عشقي لكِ كالمحيط – سارة المجيد

محتويات المقالة

#عشقي_لكِ_كالمحيط

#بارت8

#بقلمي_سارة_المجيد

???????????????

وبين ما جنه نسوي الفحوصات … دخل دكتور محمد ابو لينا … وشافني مهتم بالمريضه .. سئلني شتصيرلك … كتله اقاربي ….. وسوينالها خارج المستشفى فحوصات وتحاليل طلع عدها ( breast cancer )

دكتور محمد …. اهااا خير ان شاءالله واهلا وسهلا بيها …. قبل اسبوع قمنه بأستيراد جهاز (PET scan ) هذا الجهاز يقوم بتشخيص الأورام وظيفياً قبل ان تشكل كتلة كبيرة ويساهم في كشفها ومتابعة علاجها… ويعتبر هذا الجهاز اكثر تطورا من جهازي السونار والرنين المغناطيسي، ….. راح نكدر من خلاله من اكتشاف مرض السرطان من وكت …. ويحدد مكان المرض من خلال صورة أكثر وضوحا من الاشعة السينية والتصوير المقطعي يبين وبوضوح مكان المرض…..
احتمال باجر يوصل …. خلي فحصها لباجر ان شاءالله و واول وحدة هيه ندخلها لغرفة الفحص ….

احمد … اشكرك دكتور وممنون منك ….

دكتور محمد … لا هذا واجبي ابني واحنه ويه كل المرضى نتعامل هيج لتنسه مهنتنه انسانية مو تجارية …. يله من رخصتكم

احمد …. بس دكتور من رخصتك اخذ من وكتك دقيقه ..

ابو لينا .. اي ابني اتفضل تعال للمكتب هناك نحجي ..

احمد …..اي دكتور جاي وراك … رونق اكعدي هنا انتي هسه ارجعلج … رحت وره الدكتور محمد ودخلت وراه كلي اتفضل كعدت … كتله دكتور اريد احجز غرفة ع نفقتي الخاصة لقريبتي الشفتها ….. حتى ابدي وياها بمسيرة العلاج مالتها …..

دكتور محمد … اي عادي مابيها شي وهم الخاطرك حسويلك تخفيض 50% …

احمد … اشكرك دكتور ماعرف شلون اردلك هل افضال ..

دكتور محمد … هههه العفو وليدي .. يله شد حيلك باجر حظروا المريضه وجيبوها تتعالج وان شاءالله خير …

احمد …ورحت ع رونق وديتها للبيت …..
وجبتلها خادمه حتى اداريها لان المرض كام يبين عليها دومها نحلانه وتعبانه ….. وعظمها يوجعها

طلعت بره اتصلت بلينا وكتلها مشتاقلج واعتذرت منها لان منشغل عنها بالوضيفة الجديدة …. كتلها لازم اكون حريص ع شغلي … ولازم اثبت لابوج قدراتي واهتمامي بالمستشفى ….

لينا … الله يقويك حبيبي ويوفقك ان شاءالله …

احمد .. تسلميلي يابنت روحي …. يله اروح اني ان شاءالله بالليل اخابرج …
وسديت الخط ورجعت للمستشفى … بقيت اشتغل وارتب بالمختبر …. واجوي مرضى للمستشفى وبديت امارس مهنتي بحذر واهتمام …
رجعت للبيت بعد ماخلص الدوام … لكيت رونق نايمة وحالتها دترجع يوم عن يوم ….كمت حظرت ملابسها بالجنطه واي شي تحتاجه وسئلتها شنو احطلج بعد … كالت هاي هيه عاشت ايدج ….

صار الصبح كعدنه كتلها لازم تروحين صايمة متاكلين اي شي ولا تشربين شي حتى تكونين مستعدة للفحوصات ….. واخذتها وطلعنه للمستشفى …. وصلنه ونزلنه من السيارة لزمت ايدها حسيتها ترجف …. دخلنه للمستشفى وصعدنه بالمصعد ودخلنه للغرفة الحجزتها الها … اتمددت وغطيتها ورتبت غراضها بالديلاب … ونزلت للمختبر وصيت الممرضات عليها ….
اجه الدكتور محمد سلمت عليه وكلي .. احمد ابشرك الجهاز وصل وهسه حطوا العمال بغرفة التشخيص ….. عود جيب قريبتك حتى نسويلها الفحوصات اللازمة …

احمد … تسلملي دكتور وربي يعلي مقامك ويحفظك النه يارب …

د. محمد … اشكرك ابني يله اني رايح للغرفة ..

احمد .. دقايق واجيب قريبتي واجي …
صعدت ورحت لرونق حظرتها ونزلتها جوه ودخلنه لغرفة تحضير المريض … اجتي الممرضه نطتها ابره لمادة مشعه حتى تسهل عملية التشخيص بالجهاز وكلتلها انتظري ساعة حتى نبدي وياج التصوير المقطعي ….. وراها غيرتلها ملابسها ولبستها ملابس المستشفى
وره ساعة اجه الدكتور وكال يله تفضلي …. دخلت رونق لغرفة الجهاز وكلها الدكتور نامي ع سرير الجهاز …. ساعدتها لرونق حتى تنام عدل وكللها خما ماكلة شي … كلتله لا دكتور صايمة جيت …. وسئلها عن مكان الوجع وشنو الي تحسه وجاوبته رونق ….. وكلتله بمنطقة الصدر الالم …. كلها تمام هسه اريدج تنامين بدون اي حركه …. حتى نبدي التصوير المقطعي ويستغرق تقريبا نص ساعة …..
وبده الدكتور بتشغيل الجهاز ودخلها جوه داخل الحلقة وكام يصور جسمها كله …..
…..
لينا … اليوم مراح ادوام بالكلية اريد اروح لحبيبي اباركله ع شغلة الجديد وراح اسويله مفاجأة ….. هسه يطير من الفرح فدييته ? … لبست احلى لبس عندي وشسورت شعري ومكيجت خفيف طلعت اجنن ?
واخذت تكسي ورحت للمستشفى ….

احمد … كمل الدكتور فحص رونق وكومتها من السرير وكعدت رحت لمكان التصوير طلعت نتائج ….. شفت الدكتور وجهه ميبشر بالخير حسيته عرف شي … كتله خير دكتور احجيلي فدووة شنو النتيجه ….

دكتور محمد … للاسف حالتها متأخرة والمرض منتشر بكل جسمها …. اشعجب معرضتوها ع اخصائيين من قبل …. وين جنتوا عنها …

احمد .. اني سمعت هيج انهد حيلي مادري ليش اول مرة احس راح افقدها لرونق ….. كتله دكتور هيه مجانت تشكي من اي ألم ولا تحجي … لحد ما كامت ماتتحمل الوجع وتتخربط ياله انتبهت عليها …. واخر الايام ياله وديتها سويتلها خزعة ……..وطلع بيها هل مرض …. يعني دكتور ماكو امل …
بهل اثناء شفت رونق واكفه دتتسمع ع كلامنه وكعت من طولها ….. ركضت عليها وشلتها وديتها للمختبر …. كعدتها وكتلها هاج اشربي عصير شوية سكرج هبط من الصدمه يمكن ……
رونق انتي مؤمنه بالله ولازم تثقين بي ان شاءالله نكدر نعالجج ….
هيه أنهارت فدنوب وكعت بحظني وشبكتني وكامت تبجي …. اني بدون وعي حظنتها لان انقهرت عليها حييل ……شي مؤلم تشوف مريض يبجي بسبب مرضه ويدري راح يفارق الحياة وهاي ايامه الاخيرة …….
بهل لحظة وجان …. ?

error: