عشقي لكِ كالمحيط – سارة المجيد

#عشقي_لكِ_كالمحيط

#بارت1

حبايب هاي القصة خيالية بقلمي #سارة_المجيد ان شاءالله القصة تعجبكم واتمنى منكم تتفاعلون ويه القصة حتى اتشجع ونزللكم البارتات يوميه ☺☺☺……. هذني بارتين حتى تنسجمون ويه القصه

هلووو شلونكم اعرفكم عن نفسي اسمي لينا .. عمري 20 سنة …… لون بشرتي بيضه وعيوني سود وساع .. طولي 159 .. شعري اسود سرح طويل … ادرس طب بشري مرحلة ثانية ……ومتفوقة جدا بدراستي ودائما معدلاتي عالية وبابا يفتخر بيه يكولي انتي ذكية العائلة ??

ابدي احداث قصتي من كنت صف خامس علمي … اهلي اثرياء جداً … كانوا عايشين بالخارج …
بابا يشتغل موضف بالسفارة العراقية بالهند وعنده شهادة بكلوريوس بالطب لعلاج السرطان وكان يمارس مهنته بالهند في مستشفى “أبولو” في حيدرأباد …….. ماما ربت بيت … جان شغل بابا يحتم عليه السفر بكل وكت .. وياخذ ماما ويا … عندي 2 اخوه و2 خوات … اختي الكبيرة اسمها مينا .. والصغيرة تينا … اخوية الكبير قائد والصغير اسد … اني الوسطانية بترتيب الاخوة …
كنت احب السفر دائما لان بابا عودنه ع هل نمط … حياتنه كانت كلها رفاهية سعيدة …
احنه جنه نسافر ويه اهلنه بس بوكت العطل .. علمود مدارسنه منكدر نسافر كل وكت وياهم …
جان يخلونه يم بيت جدي اهل بابا …
واهل جدي جانوا يعزون ابوية لان عنده فلوس … لان من يجي ميخلي بجيبه فلس كله يصرفه عليهم … ف يكيفون من يجي ابو قائد ? ..
اشكال الهداية واشكال الماركات والفلوس والطلعات كله الهم …
لينا … بيبي خابريلي بابا والله اشتاقيتلهم شوكت يرجعون ? ..
بيبي … خابرهم جدج راس الشهر كال راح يوصلون لان ابوج ملتهي بالوفود ويه السفير هناك …
لينا .. صدك بيبي ? يعني راح يجون واشوفهم …

كمت ورحت لغرفتي طلعت كتبي وكعدت اقرأة دروسي … كملت اتمددت شوية … طبت اختي الكبيرة

مينا .. ها ولج شو نايمة ليش مكاعد تقرين ..

لينا .. والله قريت لحد ما هلكت .. هسه كملت ومددت شوية …
مينا … عفيه بالشطورة .. عرفتي اهلنه راح يجون براس الشهر …

لينا .. اي بيبي كالتلي ? … اووف شكد مشتاقتلهم …
مينا … ههههه ديله تعالي شوية ننزل للحديقه ضوجه ..

نزلنه جوه .. شفنه ابن جوارينه يم عمي كاعد .. اسمه خالد .. جان يحب مينا بس يستحي يكولها لان صديق عمي ومترهم يعترفلها بحبه .. بس جانت نظراته فاضحته يحبها … بس مينا ولا يمه جانت تحب ابن خالتي وهوه هم يحبها بس محد يدري بس اني ادري بيهم ? ..
اني جنت ماعترف بالحب يعجبني اخذ شخص صاحب شخصية قوية الكل تهابة وتحسبله الف حساب ميهمني الحب ابد … حتى لو ازوج زواج تقليدي مو مهم اهم شي هل شخص عنده شخصية نفاذة ..
عمتي صاحتلنه ع العشة .. رحنه اني ومينا نساعدهم بفرش السفرة .. جانوا زينين ويانه .. جدي جان هواي عصبي بس گلبه طيب حييل وكذالك بيبيتي …
كملنه العشة وشلنه السفرة ومينا غسلت المواعين واني سويت الجاي …
واجه راس الشهر ورجعوا اهلي من الخارج … وطرت من الفرحه بشوفتهم … صعبه الاهل يبتعدون عن اولادهم … لان احنه بعمرنه هذا محتاجين حنان الام والاب …
بس همه يسافرون حتى يوفرون النه العيشة الكريمة حتى ميخلونه نحتاج لاحد …
يعني لازم نتقبل الوضع …

صارت امتحانات نصف السنة وامتحنه اني واخوتي وخواتي …
والحمدلله كان الامتحان نمطه سهل مابي صعوبة …

وراها اخذنه النتائج وطلعنه ناجحين كلنه …
وبدت العطلة مال نصف السنة ….. واجوي اهلي من الخارج .. وكالعادة محملين اشكال الهداية …
رحت ركض ع بابا شبكته وبوسته وعلى ماما شبكتها ونمت بحظنها اوووف ياريحة الام عطرها من الجنه عبالك ? …
كعدنه كلنه داير مدايرهم وبده بابا يفتح الجنط وهاي احلى فقرة طبعا لان راح يطلع الهداية ? ..
كام يوزع كلمن وهديته … كلهم فرحوا وكيفوا بالهداية …
عندي 5 عمام و 4 عمات … وعم واحد شهيد بحرب ايران

وراها ثاني يوم اخذنه بابا ورحنه لبيتنه …
حلوو احساس انت بين عائتلك بين امك وابوك واخوتك … احنه جنه محرومين من هل لمة بس بالعطلة نلتم هيج …
بابا … ام قائد حظريلي الحمام اريد اسبح حتى اطلع للسفارة .. وحظريلي الجوازات هم حتى افيزهن …
ماما .. صار بس احط القوري ع النار ..
مينا … ماما شوكت حتسافرون
ماما … ان شاءالله بعد يومين ونسافر … مادام خلصتوا الامتحانات ونجحتوا حتى نسويلكم فيزة وناخذكم ويانه بعد …
لينا … الله محتاجه هل سفرة بشكل اريد ارتاح من ضغط الامتحانات ?? …..
ماما اريد اروح للسوك اشتري غراض وملابس ?

ماما … اي حبيبتي تدللين حتى لخواتج هم نشتريلهم حظروا نفسكم حتى نطلع العصر …
لينا … ايييي صااار ?

والعصر طلعنه للسوك اني وماما وخواتي … اشترينه ملابس .. لان ورانا سفرة ولازم انجهز الها ?
اشتريت بناطير كابوي وبلوزات واحذية كوومه .. دخلنه ع محل كوزمتك اشتريت اكسسوارات وشغلات للبشرة اعشق هل سوالف ? …
كملنه تسوق وجبنه اكل جاهز من المطعم ورجعنه للبيت اتعشينه وخلصنه … صعدنه اني وخواتي لغرفتنه … طلعنه غراضنه وكعدنه انكدرهن طلعن يجنن علينه وراها سفطناهن وحظرنا بالجنط
جانت العطلة مال نص السنة والدنيا شتاء باردة… واجه وكت السفر ورحنه للمطار …
بابا كمل الاجرائات وكعدنه بصالة الانتظار … وراها سمعنه نداء الرحلة مالتنه …. صعدنه بالطيارة … انطلقت الطيارة وطارت بالجو .. بهل اثناء الجو جان شوية مغيم وبي هوه عالي …
بس مامنع الرحلة تطلع عادي طلعنه …
شوية شوية الجو صار اسوء …
وكامت تمطر زخات قوية وترعد … الطيارة اختل توازنها وكامت تهتز ..
احنه خفنه لا يصير قدر بينه هل مرة … كمنه نقراة ايات ونسبح للسلامة …
اجتي المضيفه كالت اربطوا الاحزمة رجاءا للطوارئ …
العاصفه اشتدت بينه والجوء فد نوب صار … والطيار فقد السيطرة ع الطيارة … ورسل نداء استغاثة لبرج المراقبه ..
كلوله اهبط باقرب مطار يمك للطوارئ … وفعلا كلنه اتحظروا للهبوط الاضطراري بمطار( ….. )
وهبطنه ونزلنه سلامات الحمدلله … لحد ما استعدل الجو ياله واصلنه الرحلة مرة لاخ … وصلنه للهند نزلنه بالمطار … الهند طبعا مناظرها اتجنن الخضار البيها عبالك بساط مفروش من الورود والاشجار شي فوق الوصف …
طبعا احنه عدنه بيت بمنطقه بالهند بصف السفارة العراقية هناك … مو ملكنه بس الحكومه تنطي للموضفين بالسفارة بيوت حتى يقيمون بيها ..ويه عوائلهم …… وبيتنه جان جدا فخم وحلووو … حديقة كبيرة بيها اشجار فواكه .. ومسبح كبير ……
دخلنه وطببنه الجنط وصعدت لغرفتي … بيها سرير وكنتور ملصق بالحايط وميزتواليت نازك وستائر شيفون بألوان خلابه … غرفتي جانت بيها بالكونه مطله ع الحديقه من صفحة المسبح …. المهم فتحت جنطتي ورتبت ملابسي بالكنتور …
طبيت سبحت وطلعت لبست تراك ابيض بي لعابة وردي ….
سرحت شعري … ونزلت شفتهم ديحظرون العشه …. رتبنه السفرة وكعدنه ع الميز اتعشينه كملنه …. وشلنه السفرة …..
مينا غسلت المواعين واني نظفت البيت لان جان متروك وبي تراب ……
طلعنه بالحديقه شوية الحارس مال الباب جان واكف وديشرب جكارة … شافني عاد طفاها وسحكها برجله ….
كعدنه يم المسبح المكان جان باااارد عاد دخلنه جوه …. كعدنه نتفرج تلفزيون ….. طلع فلم هندي بطولة ميتاب كووولش حلوو….
وثاني يوم طلعنه وودانه بابا لمتنزه وندرلا …..

بصراحة كان يوم جميل جدا داخل منتزه ((وندرلا الترفيهي)) ….
لان هيه أفضل ملاهي في مدينة بنغلور بشكل عام
وندرلا هي ملاهي مائية وكهربائية كبيرة جداً ……

وتقع عل بعد ساعتين او ساعة ونصف من مدينة بنغلور.
المكان مناسب للعوائل والشباب …….وفيه مطاعم داخلية وجلسات الملاهي المائية عبارة عن زحلايق عملاقة وهناك مسبح الامواج والعديد من الاماكن المائية كا الديسكو المائي وغيرها الكثير,……. هناك ايضاً ملاهي كهربائية متكاملة عملاقة ومتنوعة بالمختصر المفيد وندرلا لازم الواحد يزوره كل من راح الى بنغالور …… نصيحتي للي يريد يروح الى هنامولا .ليهمه سعر التذكرة بكد ما يهمه الاستمتاع بالرحلة ولازم تاخذ تذكرة Fastrack ……..اذا كان بيوم عطلة او نهاية الاسبوع لأن الازداحم الشديد يخليك تكره اليوم الي فكرت بالروحة الهناك بس مع تذكرة Fastrack بإمكانك الدخول في اي لعبه بدون الانتظار في الطابور…..
ماسولفلكم ع المتعة الي حسيتها واني بهذا المكان طبعا شي من الخيال يعني متريد تطلع لان كل المناظر والالعاب تشدك ? …. صار الليل اتعشينه ورجعنه للبيت هلكانين من التعب
وراه يوم بابا كال باجر طلعتنه مفاجأة الكم …..راح تحبون المكان كوولش …. اني طرت من الفرح الهند مكاناتها عبارة عن قصص من الخيال مالها نظير …… صار الصبح كعدنه شفت امي جايبة خادمه باكستانية ودتعاونها بالشغل كعدنه ع الميز حطتلنه الريوك … جانت مسويتلنه فطاير بالجبن والخضار طعمه رهيب ?? ….. المهم اتريكنه وكملنه وصاحلنه بابا …. يله حظروا نفسكم حتى اوديكم لتاج محل …..
لينا … كمزت شبكته لبابا وطرت من الفرحة هل مكان عششق كوولش احبه ?
(( طبعاً تاج محل موجود بمدينة أغرا بالهند، وفي ولاية أوتار براديش …….ويقع على ضفاف نهر يامونا …..، ويُطل على قلعة أغرا ….. ويتمثل تاج محل على أنَّه رمز من رموز الحب المشهور؛….. فهو ضريح عاجيّ وأبيض اللون، بناه الإمبراطور المغوليّ شاه جاهان تخليداً لزوجته الي حبها هواي (ممتاز محل) بعد وفاتها.)) …
وفعلا اخذنه بابا لهذا الصرح التأريخي … افترينه بي طبعا جان يجنن حبيته ? اخذنه صور للذكرى …
وراها اخذنه لحديقه عبارة عن خضار و ورود من كل الاشكال والانواع ….
بعدين رحنه اتعشينه بمطعم هندي ? …. جابولنه ستيك لحم …. بابا شافه شك بي لحم خنزير ….
كله للكابتن بالهندي لان بأقامته بالهند اتعلم لغتهم كله احنه اسلام محرم علينه ناكل لحم الخنزير ….
عاد الكابتن اتأسف منه وكال اسفين مجنه نعرف …. وراها قدمولنه دجاج يسمط سمط حاطين بي شطه ??…عيني رادت تطلع من الحرارة البي ???

اني كلت ماريد اكلهم شنو هاي … ضحكوا عليه و
رجعنه للبيت ماما سوتلنه عشه عراقي فدووة لطبخها ? لاهندي ولا صيني مانتوالم ويه اكلهم ?? ….

طبعا من ياخذنه بابا بالعطله يعوضنه عن السنة العافنه بيها …. يعني صدك يفرحنه ويونسنه …..
عطلة نصف السنة بس 15 يوم … وبابا يوميه يطلعنه ……
ودانه لدلهي ورحنه لسوق خان …. وسوق تشاندي تشوك .. أقدم الأسواق وأكثرها أزدحاما بدلهي …..
اشترينه ملابس هنديه ساري اسود وبي فصوص فضي يلمع يجنن … وساري تركوازي بي شذر ذهبي يمووت ….. واخذنه اكسسوارات وهواي شغلات …..
تعبنه من الفرارة رجعنه للبيت ?? ..