رواية جنون

#جنون?
الحلقه(9)مروان:يعني؟
اويس:يعني ان…
نادر:الولد كيد ويبي يطلقها من راجلها من الاخير
اويس:تي مش هكي ياراجل هيا متبيشي
مروان:تو بكل عقلك انت بيطلق وحده تملك الملايين وبنت عمه زياده ؟
اويس:رح يطلقها وراسك بعدين خلاص شيه موضوعي تم انا ان شاء الله بوها وانها الاسبوع الجاي بيوصلو وتكمل مهمتي معش دخلي فيها بعدين
نادر:شاف لي مروان …اي اي بتكمل مهمتك المهم ياولاد انا امي تكلمت في وحده
اويس:ياودي ذوق امك زباله وكان مش مصدق برا اشبح وجه بوك
مروان:?
نادر:عن شكلك ياتيس?نعرفها البنت
اويس:مدام تعرفها اكيد حتا حني نعرفوها منو هيا ؟
نادر:انوار جيرانه المقابلين حوشنا
اويس:امم اي به مش خاطيه تعتبر
مروان:ان شاء الله بلخير عليك ياحبنا
نادر:ان شاء الله والله
اويس:?
نادر:انبح يا اويس في شي تبي تقوله وساكت بسيف
اويس:مره في بنت اسمها انوار غسلت يدها تكهربت????
مروان:????
نادر:ربي يشفيك?

منيره:تي نوضي يابنت تحركي وانتي ملوحه من الصبح نوضي للكوجينه
نسرين:ان شاء الله نايضه
منيره:متقوليليش خيرك الايام هادي ؟
نسرين:شي تاعبه من العرس يما
منيره:به نوضي كولي حاجه وانتي وجهك اصفر
نسرين:نايضه
طبعا حسام ضحك ع نسرين وبعد مصار يلي صار هاجر لي ايطاليا مع صحابه

نهال:ترتب في الحوش خشت لي الدار يلي يرقد فيها اويس وقعدت ترتب في حوايجه …شدتني ريحة الجاكيت متعه ?قربته ليا تجنن الريحه
اويس:نهال نهاال
نهال:رعشت مع بعضي رديت الجاكيت وين مكان وطلعت ….انا هنايا
اويس:شن جو
نهال:اها مليح?
اويس:خيرك مصدومه?
نهال:لاشي بس خلعتني منسحابكش روحت
اويس:امممم به المهم وين حوش عمك او راجلك اه مشناها كلمة راجلك المهم الذكر هذاكا
نهال:حوش فهد ؟ليش؟
اويس:لازمني والله المهم اكتبي العنوان انا بنخش ندوش
نهال:بي استغراب ….تمام

هاديه:قصه والله الولد معش روحه بكل كان نعرف وين يبات بس
رؤى:هوا عنده غير نادر ولا مش عارف شن اسمه
هاديه:اتصلي بيه نبيه
رؤى:معنديش رصيد
هاديه:اتصلي بيه من تالفوني بسرعه نبيه?
رؤى:به يا امي به

ترن ترن ترن
نهال:طقت ع باب الحمام …اويس اووويس
اويس:مسح وجها من الميه…نعم
نهال:امك تتصل
اويس:اوووه شيت نسيت مكلمتهاش اليوم?…لبس اويس سرواله وطلع بسرعه
نهال:???ه ه ها هاك
اويس:ها امي
هاديه:وينك ياكلب ياولد الكلب
اويس:انتي بتشتمي الحب ع فكره?
هاديه:ممكن نفهم وين تبات ليك اسبوعين مريناش وجهك
اويس:تلفت تي يا امي نادر بيتز…?
نهال:?
هاديه:اووويس ياتيس نكلم فيك
نهال:طلعت من الدار بسرعه ووجها احمممر بيطربق
اويس:ها ها معاك يما انضفو في الحوش وبنديروله صيانه نادر عرسه التاني قريب
هاديه:روح بات في الحوش
اويس:منقدرش نخليهم بروحهم
هاديه:وعلاش شنو تغطي فيهم لما يرقدو وانت تقول جايبهم وناسيهم
اويس:ياريت نغطي فيهم ?
هاديه:الووو
اويس:ها ياحب معاك المهم والله ان شاء الله تو نجيك من الصبح غضوا
هاديه:نستنا فيك
اويس:تم هي

نهال:قعمزت في الصاله وكانت متحشمه بتموت
اويس:ءء ن نهال انا طالع تبي شي
نهال:سلامتك
اويس:ديري بالك ع روحك مش معطل
نهال:تمام ?

✨روايات بنووتة الشيخ(اروى)✨

فهد:اااااااه تي منو انتم
مروان:ياسره يانادر راسي صداع خلي اويس يجي يتفاهم معاه
نادر:انا نبي نفهم بس كيف بنت من لحمك ودمك هكي ادير فيها
فهد:ع من تحكي انت
نادر:ع بنت عمك يا بغل يامعفن معقوله هكي قلوبكم سوداء لهدرجه
فهد:نن ن نهال?انت تعرف وينها تي شنو تبووو مني انتم وين نهال
مروان:اهو جي اخيرا
اويس:هاي ياحب
نادر:تعالا اهو الخامر
اويس:قعمز قدام فهد….شن جو?
فهد:مني انت
اويس:انا السلطان شن عايز بكو الوان?
مروان:حاط يده ع راسه ضحك ضحكه خفيفه
فهد:تي فهمووووني النم
اويس:انا اسمي اويس ضمه فوق الالف
فهد:شن تبي مني
اويس:والله هكي باعتني ربي ليك باش ندلك ع طريق الخير والمحبه والسلام
فهد:القصد؟
اويس:جايبك هني ومتعب معاي صحابي والدنيا كلها معارفي يلي في البلاد كلهم كلمتهم ع خاطرك نبيك ادير شي واحد
فهد:شنو?
اويس:اطلق نهال
فهد:منين تعرفووووها انتم نهال وينهاااا وينهااااا
اويس:ضربه ع فمه…يلا اسكت بلا دراما زايده قولي بطلقها ولا لا
فهد:مستحيل
اويس:صباح اليوم اهتزت ارجاء المدينه بي جريمةٍمفزعه وهيا العثور علي جثة شاب في مقتبل العمر يدعى فهد عماد الطرابلسي في منضر شنيع حيث كانت اجزائه مقطعه وتم التعرف عليه بصعوبه وحتا الان لايوجد اي فكره عن المجرمين محمد المقريف العربيه شن رايك فيا؟
مروان:ينا عليا?
نادر:نجك ليا
فهد:??
اويس:وهاذي شهاده نعتز بيها…وطلع ورق من جيبه وفتحهم اقرا
فهد:مصدوووم ويقرا ?
اويس:تأكدت توا اني مجنون وقادر ندير كل شي ومحدش يحاسبني ولا ?
فهد:ان ان انا نبي نطمن عليها بس البنت امانه عندي
اويس:صداااع من كثر الاحساس والحنان العائلي يارباااااه تي بطلق ولا لا ?
فهد:منقدرش
اويس:نادر هاتلي البالطه متع اللحم
فهد:ممموافق
اويس:جيبوه الحلو هي
فهد:وين ?
اويس:تو تعرف

منيره:لاعارفه نلقاها من خوك يلي مجوزتاش كيف منبي ولا من الكلبه يلي هربت ومنعرفوها وين ياريتها حتا حضرت الجلسه ع الاقل حصلنا التوكيل وتمشي تشيط بعدين
نسرين:يلي درتوه في نهال ربي ردهولك في بنتك يا امي??
منيره:شن قصدك؟
نسرين:انا مش بنت???ضحك عليا واحد يا امي زي مدار فهد لي نهال وباش ربي يعذبك اكتر مش رح يتزوجني الولد اختفي بكل
منيره:لون وجها تغيرر وبدت ملامح الصدمه ع وجها ناضت شدت نسرين من شعرها …انتي تكذبي تكذذبلي ولا تكلمييي تكلممممي?
نسرين:منكذبش يا امي هاذا يلي صار ياريتني نموت ونرتاح???
منيره:خشت في حاله هستيريه وبدت تنوح وتضرب في بنتها

✨روايات بنووتة الشيخ(اروى)✨

طق طق طق
نهال:وقفت ع الباب …منو ؟
ااويس:افتحي انا
نهال:فتحت الباب تفضل
اويس:بري البسي عبايتك وتعالي الصاله
نهال:علاش شن في?
اويس:تي بري زي ماقتلك
نهال:به….ومشت تلبس في عبايتها
اويس:دخلوه شباب
مروان:تعبتني معاك ياخرا راسي نحس فيه بيطربق
اويس:تبي نكته هكي عشان تنسى همك
مروان:اسكت بالله عليك منبي شي?

نهال:اوويس في حد معاك؟
اويس:نزل راسك انت وياه
نادر&مروان:???
اويس:خشي
نهال:خشت لي الصاله وقريب طاحت من الصدمه لما شافت فهد ????
فهد:منو هاذا وشن اديري هنايا انتي?
اويس:شلفطه ع رقبته ?…نسيت علاش حني هنايا؟
فهد:ساكت ويشوف لي نهال
اويس:ها شنو منسمع في شي
فهد:انتي انتي طالق
اويس:محلاك لما تسمع الكلام
نهال:شعورها ملخبط بين فرحه وخوف وصدمه
اويس:وحده تانيه ترا
فهد:وهوا بيتفجر ….طالق طالق
اويس:كريم والله ….بنتقابلو في المحكمه باش نكملو الاجرائات وللعم مصور فيديو كيف اطلق فيها باش متنكرش تمام ؟
فهد:هز براسه ويشوف لي نهال
اويس:خلاص نهال بري انتي
نهال:مشت لي دارها وتبكي من فرحتها فعلا اويس التافه طلع قد كلامه
اويس:به علاش تو كلمة تافه بين السطر هي ?
بنووتة الشيخ:مدخلكش ?
اويس:به?

المهم روح فهد لي امه بدون مينظرب هلبا ولا شي
ونهال:بن الفرحه متاعها مش قادره تعببر

نهال:تبكي اويس والله منعرفش كيف نشكرك انت انقذت حياتي اقسم بالله فرحااانه
اويس:محلاك وانتي فرحانه والله?
نهال:ابتسمت
اويس:اماليك بعد غضوا مروحين ان شاء الله
نهال:ج جدياااات???
اويس:اي عشان انتي رح تطلقي رسمي من المحكمه ويتخشي في عده وحسب علمي فيها هلبا شروط وغلط تشوفي راجل براني او حتا تتكلمي معاه
نهال:اي صح ❤️اويس بجد مش عارفه كيف نعبرلك علي فرحتي نبي نفهم كيف تتعامل مع الامور هاذي ببساطه هكي فهمني
اويس:قتلك والله مفي مشكله مليهاش حل يا بطه مهم ديريلي فنجان قهوا اشكريني بيه?
نهال:من عيوني?…ومشت
اويس:قعمزت نفكر البنت هيا منبيش ندير معاها شي غلط وهيا حلوه الحق❤️الحمد الله اني شديت روحي الفتره هادي كلها ومدرت شي غلط معاها لين نوضلها لي اهلها زي ميقول المثل يلي اديره في الرخيص تلقاه في العالي
بنووتة الشيخ:الغالي تقصد ?
اويس:?مهم يشبهو بعض عادي

نهال:كمية الفرحه يلي فيها متوصفش لاكن زعلانه ع شي تاني لما بابا بيشوفني بلحاله هادي متأكده انه رح ينهار مبطله ومطلقه وغير الشي التاني يلي صار معاي بجد خايفه عليه من ردة فعله ??ربي يوصلهم بسلامه بس ياااااارب

نهال:القهوا ?
اويس:منووره?
نهال:حطت السفره وبتمشي شدها اويس من يدها
نهال:?
اويس:اسف اسف بس نبي نحكي معاك كذا حاجه
نهال:قعمزت جنبه …اها ان شاء الله خير
اويس:بعد يروحو امك وبوك وترجعي للحوش معاهم ان شاء الله شنو مخططه بديري؟
نهال:تنهدت …عقلي واقف يا اويس كل تفكيري في صدمتهم لما يشوفوني ويعرفو بيلي صارلي
اويس:وصيت الولد يحكيلهم قبل ميروحو ع كل شي وان شاء الله مفيش الا كل خير
نهال:تشبحله…خاطري نعرف انت كيف انسان كويس هلبا بطريقه هادي
اويس:خش في بعضه من الحشم وارتبك ….حتا انتي انسانه كويس شن رايك نتحدو مع بعض ونجيبو ناس كويسين ?
نهال:????

فهد:خش الحوش وسكر الباب ويشوف امه….يتبع