رواية جنون
#جنون ?
الحلقه(7)
طق طق طق
نهال:فتحت الباب …اهلين اويس
اويس:شنو واتيه؟
نهال:اي بس خايفه تعرف نرعش مع بعضي
اويس:تي لا متخافيش مشكله تافها وتمر ع خير
نهال:لو كانت مشكلتي انا تافها شنو الصاعب اماله
اويس:اممم اسألي بوي يعرف في الحجات هيا انا نشوف في كل شي تافه الحق?هيا شنو بنطلعي ولا غيرتي رايك
نهال:لا بنطلع اكيد
اويس:هي
نهال:اوويس
اويس؛ها
نهال:كيف بنطلع شنو بتقول لي صحاب المشفى
اويس:تو توكة الغدي مفيش حد غير صبحي وصبحي تو نتصرفو معاه هيا
نهال:تمام ….وطلعت
عند منيره:-
الحوش معبي ناس وزحممممه اليوم حنة بنتها ندى فرحانه من زيها ،
نسرين:حبيبي بطل
حسام(ولد جرانهم):خيرك هكي انتي كل منقرب منك تباعدي الصراحه معش يمشي معاي الحال هاذا ره ?
نسرين:به خلاص اسفه
حسام:ابتسملها به تعالي نخشو المربوعه مدام كلهم لاهيين في العرس
نسرين:اوكي هي
طلع اويس ومعاه نهال وركبو السياره :-
في الطريق ..
اويس:تي خيرك ترعشي
نهال؛خايفه
اويس:مسك يدها …اهدي تو كله يمشي تمام
نهال:نصدمت منه ?كيف هكي يمسك يدي بس درت روحي مش مركزه
اويس:حسيت روحي زودتها?نحيت يدي بكرامتي خير منحصل كف بلبندق ….وهااذا الحوش انزلي هي
نهال:نزلت وقعدت نتفخص في الحوش بعيوني فتحلي اويس الباب وكان الحوش حلوه الحق من داخل وفيه جنانات معشبات صح صغيرون لاكن محلاه ❤️
اويس:شن رايك ماشيه اموره ؟ولا بنت العز تبي ڤيلا
نهال:اي حلو بلعكس❤️…قعمزت ع الصالون وهيا مش عارفه روحها شنو بدير
اويس:ءءء خ خلاص امالا نخليك ع راحتك انا بنطلع بن…
نهال:لالالالا?متخلينيش
اويس:اففف مشكله الانسان لما ربي يخلقه زي العسل كلهم معش يبو يسيبوه ?
نهال:خايفه انا لا عسل لا حنظل ?
اويس:اي اي نوضي دخلي حوايجك تو نطلب ماكله من برا خلي نتغدو
نهال:وين بندخل حوايجي؟
اويس:في دار في اخر الممر ع اليمين
نهال:به …وناضت
اويس:اسمي
نهال:نعم
اويس:علاش الخشب يتيم؟
نهال:شنو؟علاش؟?
اويس:لانه مقطوع من شجره ???
نهال:مش عارف علاش ننسجم معاك بس رغم عارفاتك تافه …ومشت
اويس:خاطري نعرف حتا انا كيف منسجم مع انا ?
✨روايات بنووتة الشيخ(اروى)✨
اويس:وقف علي باب الدار ويشوف لي نهال
نهال:واقفه تشوف لي صورة بوها
اويس:بخخخ
نهال:خلعتني ?
اويس:شنو اديري
نهال:ولا شي كملت ترتيب حوايجي مهم قولي
اويس:خش قعمز ع السرير…شنو
نهال:انالا امتا بنقعد هنايا وشن يصير في امي وبوي
انت عارف لو لقوني خوالي رح يقتلوني
اويس:متخافيش مش رح يلقوك ولا يهمك بنسبه لي بوك وامك كلمت واحد في برلين يسأل عليهم ان شاء الله يجيبلي خبر
نهال:ضحكت …صحيت والله معارفه كيف نشكرك
اويس:قوليلي شكرا ?
نهال:????
اويس:عيونه يلمعو …انتي عارفه انك حلوه لما تضحكي ?
نهال:?اءءء خلي نشوف المطبخ شنو فيه?…وطلعت
اويس:ياربي ع المتربي ?
ترن ترن ترن
اويس:ها احساسي
مروان:ايوااا وينك
اويس:حوش نادر
مروان:شنو فيها كيف نجي ولا ممنوع
اويس:شن تبي
مروان:?شي مريتكش اليوم
اويس:يامروان انها جميله ?
مروان:من هيا ؟
اويس:تي منو غيرها الزح
مروان:عندك علم علط قعدتك معاها يافالح انت مش محرم
اويس:انا ذي الحجه?
مروان:نتكلم جديات انا ?
اويس:عندك حل تاني يعني
مروان:به اطلع نتلاقو في القهوا
اويس:نقدرش خايفه البنت
مروان:خاطري نعرف من امتا بس تهتم بي البنات طول عمرك مدرت علاقه وتكرهم
اويس:مش علاقه هاذي ياحمار انا نخافض ع البنت بعدين انت مفروض تنهيني عن الفحشاء والكناري
مروان:المنكر قصدك???
اويس:المهم فيه حرف ال گ?
مروان:به سكر عليها الحوش وتو نقعمزو في الجنان
اويس:تم هي
نسرين:بهدله وشعرها مش مرتب وحوايجها نفس الشي….شن هاذا يلي صار بينا ?
حسام:عادي يعني هاذا يصير بين اي زوز يحبو بعض
نسرين:بس انت خسرتني عذريتي تعرف معنى الشي هاذا؟؟؟!
حسام:حضنها ….اششش رتبي روحك توا وروحي الشي هاذا تو نهدرزو فيه متخافيش معاك انا
نسرين :تمام
✨روايات بنووتة الشيخ(اروى)✨
نهال:نديرلكم قهوا؟
اويس:ياريت والله
نهال:تمام انا ي عليك تعال خوذها
اويس:طلع وسكر الباب وقعمز ع الكرسي عوا ومروان ونادر
نادر؛ياحسرتي علي حوشي وخلاص امتا بنتجوز
مروان:قتلك الف مره برا اتزوج سالمه بنت جاركم
نادر:زعما ترضى بيا
اويس:انت ديما هكي عندك شعور بلقرص
نادر:تقصد شعور بنقص؟
اويس:مهم فيه حرف ال ص ?بعدين اصلا سالمه اخي خشمها زي بوريك رمضان
مروان:???
نادر:هاذا حضي اصلا ?
نهال:اوويس اوويس
اويس:جايك ياسود انضاره خلي الباب بلا صكاره ?….وناض
نهال:تفضل القهوا
اويس:منوره….خذاها وطلع وسكر الباب
مروان:ياعمرى ع الصوت الحنون
اويس: سكر وذانك معش تسمعها
نادر:شكلها صغيره البنت
اويس:هلبا تعرف كيف خشت ال18
مروان:وصاير فيها هاذا كله؟
اويس:تعيش وتشوف بالله …وقعدو يهدرزو
نسرين:خشت للحوش
منيره:باهي يافايده جيبي الدربوكه هيا بدو يحنو راهو ….وين كنتي انتي ?
نسرين:انا كنت ن ن ندور في الاستشوار في المربوعه
منيره:به خشي هيا بيبدو في الحناء
نسرين:به جايه هي ?
كملو هدرزه مروان ونادر وروحو:-
اويس:خش لي نهال وفتح الفايبر وقعد يحكي مع الولد يلي في برلين وتفاهم معاه
نهال:انا قريب نحط مصاريني خايفه يكرا فهد بيمشي للمصحه ومش وح يلقاني وخوالي حتا هما بيقلبو عليا الدنيا وجود اويس مريحني بس مرات نحسه تافه هلبا يعني كيف بيطلعني من شاكلي بي تفاته هادي ربي يستر وخلاص ?
نهال:اريس تبي شي ؟انا بنرقد
اويس:سلامتك ياحلوو نوم العوافي
نهال:الله يعافيك لو تبي شي نوضني عادي
اويس:اكيد بنوضك امالا بنوض امي ?
نهال:?تصبح ع خير
اويس:وانتي من اهل الخير
اويس:قعدت طول الليل نايض نفكر البنت هادي ولت امانه عندي لازم نحافض عليها لان كما تدين تزداد
بنووتة الشيخ:تدان قصدك
اويس:مهم فيها حرف ت ?
بنووتة الشيخ:كمل ?
اويس:قطعتيلي حبل افكاري نسيت شنو بنقول افف ….المهم قعدت نايض طول الليل نراجع في المقالات يلي تخص انفجار برلين واسماء الضحايه وهكي وبنسبه لي مشكلة فهد راجلها مش مفكر فيها لان ساهله وتافها ورح تنحل عادي يعني
نهال:نرقد شويه ونوض تجيني كوابيس مرتحتش بكل لين صليت ركعتين وغفيت شويه
فهد:السلام عليكم
الاستعلامات:وعليكم السلام
فهد:جاي نستلم مريضه اليوم
الاستعلامات:الاسم لو سمحت
فهد:نهال الطاهر
الاستعلامات:قعد يشوف في الكمبيوتر …استلمها خالها موسى امس
فهد:خالها?؟امم به شكرا
الاستعلامات:العفو
فهد:الحقيره تسحاب روحها بتهرب من راجلها بس رح نمشيلها ونجيبها غصب عنها وعن خالها
نهال:بصوت هااادي ….اوويس اويس
اوس:فتح عيونه …ياعيون اويس?
نهال:تلبكت …الساعه 2محبيتش انوضك بكري بس الضهر اذن
اويس:ناض وقعد يساوي في شعره
نهال:ضحكت مزال في خصله طايحه
اويس:لا لا خليها تقعد الخصله هادي اسمها خصلة الحظ?
نهال:في خاطري تبارك الله ربي يحفضك من العين ❤️….لقيت شوي حجات درتلك فطور
اويس:منوره ياحلوه بعدين لازم نطلع ره بنشري حجات ناقصه وبندير دوره ع الحوش
نهال:انت متزوج؟
اويس:بالله منضري متع زواج انا ?
نهال:لا بس قلت الحوش ?
اويس:عندي امي تموت كان قعدت يوم مشافتنيش ضروري نمشيلها
نهال:احلا شي الام في الدنيا ربي يحفضهولك ❤️
اويس:انشاء الله يارب ترا قولي لما شجره اطيح ع شجره شنو يصير ؟
نهال:شنو؟
اويس:يتشاجرو ??❤️
نهال:المشكله اني كنت منسجمه ?????نسحابه حاجه باهيه
اويس:مهم متخافيش صكري عليك الباب ومحدش يجيك
نهال:به ….بنقولك فهد من امس يتصل حطيته في الحضر
اويس:طلع تالفونه ونحا منه شفره ….صكري شفرتك وهادي شفرتي المدار ركبيها مكتوب فيها رقمي الليبيانا لما نطلع كلميني بيها وشفرتك معش تفتحيها
نهال:تمام
اويس:ناض بدل وفطر وطلع .
✨روايات بنووتة الشيخ(اروى)✨
فهد:ككككيف؟؟؟فهمني كيف مخذيتهاش
موسى:تي خيرك تعيط ياراجل من لما خشت المصحه معش ريتها وبعدين مفروض تكون في الحوش توا مش عرس اختك يلي هيا حماتها؟!
فهد:مهناش في المصحه ياخااال
ركب موسى خال نهال وانور خالها الثاني مع فهد لي السياره ورجعو للمصحه
نهال:حسيت روحي مرتاحه رغم اني بروحي في الحوش قعدت انضف فيه
الاستعلامات:والله هاذا يلي مكتوب عندنا ياباشا موعد الاستلام الساعه 10وبي اسم موسى بشير
انور:موسى كان ادير في الجو متاعك فوته
موسى:تي علاش بنطلعها خيرك انت بعدين شنو انتي شفتيني نطلع فيها
الاستعلامات :لا والله مش توكتي الساعه 10الحق
فهد:تو نحققو في الموضوع ??
مكالمة فايبر :
ترن ترن ترن
اويس:ها يا طجين شن جو
عبد السميع (الطجين):مليح ياويسو
اويس:طمني شنو صار
الطجين:بخصوص المرا والراجل يلي سألتني عليهم
اويس:اي شنو زبطهم وين؟
الطجين:مفي شي يصعب عليا ?
اويس:تي تكللللم
الطجين :….يتبع