جمعنا القدر للكاتبة | خلود شلابي
الحلقة 16 الاخيرة
منال :نبي نروح
أيمن: أني مش ماسكك روحي
طلعت منال من الدار وبين منتصرة ونشوانة وبين متحشمة من اللقطة الي شبحها أيمن،،، ولمت روحها وبتطلع بس الباب مايبيش يفتح،،،، وخافت منال وعلي ماحاولت ماعرفتش تفتحه،،،، فكرت إنها تضرب الباب بس بلا فايدة،،،، هدت شوية،،،، وخشت دارت لروحها قهوة،،،، أحياناً من المواقف الغريبة يولد البرود،،، دارت قهوة وتخيلت نفسها صاحبة المكان،،، بس فكرة زواجها من ايمن استبعدت فحتى لو ماتزوج نادية مارح يتنازل ويكلمها في زواج تاني،،،، معقولة يكون أيمن قاصد إني نسمع الحوار إلى بينه وبين نادية،، ممكن يكونوا متفقين؟؟؟؟ افكار منال لا منطقية،،، زعما نادية تحكي الصدق وقت الي قالت جوها خطاب؟،،،، وهي تشرب القهوة وواقفة في باب المطبخ المطر ينزل جميل على ارضية الحوش الي مخدومة من البورسلين،،، وتعجبت منال من طريقة بني الحوش حجرات مربوطة مع بعض ودورة مياه مقسومة إلى قسمين ومطبخ بادرج ملبسة برخام ابيض رائع وطاولة في الوسط تحتوي رفوف وفي السقف ديكور غربي كأنها حديقة معلقة وفيها نباتات الزينة،،،،،،،
?? روايــــات دمــــعتــي تـــــروي مــــــأســـاتــي ??
الكاتبة|:- ? خ ـــلـــود شــــــــــلابـــــي ?
??Kd Sha La Bi??
وفكرت منال انها ما شبحتش باقي الحوش،،، خشت الي حجرة الباين ايمن مستفيد منها كمكتب رسومات هندسية ومكتبة مليانة ملفات ?،،،،، صفرة فيها بكرج قهوة وكأس مية،،،، سجاير؟؟ أيمن؟؟ استغربت بس تحس جو الحجرة زي مكاتب الشركات،،، الحجرة الأخرى مثيرة،،، حجرة نوم من النوع الفخم سرير رفيع وفيه نوع من الفخامة اباجورة جنب السرير قمة في الذوق الرفيع،،، ستائر نازلة خجولة على روشن الدار،،،،، مراية بروحها واقفة شامخة باطار من خشب الزان منقوش،،،،،، وحست إنها مراقبة طلعت وصكرت الباب،،،، ومشت لدار الاحلام،،،،، وسمعت الباب ينفتح والمطر مازال ماوقف،،،،،، وظهور أيمن وهو يجري تحت المطر
ايمن :خشي علي المطر،،، وخذاها من يدها وخشت الدار
أيمن :ماشالله مدايرة حتى القهوة
منال :كيف تسمح لنفسك تصكر عليا الباب؟
أيمن :الباب مش مصكر
منال ؛والله صكرته
أيمن واقف ورا منال وانفاسه ورا وذنها ويقول: حسبتيني معاك؟
منال ماحكت،،،، وأيمن كمل :شن كنت اديري في حوايجي،،، وما انقذها من الي هي فيه الا وقت الباب خبط،،
الموقف مايستحملش باب يخبط،،،، وفتح أيمن الباب كان أحمد يكلم في خوه ومنال حاولت بيش تطلع تروح بس أيمن صكر الباب،،،
منال :أيمن افتح الباب خليني نروح
أيمن :معقولة تخشي لحوشي وتطلعي من غير حساب ولا عقاب؟ تعالي المطر زادت،،،،
منال :أصلا خشيت صدفة هو الباب كان مفتوح
أيمن :لا مصكر
منال :هههه توا لعبني زي الفار والطقوس،،،
أيمن ؛منال انت شن تبي بالزبط
واشار بيده للباب،،،، أصلا من البارح قررت إني مانطلعش في حياتك،،،، إنت جيتي لعندي
?? روايــــات دمــــعتــي تـــــروي مــــــأســـاتــي ??
الكاتبة|:- ? خ ـــلـــود شــــــــــلابـــــي ?
??Kd Sha La Bi??
منال سكتت وما حكتش،،،، وتمنت أن أيمن يسكت تخاف يقول كلمة تكسر قلبها
أيمن مازال يحكي :منال رومانسية وتحب الجبل والجنان والحوش وكل حاجة متعلقة بايمن،،، كيف ممكن يفسرها غيري،،، كيف يفسروها اهل الجبل،،،،
،،،،كلام أيمن صح بس عيب منال ماتستوعبش حكمة أيمن بسرعة او تفسرها غلط
منال :وأنت خوفا على مكانتك وبرستيجك قلت خلي نتزوجها،،،،، الاثنين واقفين وباب الدار دفتين،،، ايمن ماسك باب وهي واقفة مقابلته وقت الي حكت عبارتها،،، ضرب أيمن الباب وشبحلها وعيونه شرار من الغضب،، منال خافت وخرت،،،، بس أيمن تمالك نفسه وامتص غضبه
أيمن :اذا تزوجتك بناخذ معاي قاموس لغوي يصحح مفردات عباراتي،،،،، المطر وقف ومنال مازالت واقفة وايمن قال :منال روحي وردي بالك تجي للحوش هني والا حتى في الجنان،،،، وطلعت منال وأيمن صكر الدار عليه،،، بس منال غيرت رأيها ومشت للكوجينا دارت قهوة ورفعتها لايمن وفتحت الباب بالشوية شافت أيمن ممدد على الصالون ويده على راسه وانتبه لمنال الي واقفة بالصفرة،،،،، ومصكرة الباب بوقفتها،،،الدار شبه معتمة وأيمن تحرك: علاش ماروحتيش؟
منال عطاته الصفرة وقالت توا نروح،،، تستني أيمن يقول اقعدي بس ما تكلمش،،،، وأيمن وقف كلمة في حلقة واقفة،،،،،،، ليش الارتباك والخوف،،،، والرهبة،،،،،، وخافت منال انهم يروحوا ويختفي أيمن من حياتها،،،،،،،وقررت تكلمه :ايمن أني موافقة على الزواج،
، وقفت تستنى في ردة فعل أيمن،،، أيمن ضحك بصوت عالي وقال: اليوم العالمي لخطبتي نادية وتوا إنت،،، بس حقي نفكر وانرد عليكم،،،،حست منال إن أيمن يسخر منها وحست انها ممكن تنهار من كلمة بس مسكت نفسها وطلعت،،، توقعت من أيمن يطلع وراها بس خاب ظنها،،، ومرة أخرى حاولت تفتح الباب وبلا فايدة،،، وبعصبية بدت تخبط عليه،،، طلع أيمن
أيمن: خيرك بتكسري الباب ياساتر عليك،،، ياعبيطة كيف يفتح والتامينة عالقة،،، ماتريد نيله بالارهاب يسهل عليك بالابتسام،،،، اهو نفتح
منال تغلي من داخلها وعيونها دموع،،،، بس طلعت بلا اي كلمة،،، في الطريق تحكي لنفسها: نستاهل حاطة نفسي في مواقف وتعثرت في حجر،،، وشبحت للوراء القت أيمن يراقب فيها،،، وبعمق تنهدت وكملت طريقها وعيونها مليانة دموع،،،، بعد الغذي عمها ماخلاهمش يروحوا وباتو ليلتهم في الجبل،،،، بقاءها في الجبل أصبح مستحيل،،،، بعد العشي جت نادية ووسط الكل خبرتهم بخطوبتها لدكتور،،، والجميع باركولها بما فيهم منال
نادية: خليتهولك اشبعي بيه أصلا مايستاهل
منال: شكراً
منال ماعندهاش مزاج للحكي
نادية: العفو حبيبتي،،، البومة لو فيها خير ماتركوهاش الصيادة
منال وهي طالعة وقفت واستفزتها العبارة: اشكون قاصدة بالبومة،،؟ أيمن؟ والا أني؟
نادية: كيف ما فهمتي
منال حالياً عندها استعداد تضرب نادية وتعطيها درس :عني ماليكش علاقة،،، بومة،،، دجاجة،،، بطة حاجة تخصني،،، اما لو كنت قاصدة أيمن ياصيادة،، صعب تصطادي أسد
وطلعت وخلتها تغلي،،،،
الغبية علاش ندافع عليه وهو بايع،،،،،وخااايفة يجي الصبح وتروح وأيمن حتى ما يودعهاش،،،،
جتها سوزان: خيرك منولة احكيلي شن صار بينك وأيمن؟
منال: شيئ أني غبية فسدت كل شيئ
سوزان: كيف فسدتي كل شيئ
منال: انسي خلاص،،، روحت الست نادية؟
سوزان: روحت وشكلا بابا وعمي طلعوا،،،، باهي إنت تبي أيمن والا لا؟
منال :هو يبيني والا لا؟ ،،،، أصلا هو لاغي فكرة الزواج
سوزان :لو جاك تتزوجيه؟
منال: امنية عمري
سوزان،،،، سوزان،،، بوهم ينادي ونزلت وخلت منال في احلامها وامانيها،،،، وطول الليل وهي عيونها على حوش أيمن،،، بعد حست بصقع نزلت وخشت رقدت
في الفجر ناضت وهي تجهز نفسها للمرواح بس الغريبة كأنه بوها ماناضش للفجر ودارت عليهم مالقتش حد الرجالة كلهم الباين في الجامع،،، خذت بصتران وطلعت قدام الحوش،،،، وما أجمل منظر الجبل في الفجر والندي على ورقات الأزهار وهي قاعدة قدام الحوش شبحت أيمن في سيارته،،، وخطم جنبها بدون أي تصرف،،، الي خلاها تحس بوجع في المعدة،،،،، وخشت عاودت رقدت من كثر الألم،،، وهي تفكر كيف بنستحمل الوضع بعدين،،، شعور من نار في كل جسدها وألم وحست انها مريضة جداً،،،، كل هذا من الفراق؟ دموع ماقدرتش تسيطر عليهم،،،، لفت نفسها بالبطانية وحاولت ترقد،،، كل العيلة طالعين وهي بس الي ضاعت منها افراح الربيع،،،، وكل الوقت حاسة انها مكمودة وخاطرها تعيط بأعلى الصوت،،،، مش العياط للميت حلال؟ هي حبها مات،،،، خاطرها توا حد يحضنها بس ما يحكي،،، يمسك يدها بقوة ويقول الدنيا مازالت بخير،،،، يمسح دموعها ويحتوي الامها،،،، خشت للحمام وفكرت انها تاخذ دوش ساخن يغسل جراحها،،، وتحت الدوش نزفت دموعها وبكت بألم،،،،، بعد ساعة ونص طلعت من الحمام وغيرت وحست ان عندها صداع،،، رقدت ومشت في سابع نومه،،،، رقدت وكأنها مغمى عليها،،، ومن كثر الألم،، والدموع،،، والبكي،، رقدت وكأنها سلمت نفسها لدنيا الأحلام،،، بس مش احلام كوابيس،،،، نوم متقطع،،،، كل العيلة طالعين وحتى نجوي رافعة بيبيها لحوش جده،،، وهذا الشيئ خلاها مرتاحة جدا،،،، العصر راسها صداع ولاحظت إنها من يومين ماكلتش،،، ولا خذت قهوة اليوم
دارت قهوة ورجعت لمكانها،،،، شوية وسمعت صوت في الحوش،،، بس مادورتش،،،
منال،،؟،،، منال
منال وحست كأنها حلم سيطر عليها وتسمع في صوت أيمن،،،،،
منااال،،،،
زعما حلم والا نتخايل؟ ومنال مصكرة عيونها ومستسلمة للحلم الجميل،،،،
أي حلم هذا؟
وقفزت منال وقت حست بيد تهزها
منال :أيمن؟ شن فيه؟
أيمن: منال خيرك؟
وسكتت منال وقعدت تبكي وأيمن خذاها في حضنه :خيرك ياهبلا علاش تبكي؟
منال وهي تمسح دموعها بتحكي ماعرفتش
أيمن :نوضي حبيبي اغسلي وجهك وتعالي غادي علاش قاعدة بروحك
وناضت منال بدون مناقشة غسلت وجها وغيرت حوايجها،،،، لبست قونة سماوي وبدي أبيض وجاكيت رصاصي ووشاح من القطن لفاته علي رقبتها وطلعت القت أيمن قدامها
منال :تستنى فيا؟
أيمن: العمر كله،، هيا
منال :نخاف نصدق
أيمن :علاش قاعدة بروحك؟
ومنال ماردتش وصلو لحوشه القت كلهم غادي وزحمة،،،،،، وأول ماوصلوا سمعت زغاريط وأغاني وموسيقى واستغربت
منال :ههه خيرهم هادوم؟
سوزان :مبرووووووك يامنولة
منال مستغربة وهي تسمع منهم التبريكات
أيمن همس في وذنها: ماعندك وين تهربي مني الف مبروك عليك يامنال،،،، وهي تشبحلا،،، اتزوجتك ياهبلا،،،
منال ومش مصدقة لاعرفت تضحك ولا تصدق،،،،
ألف مبروك وتشبح كل شيئ مجهزينه البنات،،، وبوها واعمامها،،،، منال خذت ساعات وهي مش مصدقة،،،،، في الليل خشت للدار وهي مش مصدقة وكأنه أصبح كل شيئ ملكها واقفة في الروشن،،،، والمطر البنات نحجزو في الكوجينا وغيرهم في المكتب أما حجرة القهوة زي ما سمتها منال حجزت منال مع أيمن الي خش مع المطر
أيمن :لااازم تقعدي حلمي كل ليلة وكل يوم الي ان نجتمعو في حوش واحد،،،
منال :اسسسسس خليني نعوض ليلة البارح
وقعدت منال وأيمن يراقبوا في المطر ويعلقوا،،،،، شوية منال طلعت تحت المطر والبنات معاها،،، وكملت ليلتهم بفرح،،،، ومرض لمنال باشراف أيمن
،،،،،،، ، ويارب اجعلها نهاية كل بنوتة 