رواية جنون
الحلقه( 11)والآخيرةةةةاويس:انا ان انا شكلي تعود ع القعده معاك وبديت نستاحش فيك❤️
نهال:حتا انا والله نستاحش في تفاهتك الحق ?
اويس:حماره هادي متفهمش؟….اسمعي انا مش قصدي ان عادي يعني تعودت عليك بس
نهال:قلبها بيطلع …اها ع شنو تحكي امالا
اويس:منعرفش هكي حاس اني معجب بيك او شعور حب منفهمش المهم شي حلو نحس بيه
نهال:معش عرفت شنو ترد وقعدت ساكته ومش قادره تنزل عيونها
اويس:انا غبي صح معرفتش انوصلك المعلومه
نهال:ابتسمت ونزلت راسها
اويس:المهم انا رح نخليك ع راحتك توا انتي فكري في كلامي وبينا تالفون
نهال:ان شاء الله ع سيرة التالفون شفرتك قعدت عندي لحضه نعطيهولك …وجت بتمشي مسكها اويس من يدها وجبدها❤️
نهال:حليلي اناااااا منه ومن ريحته ومن عيونه اااااه …معرفتش شنو نقول ولا كيف نتصرف بجد حتا انا اول مره نحس هكي في حياتي منعرفش كيف نتعامل مع شي زي هادا قعدت نشوفله وبس
اويس:خليها عندك اصلا هيا جديده مفيش داعي ترديهولي
نهال:عع ع عراحتك❤️
اويس:تم ياحلوه نتلاقو
نهال:بي اذن الله …ومشت
اويسقعد يتبع فيها بعيونه لين وصلت للباب ضحكتله واشرتله بيدها وخشت
اويس:تمت المرحله الاولى بنجاح ??
ناجي:قلت لا يعني لا
هاديه:الله يهديك يا ناجي بالك الولد يعقل بعد نخطبوله ويبدا عنده مسؤليه يفكر فيها
ناجي:مستحيل نخطبله التافه هادا وهوا في حياته كله مش محقق شي غير شهاده معلقها في داره الخامره تبي نخطبله بنت ناس باش يبدا تافه معاها ومع عيلتها ونقعد في الحشايك انا
هاديه:غير زيد فكر
ناجي:لا قلت هاذا بدل مايبدا ولدي جنبي وعاطيه منصب في الشركه قداش مره نعطي فيه فرص نخشش فيه اجتماع اثنين ثلاثه نبي نشوف قدرته علي التفاهم مع الناس ومع هاذا يبدا يقول في كلام نص يلي في القاعه يضحكو ونص التاني متكنطي قلت بالك ينفع شغل مكاتب واستمارات وحجات زي هادي تاني يوم خشيتله لقيت مداير قوارب هوا وولد خوك التافه بي ورق الموضفين وتقوليلي اخطبله؟؟؟هاذا يلي ناقص والله انا ولدي يزيد بس مشاء الله دكتور العيله امتا يفكر يروح من تركيا ويستقر بس
هاديه:تو يصير منه وليدي نعرفه تو تشوف
ناجي:بعد 47قرن ان شاء الله المهم توا نوضي ديريلي قعوا خلي نصحصح بعد غضوا عندي صفقه مهمممه هلبا جايه من الوزاره متع الصحه
هاديه:ان شاء الله …
✨روايات بنووتة الشيخ(اروى)✨
ترن ترن ترن
اويس:ها يا مرت بوي يا اخت خالي ومرت خو عمتي وسلفت مرت عمي
هاديه:فكني من كترت الدوا متعك وتعال نبي ضروري بسررعه
اويس:علاش شن فيه
هاديه:تعالا تعرف
اويس:به اصلا قريب نوصل انا
حفيظ:غريبه قاعد في الحوش
مروان:ماعندي مندير
حفيظ:لقيتلك راي في السفره متع ايطاليا
مروان:???جديااا
حفيظ:اي
مروان:امتا بنسافر
حفيظ:والله هاذي تعتمد عليك امتا ما تقرر تشد خدمه زي الناس وتعقل تسافر
مروان:اياااه علينا مطوله الحكايه
حفيظ:دبر راسك امالا الشهاده متعك لي شنو واخدها
اويس:نعمممممم والله ؟؟؟؟جديات راجلك يتكلم ولا يبصر
هاديه:سكر فمك واهدا
اويس:والله نهبل ره توقعي نخطفها البنت كان مخديتهاش فكيني من الجو متاعكم يما
هاديه:اخخخ بس بنلقاها من جنونك ولا من عناد بوك استنا خلي نفهمك
اويس:ها
هاديه:بوك عنده صفقه كبيره قال الايام الجايه وهوا باش يخطبلك لاااازم توريه انك قد المسؤليه فهمتني
اويس:به وان شاء الله كيف بنوريه اني قديد الثقه
هاديه:قد الثقه يابهيم
اويس:مهم فيه حرف ال ق
هاديه:برا لي الشركه خوذ معلومات ع الصفقه والبرنامج متعكم وخش فيها معاه لما يشوف انك تاعب عليها وقتها بس رح يفهم انك تقدر ادير اي شي ونقص من تفاهتك يانهاري الاحرف مش عارف لمنو طالع بسسسس
اويس:حتا هاذا راي والله تعرفي تفكري امي وين كان عقلك الخارق هاذا
هاديه:باش تعرف بس هيا وراس وليدي متخيبش ضني فيك
اويس:من عيوني حاضر
ترن ترن ترن
هاديه:غير اسمع بنقولك
اويس:امي بالله شويه نرد ع الولد …ها يا احساسي
مروان:اويس احتاج المساعده
اويس:صديق ولا الجمهور?
مروان:بلا جو عاد تواا تعالا بالله عليك
اويس:به تو نجيك غير هكي قاعد مع امي شويه
مروان:به طير هي
هاديه:منو هادا
اويس:مروان اصلا حتا انا بيه يساعدني في موضوع الصفقه هوا
هاديه:به وراس غزالي وانت مروح جيبلي طماطم وجزر
اويس:هل عندك علم ان الجزر يقولو لونه برتقالي لاكن البرتقال منقدروش نقولوله جزائري؟
هاديه:نوض من قدام وجهي غير منطيح فيك ضرب
اويس:?بسلامه
نهال:اول ماخشيت للحوش لي داري طوووول وقعدت ننقز من الفرح زي الهبله ?…بس قعدت نراجع في روحي يعني انا توا اسمي مطلقه رسمي ?وبي اذن الله رح نبدا في العده وهوا عزابي لا هوا مطلق ولا هوا ارمل حرام ياخذني?افففف ربي يستر
طق طق طق طققققققق طق طق
صفيه:منو جاينا في ها القوايل ? ….فتحت الباب
اويس:مساء السعاده لو سمحتي قهوا ساده
صفيه:هوا انت ?خش
مروان:اخيرا خيرك عطلت
اويس:تي زحمه ياراجل الدنيا كلها طالعه اليوم
صفيه:مش العاده اويس يجينا غريبه
اويس:غريبه ولا مقروض ?
صفيه:كان نعرف امك كيف متحملاتك بس
مروان:تعال الحقني
مروه:اويس????
اويس:اوو مريوه شن جو
مروه:الحمد الله تمام وانت
اويس:ماشيه الامور
مروان:تي هيا
اويس:وراس مريوه قهوا امك معندهاش نيه اديرها والواضح ان خاطرها تقتلني
مروه:حاضر ?
اويس:ركب مع مروان لداره
✨روايات بنووتة الشيخ(اروى)✨
ندى:نوضي امي هيا خوذي دواك
منيره:وين خوك?
ندى:خوي شنو بالله في الحبس يا امي اشبح امتا يطلع
منيره:?ياسعدي الطايح يا غبارتي انا وخلاص???
ندى:امي ياسرك معش تقولي هكي واستعوذي من الشطان
اويس:اممممهكي موضوعك صار
مروان:بتريس نبيها السفره يا اويس دبرلنا في لقطه نقدر نسافر من ورا بوي عادي لاكن وقتها بيقطع عليا الفلوس
اويس:عندي موضوع فيه فايده ليك وليا
مروان:اويس بالله بلا تفاها
اويس:مش تفاها غير اسمع …منعرفش اما وحده من شركاتنا بزبط بدير صفقه كبيره مع الدوله تمام؟ويلي فهمته ان بوي وبوك يخدمو صبح وليل لان الصفقه مهمه ليهم ولازم يقنعوهم بي اي شكل
مروان:يعني؟
اويس:ناخذو خبرتي وخبرتك ونخدمو ع رواحنا ونحضرو الاجتماع ونقنعوهم
مروان:نقدرو؟
اويس:تي علاش لا ناخذو دراسه كامله علي الارباح والبلا بلا بلا بلا الحجات هديكا كلها وتمشي امورنا
مروان:امتا به؟
اويس:بداية الاسبوع الجاي وبكرا نمشو انا وياك نديرو دوره في الشركه نضمو الجو
مروان:به مليح
ترن ترن ترن
اويس:كأنه قلبي يشرين والله?
مروان:ربي يشفيك والله منضرك يضحك
اويس:صكر فمك ….احم حححح مم حم ….ايوا
نهال:اها اويس كيف الحال❤️
اويس:تمام يا حلو
نهال:نبي نطمن عليك بس وصلت الحوش ولا لا
اويس:وصلت انا وعقلي قعد عند بنت انور والله ??
نهال:?به كويس
اويس:شن صار في الموضوع فكرتي ؟
مروان:بنمشي نجيب القهوا ونجي
اويس :حتا متجيش عادي ?
مروان:تافوه ?يامتع الحب
اويس:اها شنو فكرتي ولا لا؟
نهال:اويس انا مستحيل نلقى زيك تمام ❤️لانك حافضت عليا وحطيتني في عيونك لين وصلتني لي اهلي
اويس:??
نهال:بس في نقطه صاعبه عليك
اويس:شن هيا تو نخليها ساهله لي عيونك والله?
نهال:انا توا مطلقه ?وللعلم توا بديت في العده وحرام حتا نكلمك بس حبيت نوضحلك انت ولد تجنن سواء في شكل او شخصيه يعني معتقدش حتا اهلك يرضو ان تاخذ مطلقه
اويس:شي زي هاذا متفكريش فيه ونحيه من بالك بعدين ناسيه ان انا يلي طلقتك منه يعني مفروض نجيبلك عريس بدله وانا العريس?
نهال:هههههه
اويس:دوم اضحكي ياحليلي انا ?متفكريش في حجات زي هادي توا احكي معاي واتس ولا ماسنجر لين تكمل العده وتلقيني في حوشكم
نهال:ان شاء الله ☺️
مروان:تعالا تسمسم
اويس:هي تو نحكو بعدين
نهال:تمام سلام
اويس:سلام…وسكر الخط
نهال:طاحت ع السرير ????مش طبيعي الولد مش طبييييييعي ❤️❤️
بعد 3ايام:-
اويس :مشي لي الشركه هوا ومروان ودارو بحث كانل ع معلومات الصفقه وكل يوم يسهر لي وقت متأخر هوا ومروان يخدمو باش يطلعو حاجه مليحه
اويس:متنسيش ان نقعد بروحي ساهر ومروان يرقد في نص الخدمه يمد في راسه يلي زي الشقاقه متعي زمان
بنووتة الشيخ:به انا يلي نحكي سكر فمك خليني نكمل
اويس:ديمه تهزب ?مبعدكم منها كملي هي
المهم تعبو هلبا الزوز اويس ومروان وناجي وحفيظ مكانش عندهم علم ان ولادهم رح يخشو للاجتماع .طبعا بدت نهال في العده و24ساعه ومع اويس ع الواتس
اليوم الاجتماع المهم موضفين الشركه كلللهم متوترين وحضرو اكبر قاعه عندهم وكلهم يتجارو ينضفو ويجعزو في الورق في كل تركينه والخوف واضح عليهم
وصلو الاعضاء يلي من الدوله وخشو لي القاعه وبدي الاجتماع وفجأه?زي كل مره يخش اويس الخشه العميقه بس المره هاذي غير لابس بدله وقرواطه ومعاه مروان
اويس:اسف علي التأخير …وقعمز هوا ومروان وطلعو الورق
حفيظ:بصوت واااطي…ولدك شن يدير هنايا
ناجي:نعلم انااا يعني تي ولدك معاه ولا متشوفش فيه
اموضف الدوله:نكمل شرح ولا شنو حضرتكم؟
اويس:اي كمل تفضل
تسكر الضي وبدي البروجكتر والموضف واقف يشرح قرب ناجي من ولده
ناجي:انت عارف او توا متطلعش وتفضحني رح نتبرا منك لا يوم الدين فاهم؟
اويس:لو سمحت خليني نركز
ناجي:صبرك يا رب صبرك شن جيبكم هنايا يامروان
اويس:معليشي يا استاذ في خطأ واضح عندكم
ناجي &حفيظ:???
الموضف؛نعمم؟؟
اويس:اي انت موضحلنا توا المبيعات مشاء الله اكبر من خشم جدي الله يرحمه والجوده متعكم مفاتتش ال50%كيف هكي من وين جت الارقام الخياليه هاذي
الموضفين قعدو يشوفو لبعض
ناجي:لاحض ان كلام اويس صح ???
مروان:خلينا نخشو في التفاصيل طول يعني نحتا عارفين انتم شنو تبو مفيش داعي لي الفيديو التوضيحي
الموضف:اوكي تمام
ناجي:يرعش هوا وحفيظ?لين معش فهمو شنو يتكلمو
الموضف:انتم عارفين ان الصفقه هادي رح تكون حاجه قويه لي شركتكم يعني ف لازم تتبعو كلامنا
ومتطلباتنا
اويس:انت عارف ان الكوكب المشتري لم يدفع صمن الاغراض يلي اشتراها؟؟
الموضف؛نعم ؟
مروان:طيح البيرو ونزل بياخذه ويضحكك
اويس:يعني لو انتم شفتو شركه غيرنا صدقني مش رح يدفعولك بنفس سعرنا وبذات بجوده متاعنا واحني اسعارنا معروفه في السوق يعني رح نكون فايده حتا ليكم ره
الموضفين متع الدوله قعدو يشبحو لبعض
الموضف:به لو نفترض ان وافقنا قداش الوقت يلي رح تحددولنا فيه الكميه المطلوبه
اويس:والله شوف الدقيقه فيها60ثانيه والساعه فيها60دقيقه والشهر فيه 30يوم والسنه فيها 12الشهر والقرن متع الجموسه ??…احم اسف المهم يعني م موضوعنا الوقت رح نزودو عمال وفي اقل من شهر يكون كله تمام مش هكي استاذ ناجي
ناجي:بلع ريقه ومصدوووم…اي صح نقدرو نزودو العمال
الموضف:والله رح نزيدو نتشاورو
ناجي:اكي…..
مروان :تشاورو ومتشفوش روحكم يلي يشوف روحه يقعد بروحه نحنا حتا لو خسرنا الصفقه هاذي مش رح تأثر علي ارباحنا لاكن انتم رح تخسرو هلبا
الموضف:به شن رح يكون اسم الصنف يعني انت عارف ان جيها حكوميه تتعامل مع شركه خاصه اول مره الاسم يلي نستعملوه شنو؟
حفيظ:ان…..
اويس:انت عارف ان الاب يقولوله بابا والام يقولولها ماما لاكن الخ ميقولولاش خاخا ?يعني رح يكون الاسم واحد ويجمع بين الطرفين
قعدو الموضفين يتكلمو بشويه وناجي معش قادر يوقف ع رجليه
الموضف:تمام متفقين بس اهم شي تلتزمو بي جودة المنتج
اويس:وقف سلم عليه وابتسم ….اكيد☺️
الاعضاء متع الشركه وناجي وحفيظ مصدومين فيهم بذات اويس التافه ??
مروان: سلم طق اويس ع يده….والله ودرناها يا برو
اويس:امالا شنو
ناجي:انت مستحيل تكون انسان طبيعي?جنااان جنااان
جنان:نعم
ناجي:هاتي7فناجين قهوا للمكتب باش نستوعب يلي صار?
حفيظ:حتا انا ياجنان ?
اويس:قعد هوا ومروان في الشركه يخدمو ع اساس
اويس:شن قصدك بي كلمة ع اساس ?
بنووتة الشيخ:معش تخشلي يا همي خليني نكمل اويس:به عدلي كلامك توا
بنووتة الشيخ:اويس قعد يخدم هوا ومروان في الشركه وتاعبين مساكين?
✨روايات بنووتة الشيخ(اروى)✨
روح ناجي وهوا مصدوم مسكين ويحكي لي مرته وهوا مش فاهم حتا كيف قنعهم بعدها اويس نزل لي الصاله
ناجي:فهمني كيف صار بس؟
اويس:الموضفين زي البنات لما تبين انك مش بحاجه ليهم يبدو يجرو وراك ولما تبدا ميت فيهم وغير ارضو يبدو يتجكترو
ناجي:ولدك هاذا مستحيل يكون طبيعي فيه شي في تركيبه غلط في دماغه
اويس:توا فوتني من الانسجه الدماغيه متعي وشن يصير في خطبتي
ناجي:اقعد وقت اخدم في الشركه وحاضر
اويس:اموت فيك يا الغاليه والله
ناجي:بس اكيد مروان هوا يلي خدم مستحيل انت يطلع منك هاذا كله
اويس:بكرا الايام تبين مين اسي ومين حنين وسعتها ح تعرفوني لما الايام تبين
رؤى:ترررن تررن ??
صفيه:به طلعت منه حاجه باهيه
حفيظ:شي مستحيل يتصدق لاكن صار قدام عيني والله
مروان:تنساش وعدك ?
#تسريع_في_الاحداث
اعترف اويس لي بوه ع مل شي صار مع نهال وناجي كانت صدمته كبيره كيف اويس التافه المستهتر يقدر يحافظ ع البنت من كل شي اول شي من نفسه معقوله قدر يوصلها لي اهلها سالمه؟كان فخور بي اويس جديات بس مباش يوضحله وقعد قريب اسبوع يقنع في هاديه ان البنت مطلقه وعادي بس موافقتش لين عرفت شنو صار بتفصيل
بعد 4شهور:-
طول المده هاذي واويس يخدم بقلب ورب عشان بوه ميغيرش رايه ومروان نفس الشي وطبعا اويس كان علي تواصل دائم مع نهال وحب ولقطات ?المهم اليوم اخيرا نهال بترمي العده وبيمشي اويس يخطبها❤️
كلم امها وخذي موعد معاهم ❤️ومشي هوا ورؤى وامه وبوه واويس مش عارف كيف حتا يتنفس
اويس:الشماته مش باهيه ع فكره
بنووتة الشيخ:اسكت
اويس:به?
ساميه:تسلمي والله الشرف لينا ☺️منو الحلوا هادي
هاديه:هاذي رؤى بنيتي
ساميه:الله يبارك ربي يحفضها ان شاء الله
هاديه:ويحفض نهال يارب مشاء الله ذوق وليدي
نهال:☺️☺️
انور:والله ياولدي انت عارف يلي مرت بيه نهال مش شويه انا منقدرش نعطيها لي اي واحد
اويس:يتكلم وهوا مبتسم….انت عارف لو مخذيتهاش بطيب رح ندير العار وانا عندي وراق تأكد اني مجنون بس انا وح نوريكن الجنون ع اوصوله ☺️
ناجي:??♂️
انور:ياودي نبصر منلقاش خير منك ?يانهااال نهالل
طلعت نهال ع اساس نضره شرعيه وخلوهم بروحهم
اويس:احااا ياوزارة الصحه ??وين الجمال هاذا كله
نهال:ترعش من الحشم ?…اويس ياسر عاد تخجل فيا
اويس:ياحليلي من كلمة اويس ❤️❤️❤️…وقعدو يهدرزو ❤️
نهال:طبعا كان اسعد يوم في حياتي شنو نبي اكتر من هكي ?بدات اويس مساعدني هلبااا وغير شن نبي الحق قعدنا 3شهور خطوبه بعدين حددنا العرس دار اويس عرس كبيييير هلبا بس انا درته بسيط عزمت صاحباتي القدم ❤️مكنت نبي عرس بس اويس اصر عليا
نهال كان ستايلها كله ع الملكي فيلو فخم تسريحه مفتوحه وتاج كامل ومكياج ماشي مع اللوك متاعها اما اويس ?سروال جينز اسود وسوريه بيضه وقرواطه وكندره وسكر دماغه ميبيش يلبس دجاكه طبعا من غير التحليقه وخصله شعره الطايحه??
في الكوشه:-
اويس:قرب ع نهال ….نبيك تجيبيلي 7اولاد
نهال:علاااش ?
اويس:باش ينادوني سفن اب ?
نهال:????
مشينا لشهر العرس لي كندا قعدنا شهر مسكر وطبعا فيه مشاكل بيناتنا بسبب تفاهت اويس الزايده مرات بس كنت نضحك في الاخير للاسف
اويس:وعشنا في تبات وبنات
بنووتة الشيخ:نبات قصدك
اويس:مهم فيه حرف ت ?
*الطمع مش رح يرفعك لي اي مكان ره غير الضلام ورح تعيش طول عمرك تعاني
*الدنيا مش مستاهله انك تعاني فيها لان لما تجي تفكر ربي خلقنا باش نعبدوه لا اكتر وكلها شوية سنين ورح نختفو من ها الدنيا ورح نخلو فلوسنا ولبسنا وشهادتنا ومشاكلنا مش رح نرفعو ماعانا شي غير العمل الكويس به مدام الدنيا هكي علاش نبكو ونحرقو في دمنا ع خاطر مشاكل بالله خوذو الدنيا بي تفاها مرات تصدف معاك وكله ينحل لما تبدا انسان تافه ??
*خليك محافظ ع الشخص يلي دار ع خاطرك المستحيل او حتا يلي يحاول انه يدير المستحيل ❤️
وزي منقول ديما الحب في كل مكان بس انتم دورو كويس….بنووتة الشيخ
خلو رايكم بدون ملصقات نبي نقرا التعليقات ❤️✨
?ﺟﻨﻮﻥ ?
ﻟﻜﺎﺗﺒﺔ : ? ﺍﺭﻭﻱ ﺍﻟﻄﺎﻫﺮ ﺍﻟﻤﺴﻼﺗﻲ ?
✨ ﺭﻭﺍﻳﺎﺕ ﺑﻨﻮﻭﺗﺔ ﺍﻟﺸﻴﺦ ✨