عشقي لكِ كالمحيط – سارة المجيد

#عشقي_لكِ_كالمحيط

#بارت3

#بقلمي_سارة_المجيد

شفنه جزيرة تبعد عنه تقريبا كيلو متر …. اتشجعوا الشباب واخذونه ووصلنه لشاطئ الجزيرة وكعوا عليها من التعب خطية الي شفنا مثل قصص الافلام ابد مشايفته بالحقيقه …..

اتمددنه شوية ع الشاطئ حتى نرتاح من التعب ….. الجو جان بارد جدا واحنه ملابسنه متنكعه بالمي اخذت اخوتي ورحنه ليغاد يم صخرة كبيرة جانت …..
ونزعت ملابسي عصرتهن وملابس اخوتي هم ….. اتلمست الرمل جان دافئ بسبب اشعه الشمس المتسلطه عليه طول النهار …. كتلهم خلي نغمس نفسنه تحت الرمل حتى ندفه شوية …..
صار الصبح وطلعت الشمس …. اشرقت واضائت بنورها المكان ….
فتحت عيني طلعت نفسي من الرمل ونفضت نفسي ورحت لبست ملابسي وكعدت اخوتي وهم لبستهم ملابسهم ….
باوعت ع الشباب شفتهم غارقين بالنوم خطية بهل برد مادري شلون ناموا بس اكيد من شدة التعب محسوا ع نفسهم بعد ……
شفت احمد اتحرك وكعدت رحت يمه وكتله صباح الخير ….
احمد .. اهلا صباح النور … متعرفنه بأسمج صدك شنو اسمج ههههه
لينا … ههههه اسمي لينا

احمد … عاشت الاسامي انسة لينا …. اووووف احس نفسي مصخن يمكن …. وجسمي مكسر …

لينا … اي حقك لان نمت بملابسك المنكعه وبهل برد اكييد تتمرض ….

احمد … اي والله بس الحمدلله عدت ع خيير وهسه لازم انشوف شلون نطلع من هل جزيرة …..لان امبينه جزيرة مقطوعه ومحد يوصللها …

اعرفكم عن نفسي … اسمي احمد عمري 24 سنة طولي 180 جسمي رشيق العب حديد يعني جسمي معضل وكذا ? ….. شعري اسود لون بشرتي اسمر وعندي لحية كثيفه ادرس علم بايو مرحلة رابعه ..
نرجع ل لينا هههههه

لينا …. الله يستر … ان شاءالله نلكي وسيلة للنجاة

احمد … اميين يارب ..
كعدوا باقي الولد واجوي اخوتي يمنه جانوا جوعانين ….
ولحد هسه منعرف شنو هل جزيرة بيها اكل لولا …اكو منبع مي عذب …
لو بس مي المحيط المالح ….. بقينه نتسائل وجان احمد يكول … ياجماعة خلي نتقسم الى فرق خلي كل 2 يروح بأتجاه حتى نستكشف المكان
عسى ولو نلكه اكل او مي او اي شي يخلينه نكدر نطلع من هل جزيرة سلامات ….

احنه جنه كلنه 10 نفرات الي طلعوا احياء من الطيارة …. اني واخوتي 4 وهمه 6 ….

احمد … لينا تعلي اني وياج والجهال نروح بهذا الاتجاه …. والولد كل 2 بمكان يروحون …
وطلعنه نستكشف المكان ….
مشينه بس الاشجار العالية بهاي الجزيرة وصوت الحشرات وبعض الطيور المهاجرة …..

اتمشينه شوية واحمد كال طبعا جان اكو جماعة قبلنه عايشين بهاي الجزيرة …..
لينا … باوعت عليه كتله وشلون عرفت …… احمد ضحك وكال شوفي بعينج ليغاد …
واشرلي بأصبعه ..
جان اكو بقايا مخيم قديم وبعض الاغراض ومكان جان كومة من الخشب مشعول بي نار بس صاير رماد …..
اني اتعجبت منو يجي بهيج مكان منكطع عن العالم ….

احمد … اكيد هم مثل حظنه واكعين من طيارة لو سفينه ههههههه

لينا … هههههه اي والله يمكن

اتقربنه يم المخيم بحذر باوعنه شفنه اغراض تفيدنه……..
مثل جداحه وكشاف واواني للاكل وفراش وملابس……
وشفنه معلبات للاكل قرينه تأريخ الصنع باقيلها شهر لانتهاء الصلاحية يعني نكدر ناكل منها …….واكو مسدس تنوير هذا الي راح ينقذنه اذا مابيوم مرت سفينه او طائرة من فوق الجزيرة نطلق منه ضوء حتى يعرفون اكو بشر ع الجزيرة ويريد المساعدة ….. جمعنه الغراض كلها وحطيناها بالجنطه الموجودة بالمخيم …..
رجعنه ع الشاطئ وشفنه الشباب هم جايين وبعضهم كال شفنه ينبوع مي عذب شربنه منه والبعض كالوا مشفنه شي بس الاشجار والطيور …..
وكعدنه ورتبنه الغراض ونصبولنه الخيمة الي ولاخواني لان همه يكدرون ينامون بالعراء بس احنه صعبة …..
و وزعنه المعلبات علينه بلتساوي كل 2 بعلبة حتى يكفينه لباقي الايام …..

واحمد صنع رمح من السكين وعصا من اغصان الاشجار حتى يصطاد السمك…..
حسيت نفسي عايشة فلم بزمن العصر الحجري هههههه ….
ورتبنه الكعده وشعلنه نار كبيرة حتى ندفه بيها …. بهل اثناء اتذكرت امي من عفتها بالطيارة ومكدرت اشيلها واجيبها هنا وادفنها ? …. واتذكرت بابا هسه شمسوي بروحه اذا عرف بينه مواصلين لبيت جدي ليهسه ….

ابو قائد … كملت شغلي من السفارة ورجعت للبيت سبحت واتمددت شوية وراها كلت خلي اتصل ع اهلي اشوفهم وصلوا حتى اطمأن ….. دكيت ع ابوية ودك التلفون … الووووو?

الجد .. الووووو?
ابو قائد … ها يابه شلونكم شلون صحتكم ان شاءالله زينين
الجد .. هلا وليدي الحمدلله بخير احنه الله يسلمك انتوا شلونكم ام قائد شلونها الجهال … شو مجوي اتأخروا اليوم ليش مدزيتهم …

ابو قائد … ? .. يابه شدتحجي انت … شنو ليش مدزيتهم ام قائد والجهال البارحة الصبح دزيتهم لازم هسه واصله الطيارة ..

الجد … صدك تحجي لعد وينهم ليش ليهسه ماكو يمعود روح اسئل شوفوهم وين ليش ماوصلت الطيارة …
ابو قائد .. اي اي يابه هسه رايح للشركة مال الطيران يله مع السلامة ….
الجد .. الله وياك وليدي عود طمنه عليهم مو تنسه

ابو قائد … ركضت اخذت السويج مال السيارة وطلعت شغلتها ورحت للشركه مال الطيران…… طبيت مثل المخبل رحت ع السكرتارية …..
كتلهم اريد اسئل ع رحلة العراق البارحة الصبح طلعت ولحد هسه كلولي مواصله الطيارة ممكن اعرف ليش ….
وينهم الركاب اذا مواصله الطيارة ….
الموضفه … باوعت عليه ومتعرف شتجاوبني كامت تمتمت ….
ضربت ايدي ع الميز وعطت وصيحت بوجها كتلها احجي عائلتي كاملة بالطيارة مالتكم وين صاروا ….

الموضفه … اصبر اخي خليني افهمك البارحة اجانه خبر انو الطيارة طلبت نداء استغاثة وهيه ع المحيط الهندي …. وراها فقدنه الاتصال بالطيار …..
ولحد هسه منعرف مصيرهم ……ودزوا طيارة استكشاف بنفس المنطقه الي طلعت منها اشارة الاستغاثة مشفنه شي وبعدهم ديدورون مكاعدين ….
ابو قائد .. ? … انتي شدتحجين اذا صار ع عائلتي شي وحق ربج اكلب الشركه ع راسكم واقاضيكم كلكم ع الاهمال …
الموضفه … اخي الزم حدودك تره مو بس عائلتك بالطائرة اكثر من 200 شخص ع متنها وهذا قضاء وقدر قابل متعمدين احنه … يله اعذرني اريد اكمل شغلي لو سمحت اطلع بره …..
ابو قائد … اني اعلمكم شوف شراح اسوي

…. طلعت رأسا للسفارة وسويت اتصالاتي بأكبر المسؤولين بالعراق وحجيتلهم القصة و وعدوني راح يسوون اللازم ….

لينا … رغم ما اني كلبي محروك ع امي بس لازم اقوي نفسي علمود اخوتي لان مالهم غيري هنا جنت اداريهم واحافظ عليهم …. الشباب جانوا يصيدون السمك وجنت اضحك عليهم كل ماتجي سمكه تنهزم من بين ايدهم هههههه …
والله كدروا يصيدون 4 وحدات نضفوها وخلوها ع النار حتى تنشوي …. اكلنه وشبعنه وصار الليل واني اخوتي دخلنه للخيمة ونمنه ….. وبنص الليل حسيت بحركه بره المخيم ? فزيت وكمت ع كيفي ……طلعت بره ماكو احد …. رجعت مددت وجان مخالب اتشك الخيمة من الطول للطول وصوت حيوان مسامعته بحياتي …….
عطت عيطه صحيت الكل اخوتي فزوا وانرعبوا … اجه احمد والولد يركضون علينه كال ها لينا شكو احجي شبيج …. واني مثل المخبله شابكه اخوتي وابجي واكله شوف باوع الخيمه …. شافها احمد ممزقه بطريقه مرعبه اثر مخالب حيوان كبير ….. اتخبل طلع بره شغل الكشاف وبقه يفتر داير مدايرنه جانت اثار لرجل حيوان كبير سلك طريق الغابة …….. هدئني وكلي لتخافين احتمال خاف ونهزم …. كتله والله ماكعد دقيقه بهل جزيرة الكشرة حتى لو اسبح واطلع منها …

احمد … اسكتي بله وين تروحين خلينه هنا لحد ما الله يفرجها شنسوي …. ماعدنه غير حل ….. جنت باوع عليها شفتها وهيه تبجي عيونها بيهن سحر غريب مجنت منتبهله قبل حسيت بشعور غريب ……
حسيت گلبي اول مرة ينبض شنو هل شعور معقولة الحب ….. لالا مستحيل اني يمكن ديتهيئلي ….

لينا … احمد الوضع هنا ميطمن تره المكان خطر علينه يعني ان بقينه او لا نموت …

احمد .. كولي يالله خلي عندج ايمان بالله ان شاءالله ماكو شي …. واحنه 6 رجال حتى لو اكو حيوانات مفترسة نكدر نقتلهم عدنه سكاكين يعني بطعنه وحدة اقتله ههههههه

لينا .. ههههه خف علينا يا جون سينا ? ..

احمد … ليش ولج مو بعينج ?

لينا … لالا العفو هههههه .. بس داشاقه وياك والله ..

احمد .. اي عبالي ?

ومر ع وجودنه بالجزيرة 4 ايام واهلنه ميعرفون بمصيرنه وماشفنه اي طيارة او سفينة مشت من يم الجزيرة ……

ابو قائد … جنت يوميه اتصل ع السفارة بالعراق واريدهم يطمنوني ع زوجتي واولادي بس ماكو فايدة ….. الطيارة عبالك فص ملح وذاب …. وجنت اروح للشركة اتعارك وياهم واكلب الدنيا عليهم ويكولولي احنه دنسوي العلينه ويوميه دنرسل طيارة استطلاع بنفس المكان ومدنوصل الهم الطيارة اختفت ……
وبقيت ماعرف شسوي الدنيا اسودت بوجهي …..

……
لينا … بيوم الصبح الشباب اخذوا اخوتي وكالوا حنروح للغابة نجيب حطب لان خلصنه وهم نجيب ويانه مي ….. بقينه اني واختي تينا … راحوا الولد للغابة واحنه كعدنه نغسل الملابس ونعدل المكان …. وحظرنه الغدة …. وهناك سمعت صوت صافرة مال باخرة ضخمه جانت بعيدة ….. مثل المخبله محسيت ع نفسي ركضت امشي ع المي واصيح والوح بيدي عسى ولو يشوفني …… ومشيت بعيد وما احس ع نفسي والا الكاع الجواية خلصت واتزحلكت وطبيت بالمي جوه وكمت اعيط واستغيث وماكو احد يسمعني ….. صرت بعيده عن الشاطئ …. وغركت
وجان …..