رواية لست عاهرة بقلم محمود زغلول

الجزء السابع
===•===•===•===
دنيا : أيه ؟؟ دكتور نفساني …؟؟؟؟
وبضحكة مصطنعة مخبية وراها قلق وخوف
قولتله : ايه ؟ طلعت مجنون أنا كنت شاكه
فيك من الاول وعملت نفسي بهزر وقولتله :
بطل هزارك البايخ ده وقول كنت بتكلم مين ؟
أشهد : انا مش بهزر علي فكرة كنت بكلم دكتور
نفسي انا بتابع معاه ..!!!
دنيا. : طب عادي يا عم كلنا مرضي نفسيين
بس انت مالك ايه اللي تعبك نفسيا وليه
كنت مخبي عليا ..؟؟
أشهد: في اول سنة من الكلية اتعرفت علي بنت
معايا من القسم ومع الوقت حبيتها وبعد
فترة قررت اني اروح اتقدملها ..!!
كلمت ابويا في الموضوع ورفض تماماً اني
أتجوز البنت دي ، بس انا مسكتش وروحت
اتقدمتلها لوحدي ، ابوها كان معارض جدا
في البدايه لما عرف ان ابويا مش موافق
بس بعد ما الحيت عليه واقنعته ان مش
هيكون في اي مشاكل وافق وحددنا ميعاد
الخطوبة ، لكن قبل الميعاد لاقيتها اتغيرت
جدا معايا ومبقتش ترد عليا ، وأبوها كلمني
وقالي كل شئ نصيب يبني ، ولاني كنت لسة
صغير مستحملتش فشل التجربة ودخلت
في أزمة نفسية وتعبت جدا ، وابتديت اروح
لدكتور نفساني ومع الوقت بقيت كويس
ونسيت الموضوع تماماً ، وانا بروح بس أعد
مع الدكتور ده مجرد ندردش ، لانه بقا
تقريبا صاحبي ، وع فكرة حكيتله عنك وقالي
ان حبي ليكي اكبر دليل اني خلاص بقيت
كويس ونسيت الموضوع تماماً …!!!
دنيا : امممم طب وليه خبيت عليا الموضوع ده
مع انك حكيتلي علي كل حاجه ..؟
اشهد: كنت خايف انك تخافي مني وتسيبيني
ولو سيبتيني انا مش هرجع للعلاج النفسي
تاني لا ..؟؟ انا هموت يا دنيا ..!!
دنيا : بعد الشر عليك يا حبيبي متقولش كده
تاني …!! احم وبصت للأرض واتكسفت
أشهد: قام وقف والابتسامة ملت وشه وقالها ..؟
حا ايه ..؟؟ حبيبي ..؟ وحيات امك انتي
قولتي حبيبي بجد ؟؟ طب مره مكان ..؟؟
دنيا : اممممم أهدي شويا واقعد كده ياض وقولي
وانا بقا اضمن منين يا عسل انته ان الحاله
متجلكش تاني وتتجنن وترجع تروح للبنت
دي …؟. هاه اضمن منين انا قولي ….؟
أشهد: متعصبا ومستنكرا لكلامها ..:
الحاله تجيلي واتجنن ..؟
دانتي بت فصيله وسئيلة ..!!
متخافيش مش هتجيلي الحالة تاني لآني
انا خلاص نسيت الموضوع من بدري جدا
وكمان عرفت وقتها انها اتجوزت بعد كده
علي طول وبقالي اكتر من اربع سنين
معرفش عنها حاجه ومش عاوز اعرف
وبعدين بقا هيبقا معايا الجمال والحلاوة
والرقة دي واروح ابص لحد تاني ؟ ها .؟؟
وغمزلها بعينه وهيا ابتسمت واتكسفت ..!
دنيا : ماشي يا أشهد بس لو حسيت في يوم انك
بتبص كده ولا كده ..؟ الرقة دي هتتحول
هاه ؟؟ وهتشوف وش تاني ..؟ وهطين
عيشتك انت والبنت والدكتور النفساني بتاع
المجانين اللي زيك هاه سامع ..؟؟؟؟؟
أشهد: لا رقه رقة يعني مفيش كلام …!!!
دنيا : بتقول حاجه يا أش أش ..؟؟
أشهد: حبيب قلبي وانا اقدر أقول وبصوت واطي
عشان متسمعهوش ..؟’: بت سئيلة وبترمي
دبش بس بحبها …!!!
دنيا بينها وبين نفسها عماله تفكر:؟؟
طب هو طلع كان مريض فعلا بس حالته مش خطيرة ولا حاجه وكمان الارتباط طلع في مصلحته
مش هيتعبه ويسوء حالته زي ما صالح ومهرة قالولي ..؟؟ بس هما ليه قالولي كده ليه كانوا عاوزين يبعدوني عنه ؟؟ اكيد في سر ..؟؟
طب احكيله علي اللي هما عملوه ولا لأ ؟؟
امممم لا بلاش احسن يزعل منهم وأكون انا السبب وانا عارفه هوه بيحب مهرة اد ايه ..!!
بلاش احكي حاجه والأيام الجايه هتبين كل حاجه ؟؟ مين الصح ومين الغلط مين الكويس ومين الوحش ..!! بس اهم حاجه انا عارفاها وواثقة منها ان اشهد بيحبني بجد وعمره ما هيسمح لحد يأذيني وانا كمان بحبه ..!!!!
أشهد: ايه يا حاجه انتي روحتي في غيبوبة كل
ده سرحانة بناديلك بقالي ساعتين ..؟؟
دنيا : هاه ؟ هههههه مش هتغدينا بقا عشان
نروح نشوف هنهبب ايه الامتحانات قربت
عاوزين نراجع ونذاكر شويه …؟؟
أشهد: ماشي بس مش هنا اكل الكافتريا
بصراحة ميتكالش يلا بينا انا عازمك علي
طبق كشري بس حكاية ..!!؟؟
دنيا : الله .. كشري يلا بينا ..!!
في فيلا عائلة اشهد …
صالح : ايه اخر اخبار أش أش يا مهرة ؟؟
البت دي لسه بعيد عنه وهوه نسيها ولا لسه
مهره :لا يا صالح الأخبار مطمنش ..!!
رجعوا يتقابلوا تاني وتقريبا مع بعض كل
يوم وكل يوم بيتعلق بيها اكتر ..!!!
صالح : وبعصبية قالها :طب مقولتليش ليه الكلام
ده من بدري انتي عاوزه تبوظي كل اللي
عملناه صح ..؟؟
وقرب منها وصوته هدي وخدها في حضنه
وقالها انا بعمل كل ده عشانه انا وانتي يا
حبيبتي ومتخفيش انا عمري مهأذي اشهد
ده اخوكي برده وابن عمي بس اي حاجه
تحصل تاني قوليلي علي طول …!!
مهره : ماشي يا حبيبي انت عارف انا بحبك اد
ايه ومبحبش ازعلك واي حاجه هتحصل بعد
كده هقولهالك بس متتعصبش عليا تاني كده
عشان بيبقا شكلك وحش ويخاف منك اوي!!
صالح : ضمها لصدرة جامد وبعنف وقالها وانا
كمان بحبك يا مهرة بس لازم نأمن نفسنا
كويس من غدر الأيام انا تعبت اوي لحد
موصلت ليكي وللي انا فيه دلوقتي ومش
عاوز أخسر اي حاجه حتي لو ههد الدنيا
دي كلها ..!!!!
مهره : وبتحاول تفك أيده من عليها بعد مضغط
عليها في حضنة جامد جدا وقالتله : صالح
بابا كان عاوزك ومستنيك في اوضته …؟؟
صالح : ازيك يا عمي عامل ايه دلوقتي ..؟؟
فريد : ملكش دعوه بيا انا وقولي ايه اخر اخبار
“مالك شداد” ..؟؟
صالح: كله تمام يا عمي والنهارده كل الجرائد
والمواقع كتبت عن فضيحة بنته وسمعت
انه قاعد في البيت ومبيردش علي حد ولا
بيخرج من البيت بعد الفضيحة وعرفت
كمان من ناس قريبة منه انه ناوي يسحب
ورق ترشحة للمجلس ووقتها هتبقا انت
سيادة النائب بالتزكيه لان مفيش حد مترشح
غيرك انت وهوه وبس مبروك عليك يا عمي !!
فريد : لا مبروك دي تقولهالي لما تروح تتأكد
بنفسك انه سحب ورق ترشحه ..!!!
وقولي ايه اخبار اشهد مع البنت اللي بيحبها
دي خلاص نسيها ولا لسه وعاوزك تعد معاه
وتكلمه وتفهمه آني عاوز مصلحته ومصلحته
مع “رانيا” بنت عبد الحميد الصفتي ..!!
صالح : والله يا عمي الأخبار مش ولابد اشهد
رجع يكلمها تاني والبت شكلها رسمه علي
تقيل بس متخفش انا هتصرف النهارده
قبل بكره كلة معمول حسابه في دماغي
متقلقش انت بس وسيب كل حاجه عليا!!!
قريب اوي اوي الموضوع ده هيخلص..!!؟
فريد : انت ابني يا صالح زيك زي اشهد بالظبط
وانت عارف انا بعتمد عليك في كل حاجه.!!
واعمل اللي انت عاوزه بس من غير
شوشره يا صالح احنا داخلين علي مجلس
الشعب وهنتنقل كلنا ناقلة تانيه .. كلنا !!!
صالح: اطمن يا عمي اطمن أوي !!!!
يلا يا عم الليل دخل علينا وانت لسه بتآكل !؟ايه
هتاكل المحل كله يلا انا اتأخرت كده جدا ..!!
اشهد: وانا معاكي نفسي بتتفتح علي الدنيا كلها
كل حاجه بتكون حلوه في عنيا انا ممكن
أكلك انتي شخصيا ههههههههه..!
دنيا : تاكلني لا كل كشري احسن ..!! هالته
كماله يا عم بدل مياكلني …!!
اشهد : هههههه لا كفايه كده شبعت يلا بينا
عشان اوصلك واروح عشان بابا تعبان
شويه وعاوز اطمن عليه …!!
في بيت دنيا …
متتصلي بدنيا يا عبير شوفيها اتأخرت ليه كده؟؟
عبير : متأخرتش ولا حاجه يا ماما زمانها جايه
وبعدين دودو ميتخافش عليها دي بميت
راجل ولسانها ااااااد كده ههههههه..!!
مش عارفه يا عبير يا بنتي قلبي مقبوض ليه اليومين دول وعيني بترف وبقيت بقلق علي دنيا وكأنها بتصغر مش بتكبر بقيت بخاف عليها اكتر من وهيا صغيره نفسي اطمن عليكم انتوا الاتنين واجوزكم واستركم وان شالله اموت بعدها ..!!!
عبير : بعد الشر عليكي يا حبيبتي مالك قلبتيها
دراما كدا ليه أهي جت اهيه !! ايه اللي
اخرك كده يا هانم الحاجه خايفة عليكي
وقلبتها دراما ..!!
دنيا : وبتضحك : دراما ليه بس دانا بحب
الكوميدي هههههه مالك يا حبيبتي قلقانه
من ايه وبباست أمها وخدتها في حضنها
متخافيش عليا انا زي الفل وهفضل ..!!
عبير : تيرارارا راااا دي حاجه مؤثرة جدا اللي
انتوا فيه ده ايه الحضن هيعد ساعة ماشي
يا حاجه دانتي مخدتنيش في حضنك من
ايام مكنت في تالته ابتدائي لكن ست دنيا
ليها وضع خاص ..!! يلا عشان نأكل يختي
منك ليها هموت من الجوع …!!
دنيا : لا انا واكله كشري كلوا انتوا انا هخش انام
شويه وبطلي الحقد ده شويه يا بت يا بيرو
هاه بطلي ههههههه
عبير : ايوه يا عم واكله كشري وراجعه مفرفشه
ومبسوطه انا مش مطمنالك يا بت انتي..!!؟
ايوه يا أش أش روحت ولا لسه ..؟؟
أشهد : اه يا حبيبتي لسه داخل البيت اهوه
دنيا : طب تمام ابقا اطمن علي باباك وطمني
انا هنام شويه وبعدين هقوم اذاكر شويه
أشهد: ماشي يا حبيبتي يلا باي…!!
صالح : ازيك يا أش أش عامل ايه فينك يابني
دانت واحشني وانا قاعد معاك في البيت
اشهد : معلش يا حضرة الضابط كنت مشغول
شوية في الكلية الأيام اللي فاتت الامتحانات
بقا انت فاهم وانت والله وحشتني القعده
والهزار معاك انت عارف انت اخويا
وصاحبي يا صالح ..!!
صالح : طب كنت عاوز اتكلم معاك شويه ينفع
اشهد : طبعا ينفع تعالي ..!!
صالح : بص يا عم !!الحاج موصيني اكلمك في
موضوع رانيا بنت عبد الحميد الصفتي
ايه بقا مش هتريحه بقا وتتجوز ونفرح بيك
يا اخويا عاوز ابقا عم يا عم بقا..؟؟
اشهد : يااااه يا صالح منت عاوف رأيي في
الموضوع ده وعارف اني عمري مهكون
طرف في صفقة الجواز دي وعارف اني
بحب دنيا وان شاء الله ناوي بعد التخرج
اتقدملها واتجوزها ..!!
صالح : يا عم عارف انك مش بطيق البت دي
وبيني وبينك انا كمان مش بطيقها وخليك
فعلا مع دنيا شكلها بنت محترمه وكويسه
وانا لو عمي كلمني تاني هحاول أقنعه
انه ينسي موضوع رانيا ده وهقوله كمان
انك بتحب واحده تاني كويسه وهقنعه بيها
سيب الموضوع ده عليا يا حبيبي ..!!
اشهد : حبيب قلبي انت يا بن عمي انا عارف
هتقف معايا مانت اخويا ..!!!!!!!!
تاني يوم الصبح وعلي ناصية الشارع اللي دنيا ساكنة فيه اتنين واقفين بيتكلموا ..؟؟
فاكر شكل البنت اللي صالح باشا وراك صورتها ولا هتودينا في داهيه يا نجم ..؟؟
يا عم متخافش حافظها وحافظ البيت اللي هتخرج منه كمان وخلاص زمانها خارجه ده ميعاد خروجها ..!!!!
اهي خرجت من البيت مش هيا دي ؟؟
اه هيا !!؟
كلم الواد يقرب بالعربية عشان اول منوقفها
ندخلها العربيه بسرعه من غير ما حد ياخد باله
يلا كلمه جايا علينا اهيه والحمد لله الشارع فاضي ….؟؟؟
دكتورة دنيا لو سمحتي ..؟؟
دنيا : انت بتناديني انا يا استاذ ..؟؟؟؟؟؟
يتبع