة لداخل

ولعت اكرام سيارتها وتحركت ..

-سرور: اكرام شن اديري قلتلك مباهر لداخل

-اكرام : مباهر حصلت خلاص شنو تبينا حتى احتا نحصلو ..

وطلعت تجرى بالسيارة ..وسرور متهسترة تبكى على مباهر

خشو لجنه مكافحه الدعارة للشقه

لمو البنات اللى فيها كلهم ..قريب 29 بنت

ورفعوهم لمركز المكافحه ..

____________________

منصور خش للحوش لقى امه مخليتله العشى على طاولة الكوجينه ..

روح الساعه 1 بعد ما لعب الكارطه مع جماعته

شرين تليفونه …

رد لقاه العامل اللى يخدم عنده

-منصور : الو خيرك تتصل توة يا محمد

-العامل محمد:مسكونى لجنه الكافحه يا معلم

-منصور: وخيرك انت شن درت

-العامل: ولا حاجه .. عركه بين زوز ليبيين خشيت انا نحز رفعونى معاهم ..وقالولى يجى اللى كافلك هوا اللى يطلعك

-منصور: زمر.. اهو تو نجى

وركب سيارته مشى لمركز المكافحه

___________________

البنات اللى فالعيد ميلاد لموهم وجابوهم لمركز المكافحه …

وبعد مراجعه رقم الشاليه ..قالولهم اسفين غلطنا فيكم..
البلاغ على شاليه ثانى ..واحنا خشينا الشاليه متعكم انتو ..
يلا اتصلو باهاليكم ايجو يروحو بيكم

وخش الولد الميليشياوى للغرفه تليفونه يشرين

رد عليه

-سارة : الو حبى

-الشاب : ايوة سرورتى

-سارة : شنو جبتوهم

-الشاب: ايه جبناهم ويضحك???

-سارة : اهم شى مباهر وعبير ودارين معاهم والا لا

-الشاب: مباهر ودارين اسمهم موجود لكن عبير لا

-سارة : نفدت منها بنت الكلب.. المهم مباهر ودارين اللى دايريلى روحهم شريفات حصلو ..
وسمعتهم حتتزفت …خلى يعرفو كيف يتجكترو عليا كان مزال خلوهم خوتهم يطلعو ??

-الشاب: المهم راضيه حبيبتى

-سارة : راضيه وسكتت.. بش تعرف بتول الكلبه كيف ادير عيد ميلاد ومتعزمنيش ..انا يكنصلونى

-الشاب: سلام توة

البنات اللى جابوهم كل وحدة تكلم فى بوها او امها او خوها لانهم هما اللى جايبينهم لانها حفله حقانيه مش وهمية

لكن مباهر من بتكلم وهيا كادبة على امها وقايلتلها بايته عند سارة
وخوها نورى لما بيسمع كيف مزال بتحط عيونها فيه

مشت للولد اللى ماسك موضوعهم.. قالتله خلينى نروح مدام طلعتو غالطين ..
والشاب اهم نقطه فى خطتهم هوا وسارة ان اهلهم يسمعو .. فقعد مصر ان لازم حد من اهلها يجى يستلمها

قعدت مقعمزة فالممر وتبكى والساعه قريب 2 فالليل.. سرور تتصل بيها على تليفونها ..
دارت مباهر تليفونها سايلنت متبيش ترد عليها

________________

وصل منصور لمركز المكافحه …

لقى بنات فالممر مقعمزات ..قعد حاير فيهم شن يديرو هنايا والوقت متاخر توة

خش لقى معتز صاحبه هوا اللى من ضمن اللى شادين التوكه هاديكه الليله

كلمه عالعامل المصري فدارله تعهد وطلعه

-منصور : صحيت منور يا معتز

-معتز : ولو انت تؤمر يا محترم

-منصور: شنو هالبنات اللى فالممر انشالله خير

-معتز: اللجنه باعتينهم لشاليه 16 جي فيه بلاغ ..غلطو وخشو شاله 61..لقو البنات هادو يحضرو فى عيد ميلاد جابوهم بالغلط

-منصور: مفروض روحو غلط هكى منضرهم .. على واحد من الشباب يصورهم وينزلهم فالفيس وتقعد فضيحه ليهم ولاهلهم

وجى طالع يمشى فالممر

فات من قدام مباهر

قامت راسها شافته …زبطاته انه نفس الولد اللى صلحلها عجلت سيارتها يومها

ومنغير متحس بنفسها نادت عليه : منسور

كأنها لقت القشه اللى بتنقدها مالغريق

منصور سمع اسمه … تلفت …لقى بنت تنادى عليه

جاها قاللها تفضلى

-مباهر: انت منسور ولا

-منصور: ايه انا منصور..وقعد يشبحلها ..قاللها مش انتى البنت اللى وقفت سيارتها الاسبوع اللى فات

-مباهر : ايه انا ..وتبكى

-منصور: خيرك وشن اديري هنا ووين اهلك

تجاهلت مباهر كل اسئلته

-مباهر متحشمه : نطلب منك طلب

-منصور: طلب شنو ادوى

-مباهر: ممكن تستلمنى

-منصور: كيف نستلمك وانتى شن اديري هنا

-مباهر: هما يبو شقه مشبوها ..فخشو لشقه صاحبتى بالغلط ..

-منصور: انتى من جماعه العيد ميلاد

-مباهر : ايه ..انا من ضمن اللى جابوهم من العيد ميلاد ..
وتوة قالونا لازم تكلمو اهلكم يجو يستلموكم ويروحو بيكم ..واكثر البنات روحو بيهم اماتهم بكرى

-منصور : مدام الامر غلطه ..معناها مفيهاش خوف …وين اهلك اللى رفعوك قوليلهم يجو يروحو بيك

-مباهر تبكى : ماهو انا مقلتلهمش منمشى لعيد ميلاد .. انا قلتلهم بنبات فى حوش صاحبتى

-منصور: مصح وجهك

-مباهر: تعارك معاى بعتالى غير طلعنى توة تربح

-منصور: امالا من رفعك انتى

-مباهر تبكى: مشيت مع صاجباتى اكرام وسرور

-منصور : وينهم هما توة

-مباهر: احنا كيف بنروحو.. نزلو هما فالسيارة وانا حصلت فوق

____________________

خش منصور لصاحبه ..وكلمه عليها ..

دارلها واسطه.. وقاله تو نشوف ملفها لكن لازم ينكتب اسم خوها او حد من اهلها فى خانه اللى بيستلمها

-منصور: باهى كيف يصير

-الضابط: انت برة خود منها المعلومات على خوها

بيش تجى وتعبى الخانات وحنتغاضى انا على بطاقتك الشخصيه ..
ونقول قدام الشباب انك خوها وجاى تستلم فيها

وبالفعل وقف عليها …

.وخدى منها كل المعلومات الشخصيه على خوها نورى …
.
وخش لصاحبه بيش يكتبو المعلومات على اساس انه هوا خوها نورى

واستلمها

طلعت معاه ..

يكلم فيها بالشوى ..لما نطلعو قدامهم كلهم اركبى معاى فالسيارة ماتجيبيليش الشبهاا

-مباهر : باهى

ركبو فالسيارة ..ركبت هيا فى جنبه

ومشو بالسيارة من قدام المركز

-منصور: وين نوصلك

-مباهر تبكى: معنديش وين نمشى

-منصور: كيف ..اهو نرفعك لحوش اهلك ..ولا لحوش صاحبتك

-مباهر: اهلى كانا نروح توة يقتلونى ..
الساعه قريب 3 ..
وصاحبتى اكيدة روحت مع بنت خالتها لان بوها مرض فجأة

-منصور: وانا وين بنرفعك توة.. معنديش وين نحطك

شافت التليفون يضوى

-مباهر: لحظه بس اهو سرور تتصل كنهدا ارفعنى ليها

ردت مباهر : الوو

-سرور تبكى :مباهر حبيبتى سامحينى والله ماقصدى

-مباهر: اسكتى سرور خلاص مش دنبك .. انتو وين توة

-سرور: انتى طلعتى ولا قاعد فالمكافحه .. كلمت دارين قالتلى جت خالتها روحت بيها بيش مايسمعش بوها..
وقالتلى مباهر خليتها قاعدة

-مباهر :لا طلعت .. غير انتى وين توة نبى نجي وتو نحكيلك اللى صار كله

-سرور: واحنا فالطريق قالتلى ماما انها مشت لخالتى لان راجلها تعب عليهم ..فحطتنى اكرام قدام حوشنا

-مباهر: باهى نقدر نجيك توة

-سرور: توة خوى خالد بايت فالدور الاول نخاف يسمعك لما تجى

-مباهر : خلاص امالا نجيك الساعه 7 ونص افتحيلى الباب طول

-سرور: خلاص تم

وسكرت المكالمه…

-مباهر: اسمع تعرف كيف حطنى بحدا اى جامع تو نخش فيه

-منصور: تى جامع شنو اللى نحطك بحداه توة .. الجوامع يسكرو فيهم بالمفاتيح فالليل

-مباهر تبكى: باهى متعيطش عليا

-منصور: منعيطش.. تى انا توة كان نلقى عصاة مكنسه لما نكسرها على راسك ..ضمى فمك وتو نعرف انا وين نرفعك

ولع سيارته ومشى.. والشوارع فاضيه

وصل قدام الورشه متعه ..
طلع المفتاح من درج السيارة .. فتح الورشة ..ودخل السيارة ..وسكر السرانتى

__________________

قامت مباهر تليفونها تفتش فالمكالمات خافت تكون امها متصلة وتنشغل لعدم الرد …

لقت 65 مكالمه من سرور

-مباهر: يانارى على سرور متصلة بيا 65 مرة

-منصور: هادى صاحبتك اللى رخت بيك ولا

-مباهر: هما مرخوش بيا .. لكن حظهم نزلهم من الحفله وحظى خلانى نتأخر خمسة دقايق

-منصور يشبحلها بغضب: وتتفلسفى .. تصدقى انتى .. الباين عليك عينك صحيحه و تبى رباية

-مباهر: احترم نفسك انا متربيه

-منصور: متربيه وماشية لحفلة منغير ماتخبري اهلك

.متربيه وانا جايبك من مركز المكافحه توة ..

متربيه وانتى بايته مع شاب متعرفيشى فى مكان مسكر عليكم انتى وياه بروحكم

-مباهر خافت منه : شن تقصد بيها جملتك الاخيرة

-منصور: كل الجمل اللى قلتها المقصود بيها انك محتاجه حد يربيك من اول وجديد

-مباهر: انت متعرفنيش كيف تحكم عليا من موقف ..

-منصور: شفتك فى موقف يومها فاتحه شعرك وطالعه للشارع ..
وشفت اليوم فى موقف يسود الوجه

-مباهر: باهى خلاص وانت مصدقت … وبعتالى داير روحك ساعدتنى وانت تعزر فيا

___________________

شرين تليفون منصور ..نزل من السيارة بيش يرد

-مباهر: يكلم فيا عالشرف ..وهوا شادها مع صاحبته توكات بدالة عقاب الليل..
وخدت وايبس بدت تمسح فى مكياجها …

وتشبح فيه من بعيد كيف ايرد عالتليفون ..وفتحت الشباك وطقتقت ودانها تبي تسمعه شن يقول ودايرة روحها تمسح فالمكياج فى مراية السيارة

-منصور: انشغلتى عليا يا غاليه

جت الجمله فى ودن مباهر

-مباهر: انشغلت عليك صاحبتك الغالية
ايه..وتلاقى منضرها زى حناى الشارفه ??

شبحلها منصور لقاها تشبحله وتتصنت عليه

عطى بالضهر ويتكلم فالتليفون

-منصور: لا غير العامل متاعى يحز فى عركه شوى شدوه غرفه المكافحه وكلمونى نمشى نستلمه ..واستلمته وطلعت بيه

وسكت يسمع فالطرف الثانى فالمكالمه شن يقول

رد منصور: ارقدى توة يمى متراجينيش .. رفعته للورشه وندهن فيه بالزيت لقيتهم ضاربينه ..ومرات نبات بحداه

وسكر المكالمه .. وجى للسيارة كلم مباهر من الروشن ..

-منصور: حاولى ترقدى حتى ساعه وخلى انا نتكى شوى

واتكى منصور على فراش العامل متاعه وحط يده على راسه ..

___________________

الساعه 7 فتحت مباهر باب السيارة ونوضت منصور على اساس يرفعها لسرور

-مباهر: منسور نوض..منسور نوض وصلنى كيف قادر ترقد انا صنت الزيوت قلبتلى راسى

-منصور ناض قعمز: اولا انا قلتلك اسمى منصور مش منسور.. ثانيا انا مرقدتش غمضه لتوة
ثالثا وهدا الاهم ..الزيوت نشم فيه رواح متع ماركه

-مباهر: مابعدها اللى بتاخدك

ومشت وهيا اتمتم: قال يا غاليه قال.. تو ادوخ الغاليه من صنتك كل ليلة

ركبت فالسيارة ..وناض منصور غسل وجهه بالمية

وفتح الباب وقعمز على طرف الكرسى وولع السيارة

وشبحلها : تعرفى انك هكى احلى بالف مرة منغير مكياج

______________________

منصور انقد مباهر ..

وساعدها…

وتوة بيرفعها لحوش سرور صاحبتها

والحلقة الجاية نكملو الحكاية ..

نحبكم

error: