ابن الرئيس
الحلقة : 6 ..
من رواية : ابن الرئيس …
___________________
مصطفي : خاينه علاش شن ذنبي
اني حبيتك ليش يارزان لعبتي بمشاعري
وخنتيني واني مستعد ندير المستحيل علي خاطرك
نار شابة جواته ومش قادر يتحمل
فاقعد يخطط انه مش رح يستسلم بساهل
ورح يكسب حبها لو علي حساب نفسه ..
__________
عند رهف …
ترقص في الملهي في تركيا وقالبتها علي راسها
شافت واحد طويل خشين نداته
الشاب : بأعجاب مرحبا ياانسة
رهف : ههههه مرحبا ياحلو
اني رهف وانت
الشاب : اني موسي
رهف : اسمك جميل هلبا
وتشوفله بنظرات اعجاب ..
موسي : شكله اليوم ليله لوز
رهف : دارت روحها تعبانه
ومرهقه ..
موسي : انتي بخير ياانسة تعبانه فيك شيء
رهف : سندت روحها عليه بتعب مصطنع
وتبتسم بخبث سوري خدتني دوخه بسيطه
موسي : تحبي نساعدك نوصلك للحوش
لو تحبي
رهف : بدلع ياريت ..
________________
بلاك : عرف بكل افعال امه
قعد متقنطي علي الاخير مهما كان في الاخير امه
وسمعته ..
طلع من الحوش بعصبية …
قعد يخبط علي شقة بكل قوته لي درجة الباب قريب يتقلع …
افتحيييي
رهف : فتحت الباب وبصدمه مصطنعه
بلاااك
بلاك : بغضب شدها من يدها يلا قدامي
علي السيارة
وكلم الحرس يتخلصوا من موسي
???
رهف : ابتسمت بشر اول خطوة ليها نجحت وبجدارة
ركبت السيارة ودار روحها تبكي بندم وحالتها حالة وقعدت تعتذر …
بلاك : شاد اعصابه بسيف يتكلم بصوت عالي
و جوهري ..
وجهك مانبيش نشوفه تقعدي في دارك فقط واااضح كلامي
رهف : بخوف
واضح واضح ..
بلاك : وصل للحوش شاف رزان مع جدتها تهدرز
وجوها حلو …
اب بلاك رجع لليبيا لانه مشغول علي الدوام
ركب غرفته وحدف نفسه علي السرير
ويفكر هل توجدها معاهم غي نفس البيت صح بس رح تفضحهم لو سيبها علي هواها ساد الفضايح لي صارت قبل وبسببها كلها …..
رهف : في غرفتها متكية وحاطه رجل علي رجل وتاكل في المكسرات وتتكلم بمكر ..
وتوا الخطوة الجديدة لي رح نحرق بيها قلب
رزان ههههههههه
اليوم التالي …
رزان : فتحت الباب بطريقة مرحيه شافت جدتها راقدة لي توا استغربت ..
تيتا يا تيتا ..
? خيرها متردش عليا اكيد زعلانه مني
امممم خلي ندغدغها شويا
تكي تكي تكي علي الزعنان
مافيش حركه
تيتا ولله خوفتيني عليك
قعدت تهز في جدتها تيتا يا تيتا
قعدت تعيط الحقوووني
جداي بتموووت بلاااااك وينك الحقني
هي هي هي تبكي بخوف علي جدتها …
رهف : تضحك بأعلي صوتها لما سمعت عياط
رزان وخوفها علي جدتها …
بلاك : جي يجري مخلوع
شن في شن صاير
رزان : تبكي وترعش تيتا مش عارفه خيرها
الحقني بالله وقولي خيرها تيتا شن صايرلها
خايفة موت بلاك شوف تيتا هييييي
?????
مس النمط نخلع
معدش عرف شن يقول لي رزان
رزان : قعدت تبكي وتهز في جدتها تيتا ارجوك ماتخلينيش بروحي من ليا اني من بعدك انتي كل اهلي
بلاك : حضنها استغفري ربي
اني معاك ياروحي ..
رزان منهاااارة وتبكي
رفعوا الجدة والصدمة الكبيرة لي رزان ان جدتهت توفت ??
ولما رزان عرفت اغمي عليها
من الصدمة ……
بلاك : وفعلا مع العصر رح تدفن الجدة
و رزان منهارة علي الاخير …
حضر مصطفي الجنازة وقعد يشوف لي رزان
بس مش عارف كيف يوصل فيها
مايقدرش يلعب مع بلاك بساهل بس في نفس رح يغامر بس كيف مش عارف ..
يشوف بحقد وكره لي بلاك
و كله تحت نظر رهف
رهف : ههههه
الخطوة التانية عقد صفقة
امممممم حلو لان ومشت جنب مصطفي
مصطفي : انتبه لي رهف بس طنشها
رهف : تحبها صح
وتبيها تكون ليك واني عندي الحل
مصطفي : وكيف عرفتي اني نحبها
رهف : من عيونك كل شيء واضح يالعاشق
واني رح نساعدك
مصطفى : وشن المضمون
وانتي امه هه ?
رهف : هدفنا حكم واحد
بمعني صفقه بيني وبينك بحقد واضح مانيش ام حد ..
مصطفي : بتفكير
اممممم موافق بس رزان رح تكون ملكي في الاخير
رهف : موافقة اكيد
وقعدوا يتفقوا ..
بلاك : يواسي في رزان لي منهارة
علي جدتها ومعها في كل خطوة بس الصحافة دايره حوسة كبيرة ..
تمت الجنازة
و رزان روحت مع بلاك
رهف : تشوف بقهر وحسد وكره لي رزان
وتتعود فيها بأسواء ايام حياتها …
بلاك خاف يحكي لي رزان ان جدتها ماتت مقتولة
تزيد تنهار اكثر فضل السكوت علي الاقل لن تهدي …
رزان : اليوم كامل وهيا منهارة وتبكي واليوم لي بعده نفس الشي قعدت علي حالها هذا اسبوع تام وهيا ماتطلعش من حجرتها من كثرة الحزن ….
وبلاك اجل العرس
لي حين اشعار اخر ?? …
رهف : اممممممم
توا الخطوة الاهم هههههههههه
رح نفرق بينكم ونحرق قلوبكم ياعشاق
????? …
رزان : خلاص اقتنعت بالقضاء والقدر وان الاعمار بيد الله وحاولت انها رح ترجع رزان القوية الصعبة الانكسار …
خبط الباب ….
… تفضل ….
رهف : ممكن ندخل يابنتي
رزان : اي اكيد تفضلي ياخالة
رهف : سامحيني يابنتي ماعرفتكش عليا من قبل
رزان : عادي ياخاله ماصارتش فرصه
نتعرفوا علي بعض
رهف : ? توا تشوفي الخاله شن ادير فيك
يالوسخه
اية يابنتي حصل خير …
المهم يابنتي هادي حقائق ضروري انك تعرفيها
لانك علي حسب علمي انك الدور التاني انتي والخيار عندك يابنتي …
اني ظلموني هلبا متخليش روحك انتي الضحيه التانية بين يديهم ..
رزان : عقدت حواجبها شنو هذا
ياخاله …
رهف : شوفي ورح تفهمي كل شيء
وطلعت ..
رزان : بستغراب شن هذا
وفتحت الزرف شافت مجموعه صور لي بلاك
كيف يحاول يخنق حد واتضح انها جدتها
وتوا دور الحفيدة هههههههه
رزان بصدمه
لاااامستحيل ياربي مستحيل بلاك يديرها بس كل الصور الفيديوا تثبت انه هوا لي قتلها وبوحشيه
حرمني منها ومن حنانها
وبخضه
ضروري نهرب من اهني اي ضروري هذا انسان مريض ياربي ومستعد يرتكب فيا جريمه زي تيتا
وقعدت تبكي اني السبب …
لمت ملابسها في شنطة صغيرة
ضروري نكلم حد يساعدني بس منووو
مصطفي اي مصطفي
هوا الوحيد الموجود في تركيا ورح يوقف معاي …
وفعلا اتصلت بمصطفى ..
مصطفي : الو
رزان : تبكي مصطفي ساعدني
ارجوك بيقتلني
مصطفي : رزان
رزان : اي اي رزان نبيك تساعدني ضروري
محتاجتلك
مصطفي : بفرحه
واني معاك ورح نساعدك بس انتي وينك توا
رزان : رح نجي لي جسر اللل
بعد ساعه نكون غادي اوك
مصطفي : اوكي
نستنا فيك بسرعه ..
وفعلا رزان خدت شنطتها وهربت
تبعوها الحرس بس هربت منهم بجدارة
الحرس خايفين من بلاك موووت ..
????
رهف : بخبث
صورت كيف رزان هربت مع مصطفي
اول ماشافت مصطفي حضناته وقعدت تبكي وتشكيله شن صاير معها …
مصطفي : قعد يصبر فيها ويبوس في خدها
خلاص ياعمري كل شيء رح يتعوض واني رح
نحميك منهم انتي معاي اهم شيء
رزان : تبكي وخلاص
خلينا نهربوا بسرعه اكيد رح يلحقنا ويقتلنا زي ماقتلها القاتل …
مصطفي : اي اي هيا بسرعه …
عندي صديقي عنده مزرعه في الريف
رزان : بخوووف
بسرعه ارجوك لو يشوفني رح يتقلني مجرم
سفاح قتل تيتا وحرمني منها
وقعدت تبكي شن ذنبها
تموت مقتولة ..
مصطفي : نصدم من الخبر لانه يعرف الفاعل
بس متوقعش الكرهية توصل لدرجة القتل
ولا زياده حطتها في راس ولدها
بس خفي صدمته وقعد يواسي في رزان
بحب وفعلا وصلوا للريف
بلاك سمع بالخبر ووصله الفيديوا لي رزان ومصطفي
قلب الدنيا فوق تحت ويتوعدلها بسبب كدبها عليه
بيمووت كيف قدرت تضحك عليه وتخدعه بحبها المزيف علي حسب تفكيره ..
رهف : جاية تتشمت
ريت كيف طلعت زيها زي اي وحدة خاينه وحقيرة
مافيش تقة في جنس النساء بس انت لاسف غبي ومستحيل تتعلم الدرس ..
بلاك : بغضب …
طلق رصاصة ويتكلم من بين سنونه بصوت واضح انه مغلول مقهور حاجات من هكي …
المرة هادي جنب راسك المره التانية نوعدك رح تكون في وسط راسك
لو مزال نشوف وجهك مرة تانية
رهف : طلعت من الغرفه بخوف
بس في نفس الوقت فرحانه انها حصلت علي مبتغاها وركبت سيارتها وبتمشي لشقتها من جديد ….
بلاك ليه شهر كامل وهوا يدور علي رزان بس مافيش اية اخبار نهائي …
مصطفي : موقف شغل بس مخلي حد يشتغل بداله
ومكرس وقته كله لي رزان
رزان : تعبانه علي الاخير ليها اسبوع وهيا تستفرغ حشاكم وحاسة بدوخه وامورها الصحية مش تمام
مصطفي خايف عليها موت
ويساعد فيها في كل خطوة ويحاول يتقربلها اكثر
بس رزان مش وعطاته اية فرصه لتمادي معها
وهوا مقدر ظروفها …
رزان : طلعت وجها شاحب وواضح التعب من وجها
مصطفي حاسة روحي تعبانه ومعدش قادرة نتحمل
مصطفي : بخضه وخوف ..
شن رايك نرفعك للمشفي
بتاع الريف
رزان : ياريت …..
مشت للمشفي والصدمه الكبيرة انها كانت حامل
نصدمت وبقوة …
مصطفي : نصدممممممم
صدمةةةةة عمره
لااااا ياربي لاااااا هكي رح نخسرها
رزان : تبكي مانبيش بيبي من احد قاتل حقير
دمرني ودمر كل حياتي الله ياخدك مانبيش قطعه منك وتكبر جواتي تطلع نفس موصفاتك
?????
مصطفي : استغفري ربي
هادي قطعه منك يارزان وربي رزقك بيها
مش رح نخليك بروحك اني معاك ورح اربيها
اني وياك مع بعض انتي الام واني الاب
رزان : بس اني مانبيش منه بيبي
مش منه هوا يامصطفي
مصطفي : رح انسبه لي اسمي ويكون ولدي وولدك شن رايك لان صعب تجهاظي رح يوصل الخبر للكل
رزان : بحزن وستسلام
موافقه
زي ماحرمني من تيتا رح نحرمه من ولده
وكبدة طول عمره ..
مصطفي : حاسس بذنب
مهما كان يحبها بس مايرضي الاذي لي حد
بس انانية حبه خلاته يتمادي
ويطمع انها تكون زوجته وام صغاره
ورح يغير كنيتها واوراقها وكل شيء
وتكووووون ملكه وحده ….
شن رح يصير هل رح ينجح مصطفي في كل مخطاطاته …
رزان شن بصير فيها
بلاك شن صاير معاه وكيف رح يتصرف ..
الكاتبة : ÉMåñ Ålbåshå