نوفيلا مكالمه عاشق
جميع الحقوق محفوظة للكاتبة يمنى عبد العزيز
…المقدمه…
روميو وچوليت قصة حب بدأت وانتهت من سنين …
هل هترجع قصة الحب من سنين النسيان؟!!
وهل هيطارد العاشق حبيبته چوليت؟!!! وإزاى؟!!
مكالمه عاشق
بقلميمنىعبدالعزيز
مكالمة عاشق
للكاتبه يمنى عبدالعزيز
الفصل الاول
يظهر فجر يوم جديد ، تستيقظ آلاء من نومها العميق ، وتوقظ أخها الصغير وتردف قائله : معتز قوم بقي وراك مدرسه
معتز بنوم : سيبينى شويه أنام ، منمتش من امبارح والله
آلاء : معتز حبيبى بقالك أسبوع مبتروحش المدرسه ، كفايه كسل بقي ، يالا قوم البس وانا هوصلك
يووه بقي ، انا زهقت منك بجد ، أمتى تتجوزى واستريح من كلامك الخرا
قالها بزمجرة.
آلاء : بتقول حاجه يا حبيبى
معتز وهو يجز على أسنانه : لا بس بدعيلك بالخير
آلاء : مش عادتك تدعيلى ، انما لو قولت تدعي عليا ، اصدقها صراحتا.
معتز بتتويه كلام : آلاء هى الساعع كام
آلاء بتذكر : استني افتكر ، الساعه 7
معتز : ومش فاكرة الله يستر
آلاء بغضب : واد لم نفسك ، أنا أكبر منك ملكش حق تناقشنى فى كلامى ، وادخل البس ومش هتراجع في كلامي معاك تانى
حاضر
قالها معتز بغضب وزمجرة
أوصلته لمدرسته وذهبت لعملها اليومى
فى الإذاعه المصريه
نهى : أزيك يا آلاء … عامله ايه
آلاء : الحمدلله يا نهى وانتى عامله ايه
نهى : أنا كويسه … انا مش حساكى كويسه
آلاء بتنهيدة طويله : فعلا انا مش كويسه … معتز تعبني جداا
نهى بضحك : ماله حبيب قلبى زعلتيه تانى ليه
آلاء بضيق : أنتى هتجنينى … ده مطلع عينى
نهى بضحك : كفايه كلام ياختى ويالا عشان هنطلع ع الهوا
آلاء بضيق : لينا كلام بعد مااخلص الحلقه
نهى بضحك : نبقى نشوف
فيما مضى…
كانت طريقه العشاق حتى يجدون نصفهم الثانى
يتقدمون لأهل تلك الفتاة ، وتسير تقاليد مجتمعنا كما أمرنا الله ، وتقام المراسم ، خطر فى ذهنكم عددة أسئلة ؟؟!
كيف يتزوجون ولا يوجد بينهم ما يدعى بالحب؟
كيف يعيشون مع بعضهم ولا توجد ذرة حب فى حياتهم؟
وهل يأتى بعد الزواج الحب ؟
أنتظرونى بعد الفاصل ، نجيب على أسئلتكم .
قامت آلاء بإزاحه السماعه من أعلى أذنها وأردفت قائلة :
نهى ممكن كوباية ماية لو سمحتى ، عايزة أخد الدوا .
نهى : حاضر .
آلاء : حضرلك الخير يارب .
سعاد : أمتى تتجوزى يا لولو ، ويبقى عندك بيبى شبهك يا جميل .
آلاء بتعجب واندهاش : بيبى لا لا كله الا الجواز والخلفه .
سعاد : ليه ده الأطفال أحباب الله .
أحباب الله وليس أحبابى . قالتها آلاء بضيق .
سعاد : عايزة أعرف أختاروكى إزاى تذيعى فى برنامج الحب وأنتى جاهلة حب
آلاء : اتلمى يا بت ، وشيلى المايه .
قالت آلاء بصوت منخفض لا يسمعه أحد : كان نفسى أحب وأتحب بس كلهم مبيفكروش غير فى نفسهم
نهى بصوت عالى : آلاء هنطلع على الهوا ، اجهزى
آلاء : تمام جاهزة
نهى : 1 2 3 أبدأ
آلاء : ورجعنا من الفاصل أعزائى المشاهدين ، وقفنا قبل الفاصل ، عن الجواز بيتم إزاى ومفيش حب بينهم ، نستقبل أول مكالمه ونقول ألو
آلاء : أزاى صحتك أستاذ عماد ؟
عماد : الحمدلله بخير حضرتك ، كان عندى استفسار ؟
آلاء : اتفضل حضرتك انا سمعاك
عماد : أنا بحب بنت بقالى سنتين ومش عارف أعترفلها إزاى ، وهل أهلها هيردوا بيا ولا لاء
آلاء : البنت بتحبك ولا لاء
عماد : آه نوعا ما
آلاء : لو بتحبك هتقف جنبك وتقنع أهلها ، أنت غلطت لما حبيت ومرحتش تتقدم لأهلها علطول ، أفترض دلوقتي حد اتقدملها قبلك ، وأهلها وافقوا عليه ، أكيد هيجيلك صدمه
عماد : حاولت اروحلها قبل كده بس رفضت
آلاء : ربنا يعينك والمرادى تروح وتكون واثق من نفسك ، ادخل من الباب الرئيسى ، أحسن من أى باب
عماد : شكرا يا استاذه آلاء ، بجد استفدت من حضرتك جدا
آلاء : العفو ، نستقبل تانى مكالمه ونقول ألو ، أزاى صحة حضرتك يا فندم
الشخص : بخير مادام ما سامع صوتك
آلاء : شكرا يا استاذ ، نتعرف بحضرتك ، وتقولنا ايه مشكلتك
الشخص : اعتبرينى شخص وخلاص ، مشكلتى أن أنا بحب وهى مش عارفة
آلاء : طب ما تقولها ؟
الشخص : خايف لأقولها وتجرحنى رغم أنى بشوفها كتير وهى مبتشوفنيش
آلاء : لو جرحتك يا فندم تبقى بنت متستحقش حبك الكبير ، لازم نقابل الحب بالحب ولكن فى الحلال
الشخص : هل تقبل أقولها ؟
آلاء : هى مين حضرتك ، لو أقدر أساعد هساعد
الشخص : أنا بحبك أوووى يا آلاء ، وكان نفسى من زمان أتقدملك ، بس بابكى رفضنى أول مرة ، وكسفنى أنا وأمى ، وكنت عايز أتجوزك فى الحلال قدام كل الناس
تلقت آلاء الصدمات ولم تنطق بكلمه : ….
نهى من خلف الزجاج : آلاء اطلعى فاصل ، يا آلاء
آلاء داخل الغرفة : أنت لحقت تحبنى أمتى ، وشوفتنى أمتى ، عشان تحبنى ، وتعرفنى منين عشان تحبنى
نهى : ناصر اقطع الخط ، وطلعنا فاصل
ناصر : أمرك يا أستاذة
آلاء بصدمه لم تعهدها من قبل : آلاء قطعتى الخط ليه ، انا كنت عايزة أعرف مين ده
نهى : يا بنتى اكيد حد من متابعينك حبك من كلامك ، متدققيش اتعودى هتحصل كتير
آلاء : تفتكرى
نهى : اه طبعا يا آلاء
مرت أيام وليالى ولم يتصل ذلك الشخص مرة ثانيه
ظنت بأنه شخص لعوب ، يلعب بأعصابها
أعتقدت ، أنه رحل ولن يعود ، ولكن هيهات