غيبوبة الجزء الثاني كاملة

#غيبوبه 7.والاخيره الجزء الثاني

الموضفه:لو سمحتي اسفه منقدرش نخليك تخشي
هنادي:ضحكت بهزوه وخشت المكتب بدون حتى ما اطق
نبيل:قلبه دق لما شافها…ها ه هنادي؟!
هنادي:اي قاعد مذكرني؟!
نبيل:شش ش اديري هنايا؟!
هنادي:انت يلي شن ادير هنايا؟!
نبيل:شاف في عيون هنادي نضره غيرر!!شي غريب اول مره يشوفه فيها قعد فتررره يشبحلها قبل ما ينطق….شن تقصدي؟!
هنادي:نقصد انك مفصول انت وبوك
نبيل:وقف…شن تخرطي انتي
هنادي:لوحت ورق ع المكتب ….اقرا واستمتع
نبيل:فتح الورق …وتوسعت عيونه من الصدممممه
هنادي:قعمزت ع الكرسي ورجليها فوق الطاوله….شنو يا نبيل؟! خيرك فجآه لونك نخطف
نبيل:حط الاوراق ع المكتب ….كذب وتزوير
هنادي:ههههههه من حقك الصراحه صدمه كبيره احرف من صدمتي فيك
نبيل:ضرب الطاوله….شن يلي صااااااااير
هنادي:يلي صاير امممم خلي نحكيلك القصه ..يلي صاير انك عبيط وصاحبك احرف منك كيف مشت عليك اني نسيت كل شي سمعته؟!
كيف مشت عليك اني راضيه عادي تاخذ غيري ومتحمله ع خاطرك؟!
من غير هاذا كله محملتش لاني كنت ناخذ في حبوب حرام نجيب عيل بريئ من واحد زيك
نبيل:ساكت مصدوووم والكلام يلي ينزل عليه زي السم
هنادي:من غير عبدو يلي اغبى منككك بي الف مره يوم يلي طلقتني فيه صح كان عندي وهدرزنا
نبيل:ساكت ويسمع
هنادي:بدت تذكر

عبدو:هاذا يلي صاير اقسم بالله نبيل كذاب وانا درت هاذا كله عشان نرجعلك هنادي عطيني فرصه بس يرحم اممممك
هنادي:خذت نفس ….كنت عارفه مستحيل مخلوق يحبني زيك لاكن الضروف جبراتك علي الطلاق
عبدو:فرررح…اي رسمي وربي
هنادي:عبدو انت عارف في النهايه رح نرجعلك
عبدو:مسك يدها….اكيد
هنادي:به شنو يردلي اعتباري من نبيل وطريقة ضحكه عليا؟؟
عبدو:انتي تأمري بس
هنادي:مهما كان؟!
عبدو:فلوسي وكل شي تحت امرك
هنادي:نبي الشي يلي حارب نبيل ع خاطره ينكتب بي اسمي نقصد المصحه بعدين خوذها نبي نقهره بس انت اكتر واحد عارف اني مش متع فلوس
عبدو:اعتبريه صار ياقلبي

_________________

هنادي:وهاذي كل الحكايه
نبيل:عبدوووووو الحقير????
هنادي:تمروح بي يدها….افففف الجو نو هلبا في مصحتي ولا انت مضيق عليا؟!
نبيل:هنادي اسمعيني ا…..
هنادي:ولا اي كلمه رد بالك تزيد حتى حرف
نبيل:يشوفلها
هنادي:فتحت الباب وطلعت في الممر وكلهم يشوفولها من تحت لتحت وبصوت عااالي…..نبيل معمر موسى انا مفصووول من مصحتي الخاصه يلا اغراضك وبراااااا
الصدمه واضحه ع الكل …شن تقصد هنادي بي مصحتها ؟!
هنادي:واي حد مش عاجبه المدير الجديد يقدر ياخذ حجاته ويطلع احسن اقل رواتب
نبيل:خذي مفاتيحه وجي بيطلع
هنادي:نبيل
نبيل:تلفت
هنادي:في ابلة رياضيات ضربتها سيارة اخدوها ع لمشفى
قالولها عندك كسور
قتلهم وحدو المقامات?????
نبيل:شبحلها وقام حاجبه
هنادي؛وهيا تضحك….قلت نذكرك بي تفاهتك زمان يلي خدعتني بيها…يلا اطلع هي
نبيل:طلع وهوا عيونه في الارض بسبب الكلام يلي يسمع فيه من الناس يلي تشبحله

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نضال:ماشي جاي وقلبه بيوووقف من الخوف مش قادر يتنفس
الدكتور:وين اهل نسيبه جلال؟!
نضال:بسرعه….انا راجلها شن في
الدكتوره:الف مبروك ولد لاكن تبي زيادة دم شوف حد نفس فصيلتها
نضال:ولد ??كنت عااااارف اقسم بالله ولددد …وقعد يدير في حركات غريبه مت فرحته ?

اتصل بي عيلت نسيبه وامه وخواته وكل حد يعرفه قاللهم وطبعا بسرعه ما لحقوه ❤️

_______________

هنادي:باست راس بوها….لو ماكنتش جنبي مش عارف شنو درت
محمد:مسك يدها….تستاهلي كل خير يلي صار فيك مش شويه بسببهم
هنادي:ربي يخليك لينا
محمد:وتوا علي شنو ناويه؟!
هنادي:بكرا بيجي الراجل يلي اتفقنا معاه ونتم بيعة المصحه
محمد:عارف…نقصد شنو يلي تبي اديري بي فلوسها راهم هلبا
هنادي:عارفه…اكتر من نص المبلغ بنتبرع بيع لي كم جمعيه خيريه والباقي عندي حاجه في راسي وتو نحكيلك عليها
محمد:ع الخير ان شاء الله هي نوضي نمشو لي نسيبه
هنادي:ارتسمت علي وجها ابتسامه…هي لاكن نخطمو ت الحوش قبل في هلبا حجات وتيتها بنرفعها معاي
محمد:ان شاء الله

______________

نبيل:يعيط علي طووول حسه ويكسر في اثاث الحوش….ضحكككككككككت عليااااااااااا
ضحكت علياااااااااا وخذت كل شي الززززززززززح داررررررررتها
هناء:واقفه من بعيد وتراقب فيه بخوف ويدها ع بطنها
طق طق طق طق
نبيل:دااااارتها مخلتلي شي الننننم ولاد الكلاب طلعوني منها اللعبه بلا شي

هناء:تفضل ياعمي بالله عليك شوفه خيره
معمر:خش ونصدم في حالة نبيل ….نبببببيل
نبيل:داااهش وحالته حاله….ضحكو علينا يابوي عطاها كل شي
معمر:شن تقول؟!
نبيل:قعمز وحيله مهدود….كتبلها المصحه بي اسمها عبدو
معمر؛ضحك بهزوه من صدمته….ششش شنو؟!
انت فاهم غلط صح؟!
نبيل:ضحكو علينااااا طلعت هكي بي ولا حاجه وفصلونا الزوز
معمر:يديه علي راسه من الصدمه…كككيف صاااار
نبيل:كللللله منننننننك شوف في النهايه حني وين شووووف
لاخذيت المصحه والفلوس ولا خليت هنادي يلي كل يوم نتخايل فيها معااااي خسرت كل شي انا كللللل شي خسرته مقعدلي شي

____________

هنادي:خليك بوي منعطلش شويه وجايه
محمد:بننزل حتى انا بنبدل حوايجي
هنادي:به…نزلت من السياره هيا وبوها فجآه جي ياسين درس قدامهم
هنادي:اهلا بخوي وينك مش مبين قداش ليك؟!
ياسين:سلم عليهم….خدمه والله في حد في الحوش؟!نبي مفاتيح المكتب نسيتهم
هنادي:اي راويه داخل وحني كيف مروحين هي تعالا
محمد:شن حال مرتك وينك قداش ليك مجبتهاش
ياسين:لاهي يابوي تو نجو نشاء الله

خشو لي باب الحوش الكبير ونصدمو في المنضر يلي شافو
راويه:تبكي …..خلللللليني
عبدو:يخنق فيها…..انننننننتي ياحقيره السبب في كل شي انننننتي يلي خليتيني ندير كل حاجه تباعدتي علي اختك ياساااااااقطه
هنادي:شبحتلهم بصدمه
وياسين ومحمد مشو بسرعه يباعدو فيهم من علي بعض
ياسين:تي اقلب وجهكككك شن ادير هناياااا
عبدو:اختك كلبة فلوووووس سامعني كلبة فلوووس وطول المده يلي فاتت تطلع معاي وباعت جسمها وروحها ع خاطر شوية ورررررق اختك سوسه هيا يلي زوجتني وخلتني نطلقها هنادي تي اختك ال?هاذي لاعبتلكم في العيله كلهاااااا
ياسين:شاف لي راويه بحقد
محمد:قعد يطلع في عبدو
وياسين:طاح في راويه ضرب قرررريب قتلها ضربها ضربها لدرجه لاتوصف خلا جسمها كله ازرق
هنادي:نزلو دموعي صح ونصدمت…لاكن لا امتى بنقعد هكي؟!اختي طعنتني اي لاكن مستحيل نضايق لان الدنيا جرحتني هلبا وكسرتني لاكن خلالااص من اليوم مهما صار مستحيل تنزل دمعه مني ?

خشت هنادي بي كل برود لبسة حوايجها وجهزت الحجات يلي بترفعهم لي نسيبه .

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نضال:باس راسها….شفتي كيف نحس بي ولدي
نسيبه:حاضنه ولدها….حتى خليقته زيك
نضال:ههههههه امالا شنو
نسيبه:تلعب في ولدها ونضال باسها ع راسها وقعمز يتأمل في عيلته الصغيرونه ❤️

هنادي:عادي نقاطع المشهد الحلو هاذا؟!
نسيبه:بدت تبكي….هنااادي ياقلبي ?
هنادي:جت بسرعه حضنتها ….اششش علاش تبكي توا هي
نسيبه:شووفي ولدي مش مصدقه تخيلي
نضال:ههههه هي خليكم امالا نجيب غدي وجاي
هنادي:تمام ويتربى في عزك نضال
نضال:سلمك ?
هنادي:ياروووحي الحلو يجنن محلاه
نسيبه:تمسح في دموعها عيونك الحلوات…اذكرت وبسرعه قامت عيونها….هنادي شن صار معاك؟!
هنادي:اممم مش عارف نفصلك ولا نخليك في مصحتي الحق ?
نسيبه:ههههههههه الف مبروك
هنادي:يبارك في عمرك وعمر العسل يلي في يدك❤️

منار:ياسين…
ياسين:بدون مايشوفلها …شن تبي
منار:سامحني علي كل شي درته معاك
ياسين:شافلها بهزوه….شن جايك تودعي ولا كيف؟
منار:لا لاكن نبي نبدو من جديد عارفه ان قلبك معلق فيها بس حاول تحبني حتى شوي راضيه
ياسين:شافلها بي استغراب
منار:ع الاقل لو مش ع خاطري ع خاطر البيبي يلي جاي
ياسين:شني؟!???
منار:عيونها دموع…..انا حامل
ياسين:وهني كانت صدمته الحلوه ❤️

_________________________

أروى الطاهر المسلاتي؛خليني نحكيلكم كل شي صار في نقاط بسيطه عشان محدش يمل ❤️
هنادي نجحت وباعت المصحه وعبدو ونبيل قرررريب يموتو لانها ضحكت عليهم الزوز
تبرعت بي اكتر من نص المبلغ زي مقالت وباقي المبلغ قررت تسافر بيه سياحه عشان تنسى يلي صار معاها ❤️…..وسافرت هيا وامها وبوها

اما نبيل:قعد عايش من قلة الموت واحواله ادهورت بدون خدمه ومرته تحمل توصل لشهر الخامس ويطيح البيبي بدون سبب كأنه عقاب قااااسي من ربي

عبدو:كمل زواجه من رويده وحصل بنيه لاكن بسبب الكف الكببببير يلي كلاه في حياته خش ع الحشيش والسكير بشكل كبيييير هلبا

اما نضال وياحليلي علي نضال كيف قسوته كلها تحولت لي حنان ونقلب انسان تاااااني بكل ❤️
عايش احلا ايامه مع ولده ونسيبه رغم طولة لسانها وعصبيتها لاكن يموت فيها

راويه:تزوجت بعد 4شهور من راجل ع اساس انه متدين ولما وصلت عرفت انه يتستر بي الدين وانه متع بنات بشكل مش طبيعي ويمد في يده عليها كم مره

ياسين:يراجي في البيبي ع احر من الجمر لاكن الشي يلي حارقه لعند اليوم انه يحب نسيبه ومش قادر يطلعها من قلبه رغم كل شي صار ونااااد ع يلي داره فيها
بس قرر ان ميديرلهاش مشاكل ويعاملها گ بنت عم ويخلي حبه ليها مدفون في قلبه ويكمل مع منار يحاول ان يحبها حتى1‎%‎ع خاطر البيبي ❤️

___________________

هنادي:هههههه ضحكتيني يا امي اقسم بالله
حفصه:ياوخيتي وين نعرف انا نسخابه بنركبو فوق من الطياره مش ديمه نسافر
هنادي:هههههههه به امي هاذا الكرسي متعك
حفصه:قعمزت وجنبها محمد يضحك عليها
هنادي:تشوف بي استغراب ….لو سمحتي
المضيفه:تفضلي
هنادي:مدتلها الورقه….وين مكاني انا؟!طلبت نكون هنايا قدام امي
المضيفه:ااه ممكن يكون خطا بس بجد اسفه مفيش مكان غير غادي محجوز بي اسمك
هنادي:اففف به صحيتي
محمد:مش مشكله عادي مش بعيد علينا
هنادي:ابتسمت ومشت لي مكانها …قعمزت وهيا تشوف لي الراجل يلي جنبها كان طويل وعريض لابس بدله وسميه وواضح انه رجال اعمال او عنده منصب ومتعصببب
هيثم:اففالواحد من وين بي لاقيها الزفت
هنادي:في شي؟!
هيثم:بدون مايشوفلها…..الغلط يلي صاير في الحجوزات مش مكاني هنايا انا مكاني في….وشافلها
هنادي:بي استغراب…شنو؟!
هيثم:ممكن تكون احلا غلطه في حياتي ❤️

وهني بدت قصة حب هنادي الحقيقيه وحاليا عنده ولد اسمه ادم وعايشه في دبي ?❤️

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

*مهما مرمداتك الدنيا اعرفي ان نهايتك بي اذن الله رح تكون حلوه
مهما خانوك اقرب الناس ليك اعرفي ان ربي رح يعوضك بي ناس احسن بي مليون مره بس انتي خلي قلبك نضيف

*كل الخطط يلي رح اديريها لي اذية الناس اعرفي انها رح تفشل مهما كنتي ذكيه والشر كله رح يولي عليك لان حساب الدنيا فيها

*فرررق كبيييييييير بين العيل والراجل والرجالا موجودين ❤️الراجل يلي رح يكمل معاك حياته لا النهايه وهوا واقف معاك ومساندك ويعوضك علي كل شي مر شفتيه في حياتك بس انتي اعرفي منو تختاري

*كوني ذكيه ومتمشيش ورا قلبك هلبا ومتنخدعيش بي للمضاهر لان رح يجيك كف ينوضك من الغيبوبه يلي انتي فيها ومرات معش تقدري ترقفي ع رجليك

*صارعي الحياة متستسلميش حاااااربي عشان ترصلي للحاجه يلي تبيها مترضيش لي نفسك بي الضلم والقهر ديمه اسعي عشان تكوني احسن

وزي منقول ديمه انا بنووتة الشيخ(اروى )الحب في كل مكان بس انتي دوري واختاري صح ❤️