عشقي لكِ كالمحيط – سارة المجيد
#عشقي_لكِ_كالمحيط
#بارت4
احمد … رجعنه اني والولد من الغابة جمعنه حطب وجبنه مي …. سمعت تينا تعيط وتبجي ركضت مثل المخبل وصحت كتلها شبيج شكو وين لينا احجي ….
تينا … اختي راحت بعيد هناك واشرت ع المحيط …
احمد … شعدها راحت اووويلي الله … وركضت بكل قوتي ونزلت للشط وسبحت بالمي بس اريد اشوف اثر الها ماكو اخذت نفس عميق ونزلت جوه المي …… شفتها مغمى عليها رحت عليها عسريع ولزمتها وصعدتها ع سطح المي وسحبتها لحد ماوصلنه ع الجزيرة ومددتها ع الشاطئ …..
التموا الشباب علينه واختها تبجي …. ضغطت ع صدرها بشكل مستمر حتى اتطلع المي الي شاربته ماكو فايدة جانت قاطعه النفس …. حطيت ايدي ع رقبتها حسيت اكو نبض باوعت عليها وتالي لازم اسويلها تنفس اصطناعي ….. اخذت نفس عميق وحطيت شفتي ع شفتها ونفخت بحلكها وبقيت اعيد هل عملية اكثر من مرة لحد ما كحت وذبت المي الي شاربته كله وبدت تتنفس …… الحمدلله ياربي فاقت وكامت تتنفس …… ماعرف ليش جنت خايف لا افقدها جنت مثل الواحد الفاقد عقلة من شفتها بدون حركة ولا نفس …… اختها تبجي فوك راسها والولد يرحون ويجون من القلق عليها … بس الحمدلله رجعتلنه وبدت تستعيد وعيها وكعدتها وكتلها … متكوليلي شعندج رايحه بعيد متعرفين المحيط عميق وانتي متعرفين تسبحين ….
لينا …. حسيت روحي طلعت وغبت عن الوعي وماشوف اله شي انعشني من جديد …. جان احمد ديسويلي تنفس صناعي ورجعت للحياة …… باوعت عليه جان عصبي لان رحت بعيد عن الشاطئ ….. كتله اسفه لان سببت الرعب بنفسكم ? … بس جنت اتمنى الباخرة اتشوفني حتى تجي تنقذنه من هل جزيرة ……
بس للاسف نص الطريق ووكعت جوه غركت وردت اسبح مكدرت ……كمت اعيط واصيح بس بدون فايدة طبيت جوه المي مادري شصار بعدين ?? …..
احمد … الحمدلله ع سلامتج المهم ديري بالج بعد لتبتعدين عن الجزيرة …. اشبيك احمد كلبك يدك خرررب انه احسهم ديسمعون دكات گلبي …. ولك بس لاوكعت وحبيت ? .
لينا …. الولد اتحمدولي بالسلامة ومانسه فضل احمد لان نقذني من الموت…..
هل ولد من اول ماشفته حسيت شي يجذبني اله بس شنو ماعرف ….. بس من انقذني من الموت ورمى نفسه بالمحيط حتى ينقذني …. هل شي خلاني انعجب بي اكثر … حسيته رجال بكل معنى الكلمة وهوه جانت نظراته الي بيها كلام مجنت افهمها …. اتخايلت من حط شفته ع شفتي وسوالي تنفس اصطناعي … حسيت رجفة بجسمي حسيت بسعادة متنوصف ….. ظليت اتلمس شفايفي بطرف اصابيعي ……جنت صافة وماحسيت اله ع اختي واخوتي شبكوني وفرحانين لان رجعتلهم سالمة …. شبكتهم وبوستهم …. وكعدنه وحظروا الغدة اكلنه وشبعنه …. وراها اتمددت بالخيمة وبقيت ابجي ع امي غفيت ونمت ..
….. كعدت العصر شفت الشباب يلعبون طوبة لكوها بلغابة وجايبيها وجايين همزين يلتهون شوية خطية هههههه …… جنت اتفرج عليهم وابتسم …. واحد من الولد اسمه صلاح … جان يباوع عليه بنظرات غريبه حسيت بخوف الصراحة …. كعدت يم النار المشعولة حتى ادفه …. جان يجي يكعد بصفي …. كلي انتي بيا مرحلة كتله ثاني كلية …
صلاح … بيا قسم
لينا … طب بشري
صلاح .. ماشاءالله يعني بعد سنتين تصيرين دكتورة ?
لينا … ههههه لا .. عدد سنوات دراسة الطب الأساسية العام هي ست سنوات بعدين ينتقل الدارس لسنه إضافيه تدعى سنة امتياز ومن خلالها يتخصص في مجال معين ….
صلاح … اهااا .. اي عيني احنه دراستنه لحد المتوسطه وبطلنه مو مثلكم متعلمين ?? ….
لينا … شفت احمد ديباوع علينه بنظرة غضب وماعرف ليش … عاف الولد وبطل من اللعب واجه صوبنه … جان يكول شاركونه الحديث وياكم …
لينا … ههههه اي هلا بيك تعال اتفضل ..
صلاح .. كلت لنفسي … اهوو شكد حشري هذا خلي اكوم احسنلي اروح انام … كتلهم يله اني لعد اترخص اروح امدد شوية تعبان ..
احمد … ماشي اخذ راحتك … كعدت بصف لينا وسئلتها كتلها احجيلنه عن نفسج شوية .
لينا … هههه عادي ماكو شي مميز احجي اني طالبة مرحلة ثانية طبية … الحمدلله متفوقة بدراستي عمري 20 سنة وبابا دكتور بس يشتغل بالسفارة العراقية بالهند …..
انت الي منعرف عنك كوولشي سولف عن نفسك شوية ..
احمد …. عدلت كعدتي وكتلها .. اي احجيلج عن نفسي ليش لا ههههه …. اسمي احمد طالب مرحلة رابعه علوم بايو اعشق الدراسة والقرأة و السفر ابوية يشتغل موضوف بوزارة الكهرباء وامي الله يرحمها جانت هم موضفه ويا بس عافت وضيفتها حتى تتفرغ للبيت والنه … لحد ما صار الي صار بيوم وكعت الطيارة وصار الحادث المشؤوم ? …
لينا … الله يرحمها ويرحم امي ? …. زين انت مزوج لان جان بحضنك ذاك الطفل اسفه اذا ذكرتك بس شنسوي هاي اقدارنه لازم نشوفها كدامنه …
احمد … مكدرت اكولها اي مزوج خفت اخسرها … بس كتلها ها … اي جنت مزوج وزوجتي ماتت وطفلنه لحكها الحمدلله ع كل حال …
لينا … انقهرت عليه حييل لان خسر اعز الناس ع قلبه … كتله الله يصبرك ويقويك ويعوضك خير بالدنيا ان شاءالله ….
احمد … اشكرج لينا … ان شاءالله نكدر نخلص من هل شدة ونرجع لاهلنه سالمين يارب …
لينا .. امييين يارب ..
…..
ومر ع الحادث 6 ايام واحنه عايشين برعب فوق هاي الجزيرة …….ونحاول نتأقلم بيها شبعنه خوف ورعب …. وتعبنه هواي جنه ندعي يومية بس كون تمر طيارة لو سفينه حتى تنقذنه من هل مئسات …..
بليل جنت نايمة بالمخيم واخوية قائد جان نايم يم احمد …. بنص الليل حسيت واحد دخل للخيمة وفجأة كمش حلكي ……. فتحت عيني ? اريد اعيط مكدرت جان محكم ايدة ع حلكي بقة يتحارش بيه ويرفع ملابسي وكام يشكك بيهن ويتلمس جسمي اني اتخبلت بقيت ادفر بي وانفض نفسي لاكن بدون فايدة ….. تالي بكل قوتي وخرت ايدة وعضيتها وعطت عيطه صحت الكل من النوم …..
احمد …. جنت امدد داباوع ع النجوم وسرحان….. دافكر بلينا حسيتها اتملكت قلبي وتفكيري اول مرة بحياتي احب ……اول مرة بحياتي احس بهل احساس الرائع اووووف لينا …..شسويتي بيه شلون خليتيني احبج بهذا الشكل واني بنات الكلية كلهن كدامي ولا هزن شعرة بيه …… ولج حتى سلبتي مني النوم …. وبها اثناء سمعت صوت صياح جاي من خيمة لينا …. اتصركعت كمت مثل المخبل اركض واتجهت ع الخيمة ….. شفت صلاح نايم ع لينا وديتحارش بيها ? ….. ايا ابن الكلب لك وخر يانكس كمشته من بلوزه وشمرته بره الخيمه ….. لك انت ماعندك غيرة ماعندك شرف وجان اضربه بوكس ع حلكه دميته …..
صلاح … انعل ابوك لابو الخلفك لك انت تمد ايدك عليه شو دتعال ….
لينا … بقيت بس اصيح واعيط خفت لا يتكاتلون وفعلا كاموا واحد يضرب الثاني ويتمرغلون بالرمل ….. اجوي الولد وكوه فاككوهم …
احمد … وخروا عوفوني اريد اربي لهذا النذل الي ماعنده شرف …. ناقص شلون هيج تسوي متكول هاي بنية شلون اتعدى ع شرفها …..مخفت ع عرضك الله يسلط واحد خايس مثلك عليهن …..
الولد كوه سكتوهم واحمد فهمهم السالفه ……وكلهم رزلوا وحجوا عليه وكلوله بعد متنام بيناتنه شوفلك مكان بعيد عنه لان بعد ماعدنه ثقه بيك ……
احمد …. رحت شلت غطه مالتي وخليته ع جتف لينا لان ملابسها مشككه وطالع جسمها ….. كتلها اني بعد انام بصف الخيمة مالتكم ماعوفكم بعيدين عني ……
لينا … الي سوا احمد خلاني احبه عمري مجنت اتصور بيوم اني احب او ارضخ للحب …. جنت ولا عندي ايمان بالحب اكول كله كذب واوهام …… بس هسه اتغيرت نظرتي من احمد شفته هيج ويايه ….. يعني مو قليل الي سواه ….. صار كم مرة ينقذني ويتصرف برجولة كدامي …. اطلع غبية اذا خليته يروح من ايدي هذا الي يسموا الحب الحقيقي …..اي هوه …. الله احمد شكد حبيتك اووووف ? …..
بيوم جنت اتمشى ع الشط وداباوع ع المحيط منظر جان جميل وبنفس الوقت مرعب …… سمعت صوت احمد من وراية …. كلي ايصير امشي وياج ههههه
لينا … اي تعال ليش لا ههههه
احمد … لينا ممكن اسئلج سؤال شخصي وانتي براحتج تريدين اتجاوبين او لا ….
لينا … اي عادي اسئل
احمد …. لينا انتي مرتبطه يعني عندج علاقة حب ويه شخص بالكلية او بره الكلية او اقاربج …..
لينا … من سئلني هل سؤال احمد حسيته يريد يطمأن اذا كنت احب او لا … ف كتله لا اني عمري مافكرت بالحب ولا سويت علاقة ويه اي شخص هههههه يمكن متصدك بس هاي الحقيقه لان اعتبر هل شي تضييع للوقت …. واني دراستي ماخذة كل وقتي مجان عندي الوكت حتى افكر بالحب …..
احمد …. كلت ويه نفسي اووف الحمدلله هسه ارتاح گلبي …. وكتلها .. ليش بلعكس ماكو احلى من الحب وخاصة اذا لكيتي الانسان الي يحبج ويخاف عليج ….. لان الحب هوه اقدس شي خلقه الله ولحد هسه محد اكتشف شلون يتكون …..
لينا …. كلت ويه نفسي … هوه اني وكعت بحبك بعد ومادري شلون انت وكعتني ….
يله خلي نرجع الدنيا بردت ههههههه
احمد … يله هههههه
……
احمد …. بقيت شارد بأفكاري معقولة حبيت لينا معقولة گلبي نبض الها …. اي اكيد هذا الحب لان كل ماتقربلها احس بسعادة متنوصف اريد احظنها اريدها تسكن بگلبي اووووف ماتحمل اكتم بعد
لازم افجر هلمشاعر الي مكتومه بگلبي اريده تشاركني بيها اريدها
تحس بيه شگد احبها
اندفعت بقوه للباب الخيمة حتئ ما اتردد
فتحتها وطبيت
ومشاعري وحاسيسي هيه الي جانت اقوئ من كلشي …
ودگات گلبي الي صارت نبضاته مثل طبل
حسيت گلبي يريد يطلع من صدري
وماعرف شلون ابدي وفكري سارح بيه واحاول اسفط الحچي وارتب حروفي
ومين أبدي
وتفاجئت شفت لينا نايمة وتگول ملاك وغافي
ظليت اتأمل بيها وعيوني سوت عليها كشف
كأني اول مرة أشوفها
حورية ومددة وغافية
گعدت يمها وأشوف خصلات الحرير
نازلة تداعب وجنتها
وعيونها البريئة غافية
وملامحها الطفوليه زايدته جمال
هي بس عيونها كافية انو تسحرني وتسلب روحي الها
گعدت ع طرف فراشها وتـاملته ملامها
عن قريب …
مديت ايدي على كيف
وشلت خصلة شعرها وشميتها
وي ما شميتها سحبت نفس قوي حسيته ترس ريتي ترس
أحس ردت الروح بيه
ووخرتها عن وجهها …
بس هيه تحركت ….. خانتني الشجاعة انو اصارحها بحبي …. راسا طلعت وعفتها … اوووف خررب حظي ?
لينا … فزيت من النوم حسيت واحد لزم شعري باوعت ماكو احد … كلت يمكن جنت احلم ههههه ورجعت نمت ….. صار الصبح الدنيا جانت مغيمة ودتمطر …. اعشق المطر عجبني اتمشه بالمطر ….حتى لو اتبلل طلعت …..
شعري اتنكع من مي المطر المنظر روووعة جان ?
جان اسمع خطوات وراي
انداريت وچان اشوف احمد
جان صافن عليه
وعيونه تنزل وي كل كطرة ماي توگع من شعري
وبوجهة ابتسامه تتيه العاقل
ونظرة حب ترد العافية
گلبي صارت دكاته اسرع من الطيارة
بحيث احس صدري ينزل ويصعد من قوة الدگة
والنفس عالي گوة اجره
وجهي لونه انخطف من الخجل مدري ليش
هوه اقترب مني
كانه ضايع ومتيه روحه ولگاهه يمي
يباوعلي ويوزع نظرته على عيوني
وشعري
وقطرات المي الي تنزل
من گذلتي على جبهتي
كلما يقترب احس بكلبي راح ينشلع
وعيوني شارحة بعيونه
بس مشاعر غريبة
احس روحي تاهت بين اديه
حاوطني من خصري
وصفن عليه
وبايده الثانيه مسح قطرة مي نزلت على وجهي
الله شنو حتئ الماي مرتوي بهلخدود
وآنه محروم منهن شون
بيه هسه
نضرت بعيونه نضره طويله حرت شرد عليه
اكتفيت فقط وللهروب من الموقف
غمضت عيوني بقوه
حسيت بانفاسه قريبه
ع وجهي
أقشعر جسمي كله ورجف
بهاالاثناء
سمعنه صوت اختي تينا صاحتني …. فزينه واني ضحكت ودنكت راسي من الفشله ….
واحمد كال اووووف خررب حظي هسه وكتج ….. حسيته ضاج هههههه
كتله امشي نرجع الجماعة كعدوا ههههههه
احمد … امشي عيني امشي
ومر ع الحادث اسبوع ….. بيوم السابع جنه نايمين ….. وفزينه ع صوت طيارة قريب جانت فوگانه دتحلق …… طفر احمد وراح جاب المسدس التنوير ……وجان ….
#سارة?