رواية اشواق وحنين للكاتبة زهرة الريحان

الفصل الخامس ?

في صباح يوم جديد بعد مرور أسبوع علي أبطالنا

بسلام مافيش جديد كل واحد مشغول بحاله

صافي مشغوله بفرحها وبتجهزله

جاسمين مشغوله بالتنسيق بتاعها

ومحمد رجع من مأموريتة

وعرفان مشغول في الأرض والمزرعه

وأمه الحجة وجيهة كل اللي شاغلها ازاي تجوز عرفان ل منال

وسام في اوضته مريم خبطت علي الباب ودخلت
كان وسام بيلبس هدومه واقف بيسرح شعره شكله خارج
مريم : ممكن أدخل
محمد :هههههههه منتي دخلتي يا بنتي

مريم : بطل رخامه عيزاك في خدمة

محمد: رخامه يا رخمه أنا يتقلي رخامه وضربها علي راسها
مريم : اه أه حاسب يا عم ايدك تقيله ?
انت مفكرني مجرم من مجرمينك اللي بتتعامل معاهم
أنا بنت علي فكره
وسام : إنتي ست البنات كلهم وأحلا مزه يا مزه

مريم : طيب ممكن أطلب طلب منك

وسام : إنتي تؤمري يا أميرة

مريم: تروح معايا أنا وجاسي مكتب بالتنسيق

وسام : سمع إسم جاسي سرح شوية فيها وفي آخر لقاء بينهم

مريم : وساااااام روحت فين انا بكلمك

وسام فاق من شروده وقال: معاكي انا كده كده طالع هاخدكم في سكتي

مريم :طب أروح بقي أقولها علشان تلحق تلبس

وسام : لا روحي إنتي البسي وأنا هقولها

مريم : ثواني وأكون جاهزه

خرجت مريم وهو مسك التليفون بيرن عليها

جاسي كانت لسه نايمه لما سمعت صوت تليفونها
صحيت بترد عليه بس مش مجمعه

جاسي : الووو

وسام : إنتي لسه نايمه مش معاد تقديمك النهاردة

جاسي :تقديم ايه

وسام اتغاظ جامد سمع بحة صوتها شكلها نايمه في
سريرها ولا على بالها باللي هايتجنن عليها من مجرد سماع صوتها

وسام :بصوت عالي فوقي يا جاسي وخلال خمس دقايق تكونى قدام البيت مستنيانى أنا جاي اخدك مع مريم

اتعدلت من نومها أول منتبهت للصوت وعرفت صاحبه
جاسي : وسام ? هو في غيره علي طول عصبي
كده يا ساتر يارب
لما أقوم البس ده مجنون وأنا مش ناقصه جنانه ?

قامت لبست هدومها وصلت فرضها وهيا بتربط الطرحه افتكرت كلامه حاولت بعض الشي متخليش اي حاجه باينه من شعرها هيا في غني عن كلامه اللي بقي بنسبالها مش مفهوم وبيعصبها

دخلت عليها صافي

صافي :صباح الخير الجميل رايح علي فين

جاسي :وسام إتصل بيا رايحين أنا ومريم مكتب التنسيق

صافي : وساااااام مممممممم أيوه ياعم

جاسي : والنبي مناقصة اطلعي من نفوخي

صافي : ليه مالك إيه اللي حصل

مريم بعصبيه: البيه بيشخط ويتعصب عليا علي الصبح بس انا مش هسكت تاني لازم احط حد لمعاملته دي

صافي : يا بنتي منا قولتلك هو ليه بيعمل كده ليه وتلاقيكى انتي كمان بتح

قطعتها مريم أنا كمان ايه لا بقولك إيه انا مش فايقه ليكى علي الصبح ولافاضيه اسمع الكلام ده

ضحكت صافي :وقالت انتي مالك وشك جاب الوان كده ليه أنا قولت ايه لده كله

جاسي والله انتي رايقه سبيني أخلص وانزل لحسن
المجنون ده يطلعهم عليا

*************************

وسام وصل بيت عمه أستقبلته فاطمه أم جاسمين

فاطمة :اهلا يا ابن الغاليه

وسام: اهلا يا مرات عمي أخبركم ايه

فاطمه : الحمد الله يا ولدي كيفها وجيهه أمك إبتسم

وسام وقال بخير بتسلم عليكي

فاطمه :أقعد يا ولدي أنت هضلك واقف كده كتير

وسام : معلش بس استعجلي جاسمين عمي شوفته بره وستأذنت منه اخد جاسمين مع مريم النهاردة معاد التقديم

فاطمة:طب اقعد اشرب حاجه علي بال مندهالك

وسام: ماشي يا مرات عمي بس بسرعه مافيش وقت

فاطمه : بت يا أمل اطلعي قولي لستك جاسمين ابن عمك تحت مستنيها

فاطمة : هيا مش مريم رايحه معاكو اومال هيا فين

وسام : سبتها بره في العربيه لو نزلت وجت معايا مش هنمشي النهارده

فاطمة :هههههههه أيوه صح مبيصدقو يتلمو علي
بعض هيا وجاسمين

***********************
محمد داخل البيت شاف مريم غير طريقه وراح عندها
مريم شافته جاى عليها نزلت من العربيه

محمد : أزيك يامريم

مريم : الحمد لله
محمد: إيه من بعد الإمتحانات محدش بيشوفك ليه

مريم : بحاول استريح شوية بعد ضغط الامتحانات
علشان استعداد ل كليتي

محمد : اه صح الف مبرووووك

مريم بابتسامة الله يبارك فيك ما أنت بركتلي قبل كده

محمد : بس المرة دي جيبلك هديتك وطلع من جيب الجاكته بتاعته سلسلة دهب حرف M وعطاها ليها

مريم بفرحه زي الأطفال : الله جميلة أوي دي ليا

محمد : طبعا ليكي المره دي دهب معلش المره
الجايه الماظ

مريم : ودي مالها جميلة أوي وأنا حبتها وكمان عليها
أول حرف من إسمي

محمد : و إسمي

مريم باستغراب : إيه

محمد بصوت مرتبك : أنا أقصد يعني اني أول حرف
من أسمك هو نفس أول حرف من إسمي

مريم : مممممممم صح معاك حق شكرا ليك يا أبن عمي

محمد بيكلم نفسه حرام يعني لما أسمع إسمي منك
على طول كده إبن عمك والله حرام أمتي بقي تعرفي أني بموت عليكي لحد أمتي هفضل إبن عمك

محمد : طب إيه بقى هتفضلي واقفه كده كتير متدخلي

مريم : وسام مرضيش بيقول مبتصدقو تشوفو بعض إنتي وجاسي ومش هنخلص وهو مستعجل
و النهاردة آخر يوم في معاد التقديم

محمد : و إنتي نويا علي إيه بقى
جاسي : أنا كنت حابه طب أسنان بس شكلي كده أخري صيدلة

محمد بندفاع أحسن

مريم : إيه ؟؟؟

محمد : انا انا أقصد أحسن ليكي بدل متتعبي نفسك
في الكشف علي خلق الله وكل واحد يفتح لك بوقه ?

مريم : لا عادي أنا بحب التخصص ده
محمد في نفسه بس أنا مش بحبه ازاي يعني كل شويه واحد يفتح لك بوقه ياااارب متقبل غير صيدلة ?
*****************
في المزرعه

عرفان واقف وسط الخيل بتاعه لمح فرس عنده تعبان وده فرس غالي عليه أوي ده من رائحة أبوه

عرفان : بصوت عالي جدا أنت يا غفير الهم

عتمان الغفير : أمر جنابك يا سعات البيه

عرفان : أنت يا طور مش شايف فرحان تعبان ومش واكل والأكل قدامه زي ماهو

عتمان : والله يا سعات البيه كل يوم بطلعه وأكله
زى ما بتأمر جنابك

هو من ساعة الفراسه فرحانه ما ماتت وهو علي ده الحال

عرفان : بغضب إتصل بالوحدة يبعتولي حد يشوفه
عتمان : أمر جنابك
عرفان بعد مامشي عتمان بيكلم فرسه بيقول إلا أنت …….الا أنت
يا فرحان إنت من رائحة الغالي

**********************
عند بيت سميحة خالت عرفان

سميحه : في إيه يا منال انا قاعده ليا ساعه بتكلم انا وابوكي وأنتي مش معانا

منال : أيوه يا ماما بتقولي حاجه
سميحة : لاه إنتي مش معانا خالص
إنتي لسه بتفكري فيه قطعها جوزها أباي عليكي وعلي كلامك الماسخ ده قومي شوفي وراكي ايه
وهمليني انا وبنتي لحالنا
سميحه : اهاه أديني مهملهالك انت وبنتك و قايمه أصلي الظهر وادعيلك يا بنتي بصلاح حالك

امين بعد مطلعت سميحه قال ل منال : ان مش هضغط عليكي بس هقولك كلمتين حالك مش عاجبني انتي حتى الشغل مش بتنزليه مش هو الشغل ده اللي بسببه سبتي جوزك بعد كتب كتابك اللي مكملش شهر

منال : انا سبته يا بابا علشان تحكماته الزايده واصراره علي قعادي في بيت عيله مع أخواته وأمه وانا مش حابه كده انا عايزه استقل بذاتي وهو كل اللي شاغل باله أمه و إخواته

امين : مش عيب الواحد يهتم بأمه و إخواته هو الشهاده لله مايتعيبش انا سبتك براحتك علشان أنا عارف انتي وفقتي عليه ليه ……وعارف برضوه انتي سبتيه ليه ربنا يصلح حالك يا بنتي وسابها بتتخبط في أفكارها وطلع