رواية لمى في شقة شباب
-10-
منصور يقاطعها:الله الله كل هذا فيني حرم عليك والله كنت اكرهك لأنك
دلوعه وابوي حبك ونساني
لمىههههههههههههههههههه
منصور:والحين تكرهيني؟
لمى:لا
منصور:بس لا كملي قوليها
لمى بهمس:احبك
منصور بنفس الهمس:وانا اموووت فيك انتي سكنتي قلبي من يوم عرفتك
لمى اكتفت بالإبتسامه
منصور:لمى تكفين لاتتركيني مهما صار ترى انا من دونك منتهي
لمى:ليش تقول كذا انا معك طول العمر مرح اتخلى عنك
منصور:والله خايف بسبب تجربتي الأولى
لمى تبي تطلعه من هالجوء:انسى
منصور:إنشاء الله
لمى اعطته نظره وبنبرة حب:قول نسيت ترى والله اغار عليك
منصور ابتسم لها:صدق
لمى:والله صدق انا احبك وماابي اي وحده تعكر مزاجك
منصور:هذا ماضي وانا احاول انساه وابيك تنسيني ياه
لمى:أكيــــــد بس انت ارتاح ولاتشيل هم دام إني معك
منصور:آه ياقلبي والله احبك واحبك
لمى:سلامت قلبك
منصور:عذبتيني بحبك
لمى اول مره تمرعلى موقف رومنسي وبكل الطرق تحاول تغير الجوء:
طيب خلاص بيسمعونك
منصور:خليهم يسمعون
لمى:لا ماابيه يسمعون
منصور:ليش تغارين بعد
لمى:ايه اغار وترى اعترافك الي قبل العشاء مسكوه البنات علي
واحرجوني
منصورهههههههههههه ماعاش من يحرجك
لمى:عادي يحرجوني بس مابيهم يحسدوني
منصور:يحسدونك ليش كل هالخوف؟
لمى:انت لو سمعت كلامهم والله تخاف وترتبك
منصور:ليش اش قالوا
لمى:يقولون خمس دقايق واعلنت حبك لي , هذا الجمله بحد ذاتها تخوف
منصور:ليش الخوف قلت لك دامك معي لاتخافين
لمى:ماخفت بس الناس ماترحم خل الكلام الحلوإذا كنا لوحدنا
منصور:تامرين امر
لمى:تسلم لي
منصور:لالالالالالالالامااق
لمى:منصور لاتحرجني ترى والله ماتعودة على هالكلام
منصور:من اليوم ورايح تتعودين
لمى:خلاص يالله طولنا انابروح كفايه تعليقاتهم على العشاء
منصور:طرده يعني!
لمى:لاتفهمني غلط والله ابيك معي على طول بس تكفى حس فيني
ولاتحرجني معاهم
منصور:خلاص حاس فيك , وهذا رقمي ردي على إذا دقيت
لمى:كيف تدق وانت ماتعرف رقمي؟
منصور:خالك حاتم اكثر من اخوي واخذة رقمك من عنده
لمى:توني ادري
منصور:يالله مااطول عليك تامرين على شي
لمى:سلامتك
منصور:سلامتك كذا حاف
لمى:سلامتك ياعمري
منصور:انتي عمري ودنياي
لمى :يووووووووووووه خلاص طولت
منصور:يالله مع السلامه اشوفك بعدين
لمى:الله وياك ودير بالك على حالك
منصور:انتي يتجننيني اليوم
لمى:يوووووووووووه
منصور:خلاص فهمت فهمت يالله باي باشتاق لك
لمى ابتسمت له واشرة على قلبها:وقلب بعد
منصور:ياقلبي عليك يالله مع السلامه
لمى مع السلامه
طلع منصورلشباب يودعهم
ولمى طلعت الغرفه تبدل ملابسها وبعدها نزلة بتروح للاولاد وهي ماره
بالصاله
شهد:يووووووووه منك قلنا تزوجت بتعقل وانهبلتي زود
لمى:والله عيال اخوانك يخلوني العاقل ينهبل
نجوى:ليش اش مسوين لك؟
لمى:بغوا يحرجوني قدام منصور
الجده:خليهم يابنتي
لمى:والله مااخليهم برد حركتهم لي امس واليوم
نجوى:روحي روحي بالتوفيق
ام حسام:إذا تبين فزعه دقي على خالاتك
شهد:لامايحتاج والله ماني بايعه نفسي
لمى:المهم مع السلامه
ام بندر:تعالي وين بتروحين عيالي قدامك
لمى:والله انا خلاص تزوجت واكبر عيالك ثاني متوسط يعني توه صغير
الجده:وازواجهم
لمى:راحوا من زمان المهم بااااااااااااااي
مرة على المرايه وظبطة شكلها وعدلة بدلتها وتجهزة للمضاربه
وطلعت من الصاله وراحت للمجلس الخارجي ودقت الباب بطريقتها
الخاصه
اول مادخلت الشباب من اشكالهم متفاجئين بدخلتها وكانهم يبون يقولون لها
شي
هي على طول مااعطتهم فرصه شمرة عن يدينها وصفقة لهم:يالله انت وياه
على جنب
الشباب متجمدين وماقدرو ينطقون بشي
لمى:الحركه الي سويتوها امس وبغيتوا تسوونها اليوم ماتمر على كذا لازم
اخذ حقي
الشباب خلاص ماقدرو يتصرفون ويصرفونها ضحكوا على كلامها وشكلها
يوسف:والله كنت ابي ارد لك الحركه واحرجك مثل مااحرجتيني قدام
الشباب
لمى:تقصد امس! ليش اش قلت لك؟مااذكر اني احرجتك!
يوسف يقلدها:داخله سوق خضار عشان انقي لك
لمىهههههههههههههههههأي معليش اسمح لي ماكنت ادري انك حساس
سيف:طيب اقلبي وجهك المجلس كله شباب
لمى:كلهم اخواني وخوالي وعيال خالاتي
بندر:طيب اطلعي برى انا مااكشف عليك
لمى:ياحبيبي رووووح انت بزر
يوسف:بزر في عينك المفروض تتغطين عنه
لمى:المهم لاتصرفون الموضوع اش كنتوا ناوين تسوون
حازم:كانوا يبون يحرجونك مع منصور بس الله ستر وجاء ابوي في الوقت
المناسب
لمى:الله يخليلي ابوي ولايحرمني منه
نادر:لمى روح جيبي لي كأس مويه
لمى:شف المويه قدامك , اوووووووووووه شاي
نادر:بارد لاتشربين
حاتم:لمى اختي حبيبتي روحي سوي لنا واحد جديد من يدينك
لمى جلست :اقول مافيه فنجال نظيف
يوسف شاف انها فرصه حلوه يحرجها:اختصري وقولي وين فنجال منصور
لمى بقوة وجه:ايه وين فنجاله ابي اشرب فيه
سيف:يابنت استحي على وجهك
لمى:والله ماقلت شي غلط كل الي ابيه فنجاله
يوسف:نخاف تسكرين علينا من بعد ماتشربين فنجاله
لمى بصوت ناعم:ياليت والله هذا منصوري فديته
الأولاد خلاص انحرجوا منها وماقدرو يصرفونها يبونها تطلع من عندهم
بس هي ناشبه لهم
حاتم:شباب خلاص اتركوها موب انتوا كنتوا تبون تحرجونها خلاص الحين
احرجوها
يوسف:والله جيتي والله جابك
لمى:تكلم منا لصبح ماعندي اي مشكله
حسام:والله بتندمين مثل امس
لمى:خلهم على راحتهم ” احرج على كيفك انت وياه”
الشباب ضحكوا بهستيريا
نادر:لمى تحبين منصور
لمى:اموووووووووووووووت فيه
نادر:وينك يامنصور تشوف وتسمع
لمى تغني:آه…وينوه حبيبي وينوه…البي الله يعينوه…على الهوى وطول
البعاد…غايب احلى الحبايب
بندر:يبنت اعقلي واثقلي شوي
لمى:غريبه اش فيكم اليوم عقل وثقل وتنصحون اش عندكم؟
معاذ:مقهورين يبون يتزوجومثلك
لمى:يحلمون
حاتم:ليش نحلم؟
لمى:انا بنت وانت ولد
معاذ:طيب اش الفرق
لمى:الولد لأزم يكون متوظف وعنده سياره وبيت يعني يبي لك تحفر لين
تكون نفسك اما البنت في اي يوم تزوج ماعندها اي مشكله
يوسف:يعني لوا جاء منصور الحين وقال ابي الزواج بكره توافقين
لمى:ايه اوافق
يسف:يعني خلاص مابتدرسين تشريح
لمى:والله كنت ابي ادرس بس خلاص زواج ودراسه ماتجي
حازم:اتركينا من التشريح وقول لي شفتي منصور؟
لمى:ايه شفته يالبى قلبه
يوسف:ايه وبعد
لمى:اش الي بعد؟
يوسف:يعني اوصفي بالتفصيل شكله كلامه صوتها كيف؟
لمى:يوووووه لو اوصفه من اليوم لبكره ماانتهيت
معاذ:لا شكله ماخذ عقلك
لمى:عقلي وقلبي
حسام:لملم اذكر انك ماتعرفين تتغزلين معقوله كل هالكلام الحلو من تأثير
منصور عليه
لمى:يوه انت بس خلني اخطب لك وإذا شفتها والله تفقد احساسك
حازم:ترى قلنا لمنصور إنك بتزوجينا قال زوجتي ماتشتغل خطابه عندكم
لمى:بعدي والله ياناس تلوموني في حبه شف من اول يوم يدافع عني
سيفهههههه والله بتندمين على كلامك
لمى:وليش اندم وحده تمدح زوجها فيها شي
يوسف:لامافيها شي بس يعني راعي حالتنا
لمى:اوووووه صح نسيت انكم عزاب وين حتومي
معاذ:ايه الحين حتومي واسحبي علينا
لمى:اول شي حتوم خالي وصديقي وهو متزوج ومره وحده هو صديق
حبيبي
يوسف:شباب تقول منصور حبيبها
لمى:ايه حبيبي وحبي وحياتي عندك شي !
معاذ:والله ارحمك من الي بيجيك اليوم
لمى:ليش اش بيجيني؟ هديه مثلا
يوسف:لا
لمى:اجل
نادر:اليوم هذا بيكون مدون في ذاكرتك حتى لو صرتي عجوز
لمى:اكيد فيه وحده بتنسى يوم خطوبتها!
حسام:اقول روحي لحاتم ازين لك
حازم:صادق حسام روحي عند حتوم خذي نبذه عن حبيب القلب نصور
لمى وهي توقف بتروح لحاتم:لوسمحت لاتقول نصوراصغر عيالك هو
حازم:عادي ندلعه
لمى:انا زوجته ادلعه على كيفي
حاتم:يعني ممنوع ندلعه
لمى:ايه ممنوع
نادر:والله هو صديقنا من زمان وبناديه مثل مانبي
لمى:معليش حبيبي اغار عليه
يوسف وهو ميت ضحك:روحي روحي
حسام:حتوم ينتظرك
سيف:قلنا لك بتندمين
لمى:فارق انت وياه
يوم التفتت بتكلم خالها حاتم انصدمة بوجود منصور
حاتم وهو يضحك على شكلها:تعالي ياقلب حتوم
لمى حالتها لاتوصف احراج xاحراج من اليوم تمدح وتتغزل فيه وفي
الأخير موجود
نزلت راسها وطلعت من المجلس والشباب قلبوا على منصور
الشباب:ياهوووووووووووووووو
يوسف:اش سويت بالبنت؟ اعترف؟
حسام:سحرة اختي ياويلك منا
سيف:بالله اش رايك فينا؟
يوسف:ترى هي احرجتني امس وكنت بحرجها يوم دخلت عندك بس الله
ماكتب
معاذ:مسكينه والله رحمتها
نادر:يحظك تحبك
يوسف:الله عوضك بحبك الي خسرته
منصوربيطير من الفرحه :الحمدلله
حاتم يهمس له:لايقين على بعض
منصور:خلاص شباب لاتحرجوني
معاذ:اخص يالي يستحي ترى زوجتك ماتستحي مثلك
منصور:وانا هذا الي ابيه
ناادر:بهذا صدقة والله تنسيك اهلها
منصور:الله يخليها لي
حازم:برى
حسام:لا انا بكره متزوج متزوج
حاتم:تزوجوا شوفوني انا منصور كيف مرتاحين
حاتم:معليش انا انتظر انتظر بنتك عاد انت سميي يعني بتزوجني ببلاش
حاتم:لايا شيخ هذا بنتي
حاتم:وانا سميك
منصور:فاصل انا انسحب يالله مع السلامه
يوسف:الأيام جايه بس روح الله وياك
منصور:يالله ماطول عليكم الوقت تاخر واهلي ينتظروني
معاذ:تصدق إني فرحت لك يوم خطبت لمى الحين بتصير منا وفينا
سيف:والله كنت خايف انك تتزوج وتبعد عنا وتنسانى
منصور:تسلمون والله
حاتم:يالله انا استأذن بروح اشوف البنت اش صار لها
منصور:تكفون شباب طلبتكم لاتحرجونها اتركوها
الكل ضحك على اهتمامه بلمى ,,
صح انه استحى منهم بس استغل وقت ضحكهم واشر لهم باااي وطلع
————————–
لمى حالتها ماتوصف من شدة الأحراج
على طول طلعت الغرفه وشافهوا خالاتها وطلعوا وراها
شهد وهي داخله:هاانتصرتي ؟
نجوى:اكيد تبين فزعه
لمى وهي تضحك:لا
شهد:اجـل
لمى:يوه يابنات والله احراج خلاص هونت ماابيه
نجوى باهتمام:ليش اش صاير؟
لمى :اليوم صار لي موقفين اش والله ماانساه لواموووت
شهد:اكيد احلى الأيام مع حبيب القلب كيف تنسينه
لمىههههههه طيب اسمعوني
نجوى:نسمعك
لمى:تخيلوا ابوي وعمي اليوم يقولون إني انا الي جرحته في وجهه يوم انه
صغير
شهد:يوووووه فشيله
نجوى:والسالفه صدق
لمى:ايه صدق انا الي جرحته والمشكله جرح كبير والله انحرجة يوم عرفة
إنه هو لأني أذكر اني جرحة واحد بس ماتوقعة انه منصور
نجوى:انتي ماضيك اسود يكفي عبدالكريم كسرتي سنه
لمى:خلاص لاتذكريني والله كل ماتذكرة ذاك اليوم اتمنى الموووت
شهد:طيب اش قال يوم عرف؟
لمى:قعد يضحك تخيلي كان يكرهني لأنه اصغر واحد ودلوع وإذا رحنا
عندهم ينساه ابوه ويهتم فيني كان يسميني الدلوعه
نجوى:حركات يادلوعه
لمى:اسكتي ترى هذا الموقف موب شي جنب العيد الي جبته
شهد:عيد ! انتي اعيادك قويه قولي كل شي وبالتفصيل
لمى تذكرة اشكال الشباب اول مادخلت وتصريفاتهم ومفاجاءة منصور
ومقدرة تصبر ضحكة بأعلى صوت
نجوى:بصطرك تكلمي حمستيني
لمى:تخيلوا يوم دخلت المجلس سويت فيها إني جايه انتقم وقعدة اهددهم
وهم يصرفوني جيبي مويه جيبي شاهي وبندر يقول تغطي عني وانا ناشبة
لهم وكلمه مني وكلمه منهم وفي الأخير جلست اتقهوى ويحاولون
يصرفوني بس ماقدروا قالوا بتندمين وطنشة كلامهم وبدوا يكلموني عن
منصور وانا ماقصرت طحت مدح فيه وكل شوي يقولي سيف ” يابنت
بتندمين, يابنت اعقلي” وانا مطنشه في الأخير قالوا حنا عزاب وارحمينا
المهم قلتلهم خلاص انا بروح عند حاتم وين حتومي طبعا حاتم كان جالس
وراي على طول وماكنت ادري عنه لأني ماانتبهت يوم دخلت المهم وانا
واقفه استفزوني بكلامهم وطلعت غيرتي على منصور وتكلمة عنه بكلام
حلو شوي الزبده
هههههههههههههههههههههههههه
ــأي
شهد ونجوى :كملي
لمىهههههــأي والله بغيت اموت ههههههههههههههـأي
شهد ماعندها صبر:قولي بسرعه ولا اروح اسئلهم
لمى:لالالالالالالالالالالا
نجوى:بسرعه
لمى وهي تضحك:تخيلوا من شفت؟
نجوى وشهد بوقت واحد:منصور
لمى : ايه ………”وطاحت من الضحك”
شهد:احراج بموووت
نجوى:اش سويتي ؟
لمى:حطيت رجلي
نجوى:يووووه احرررررررراج وبقوه
سيف وهو داخل:تستاهلين من الصباح وحنا نصرفك
لمى:اش دراني انها تصريفه
حاتم:بس والله حركتك رهييبــه
معاذ:هبلتي بالولد بيسهر الليل بسبتك
لمى:الله ياخذكم ليش ماقلتولي انه موجود؟
نادر:والله اش نسوي فيك إذا كنتي بقره نلمح لك جيبي مويه نبي شاهي بس
ماتفهمين
سيف:قلت لك بتندمين
لمى:خلاص تكفون لاتحرجوني كفايه ابوي وعمي
نادر جلس بجنبها وسالها باهتمام:ليش اش سويتي بعد؟
شهد:تخيل فالقه الولد يوم انه صغير
الشباب ماتوا ضحك عليها وطاحت في شهد ضرب:اسكتي ياحيوانه كفايه
إلي صار
حسام:من جدك فلقتي الولد؟
لمى معصبه:مافلقته جرحته
حازم:نفس الشي
معاذ:وين فلقتيه؟
خالها حاتم:لايكون الجرح الي بوجهه
نجوى:ايه هو
يوسف يستهبل عليها:فشلتينا في وحده تفلق زوجها الله يهديك ليش تسويين
كذا
سيف:وانا اقول اش في الولد من يوم شافك يقول احبها واموت فيها
نادر:شكل الفلقه سوة سواتها وحبك
حسام:لاياشيخ اكيد يبي ينتقم
حاتم:والله فشلتينا مع ولد الناس
لمى:مالكم دخل
خالها حاتم:خلاص شباب اتركوها
معاذ:انا الي اعرفه والي اشوفه واحد يصدم وحده ويعالجها ويحبها بعدين
يتزوجها اما انتي !
نادر:فلقت الولد وحبك عليكم رومنسيه انتي وياه مادري اش تبي
لمى شوي وتبكي من الأحراج وتعليقاتهم:اش دخلكم والله لو ماطلعتوا
انادي ابوي
حازم:ناديه ياحلوه خالاتي هنا مايقدر يدخل
لمى خلاص متحملتهم وقفة ونطة من على السرير وطلعت ركض وتخبت
في مكان محد يدري عنها
يوسف:هنيالهم
نادر:قول مشاء الله
يوسف:مشاء الله بس والله حركتها رهيبه يوم دخلت
سيف:في البدايه انحرج منصور بس يوم بدة تتغزل فيه طار من الوناسه
حاتم:الله يعينه على اختي الولد هادي وهي مرجوجه
شهد:احسن خلوها تنسيه دانه
حسام:لمى تعرف عن سالفتة دانه
نجوى:ايه تدري البنات قالولها وهي عادي تقبلة الوضع
نادر:طيب كيف كانت مع اخواته مرجوجه ولارازه نفسها
شهد:لا مسويه ثقل في البدايه واخر الليل خربتها
نادر:شكلنا بنخليها عندكم تعلمونها الأدب والأخلاق بعدين ترسلونها لنا
حسام:ليش اش قصدك ؟
نادر:ياخي مره قالت لي ودني السوق ونفخة عليها ورفضت والله لايوريك
شوتتني تشويت موب صاحي بكره اخاف تسوي بولد الناس كذا
الكل تخيل شكلها وهي تشوت منصور وضحكوا عليها
شهد:لاوين حرام عليكم ماتسويها
معاذ:هي مابتسويها بس يمكن تنسى نفسها وتسويها
خالها حاتم:لا مااعتقد وإذا سوتها مافيه اي مشكلها دام انها فلقته يوم انه
صغير
يوسف:بس والله جرحه اليم في مكان حلو والشكل خطير
سيف:اختك إذا جرحة تجرح صح وفي مكان حلو
نادر:اقول اسكت انت وياه ” قال اليم ” كفايه انها بغت تفقع عين محمد ولد
عمي
شهد:بعد واحد ثاني
سيف:بس والله انه رهيب , جايه على حافة الحاجب
خالها حاتم:ياخي لاتلومها عايشه بين اولاد وماتبيها تصير مثلهم
شهد:تكفى هجدهم ترى هي تزعل بس ماتبين
يوسف:بس حنا نمزح معاها
نجوى:حتى ولو تمزح انتوا يالأولاد مزحكم ثقيل وهي بنت وحساسه
حسام:ماتوقع لمى قلبها قوى
نادر:قوي قدامك بس من وراك ضعيف
حازم:شهد روحي لها , يالله شباب انا دايخ نوم
نادر:معاك وين ماتروح
حازم:يالله اسرعه نحجز مكان
سيف:انا قدام المكيف نفس مكاني امس ياويلكم لوتجون مكاني
نادر:طير بس الي بيلحق له المكان
حاتم:الحقهم يالخبل والله مايخلونه لك
يوسف:يالله من يسابقني
حسام:لاتطالع فيني يكفي انك بغيت تطيحني امس
حاتم:اقول قدامي انت وياه ولايكثر حكيكم
ونزلوا الشباب لغرفتهم وصار حرب على الأماكن والي يبي ينام والي يبي
يسهر
*اليوم الي بعده انتشر خبر خطوبة لمى وتحطمة قلوب الي تمناها
خصوصا عيال وبنات عمها لأنهم بيفقدون سندهم ومصدر سعادتهم .
*اهل منصور فرحوا له كثير لأن مشكلته انحلت وتزوج ورجعت حياته
مثل قبل ومثل الأيام الي كانت معاه لمى “بشخصية ياسر” وأحلى بكثير
والكل لاحض تغيره
*دانه وصلها خبر خطوبة منصور في البدايه تضايق بعدين تمنت لها
السعاده
منصور مستعجل على الزواج ولمى تبي تأخره حاول يقنعها بس ماقدر في
الأخير كلم خالها حاتم يمكن يساعده
اتصل منصور على حاتم:السلام عليكم
حاتم:وعليكم السلام
منصور:مشغول
حاتم:لا ,اش اخبارك ؟
منصور:الحمدلله تمام كيفك انت؟
حاتم :بصحه وسلام
منصور:والشباب الي عندك كيفهم؟
حاتم:تمام ماعليهم انت قلي كيف لمى معاك إنشاء الله مرتاح؟
منصور:آه من لمى والله إذا تبي الصدق
حاتم:ايه
منصور:ماني مرتاح
حاتم خاف على بنت اخته:آفا ليش؟
منصور:هالبنت غيرت حياتي 180 درجه
حاتم:خوفتني ياشيخ قلت الحين تمشكلة معاها
منصورههههههه لا إنشاء الله
حاتم:إنشاء الله تسعدك ونشوف هالضحكه دوم
منصور:إنشاء الله بس قل لبنت اختك توافق على الي ابيه
حاتم:بنت اختك احس انك تسب
منصور:والله مااسب بس جننتني اقولها الزواج بعد شهر تقول لا قليل
حاتم:ايه شهر مايمديها تجهز شي بعدين انت ليش مستعجل
منصور:ماابي ارجع الرياض بدونها
حاتم:تكفى الي يسمعك يقول هي في الشرق وانت الغرب تراها بالرياض
معك ووقت مااشتقت لها زورها
منصور:انا كل يوم وكل ساعه وثانيه اشتاق لها,هنا اعتذر بزيارتك
واشوفها بس هناك صعبه كل شوي اروح لها
حاتم:طيب بعد شهرين حلو
منصور:يوووووه والله كثير
حاتم:نصور اش فيك لهدرجه مأثره عليك لمى؟
منصور:يااخي انت عارف حياتي من يوم اني صغير وكل اسراري عندك
المفروض تعذرني وتوقف معي
حاتم:اعرف بس انت فكر زين البنت تبي تتجهز وانت بعد متى يمديك تأثث
الشقه وترتب امور الزواج والأشياء هذا
منصور:ادري والله بس المشكله انت ماتدري عن الي صار بنت اختك
قلبت كياني من يوم شفتها نستني همومي وصارة مصدر سعادتي ابيها
بقربي دوووووووووم
حاتم يبي يخوفه:والله معاك بكل كلمه وعشت موقفك بس ابو حسام شكله
يبي الزواج بعد اربع سنوات
منصورعصب:اربع سنوات ليـــــــش؟
حاتم ماسك ضحكته:تعرف توها متخرجه من الثانوي ولازم تكمل دراستها
منصور:طيب تكمل عندي
حاتم:يقول مايصير ياانها تختار “تكمل دراستها” ولا “تتزوج وتمسك بيته”اما
انها تدرس وتمسك بيت مافيه
منصور:طيب لاتدرس انا بصرف عليها ومابحرمها من شي ليش اربع والله
ماقدر اصبر
حاتمهههههههههههههههــأي اموووت واعرف اش سوت لك لمى
لهدرجه صرت مجنونها
منصور:حلت مشكلتي ونستني همي وماتبيني انجن عليها
حاتم:طيب لاتموت علينا بكلمها وبحاول اقنعها بعد ثلاث شهور
منصور:على كيفك انا الي بتزوج ولا انت بعدين تعال صدق بيزوجوني
بعد اربع سنوات
حاتمهههه لا اكذب عليك ابي اشوف اش بتسوي
منصور:خوفتني الله يسامحك
حاتم:المهم انا بكلمها وبحاول ان الموعد بعد مايرجعون الرياض بشهر
منصور:نصبر شهرين ولا اربع سنوات
حاتم:ايه خلك كذا من اول تصدق صرت مرجوج مثل زوجتك
منصورهههههه ياقلبي هي
حاتم:اقول يالله مع السلامه بروح اكلمها وبرد عليك
منصوريه لاتتأخر انتظرك
حاتم:موب اليوم بكره
منصور:كلمها اليوم والله عجزت وانا اقنعها
حاتم:خلاص بقنعها بس كم تدفع؟
منصور:واثق انها بتقتنع
حاتم:ماعليك هي تحبني وتسمع كلامي
منصور:اغـــار
حاتم:مشكلتك المهم كم تدفع
منصور:الي تبي بس اهم شي اتزوج
حاتم:خلاص ابيك تشتري لي امممممممممممممممم بفكر بعدين اقولك
منصور:ارتاح ولاتفكر كثير لأنها مابتوافق إذا انا حبيب قلبها ماسمعت
كلامي بتسمع كلامك انت
حاتم:طيب جربني وشوف
منصور:يالله اجربك ومنها ماتخسرني
حاتم:خلاص اتفقنا دقايق واجيب لك الخبر يالله باااااااااااااااي ياعاشق
منصورهههههه باااااااي
حاتم راح عند لمى وهو ناوي يقنعها بطريقه حلوه
حاتم وهو مبتسم:لمو
لمى:هلا حتوم
حاتم:كيفك اليوم؟
لمى:الحمدلله تمام تفضل حياك
حاتم:لا خلينا نطلع برى ابي اكلمك بموضوع يخص منصور
لمى خافت:منصوراش فيه؟
حاتم يبي يحرق اعصابها:تبين تعرفين تعالي معي
لمى طلعت وراها وراحوا لغرفته عشان محد يسمعهم
لمى:حتوم تكلم اش فيه منصور؟
حاتم:يهمك لهدرجه تعرفين؟
لمى :اكيد يهمني لأن حياتي مرتبطبه فيه
حاتم:امممممممم منصور تعبان
لمى بصدمه:تعبان واش الي متعبه؟
حاتم:لمى منصور تعبان ومحتاج لك بس ماقال لأحد عشان مايقلقون عليه
حتى انا
لمى طاح قلبها:طيب انت اش دراك
حاتم:بصراحه هو ماقالي اش الي متعبه بس باين عليه التعب انا اعرفه من
زمان بس ماعمري شفته بهالحال
لمى نزلت دموعها خوف على منصور
حاتم:لاتخافين عليه لمى انا كلمتك لأنك اقرب وحده له وأكيد بتساعدينه
لمى:كيف اساعده؟
حاتم:خليك قريبه منه حسسيه بإهتمامك فيه وانه هو شي كبير في حياتك
لم
لمى:طيب
حاتم:لمى انا بقترح عليك شي وشوفي إذا يناسبك او لا؟
لمى:قول
حاتم :ليش ماتتزوجون؟ لأني احس إن هذا افضل حل يخليك قريبه منه
لمى:بنتزوج بس مو الحين
حاتم:متى؟
لمى:إذا رجعنا الرياض ابي اكون قريبه من اعمامي وبنات عمي وانتوا
بعد
حاتم:الي يريحك انا مااغصبك على شي بس انا قلت لك الي شفته على
منصور واعطيتك الحل
لمى:طيب هو مره تعبان
حاتم:مره متغير والكل لاحظ هالتغير البعض يقول لأنه خطب وارتاح ,
بس هذا موب السبب انا اعرفه من زمان واول مره اشوفه بهالحال منصور
مستحيل يشتكي لأحد بس انتي كلميه وشوفي الي مضايقه يمكن يقدر يتكلم
معك لأنك زوجته وحاولي ان موعد الزواج يكون متقدم شي عشان تكونين
قريبه منه يمكن هو محتاجك بس مايقدر يضغط عليك وعشان مايخوفك
لمى:إنشاء الله
حاتم:فكري بكلامي زين انا متزوج وابي مصلحتكم وراحتكم
لمى:تسلم
حاتم:يالله انا بطلع وانتي خليك هنا فكري بهدؤ وحاولي انك تكلمينه
وتعرفين اش الي مضايقه
لمى:طيب
حاتم:يالله مع السلامه
لمى :الله معاك
اول ماطلع حاتم حطت راسه وبكت على منصور وحست انها انانيه لأنه
تعرف حالته يوم خطب دانه وطلعت اخته من الرضاعه وشافة دموعه
وعرفة منه انها هي سبب سعادته وبكذا قررة انه تكلمه ويكون الزواج
باقرب وقت عشان تكون بقربه وتنسيه الماضي
حاتم اتصل على منصور وقاله انها بتكلمه
بس يسوي نفسه انه مهموم ومايضغط عليها ومنصور تقبل الفكره
لمى بعد ماارتاحة شوي اتصلت على منصور
لمى:الو
منصور بهدؤ:الـــــو
لمى:السلام عليم
منصور:وعليكم السلام
لمى:كيفك؟
منصور:الحمدلله انت كيفك؟
لمى:مشتاقه لك
منصور:وانا اكثر
لمى:منصور
منصوره
لمى:اش فيك؟
منصور سكت:
لمى:اكلمك
منصور:مافيني شي طمنيني عليك
لمى:منصور لاتصرف الموضوع وقلي اش فيك ؟
منصور بتردد:مافيني شي انتي الي اش فيك؟
لمى:تخبي علي يعني؟
منصور:مااخبي عليك بس ماابي اضايقك والله لو اقولك من اليوم لبكره
مرح تفهميني بس الي ابيه منك تكونين قريبه مني
لمى:طيب قول اسمعك إذا ماسمعتك اسمع مين؟
منصور:والله يالمى احبك وانتي عارفه هالشي وخايف اخسرك مثل حبي
الأول تكفين لمى ابيك بقربي
لمى:طيب انا قريبه منك ولو بعيده قول اش الي اسويه ويخليني قريبه منك
منصور:يعني نتزوج قريب إذا ماعندك مانع
لمى:طيب شهرين حلو
منصور:يعني
لمىههههههه الشهر الأول راح نصفه يعني قول شهر ونصف
منصور:خلاص شهر ونصف اهم شي انتي تكونين مقتنعه
لمى:مقتنعه لأن هذا الشي يريحك
منصور:طيب فيه شي ثاني سبب لي قلق
لمى:قول اسمعك
منصور:بتكملين دراستك
لمى:يمكن على حسب
منصور:طيب بتدخلين تشريح
لمى وجهها الوان :ومن قالك؟
منصور:خوالك واخوانك تعرفين انا صديقهم من زمان ومايخبون على
لمى:لا هذا تهديد عشان مايقربون مني
منصور:ريحتيني قلت الحين البنت بتشرحني
لمى:والله فكره وبما إني غاليه عليك ومبترفض لي طلب
منصور:اهون عليك
لمى:ايه عادي إذا اجثه بنجيبها من برى وبمبلغ مرتفع فاانت موجود
وبالمجان
منصور:اجل خلاص بكنسل كل شي واخطب لي وحده غيرك
لمى غارت عليه:عشان اذبحك والله لو تسويها ازعل عليك ومااسامحك
منصورههههههههههه لهدرجه تحبيني
لمى:واكثر لأني مجنونتك يالله باي
وعلى طول قفلة عشان ماتعطيه فرصه ثواني وجاه مسج ” الله يصبرني
على شهر ونص ”
بعدها اتصل منصور على حاتم وحاول انه يسئله كيف اقنعها بس حاتم
رفض انه يقول له
وبما إنه وعده بالي يبيه إذا وافقة , طلب حاتم منه “إنه يهتم فيها ومايكون
قاسي معاها”
————————–
مرة الأجازه بكل حب وفرح وكل واحد رجع لأهل واحبابه
منصور ارتاح نفسيا من بعد ماحدد يوم زواجه وبداء بتأثيث الشقه
وتجهيزات الزواج
لمى نفس الشي بدة تجهز نفسها وكل مره تنزل السوق مع وحده من بنات
عمه
منصور وهو داخل الشقه:سلام شباب
الشباب:هلا والله وعليكم السلام
منصور:آه ياقلبي تعبت لو ادري إن الزواج كذا ماتزوجة
خالد:خلاص طلقها وفك نفسك
منصور:تبيني اموت
عمر:لازم تتعب وتدوخ لأن كل شي عليك
منصور:لو اهلي معي في الرياض كان ارتحت شوي بس آه يالقهر بعيدين
عني
خالد:اش بقى لك؟
منصور:الصاله وكل شي يتعلق فيها انتهيت منه بس باقي لي شوي من
تأثيث البيت
عبدالرحمن:احمد ربك إنك خلصت الشي الأساسي والباقي لاحق عليها
منصور:ياخي الألوان عذبتني إذا لقيت شي مالقيت الثاني
فهد:وين بتسكن؟
منصور:في البيت الي كانوا اهلي ساكنين فيه , اخذة منه شقه وسوية لها
صيانه من جديد
خالد:لازم نشوفها
منصوريطالع في ساعته:الساعه 9 يمدينا نروح تبون اليوم ولابكره
عبدالرحمن:الحين اش الي بكره يالله فز ودز
معتزطلع من الغرفه:وين بتدزون؟
خالد:بنروح شقة منصور
معتز:خلاص بتتركنا
منصور:هذا الدنياء اليوم بروح وبكره انت
فهد:انت وطلال وعمر مره وحده
منصور مستغرب:عمر
عمر ضحك
منصور:مبرووووووووووووووك وماتقول
عمر:ياخي توني كلمتهم وباقي ماردو يعني يمكن ويمكن لا
منصور:بالتوفيق وعقبال الباقي
معتز:لا انا بدق على امي اليوم تخطب لي
خالد:وانا بعد
عبدالرحمن:انا اخر واحد بما إنكم بتتزوجون كلكم وتفض الشقه بجيبها
وتسكن معي
ضحكوا على تفكيره وبعدها طلعوا لشقة منصور
في غرفة لمى
لمى:واخيرا انتهت تكفون بنات رتبوا معي
البتول ماسكه ورقه وقلم:معليش انا مشغوله
لمى:ليش اش عندك؟
البتول:احسب كم بقى وتتزوجين
لمى على طول قامة تضربها:لاتحسبين يعني تبي الفكه مني الله يزوجك
اليوم قبل بكره
الهنوف:لمى خلاص ذبحتي البنت
العنود تفرقهم:وانتي اعقلي بكره ولد الناس إذا قال لك شي بتضاربينه كذا
لمى:لا بس اربكتني حدي خايفه ماابي اروح
البتول:والله محد قالك توافقين كنا قعدتي معانا وكملتي الرصه
لمى:سمعتي هي الي تستفزني بكلامها
نوره:والله انكم مبزره اتركيها خلاص
لمى:عشانك بس ويالله رتبوا اغراضي
وعد:وانتي
لمى:بروح اسوي لكم شي تشربونه
هند:نبي قهوه تكفين
لمى:هذا حدكم وإذا تطورتو شاهي هههههههههههه
هند:اقول روحي بس والله لو قهوتكم طعمه بايخ كان ماطلبت بس اش
اسوي تعجبني
لمى:والله اعجبتك ولا مااعجبتك انتوا مجانين قهوه مع إن ماله طعم لاهي
مر ولا حلى بس اش الي عاجبكم فيها مدري
العنود:يكفي انها من يدين لمو
لمى:يالبى قلبك تسلمين لي
الهنوف:حركات والله تطورنا وصرنا نقول كلام حلو
عهد:وين الي حدي عمري وحياتي وإن زادة احبك
لمى:والله الحب جنون …………. ” وطلعت”
نوره:ماادري كيف بنعيش من دونها
الهنوف:والله بنفقدها
هند:بس احلى شي انها ساكنه بالرياض يعني يمدي نشوفها
البتول:يمدي بس خلاص صارت حياتها مرتبطه بزوج هذا إذا ماعقلت
العنود:اقطع يدي إذا عقلت لمى
وعد:اتوقع انها بتأثر على ولد الناس ويصيرمرجوج مثلها
نوره:الله يوفقهم
غيداء:بنات خلونا ننزل نساعدها ونضحك عليها
وعد:يالله