رواية لست عاهرة بقلم محمود زغلول

الجزء الرابع

دخلت اوضتي وغيرت ولسه هنام تليفوني رن رقم غريب بس ظاهرلي علي التروكلر بأسم ..؟؟
صالح باشا …؟؟
معقوله يكون صالح جوز مهرة..؟؟
وحتي لو هوه هيكون عاوز مني أية ..؟
أرد ولا لأ ..؟؟ لا انا مش هرد ..!!
التليفون رن تاني وتالت …؟؟
رديت وقولت ألو .؟؟
الأنسة دنيا ..؟؟
دنيا :ايوة انا دنيا مين حضرتك ؟
ازي حضرتك انا صالح جوز مهره اخت أشهد ..!!
دنيا :بعد ما سكتت ثانيتين : اه ازي حضرتك ..؟
صالح : عارف طبعا ان حضرتك مستغربه جدا من مكالمتي دي وده حقك طبعا واكيد بتسألي نفسك انا عاوز ايه ..؟؟
دنيا : يعني .. مستغربه شويه اه بس عادي يعني أأمرني حضرتك ..؟؟
صالح : طب حضرتك فاضية دلوقتي ممكن اتكلم معاكي شويه ..؟؟
دنيا : نعم حضرتك هتتكلم معايا في ايه يعني ..؟؟
عموما اتفضل حضرتك اتكلم انا سمعاك ..؟؟
صالح : هتكلم معاكي عن أشهد وعلاقتك بيه ..!!
دنيا : علاقتي بيه ..؟؟
لمعلومات حضرتك انا لسه اول يوم اعرفه النهارده ومفيش اي علاقة من اي نوع بيني وبينه احنا مجرد زمايل ولسه النهارده اول يوم ..!!
علاقة ايه اللي ما بينا ..؟؟
صالح : انا عارف كل الكلام ده بس هوه متعلق بيكي جدا من فترة وملوش كلام غير عليكي قبل متعرفوا بعض حتي و بكتير ..!!
حتي بيقول انه بيحبك..!!
دنيا باستهزاء : يعني ايه ..؟
هو قالك تكلمني وتقولي الكلام ده يعني عشان أتعاطف معاه وأحبه وكده يعني ..!!
وبسخرية : هو حضرتك المندوب العاطفي بتاعة اللي جاي تقربنا من بعض …؟؟
صالح : ضحك وقال :لا بالعكس تماماً انا عاوز أبعدكم عن بعض وده لمصلحتك ..!!!؟؟
دنيا : رغم اني قولتلك ان مفيش بيني وبينه حاجه اصلا ولا هيكون بينا حاجه بس ايه مصلحتي في كده يعني اني ابعد عن أشهد ..؟؟
صالح : بصي يا دكتوره رغم اني مفروض مينفعش اقولك بس انا هحكيلك اشهد مريض بمرض نفسي خطير جدا وحاول ينتحر قبل كده كذا مره ..!!
وده كان بسبب علاقة عاطفيه فاشله ..!!
والأخطر كمان انه كان هيقتل البنت اللي كان بيحبها وقعد فترة بيتعالج في مصحة ودكتوروا قال ان اي علاقة عاطفية في الوقت الحالي خطر علي حالته واي بنت هيرتبط بيها هيكون في خطر عليها منه …!!
وانا عشان خايف عليكي وعليه قولت اعرفك وانا عارف انك هتاخدي القرار الصح …؟؟؟
دنيا : اتصدمت من كلامة وقالتله :؟؟
اممممم ربنا يشفيه وايه المطلوب مني انا بقا ..؟؟
صالح : هو مش طلب هو رجاء لمصلحتكوا انه لو حاول يقرب منك أبعدي عنه ومتدلوش فرصة يتعلق بيكي اكتر.. يعني خليه يفقد الأمل انك ممكن ترتبطي بيه ..!!
دنيا : اه ماشي وكده كده هو فعلا بالنسبالي مجرد زميل وانا اصلا مش بفكر ارتبط بحد وعموما شكرًا جدا لحضرتك .. تحب تقول حاجه تاني ..؟؟
صالح : اه رجاء انه ميعرفش حاجه عن المكالمة دي لانه ممكن يتعب اكتر لو عرف وآسف تاني اني كلمتك كده وضايقتك ..!!!
دنيا : حاضر اكيد مش هقوله حاجه مع السلامة وسلملي علي مهرة ..!!
صالح : الله يسلمك سلام .
قفلنا وقاعده بكلم نفسي :
ايه بقا الكلام الغريب ده ..؟؟
أش أش طلع مجنون هههههه وبضحك
وكان هيقتل البت ..؟؟
مش ممكن صالح ده يكون كداب ..؟
بس ايه مصلحته انه يألف الكلام ده ويكدب..؟
بس مش باين عليه اي جنان الواد
المنحوس منحوس يعني يوم ما هاه أفكر اتعلق بواحد يطلع عنده استبحس لا انا انام احسن بدل ما اتجنن واحصله ..!! اه انام ..!!
بس مجنون ازاي بس ده شكله عاقل خالص ودمه خفيف ؟؟ نامي بقا ؟ طيب الله ..!!
في فيلا عائلة أشهد :
مهره : عملت ايه حكيتلها علي كل حاجه ..؟
صالح : اه حكيتلها
مهره : وكان ردها عليك ايه ..؟؟
صالح : عادي قالت انها كده كده مفيش بينهم حاجه ولا هيكون في
مهره : يعني تفتكر صدقتك ومش هتروح تسألة .؟
صالح : اه صدقت واكيد هتبعد عنه مهي مش مستغنيا علي عمرها ..!!
مهرة : طب استني أشهد بينادي اهوه وجاي علي هنا استني اشوفه عاوز ايه رغم اني عارفة ..!!
ايوه يا أش أش ..؟
اشهد : عامله ايه يا احلي اخت وأحلي مهرة في الدنيا وحشتيني يا حبيبتي ..!!
مهره : نعم وحشتك ..؟
داحنا لسه داخلين مع بعض مبقلناش ساعة وساكنه معاكوا في نفس الفيلا أنجز يا أش أش عاوز ايه هاه عاوز ايه ..؟؟
أشهد : هكون عاوز ايه يعني مانتي عارفه اللي انا عاوزه يلا اخلصي ..!!
مهره : اممممم عاوز رقم دنيا امممم طب مأخدتوش منها ليه بنفسك يا عم التقيل هاه ولا نسيت ..!!؟
أشهد : أخلصي بقا انتي هتزليني يلا هاتي الرقم ويلا انتي وصالح انزلوا عشان الغدا جهز وبابا وماما مستنينكم ..!!
مهرة : خد الرقم بس متترميش علي البنت خليك تقيل كده اعملك شخصية هاه ..؟؟
وانا هجيب صالح وهنحصلك علي السفرة
في بيت دنيا ..:
عبير : دنيا قومي يلا يا بنتي الغدا خلص وكريم قرب يوصل يلا عشان تتغدي معانا ..!!
دنيا قامت من النوم مفزوعة ..؟؟
عبير : مالك يا دنيا في ايه يا حبيبتي ..؟؟
دنيا : مفيش يا عبير حلمت حلم غريب شويه
عبير :حلم ايه احكي
دنيا : حلمت اني ماشية مع واحد علي كوبري وعلي اول الكوبري كنت هقع بس هوه مسكني ولحقني رغم اني لو وقعت غالبا مكنش هيجرالي حاجه المهم في نص الكوبري ومن اعلي حته زقني الواطي هههههه
عبير : حقيقي واطي ويلا قومي بقا عشان تحضري معايا الغدا عشان كريم خلاص قرب يجي بدل مزقك انا من علي السرير ده ..!!؟
دنيا : ههههههههه حاضر يلا علي المطبخ مش ناقصة زق انا ..كفاية وقعة الكوبري ..!!
في فيلا عائلة أشهد :
اشهد : تسلم ايدك يا ماما الغدا كان جميل اوي بس مش عارف بقا هتريحي نفسك امتي وتجيبي حد يساعدك في البيت ..؟؟
ابو أشهد الحاج فريد رجل الاعمال المعروف :
هتريح نفسها لما انت ان شاء الله تجبلها بنت الحلال اللي تساعدها وتساعدك انت كمان في حياتك انت عارف امك مبتحبش تأكل ولا تأكلنا من أيد الطباخين وأختك مبتعرفش حتي تقلي بيض ..!!
صالح : هههههههه حلوه يا عمي والله ضحكتني وبعدين دي تقريبا متعرفش شكل البيض ايه اصلا هههههههه
مهرة بعصبية : هاها ضحكتك اوي يا سي صالح ؟؟
شكرًا يا حاج بابا ضحكت علينا اللي يسوي واللي ما يسواش انا هقوم اطلع اوضتي بدل متعصب علي حد ..!!!
الحاجه فاطمة أم مهرة : خديني معاكي يا مهرة لما أقوم اصلي المغرب قبل العشا متأذن …!
أشهد : عموما يا حاج انا خلاص لاقيت بنت الحلال وان شاء الله قريب هاخدك ونروح نخطبها
الحاج فريد : ايه خلاص وافقت اخطبلك “رانيا” بنت عبد الحميد الصفتي ..؟؟
كنت عارف انك عاقل وهتعرف مصلحتك وهتوافق مبروك يا اشهد دانا اروح اخطبهالك من بكره ما انت عارف انا كده كده مكلم عبد الحميد عليها وهوه موافق ..!!
أشهد : رانيا مين يا حاج انت مش هتنسي الموضوع ده بقا ..؟؟
قولتلك رانيا دي انا مش بطيقها ولا هيا ولا ابوها وانا مليش دخل بالشغل اللي ما بينكم انا مش صفقة هتعملوها مع بعض انا هقوم اطلع عشان عندي تليفون مهم لازم اعمله …؟؟
بعد إذنكم ..!!
الحاج فريد : عملت ايه يا صالح ..؟؟
صالح : والله يا حاج أشهد كلم النهارده البنت اللي كان معجب بيها دي وشكله واخد الموضوع جد …
بس انا مسكتش وكلمتها وقولتلها علي كل حاجه ولو مبعدتش عنه في طرق كتير أبعدها عنه بيها متقلقش يا عمي طول منا معاك كل حاجه هتمشي زي منت عاوز ..!!
بيت دنيا :….
جري ايه يا عم كريم مبتاكلش ليه هاه..؟؟
انا عارفه ان الأكل مش ولابد بس ده اكل عبير حبيبة قلبك وعلي ما اعرف انت اللي اصريت انها تطبخلك بأيدها …!!
كريم : انا ..؟؟ والله العظيم ابدا ولا قولتلها تعمل حاجه
عبير : لا والله يعني الأكل مش عاجبك
كريم : احم احم لا طبعا ده تحفة تسلم ايدك يا حبيبتي تحفة تحفة يعني احم ..!
دنيا : هههههههه واضح عليك انه تحفة بصراحة كل كل يا كيمو بالهنا والشفا يا كداب ..!!
تليفوني رن برقم غريب تاني ..؟؟
بس من قبل ميظهر الاسم علي التروكلر وانا عارفه انه أشهد …!!
طب يا جماعة الحمد لله شبعت هقوم انا اعمل تليفون واسيبكم مع بعض شويه ها بس مفيش داعي لأي تحرش انتوا خلاص كلها شهرين وتتجوزوا ولا اصحيلكم ماما تعد معاكم ..؟؟
عبير : يلا جزمة امشي من هنا ..!!
دخلت الاوضة وبيني وبين نفسي طب اعمل ايه ارد علي المجنون ده أقوله ايه بس بصراحة انا نفسي ارد عليه وأتكلم معاه ..!!
الفون رن تاني ..؟؟
دنيا : الو
اشهد : الو الدكتوره دنيا ..؟
دنيا : ايوه يا سيدي دنيا نعم مين ؟
اشهد : انا الدكتور اشرف برهامي وكنت عاوز
اعرف رأيك في الكتاب بتاعي عجبك ..؟؟
دنيا : لا معجبنيش وبصراحة انت دكتور فاشل
ومجنون كمان أخلص عاوز ايه يا أش .!!؟
اشهد : احم احم انتي عرفتيني منين وبعدين مش
هتسأليني جبت الرقم منين ..؟؟
دنيا : مش محتاجه فكاكه يا دكتور من مهره
طبعا هتكون خمنته يعني ..؟؟
اشهد : دانتي بنت رخمة اوي ايه السئالة دي ..!!
دنيا : نعم بتقول حاجه يا ياض انت ..؟؟
أشهد : لا يا قمر بقولك انتي عامله ايه ..؟؟
دنيا : اممم كويسه وزي الفل ودماغي سليمة ها
أشهد : طب تمام وفاضية بقا نرغي شويه ونعرف
بعض اكتر انا تقريبا معرفش عنك حاجه
ولا انتي كمان تعرفي حاجه عني ..؟؟
دنيا : طب مبدئيا كده الكلام اللي انت قولته
النهارده في الكلية ده أنساه خالص ها ؟
اشهد : كلام ايه اني معجب بيكي وتقريبا بحبك
ولازم كل يوم اشوفك والجديد بقا اني لازم
لازم اسمع صوتك كل يوم كمان
دنيا : ها ه أحم .. اه الكلام ده وبعدين يلا بقا
عشان عاوزه انام ونبقا نتعرف علي مهلنا
في الكليه يلا سلام بقا انا هقفل ..؟
اشهد : ماشي بس اوعي تنسي تسجلي رقمي
وضروري اشوفك بكره في الكلية .. باي
ايه ده بقا طب ده مجنون ولا عاقل ولا ايه حكايته ده ..؟؟ ولا ايه حكايتي انا معاه وليه مشدوده اوي ليه كده طب اعمل ايه اتجاهله واخليه يبعد عني زي صالح مقالي وابعد عن الشر واغنيله ولا اقرب منه اكتر واعرف ايه حكايته يمكن صالح ده كداب وهوه مش مريض ولا حاجه بس في كل الأحوال انا مش هحكيله صالح قالي ايه احسن يكون مريض بجد .. انا تعبت من التفكير ومش عارفه اعمل ايه …؟
قعدت كام يوم مروحش الكلية واشهد كلمني كتير ومردتش عليه ولا مرة وقفلت تليفوني خالص..!!
مكنتش عارفة أقرر اعمل أيه ..؟؟
خايفة اروح وأتكلم معاه واتعلق بيه ويكون فعلا مريض وبكده ممكن أأذية وأأذي نفسي ومش عارفه هقدر اتجاهله ولا لأ ..؟؟
في الاخر لقيت شبة حل ..؟؟؟
انا أكلم مهره وأقولها علي مكالمة صالح واعرف منها كل حاجه واكيد هيا بتحب اخوها ومش هتكدب عليا وهتقولي ايه الحقيقة …!!
اه أكلمها واحط حد للموضوع ده بقا ..!!
وفتحت تليفوني ولسه هكلمها عبير دخلت عليا الاوضة …؟؟؟
عبير : دنيا في واحده زميلتك بره وعاوزاكي
دنيا : زميلتي ..؟ مين يا عبير ..؟؟
عبير : لا معرفهاش بنت مزه كده اول مره اشوفها
بتقول ان اسمها “مهره”
دنيا : بتقولي مين يا عبير ….!!؟؟؟؟؟؟؟
مهره ؟؟؟
اه وفي حاجه جديده انا عملت تعديل بسيط جدا علي الجزء الاول وملخص التعديل اني خلتها “اتظلمت مش ضعفت وظلمت نفسها “وشيلت كلمة لحظة ضعف من القصة والتعديل ده عشان القصة أحداثها تكون متناسقة اكتر وأقدر أطول في الأجزاء زي مطلبتم
شارك وقول رأيك بكل صراحة

error: