غيبوبة الجزء الثاني كاملة
نبيل:فتح باب الغرفه وقلبه يددددق قرب علي هنادي شوي شوي وقعمز جنبها
هنادي:فتحت عيونها وشافت نبيل
نبيل:مسك يدها…الحمد الله ع السلامه…
هنادي:ابتسمت بي تعب وهزت براسها
نبيل:نزل راسه يفكر شنو رح يقلها عشان متفضحاش؟!
هنادي:ضغطت ع يده
نبيل:قام عيونه وماسك يدها بحنيه…هنادي بخصوص يلي سمعتيه قبل ما يصير فيك
هنادي:تحركت شوي وتتألم …ع شن تحكي
نبيل:اءءء نقصد ان
هنادي:حبيبي ليش انا هنايا؟!شن صار
نبيل:بصدمه كبيرررره…ششنو؟!انتي مش مذكره شي يعني ؟!
هنادي:هزت راسها بي لا…كم ليا هنايا
نبيل:يومين بس طحتي قدامي مفهمتش خيرك
هنادي:تنفست بعمق وابتسمت…منذكرش بس المهم انت معاي
نبيل:ابتسم بي فرح …اكيد معاك ياقلبي انتي
هنادي:خليهم يطلعوني تعرفني نكره سرير المستشفيات
نبيل:مزال خلي نطمن ع مرتي الحلوه قبل ياعمري
هنادي:ضحكت ❤️
نبيل:بي شك…حاولي تذكري شن صاير معاك وليش مرضتي فجآه
هنادي:يدها ع راسها…منعرفش اخر شي مذكراته روحنا من عرس ياسين صح؟!
نبيل:بزبط طلعت بنجيب تالفوني من السياره رجعت لقيتك ع الارض
هنادي:اااه انا بخير متخافش
نبيل:باس يدها وهوا حاس براحه انها مش مذكره شن صار!!…اهم شي صحتك بي الدنيا كلها
هنادي:ابتسمتله بي حب
__________________
عبدو:يلبس في حوايجه وهوا مش مصدق يلي صار بينه وبين رويد؟!كيف رقد معاها وهوا مطلقهاااا
حرااام !!!….قعد عبدو يحاول يرتب منضره وخدي فلوسه وتالفونه وطلع بسرعه وهوا يحاول يستوعب كيف دارها ??♂️
رويده:في الحمام تدوش وهيا فرحانه اخيرا نجحت خطتها !!…كانت خطة رويده مش انه يرقد معاها او يقيم علاقه في السرير وبس لاااا…كانت تخطط لي شي اكبرر…
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
راويه:انت شن ادير هنايا
عبدو:وين الباقي وشن صار في هنادي اختك؟!
راويه:خشلها نبيل توا سمحوله بزياره واطلع بسرعه قبل ميجي ياسين او اي حد من العيله وتفضحنا
عبدو:تنفضحي قصدك!!
راويه:ننفضحووو بالك تسحابني بروحي في اللعبه يافالح؟!
عبدو:ع الاقل انتي اختها انا في النهايه براني
راويه:رد بااااااالك عبدو رد بااااالك حتى تتجرء وتهددني سامع؟!
عبدو:قلب عيونه بملل….المهم نبي نبيل
راويه:اطلع استناه في سيراتك ولا اتصل بيه
عبدو:امتى تقدري تطلعي انتي؟!
راويه:منعرفش انت شايف الاوضاع كيف مقلوبه عندي
عبدو:خلاص رتبي امورك وكلميني
راويه:اوكي
_______________
نبيل:قعد جنب هنادي لين خشت الممرضه عطتها مخدر عشان ترتاح وبسرعه مارقدت
عطاها نبيل وطلع من عرفتها وهوا فرحااااان كأنه حمل ثقيل اختفى ع قلبه لما عرف ان هنادي ناسيه كل شي !
نبيل:يسكر في الباب…الووو
عبدو:ايوا وين؟!
نبيل:كيف طلعت من عندها
عبدو:شن صار هددتها؟!
نبيل:شن بنهددها تسحابنا في وادي الذئاب؟!
عبدو:شن صار به
نبيل:طلعت ناسيه كل شي اخر حاجه مذكرتها لنا روحنا من عرس خوها
عبدو:بفرح مليييييح بكل وين هيا
نبيل:راقده كيف عطوها مخدر
عبدو:نبي نشوفها
نبيل:بردة فعل عنيفه….شن بتشووووف خيرك انت
عبدو:بنشوفها ..يعني مفيش حد من اهلها غير اختها تقدر تلهيها ونبي نشوف هنادي
نبيل:مرتي الزح شن تدوي انت
عبدو:تقصد مرتي انا قبل متكون مرتك وانت تزوجتها باش ترجعلي نبيل معش تحرق دم اممممي وتنسى الاتفاق
نبيل:مهما كان هيا علي ذمتي ومنرضاش بي الشي هاذا
عبدو:فكنا من جو الشهامه متعك انت الاسبوع يلي فات جايب عاهره راقد معاها في حوازت بوك نعلم ره
نبيل:سكت وهوا مسكر ع سنونه بغضب
عبدو:المهم خليني نشوفها مش رح نمسها ولا شي نبي نشوفها ع قرب بس
نبيل:خذي نفس عممميق…به خش
عبدو:جاي هي…وسكر الخط
نبيل:هاك خوذي جيبيلي قهوا من الكفتيريا لوطه
رويده:فهمتانه كان يحكي مع عبدو والواضح انه جاي وميبيهاش تشوفه ….اوكي مرات نعطل نبي الحمام
مبيل:نضمي امورك
رويده:خذت الفلوس ونزلت
_________________
في حوش محمد (اب هنادي)
كان زحمه نوعا ما الخلات والعمات بايتين لان كان يوم خميس وقاعدين عشان حفصه يلي كيف طلعت من المشي وحالها يتحسن الحمد الله وفي نفس الوقت عشان يمشو ثاني يوم معاها لي هنادي .
هديل:ماشيه جايه وتتصل بي اختها الف مكالمه باش ردة عليها
راويه:افففف ها شنو
هديل:وين انتي
راويه:وحده قهوه سادا….في الكافي متع المشفى
هديل:راويه اسمعيني
راويه:اكيد نفس الكلام خلاص زهقتيني ره
هديل:عارفه ان قاعدك في المشفى مش حب في اختك لو ناويه ع شي حرااااام عليك
راويه:قلبت عيونها….مش ناويه ع شي خلاص عاد خليني في حالي
هديل:رح نخليك به لاكن اقسم بالله اول منشوف عليك حاجه تذكري ان ياسين مستحيل يرحمك
راويه:به تبي شي تاني؟!
هديل:سكرت الخط في وجها وكانت قرررريب تهبل لان عارفه راويه ليها يد في اذية اختها لاكن شنو القصه؟!مش معروف ….
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
عبدو:واقف قدام سرير هنادي ويتأمل فيها….الله
الله ياهنادي قداش ليا مريتكش علي قرب قداش استاااااحشتك ❤️استاحشتك هلباااا هنادي
اكتر شي غلط درته في حياتي مستنيتكش رغم عارف اني نحبك لاكن منعرفش شنو خلاني نتهور ونتزوج
قلبي قاعد ليك قاعد نذكر في كللللل شي حلو صار بينا ،عرسنا علاقتنا فرحتنا حبنا حتى لمساتك وضحكاتك كل شي بين عيوني ومش قادر ننسى
انتي عارفه ان وجودك مع نبيل بيموتننننني الف مره في اليوم؟!لاكن معنديش خيار تاني
لاني مستعد ندير العار عشان ترجعيلي ونكون في حوش واحد حتى لو كلف الموضع خطفك وربي
هنادي:غاطه في نوم عممممميق
نبيل:يراقب في عبدو كيف يتأمل في هنادي ويحكي معاها وهوا ينحرررق من داخل قريب يموت ومش قادر يدير شي ابدا
عبدو:رح تكوني ليا ونعيشو احلا ايام ونعوضك ع كل شي صدقيني
نبيل:هيا وقت خوها يجي في اي لحضه
عبدو:باس يده وحطها ع يد هنادي
نبيل:عبدوووووو??
عبدو:اوكي خلاص
نبيل:اطلع
عبدو:شفاها بنضره اخيره وطلع
_____________________
مرت ليله طوووويله ع نبيل يتمشى بين ممرات المشفى اول مررره في حياته يحس هكي
كان طوول عمره ياخد في مشاكله بي تفاها ويضحك هوا ويزن مهما كانت الضروف بس توا يفضل انه يقعد بروحه ويفكر كيف يدير؟!
يسلم هنادي لي عبدو؟!به علاش حاس بنار داخله علاش يتوجع كل ميدكر ان في النهايه رح يطلقها علاش؟!
اما راويه جابت القهوا لي نبيل وخذت باقي الفلوس في جيبها وكانت طول الوقت تحاول تحكي مع نبيل وتعبيله راسه ع كم حاجه عشان خططها لاكن نبيل كان في عالم تااااااني بكل
هديل:تحوس هلي امها وعيلتها يلي بايتين ونااار في قلبها كل تفكيرها في اختها راويه وهنادي شن رح يصير وهل تتكلم وتقول وتصير مذبحه ولا تسكت وتصير كوارث؟!
نضال ونسيبه كانو راقدين بعد الحب والنوم مع بعض مش عارفين الايام الجايه شنو جايبتلهم؟!
اما ياسين ساهر طول الوقت يشوف لي مرته يلي راقده جنبه وهوا يردد داخله …معقوله خذيت قرار غلط واخترت الانسانه الغلط عشان نكمل معاها حياتي؟!به علاش ضيعت نسيبه من بين يدي مدام نحبها ؟!علاش تخليت عليها بسهوله وبدون اسباب ؟كان السؤال هاذا يعذب فيه كل ليله .
وهنادي كانت رااااقده بنوم عميق بس داخلها مش مكسور كانت تحس بي شعور حلو …شنو السبب زعمه؟!
__________________
ثاني يوم:—??
هنادي:تتمشى في الغرفه ونبيل يساند فيها قعمزت ع السرير وجي الدكتور يكشف عليها والعيله كلها تراجي برا
نسيبه وصلت للمشفى وكانت لابسه عبايه جينز وشاح ابيض فيه ورد زهري مع كندره وشنطه زهريه ومكياج خفيف كان واضح عليها فرحتها بي هنادي والراحه مع نضال ❤️
اما نضال كان لابس سروال جينز اسود مع بدي حني داكن وزي العاده يجنن
اول مخشو كانت العيون عليهم يشوفلهم بي اعجاب وشوية حسد طبعا ❤️
نسيبه:سلمت عليهم كلهم …شن صار
هديل:اهو نستنو قالو الدكتور يفحص فيها
نسيبه.شن حالها اليوم
راويه:كانك مهتمه راهو قعدتي معاها امس مش روحتي
هديل:فنصت فيها…الحمد الله كويس احسن من قبل بي هلبا
نسيبه:به الحمد الله
_____________
نضال:تي ادوي ياراجل
نبيل:يولع في دخانه….شن بندوي
نضال:ادخن هلبا ومعش تافه في موضوع ورا تصرفاتك هيااا
نبيل:جبد من دخانه….تعرف شنو محتاج؟!
نضال:شني
نبيل:تقعميزه في شقة يزن وسبسي حشيش لازم يتريس راسي بيتفجر
نضال:وعلاش هاذا كله اهو مرتك امورها طيبه
نبيل:هز براسه بي استهزاء …اي الحمد الله
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
بعد مرور 3ايام :-
تحسنت صحة هنادي شوي بس للاسف جاها السكر ?ولازم تحافض عليه وتاخذ الانسولين رغم صغر سنها …بس كانت متقبله الموضوع بشكل حلو علاش؟!ممكن لان نبيل جنبها ولما فتحت عيونها كان اول واحد شفاته !!
بعد ال3ايام هادم في المشفى كتبولها خروج وروحت فرحانه لي حوشها وولي نبيل وفرحت عبدو كانت اكتر ..يعني خلاص هانت كلها شهور ويدور نبيل سبب تافه عشان يطلقها واتم القصه
نسيبه:عمري الحلو
نضال:عيونه في الاوراق قدامه…همم
نسيبه:في طلب صغيرون يعني بناقشك في موضوع هكي
نضال:شنو
نسيبه.اءءء
نضال:تكلمي
نسيبه:به وانت بتهبل معندكش صبر
نضال:ربع يديه يستنى فيها تحكي !!
نسيبه:من الاخر هكي نبي نرجع للخدمه
نضال:توسعت عيونه بصدمه…ليش؟!
نسيبه:لاني كسدت وزاهقه وماله ولان المصحه معبيه بنات وانت غادي بروحك بدون مراقبه
نضال:ضحك….مراقبه صار..انا عندي نسيبه حبي لسانها طويل وتشيب الراس شن مزال نبي في غيرها ها؟!
نسيبه:احتفض بي لسانك المصري يابيبي نبي نرجع الخدمه
نضال:مفيش فايده مخلوقه هكي عديمة الاحساس
نسيبه:دارت عيون البراءه….وراس حبيبي
نضال:بس انتي حامل
نسيبه:عادي بطني مزال مكبرتش ونوعدك اول ما خلاص نحس روحي تعبت نوقف
نضال:به انا في شنو قصرت معاك تبي حاجه نجيبلك
نسيبه:نضولي مش حكاية فلوس انا نبي نخدم نبي ننهي اجازتي
نضال:نضولي صار ??♂️
نسيبه:بساته ع رقبته…وراس حبيبي
نضال:ذاااب في مكانه…به حاضر
نسيبه:حضناته من راسه خيتي سلمه حبيبي اناا
نضال:بعدي خنقتيني خليني نكمل خدمتي
نسيبه:بساته بقوه ع خده وناضت فرحانه
نضال:كمل خدمته وهوا يضحك ع تصرفاتها يلي قاعده كيف ماهيا من اول ما تعرف عليها …
فضي حوش نبيل من الزحمه اخيرا …
هنادي:حبيبي خيرك مضايق؟!
نبيل:شي سغير شغل متراكم عليا
هنادي:حطت يده ع كتفه بحنيه…كله بسببي صح نزهق الكبد انا ديمه مريضه
نبيل:بضحكه مزيفه…احلا مريضه شفتها
هنادي:ابتسمت…ربي يخليك ليا
نبيل:وليا يارب ❤️…لازم تحافضي ع السكر والجدول يلي عطاهولك الدكتور مش تنسي هنادي مش ديمه في الحوش نذكرك انا
هنادي:ولا يهمك مش ناسيه
نبيل:به كويس…انا بنمشي لي يزن
هنادي:ضروريه المشيه؟!
نبيل:في خاطره …لازززم خلي نمشي نرجع لي طبيعتي شويه نحشش عشان ننسى ونضحك من قلبي
هنادي:نبيل؟!
نبيل:هااا؟!….لا ولا شي غير بنهدرز عليه قداش ليا مريتاش
هنادي:به لو طلبت منك تقعد معاي ؟!عادي
نبيل:يشوف لي نضرات هنادي يلي كلها ترجي
هنادي:شن قلت ؟!
نبيل:اكيد نقعد معاك
هنادي:حضناته ورقدت ع رجله…خليك اليوم وبكرا اسهر معاه
نبيل:بلع ريقه بتوتر ويمسح ع شعرها…ان شاء الله حبيبتي
________________
فات شهر كااااامل :-
وكانت الاوضاع طبيعيه جدا هنادي تعامل في نبيل بي كل حب وادلل فيه ونبيل مره يعاملها بي اسلوب جاف ومره بي دلال زايد ❤️
اتفقت نسيبه وهنادي يرجعو خدمتهم مع بعض وهنادي وافقت لانها تعبت من قعدة الحوش وتفكيرها في مرض السكر يلي طلع في حياتها فجآه ونبيل معارضش بلعكس طووول وافق لسبب مش معروف
في المصحه :-
نضال:تي وربي مشبحتلها نسيبه مطلعينيش من عقلي بلا هبال
نسيبه:بتهديد ….اقسمممم بالله يانضال لو نلمحك بس تشم حتى ريحة البنات يلي قاعدين هني عيونك هادم نسلهم من مكانهم وندير بيهم محاشي
نضال:اجرااااام انتي
نسيبه:ابتسمت ومسكت في يده لين فاتت وتباعدت البنت يلي بحداهم ونفضت يدها منه….حذرتك نضال
نضال:نفجر بي الضحك….اقسم بالله نموت فيك وفي هبالك
نسيبه:خذت نفس عميق ومشيت وهيا قايمه خشمها ونضال بيهبل عليها
_____________
هنادي:كملت المريضه يلي كانت عندها ووقفت تغسل في يديها.
نبيل:طق مرتين…هنادي؟!
هنادي:خش حبيبي
نبيل:خش وسكر الباب
هنادي:طلعت تنشف في يديها…غريبه جيت توا؟!كملت شغلك؟!
نبيل:لا بس جيتك في موضوع هكي
هنادي:ان شاء الله خير
نبيل:مش احسن لو طلعنا ؟!
هنادي:تمام لحضه بس
نبيل:نراجي فيك
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
عبدو:بصوت عااالي وعياط….ككككككيف حاااااامل كككككككيف؟!
رويده:كيف؟!ترقد معاي بعدين تقولي كيف؟!
نسيت هذيك الليله كيف جاي ع خاطر ولدك ومقدرتش تمسك روحك؟!والله مش غلطي هادا
عبدو:سكر الخط وهوا يضرب في دومان السياره بي غضببببب
ياسين:شني؟!
منار:والله زي مسمعت انا بوي معودني ع المكسرات وكل غالي وعالي ناكل فيه جيتك انت للفقر وخوه صراحه قعدت جعانه
ياسين:فقد اعصابه…تي جعاااااانة شنو مفيش ولا حاجه ناقصه في الثلاجه!!!
منار:حجات رخصيه كلها انا بوي…..
ياسين:بوك بوك بوك نوضي وتي حوايجك نردك ليه وريحيني
منار:تشوفله وساكته
ياسين:عيط عليه لين نقزت من مكانها….تي نووووووضي
منار:ناضت وهيا مرعوبه وخايفه
_________________
في الكافي———
هنادي:احكي حبيبي في مشاكل في الخدمه او شي صاير معاك
نبيل:لا مفيش مشاكل لاكن!
هنادي:شني
نبيل:بوي خذي قرار في شي وانا مش عارف لو تتحمليه وتقعدي معاي او تخليني
هنادي:ضحكت….هه طبعا منخليكش بس قولي
نبيل:….يتبع