رواية جنون

#جنون ?
الحلقه(5)نهال:طبست راسها
اويس:اسمي الهم 3انواع ره هم فرح وهم حزن وهمبرجر???
نهال: رغم عز همي ونكدي مقدرتش نشد روحي حطيت يدي ع فمي وضحكت
اويس:اي قول ياحلو شن جابك هنايا
نهال:شبحتله…ومن تكون انت باش نقول
اويس:نكون اويس وانتي?
نهال:ساوت وشاحها وناضت لي غرفتها
اويس:والله شكلها مريضه رسمي ….وناض لي الريسبشن

الدكتور صبحي:تفضل اويس
اويس:صبوح انا طالع شوي دقايق مش معطل
صبحي:وين
اويس:لي بوي عندي شوي حجات ناخذهم وراجع
صبحي:بالله عليك متعطلش مش ناقص مشاكل
اويس:مدور شي صبحي اي حقا ع سيرة اسمك علاش سموك صبحي
صبحي:لان انولدت في الصبح
اويس:باهي يلي مجيتش في المغرب
صبحي:علاش
اويس:لان بيسموك مغربي وقتها بنبدا نتسهوك عليك بنقولك مغربي ولا سوداني?
صبحي:ربي يهديك وخلاص?والله معم ي شفت انسان زيك
اويس:هي حبي نتلاقو وركب الموطو وطلع

منيره:شنو بيصير امتا بترفع عليها الدعوه؟
فهد:مزال قال المحامي ع الاقل خلي تقعد اسبوع في المستشفى لان في فحص لازم يديروه باش يتبت ان هيا مجنونه رسمي
منيره:به تمام
فهد:لاكن في شي بنقولهولك
منيره:شنو؟
فهد:بعد مناخذو التوكيل بنرجعها للحوش ره
منيره:وعلاش شن. نبي فيها ان شاء الله
فهد:هكي البنت عاجبتني ومنبيش نسيبها
منيره:ربي يهدي هاذا بدل متشوفلك وحده بنت عز لان بتولي فلووس
فهد:اي عادي نتزوج عليها مهم منطلقهاش ولا نخليها هكي نبيها
منيره:به المهم ع سيرة الجواز ندى اختك جايها عريس
فهد:منو
منيره:ولد عتيقه وهيا موافقه خلي ينتلفو من عليا ونزوجهم ونرتاح
فهد:امتا جايين
منيره:غضوا
فهد:به ان شاء الله خير

اويس:شنو الحجات الحلوه هاذي ?منو انتي
جنان:انا جنان السكرتيره الجديده
اويس:اهااا به هلا فيك وين بوي؟
جنان:عفوا من بوك
اويس:ناجي ناجي من الغرق?في محيط حبك
جنان:عنده اجتماع ?
اويس:به ياحلو هي نتلاقو صدفه
جنان:لا اسفه متقدرش تقاطع الاجتماع
اويس:عادي تو نلصقه بعدين?وفتح الباب …باااااتي
ناجي:??اءء اء اويس نحنا في اجتماع
اويس:خيرهم معندهمش عيون؟
ناجي:بصوت واطي ومعصصصب …ياكلب هادم تبع الشركه الصينيه متع الاغذيه
اويس:خذي كرسي وقعمز…هلا والله بي الصين نهاو نهاو
الصينيين قعدو يحيو فيه بيديهم ??
اويس:شفت ولا نعرف نتكلم صيني
حفيظ:اطلع متحشمناش ?
اويس:ونبي اسكت ياخالي وانت وجهك من كثر السم طالعلك حب ع هيئة جماجم المهم يا تشاينه انت وياه شن يقربلك جاكي شان ?
ناجي:??‍♂️
الصينيين مش فاهمين شي ويشبحوله
اويس:ترا جربو تفنصو ونبي????افتحو عيونكم كانكم رجاله ???
ناجي :For your permission to single
الصينيين:ok
اويس:اه ياصقر والله طلعت خبره في العنقريزي ?
ناجي:شده من رقبته…..شن تبي
اويس:ايدك علي 50دولار نبيهم ضروري ولا نمشيلهم توا نقلهم جيبولي صيني اسمر ولا ميصيرش من الصفقه وراهو بوي تشانقي يونغ بيونك طبعا هادي معناها يتسهوك عليكم
ناجي:الله ياخدك ويريحني منك
اويس:ان شاء الله ياربي لي جزر المالديف
ناجي:هاك 100ومعش توريني وجهك
اويس:ياسلملي ها الصلعه السمحه
ناجي:براااا

✨روايات بنووتة الشيخ(اروى)✨

صفيه(ام مروان):اي هادا فااااش فالح تلود طول اليوم انت وتافه ولد خالتك وصاحبك المدمن المعفن
مروان:صحابي يلي تحكي عليهم وقت تصير لي ولدك احمد مشكله اول واحد تتصلي بيه اويس للعلم بس
صفيه:قلبت وجها وسكتت
مروه(اخته):قولي مروان
مروان:ياكل…ها
مروه:قاعد في المصحه النفسيه اويس
مروان:اي علاش تسألي
مروه:الصراحه مش قادره نتخايل منضره هوا تافه وفي المصحه النفسيه كيف بيكون?
صفيه:كان نعرف بس امه وقت حامل بيه ع شنو متحومه ولا في عرس نور يغنو العقبه لي اويس ياعين نجيبوله كاملت الزين منو بترضا بيه بس
مروة:انااا ?
مروان:???
صفيه:تحشمي ياحماره وانت تضحك بدل متعقل اختك
مروه:اقسم بالله علاش الكذب غزال يا امي امالا عويناته ولونهم حويته?
مروان:هي انتي مش كان ضحكنا خلاص
مروه:به?

نهال:رغم كل يلي صاير بس حاسه روحي مرتاحه بعيده ع فهد وامه وكل شي قعدة في الدار لين جي وقت العشي وبنسبه للمرضى يلي ميعانوش حجات خطيره هكي زيني عادي يقدرو يتعشو برا في الكافي متع المصحه صليت العشي وطلعت قعمزت وكان العشي عباره علي رز ابيض وشربه خضره وتفاحه

اويس:مساء الريحان نتعشى معاك ولا نقعد جعان
نهال:تنهدت…المكان للكل
اويس:قعمز جنبها …هاك كولي معاي مقلوبه خير من العفن متع المستشفى
نهال:شافتله مستغربه
اويس:تي هاك شدي…ومسك يدها حطلها الماكله
نهال:ساويت روحي وبديت نامل وعيوني لوطه
اويس:صراحه خاطري نعرف شن مشكلتك عندك انفصال في الشخصيه؟ولا شنو
نهال:تشوف لوطه…شوي ضغوطات هكي
اويس:اي قلت مش مريضه حتا انا
نهال:قامت عيونها وشافت المكان وبعديت شافت لي اويس…نبي نسألك لو ممكن
اويس:ممكن ممكن?
نهال:تشوف في حد معانا غير المرضى يلي قدامنا
اويس:اممم انتي عيونك شنو تشوف ترا باش نقولك
نهال:انا مش شايفه حد غيرك وغير المرضى الاثنين يلي مقعمزين غادي
اويس:اي صح احني بس
نهال:بصوت واطي شويه ….الحمد الله يمكن بديت نتحسن
اويس:ليش انتي شنو كانت مشكلتك
نهال:شبحتله
اويس:ياستي اعتبرينا اصدقاء هي احكيلي ونحكيلك
نهال:انت ليش جيت هنايا
اويس؛الشرطه ادور فيا وجيت بسبب قضيه عشان نثبت اني مختل عقليا ونطلع معش بنعطل اصلا
نهال:اها يعني متعاني من شي
اويس:نعاني والله من بطني يلي مش راضيه تقتنع ان الطمع يضر بصحتها ديمه تبي تاكل ?
نهال:ابتسمت
اويس:هي احكي
نهال:بدت تحكيله من الاول

✨روايات بنووتة الشيخ(اروى)✨

نعمه:مشاء الله ربي يحفضها
منيره:سلمك ياربي?
ندى:??
نعمه:بنسبه لينا احني واتيين يا منيره توا عليكم انتم في اي وقت تحددو العرس نحنا جاهزين معندناش اي مشكله
منيره:انشاء الله بس عطينا حاجة شهرين عشان نوتي البنت بس
نعمه ؛ان شاء الله

اويس:سؤال
نهال:شنو؟
اويس:لما كنتي في حوش راجلك كل يوم تتكرر معاك الحجات هاذي
نهال:اي
اويس:ولما جيتي المستشفى صارت معاك ؟
نهال:لا الحمد الله
اويس:يسعدني نقولك انهم ضحكو عليك يامضحكه ?
نهال:???شنو
اويس:واضحه الفلوس يبوهم يا ماما موافقتيش تعطيهم من الاول
نهال:قعدت نراجع في حساباتي …لا مستحيل
اويس:اما مستحيل توا وكالة امرك بتمشي لي راجلك لان طلعوك مجنونه متبيلهاش ذكاء
نهال:قعدت فاتحه فمي ومصدوووومه?
اويس:وبعدين ليك ساعه تبكي من قال بوك وامك توفو؟لو ماتو حقا راهو جابو ع الاقل جنسيتهم الانفجار يلي صار في برلين فيهم3ضحايا من مصر بس والباقي كلهم اروبا
نهال:????شش شنو؟
اويس:في حد مشي سأل عليهم في المانيا
نهال:لا
اويس:امالا من قالك ماتو
نهال:ايهم توا قريب6شهور اخبارهم مقطوعه ومعاد اتصلو
اويس:والله عادي يمكن صارلهم شي في المطار مش شرط ماتو في الانفجار
نهال:قعدت مصدومه في لحضه مشاكلي ولت تفاهات
اويس:والله انتي نيه وبسرعه متصدقي كل شي ?بس طرف وراجلك ان شاء الله تعفس عليه طانطا يتفترش?
نهال:??ااا ان انا بنمشي نرتاح تصبح ع خير …وناضت بسرعه
اويس:وانتي بخير يا احساسي ياعن شكلك محلاك ?اااااه خلي انوض نتمرقد حتا انا

نهال:خشيت داري وكان في قلبي هلباااا مشاعر بين فرح امل والف حاجه طووول الليل نفكر في كلام الولد وطلع منطقي جديات من لما جيت المستشفى معش شفت ولا شي غريب بس امي وبوي لو مكانوش ماتو وين رح يكونوووو؟؟؟؟

في قروب ع الواتس:-
اويس:اقسم بالله زي منحكيلكم
مروان:وكيف وافقت تتزوجه
اويس:يخافو من العار والقصص هاذي
نادر:حلو البنيه
اويس:تي جميله والله مش جنيله جارتك يلي خشمها زي بوريك رمضان?
مروان:????
نادر:معفن?
مروان:به شن ناوي انت
اويس:ع شنو
مروان:بتساعدها في شي؟
اويس:فكني من مساكل البنات تعرفني معنديش ليهم خلوق
ناد:رسمي صح
اويس:هي شباب بنرقد انا تصبحو
نادر:اقعد نلعبو شوط بيجي
اويس:لالا معنديش نيه هي تصبحو وانشاء الله تتوفو
مروان:?

ثاني يوم:-
نهال:ع غير العاده نضت فرحااانه صليت الصبح وخشيت للجلسه متع الاخصائيه النفسيه وهدرزت معاها ولاحضت اني متغيره للاحسن جي وقت الطلوع للحديقه وطلعت ندور ع الولد بس ملقيتاش قعدت واقفه وندور بعيوني
اويس:جي وراها ….هذا منو هاذا الحلو من نضره ذوبني وعلقني في شباكه ?
نهال:اه خلعتني
اويس:بعيد الشر
نهال:كنت ندور فيك
اويس:عارفه مقدرتيش تقاومي سحري بس للاسف انتي متزوجه
نهال:ابتسمت …ممكن نتكلم معاك شويه
اويس:قعمزي هي
نهال:قعمزت قدامه….انت شن قتلي اسمك
اويس:اسمي اويس ضمه فوق الالف أُويس
نهال:اهاا ?اوكي اويس نبي نبي
اويس:رصيد؟
نهال:لا
اويس:فلوس؟مكياج؟شخشير؟
نهال:خليني نتكلم ?
اويس:تكلمي ?
نهال:حسب رايك انا شنو الحل او الشي يلي لازم نديره
اويس:اممم والله شوفي
نهال:اها
اويس:مشاء الله طلعتي تشوفي كويس?
نهال:???بجد ضحكني وقداااااااش ليا مضحكتش
اويس:المهم بنسبه لي واجلك
نهال:اي
اويس:لازم تثبتي انك مش مجنونه .ولازم تطلقي وتكملي قرايتك ولازم نبعتو حد لي المانيا يشوف وين امك وبوك
نهال:بس هاذي حجات مستحيله ?
اويس:لا مستحيل مع اويس الكويس
نهال:يعني بتساعدني
اويس:اكيد?
نهال:مسكت يده ….بجد شكراااا ع كل شي
اويس:امسكي يدي الثانيه تو تحرج
نهال:تحشمت وبعدت يدها وتضحك
اويس:قعد يفكر …مصح وجهي كيف وافقت نساعدها انا ?ياحشمتي قدام مروان ونادر تو يقولو زمزاك عادي اصلا هادي بنت يتيمه اي يتيمه ليست مؤكدة اليتم??? ياربي حتا انسجة دماغي تافها …يتبع