رواية جنون

#جنون?
الحلقه (8)الطجين:بخصوص المرا والراجل يلي سألتني عليهم
اويس:اي شنو زبطهم وين؟
الطجين:مفي شي يصعب عليا ?
اويس:تي تكللللم
الطجين : محبوسين
اويس:علاش?
الطجين:كانو في مكان قريب من الانفجار وقتها ورفعوهم لانهم مسلمين وامها متحجبها وبوها كان مداير لحيه قالو ان مشتبهين فيهم المهم لحد اليوم لا تحقيق ولا محكمه
اويس:به الحل ؟
الطجين:طبعا هما واخذين راحتهم لان مفيش حد تكلم عليهم ومعندهم حد والباين ان مخلوهمش حتا يتصلو بي ولا شخص لاكن لو ان تعين محامي خااص بيهم رح يختلف الوضع وهلبا
اويس:طجين بتريس منقدرش نسافر ونخلي البنت هنايا ومنقدرش نسفرها معاي لان حتا جواز سفر مش معاها دبري محامي غادي ديرلي اي لقطه
الطجين:به عادي اي لاكن يكلف يا اويس ره
اويس:مدورش الفلوس المهم طلعهم بس تو نحولك انا
الطجين:تم حبيبي مدور شي
اويس:منور هي وصلت الحوش انا تو نهدرزو
الطجين:تم
اويس:فتح الباب وخش

رؤى:ويسو جيت ?وين كنت مغيب
اويس:سلم ع اخته….قاعد اسمعي وين بوي
رؤى:مقعمز في الصالون يتكلم في التالفون وكله انجليزي ننصحك متخشش لان شكلها مكالمه مهمه ورح يفصل عليك ره ?
اويس:خش لي الصاله ووقف ورا بوه

ناجي:Well ok nothing will meet soon
اويس:للغه العربيه اضغط واحد ?
ناجي:?ناض من جنبه ….ok ok
اويس:قعمز ع الصالون
ناجي:سكر التالفون ….وين مغطس معش ريناك
اويس:اهو قاعد مع نادر
ناجي:معندكش حوش تروحله ولا شنو خلاص تم وقت المصحه
اويس:اي بنروح المهم نبي شوية فليسات ?
ناجي:يوقع في اوراق…وعلاش?
اويس:انا عندي فلوس نبي نزيد عليهم عندي ولد طايح في مشكله بسيطه هكي ومتنحلش إلا بي الفلوس
ناجي:وانا شن دخلني نحل مشاكل الناس
اويس:غير هيا عارفك متقصرش خير منمشي نكلم امي وتجيك تنفضك بعدين والله متخلي فيك حاجه ?
ناجي:وقع شيك….اكتر من 10ألاف نلقاهم مسحوبات من المصرف بنسحبلك رقبتك
اويس:ولا يهمك تبي تسمع نكته ؟?
ناجي:اقلب عليا وجهك بس
اويس:مره في واحد سمع ان الجلد موضه طلع عريان ?
ناجي:اقلب هه اق اقلب وجهك????????
اويس:نتلاقو هي

✨روايات بنووتة الشيخ(اروى)✨

موسى:كيف هكي البنت منعلموش بيها
فهد:لو طلعت عند واحد منكم مش رح يصير خير ره
سالم:صكر فمك هادا بدل ما تحافض عليها ياراجلها بعد هربت جاي تتفلسف وتحمل فينا الغلط يعني
فهد:???

طق طقط طق
نهال:?مم منو؟
اويس:انا اويس ضمه فوق الالف
نهال:?…فتحت الباب
اويس:هاك خوذي الشكاير مش قادر نوقف
نهال:شنو هاذا كله
اويس:كم حاجه ناقصه في المطبخ
نهال:خشت المطبخ وقعدت تساوي في الحجات
اويس:زعما نقوللها؟خليها مفاجأه خير ع سيرت المفاجأه مره دجاجه متفاجئه تزوجت ديك متفاجأ جابو كندر سبرايز??المهم خلي نقوللها حرام محتاجه تسمع خبر حلو
نهال:وين سارح
اويس:لا قاعد امم عندي خبر ليك ?
نهال:شنو?
اويس:امك وبوك مماتوش في الانفجار وعرفت مكانهم وين
نهال:تت ت تتكلم جديات صح؟??
اويس:اي هما محبوسين بتهمه الاشتباه فيهم بس متخافيش يعني رح نعينو محامي وكلها اسابيع ويكونو قدامك
نهال:معش حست بي روحها الا حاضنه اويس وتبكي….????صحييييت بجد والله انت انقذت حياتي ???
اويس:بصوت واطي …وانتي بتنهي حياتي بحركاتك هادي ذبت انا ??
نهال:قاعده حاضناته وتبكي?????
اويس:به خلاص ياشاطره انا قتلك هكي باش تفرحي مش تنكدي وتعيطي
نهال:تباعدت عليه وبدت تمسح في دموعها ….اي صح عندك الحق
اويس:بس حلوه حتا لما تبكي?
نهال:ءء م ي يعني هما بخير صح
اويس:اي تمام امورهم
نهال:معش وقفو دموعها
اويس:مره في ايس كريم طاح من الدروج قعد يعيط الحسوووونيي
نهال:بايخه ????بس اضحك نعرفش علاش?
اويس:نوضي ديريلي اي حاجه ناكلها جعان
نهال:شن خاطرك
اويس:اخخ لو تعرفي شنو خاطري ?
نهال:شنو
اويس:ها ?عادي اي شي المهم ناكل
نهال:به…وناضت

منيره:نعممممم ?كيف مهناااش وين مشت
فهد:كان نعرف وين مشت تلقيني هنايا يعني
منيره:اسمع ياولد ?اليوم حفلة اختك ومنبيش انكد علي روحي لاكن نهال لازم تلقاها طلعها من تحت الارض مهم تلقاها منبيش تعبنا هاذا كله يمشي ع الفاضي فاااهم
فهد:يصير خير
منيره:الناس كلها تسأل عليها هنايا قبل نبيك تجيبها تبين وجها وتمشي
فهد:حتا انا كنت بندير هكي لاكن يالله

نسرين:سارحه
نهله(بنت خالها):نوسه خيرك
نسرين:ها لا شي بس بنقعد بروحي
نهله:اي ندى تزوجت ونهال مهناش لازم تحصلي عريس حتا انتي ره ??
نسرين:ابتسمت بي السيف …اي لازم ?وهيا في خاطرها خااايفه لو يطلع حسام يكذب عليها ويرخي بيها

اويس:تغدا ومن كثر تعبه رقد ع الصالون
نهال:انا طبعا اليوم اسعد بني ادمه في الدنيا جبت عطاء غطيت اويس وقعمزت جنبه نتفرج عليه بجد الولد هاذا قلب حياتي كلها ❤️يلي يشوفه يقول انه تافه ومعنداش مسؤليه ومستحيل يقدر ادير شي بس فعلااا غيرلي حياتي قعدت قريب ساعه وانا سارحه فيه

اويس:فتح عيونه لقي نهال تشبحله
نهال:تحشمت ودارت روحها لاهيا في تالفونها
اويس:خيرك تشبحيلي هكي
نهال:لا بس ان هكي عادي
اويس:عارفك تخططي تقتليني وتاخذي ال10جني يلي في جيبي من بكري تشبحيلها
نهال:مبردك?
اويس:ناض قعمز …هدرزيلي
نهال:ع شنو
اويس:تبي ترجعي لي راجلك بعد ميروحو امك وبوك بسلامه ؟
نهال:لا اكيد مستحيل لو نقتل روحي
اويس:علاش هادا كله
نهال:انت مش متخيل تعيش مع حد مش طايقه ?
اويس:عادي اهو انا عايش معاك
نهال:شنو??
اويس:ههههههههه?نبصر
نهال:خاطري تقعد تهدرز 5دقايق بس بجديات
اويس:انا خاطري نعرف كيف جوزوك وانتي بس العمر هاذا
نهال:?يا غيبت بوي بس
اويس:ولا يهمك سيوره وراجعلك
نهال:والله ارتحتلك اويس
اويس:☺️
نهال:كأني نعرفك من 10سنين
اويس:تي انتي قبل 10سنين كنتي بيبي ??
نهال:واطي??ولوحت عليه المخذه
نهال:به انت محكيتليش
اويس:ع شنو
نهال:انا منعرفش عليك ولا شي غير ان اسمك
اويس
اويس:نسيتي الضمه فوق الالف ?
نهال:بارد???هدرزلي ع روحك
اويس:ولا شي صراحه?‍♀️نحب نرقد هلبا نحب ناكل نتمرن مران لاكن بسيف نتسهوك ع اي شخص في الدنيا مهما كان يكون بو تعصبت بجدياااات من حد نشد نعفجه طريحه ونطلع منقدرش نمنع روحي من التفاها نهائيا وبس
نهال:???
اويس:هاذا هوا
نهال:وياترا مش مرتبط
اويس:انا نكره البنات صراحه حتا انتي متحملك بسيف
نهال:?
اويس:كان تشوفي وجهك تقول ضاربينك بي طنجرة عراس??نبصر عليه انتي تنهضمي شوي
نهال:???انت مستحيل تكون طبيعي

ترن ترن ترن
اويس:وهاذا الولد متع المانيا يتصل
نهال:ياااارب?

اويس:ها ياطجين
طجين:ها ويسو
نهال:?
طجين:مشيت اليوم طلبت اعادة فتح القضيه خشت بعضها عندهم خافو لان توا كان بنرفع دعوه ع الشرطه انا يلي بنكسب
اويس:كيف
طجين:عندي صاحب صاحبي محامي تي اطلع طووول قالي لازم ترفع قضيه ع الاهمال لانهم قعدو محبوسين بدون حتى تحقيق بنمشي نرفع القضيه هاذي في منضمة حقوق الانسان
اويس:غير فوتني الجو هادا توا نبي نعرف شن بيصير فيهم
طجين:تي ساهله شغلتهم اليوم مشينا وبدو في التحقيقات
اويس:تم ياحب بالله طمنا مره مره
الطجين:تم ولدنا
نهال:ناقصها جناوح وطير ?

✨روايات بنووتة الشيخ(اروى)✨

نسرين:طول اليوم وهيا تتصل بي حسام لاكن مفيش اي رد?
منيره:نسرين بري كلمي المغربيه طاولة امال وخواتها مخذوش عشي
نسرين:به
منيره:خيرك يابنت صفرا ولونك مخطوف هكي
نسرين:تعب العرس يما عارفه انتي
منيره:به بري زي ماقتلك

نهال:خشت ادوش وطلعت لبست توته سروال اسود وبدي طويل شوي وقفت قدام المرايه تمشط في شعرها خش عليها اويس

اويس:نهال نبي ?نبي الاستشوار
نهال:غطت شعرها …ومدتلا الاستشوار
اويس:طلع وسكر الباب…..انا حقير علاش مطقيتش كله من الشطان الله يبعده هكي يبيني ننحرف مع البنت بسيف خزي

نهال:قعمزت ع السرير تفكر…صح القعده مع واحد غريب غلط وهلبا بس ياااارب معنديش عيرك ساعدني وخلصني من يلي انا فيه لين نوصل لي امي وبوي سالمه

اويس:يساوي في شعره شرين تالفونه فتح الخط وفتح المايك
مروان:متقوليش وينك انت
اويس:قاعد
مروان:خذاتك البنت والله
اويس:?سخيف وين انتم
مروان:مقعمز انا ونادر في القهوا في موضوع مهم لا اللوح
اويس:شنو
مروان:مبكري فاتو زوز رجالا يبانو كبار في العمر
اويس:به؟
مروان:المهم ورونا صورت البنت يلي معاك ويسألو لو في حد شافها ودار ع القهوا كللللها
اويس:تبصر
مروان:اقسم بالله يدورو فيها ره فكك يا اويس من المشاكل الزايده
اويس:تو نقوللكم شن صار جديد تعالو بعدين
مروان:يصير خير
اويس:سلامات

نهال:يدورو فيا خوالي صح?
اويس:?تلفت عادي مدوريهمش مش رح يلقوك طبعا وانتي هنايا
نهال:اويس حاسه اني مسببتلك الف مشكله بالله سامحني?
اويس:ايااااه رجعنا للعياط خلاص ياهبله والله في الدنيا هادي كلها معندي حتا مشكله مرات يبدو عندي?بس المشكله منشوفش فيهم مشاكل ?
نهال:مسحت دموعها ….خاطري نعرف كيف تفكر بس
اويس:عيد الاضحى قرب وبي اذن الله بتعيدي مع عيلتك مش معقوله بنقعد حاصل فيك هنايا وعيلتي ياكلو وجوهم مليح يعني
نهال:?

زمزم(مرت خال نهال):ياحشمه قدام الناس تو يقولو خوالها مقدروش يحافضو عليها
موسى:اححح متزيدينيش اسكتي بعدين الحق ع راجلها المستهتر هوا اولى بيها
زينب(بنته):بابا تخيل هكي يصير شي المسلسلات يعني يروح بوها وامها من المانيا كيف بيكون منضركم قدامه ومنضر فهد يلي تزوجه وبطلها من قرايتها
موسى:وجها تغير صكري فمك يافرخه انتي مدخلكش ?وبوها الله يرحمه هوا وامها كانهم حيين راهو ليهم شهوور مروحين لاكن الله غالب

طبعا كان موسى يحكي هكي وخايف لو صار بعد وقت كلام بنته رح ينتهو لان انتقام ابو نهال رح يكون كبيييير

نهال:وتت العشي وكانت مدايره طجين جبن وفاصوليا وسلايط….اويس تعالا العشي واتي
اويس:ياحليلي انا ع الريحه الزح حسيت روحي متزوج??
نهال:ربي يهديك ??
اويس:قعمز قدام نهال وقعدو ياكلو ….مشاء الله بديتي تاكلي مليح
نهال:من الاخبار الحلوه يلي قاعده نسمع فيها
اويس:اي لاحضت ?بس مسألتكش
نهال:شنو
اويس:امتا تبي تطلقي ؟
نهال:هه تسحابه بسهوله هكي فهد يطلقني ومخذاش يلي يبيه مستحيل رح يخليني معلقه اشبح لا امتا
اويس:انتي قوليلي امتا تبي تطلقي بس وساهل
نهال:شبحت لي عيونه….خاطري نعرف كيف كل شي تقدر تخليه ساهل هكس ؟
اويس:سر ☺️…يتبع