غيبوبة الجزء الثاني كاملة
نبيل:بوي خذي قرار في شي وانا مش عارف لو تتحمليه وتقعدي معاي او تخليني
هنادي:ضحكت….هه طبعا منخليكش بس قولي
نبيل:اءءء بوي
هنادي:تشوف لي عيونه…خيره احكي؟!!
نبيل:خذي نفس عمميق وبتوتر….بوي يبي يزوجني
هنادي:سحبت يدها من يد نبيل وعلامات الصدمه ع وجها
نبيل:عارفها صدمه لاكن معندي مندير هنادي
شوفي قداش لينا متزوجين ومحملتيش …الشهر يلي فات فحصنا وقالت الامور تمام لاكن مفيش فايده حاولنا مره واثنين وبدون نتيجه
هنادي:??
نبيل:بوي من حقه يشوف صغاري قبل ميتم عمره والصراحه هنادي منقدرش نرفضله طلب زي هاذا انا لو بيدي عادي مش حاطه في راسي موضوع الصغار حتى بعد الف سنه عادي
هنادي:سكرت فمها بعد مكان مفتوح من الصدمه وساكته
نبيل:اخر شي هنادي كيف متبي عادي منلومكش لو طلبتي الطلاق عارفه موضوع صعب
هنادي:اءء اا اءء ع عن اذنك للحمام شويه وجايه
نبيل:هز براسه موافق وناضت بسرعه
___________________
نسيبه:اححح حاسه بروحي وليت رزينه
نضال:حط يدها علي بطنها….كبر ولدي ❤️
نسيبه:تجفف في شعرها ….والله شن عرفك انه ولد يعني ؟؟
نضال:رقد ع السرير…انا بوه ونزبط?
نسيبه:ضحكت…ياعبد الواثق انت
نضال:تعالي هيا ناخذو قيلوله قبل العصر
نسيبه:خوذ قيلوله بروحك عندي مندير
نضال:غير تعالي م…….
نسيبه:لااااا نضال?…وطلعت من الدار
نضال:يضحك عليها وهوا يغطي في روحه وكيف حط راسه ع المخده وصله مسج ع تلفونه فتحه ..
((قداش ليا مريتكش استاحشتك موت دير اي سبله عشان نشوفك وراسك ❤️))
نضال:تبدلت ملامحه وجها…الفرخه هاذي مش ناويه تعقل علي قد مهددتها ??♂️….حذف الرساله ورجع رقد
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
هنادي:واقفه ع مغسلة الحمام متع الكافي وعيونها مليانه دموع وتحاول تهدي روحها…..اوكي خلاص تقبلي الموضوع ومتهدميش كل شي هنادي اهدددي
توا بنطلع قويه واموري تمام وبخير …خذت نفس عمميق وطلعت
نبيل:مقعمز وعيونه في التالفون
هنادي:قعمزت ع الكرسي …اسفه عطلت
نبيل:عادي مدوريش …وقعد ساكت
هنادي:بي ابتسامه مزيفه…اوكي فكرت شوي والصراحه من حقك شي طبيعي
نبيل:نفهم منك موافقه وبتطلبي الطلاق؟!
هنادي:بي ابتسامه مش مفهومه…وعلاش الطلاق حبيبي الشرع محللك 4
نبيل:بصدمه كبيررررره في وجها…كك ك كيف!
هنادي:ليش مستغرب؟!يعني لو انا حملت معندكش سبب تتزوج وبعدين رح نتوجع هلبا ونطلب الطلاق
نبيل:يعني؟!
هنادي:مسحت دموعها…يعني تزوج وانا قاعده معاك حبيبي
نبيل:توتر ومعش عرف يحكي
هنادي:مسكت يده…متضايقش عادي راضيه انا
نبيل:باس يدها …ربي يخليك ليا
هنادي:وليا حبيبي
نبيل:قلبه مش مطمن كانت نضرة هنادي فيها شي مستحيل !!!…كيف هنادي تقبل نبيل يلي حباته يتزوج عليها عليها وتكون عندها شريكه؟!
ترن ترن ترن
نبيل:شاف لي تالفونه خذاه وناض …
هنادي:تشرب في القهوا وتشوفله من بعيد
نبيل:تباعد عليها…ايوا
عبدو:هي شنو صار من بكري نراجي
نبيل:بصوت مضايق….وافقت
عبدو.وافقت ع الطلاق تقصد؟!
نبيل:لا وافقت نتزوج وتقبلت الموضوع عادي
عبدو:شنو؟!شن تدوي انت
نبيل:زي مسمعت
عبدو:فقد اعصابه وبدي يعيط …انت لاعبلها في دمااااااااغها نبيل اقسم برب العزه م……
نبيل:قاطعه …تي طز فيها الزح قاعد متحملها بسيف بنجيب امها المرا التانيه وتو تزهك وتطلع من حياتي انت وياها نفختوهملي بتريس
عبدو:هدت اعصابه شوي…تو نشوفو مع الايام
نبيل:هي طير ريحلي راسي
عبدو:سكر الخط
نبيل:رجع لي هنادي وهوا متعمد يعاملها بجفاف
_______________
الساعه7المغرب :-
نضال:كيف نايض من النوم وشعره مشفشف …شن اديري
نسيبه:العشي حبيبي
نضال:وقف وراها وحضنها…سلمها الفالحه
نسيبه:ضحكت…سلمك حبيبي
نضال:خلي نمشي ناخذ درش ونصلي وبن….
نسيبه:لا وراس حبيبي متطلعش
نضال:علاش ؟
نسيبه:خليك معاي اليوم نتعشو مع بعض بالله عليك
نضال:بنطلع مع نبيل والاولاد قداش ليا عليهم
نسيبه:اممم به خلاص مدام مع نبيل حطني عند هنادي
نضال:به
هنادي:بساته …سلمه ياربي
نصال:ضحك وخش الحمام
_______________
راويه:الوو
عبدو:اها شني
راويه:خيرك متردش عليا
عبدو:مضايق ومعنديش خلوق لي شي
راويه:المهم نبي 2000دينار ضروري
عبدو:علاش الفين؟!
راويه:من امتى تسأل فيا علاش انت؟!
عبدو:وحتى المره هاذي بدون نقابل تبي الفلوس؟
راويه:ضحكت….وشن تبي المقابل ياحلو
عبدو:زي متعرفي انا توا مطلق اختك والتانيه ومعنديش مرا تريحني
راويه:وهيا عارفه شنو يبي بس تستغبى…وشنو مطالبك؟!
عبدو:يغير في حوايجه …شوفيلنا طلعه ولا افتحي فيديو
راويه:هههههه قليل ادب من لما كنت راجل اختي مستحيل تتغير
عبدو:وانتي كلبة فلوس لما كنت نسيبكم
نسيبه:به شني يصير
عبدو:المهم مطالبي تتنفذ ويكونو عندك الفلوس
راويه:تم بيبي
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
هنادي:ترتب في الصاله وشدها منضر نبيل كيف لابس ومتأنق …مشاء الله وين ماشي حبيبي
نبيل:بدون اهتمام ومركز ع المرايا…بنعطو كلمه في البنت وبندير نضره شرعيه.
هنادي:بهاذي السرعه؟!?
نبيل:تلفتلها وقايم حاجبه….اي واحتمال حتى الخميس متع الاسبوع الجاي تكون دخلتي
هنادي:اهاا به ربي يسهل
نبيل:خذي تالفونه وطلع وقربع الباب بصوت عالي
هنادي:خذت نفس عممممميق وكملت ترتيب عادي جدا وكأنه مش صاير اي شي
_______________
طق طق طق
عبدو:طفا الدخان وناض يفتح في الباب …
فوزي(اخ رويده):خش وسكر الباب
عبدو:شني الزح منو قالك تفضل؟!…
فوزي:اسمعني كويس
عبدو:يشوفله بي استغراب
فوزي:عندك لا نهايةالاسبوع هاذا وترد اختي
عبدو:مش رادها واعلى مافي خيلك اركبه
فوزي:ضربه لكمه قويه
عبدو:يمسحه في الدم يلي نزل من فمه
فوزي:حملها منك مش رح يفوت هكي بترجعها وغصب عليك ساااامع المره هاذي جيت طلبت بي هدوء المره الجايه ماتلوم الا روحك وربي
عبدو:يشوفله بحقد
فوزي:طلع وسكر الباب
__________________
نسيبه:نعمممممممم كيف؟!كككيف
هنادي:اهدي نسيبه
نسيبه:كيف بيتزوج عليك الحقير هاذ الخاااامر عطيه 70دي وما يلقى دواء
هنادي:هههههه غير بشويه
نسيبه:مصدوومه…هنادي كيف عندك عادي وتضحكي فهمني
هنادي:من حقه عادي في نهاية الموضوع انا الرابحه
نسيبه:في شنو الرابحه شنو تقولي؟!
هنادي:خلي نديرو نسكافي نكيفو بيه وبعدين ساهل
نسيبه:فاتحه فمها ومش فاهمه اي كلمه
________________
اسمي هناء عمري 23سنه
نبيل:يدخن ومتوتر ….به مليح اكيد عارفه عليا كل شي مغيش داعي اللك لك الزايد
هناء:نصدمت من رده…اي سمعت علي خدمتك وليش تبي تتزوج
نبيل:تمام مليح بكل
هناء:انا خريجة حاسوب و….
نبيل:يشوف لي ساعته…به مليح خلاص انا مرافق وانتي فكري وردي عليا غير عندي مشوار منقدرش نطول اكتر من هكي
هناء:تهز في راسها بصدمه…وو و ولا يهمك
نبيل:طلع من المربوعه وهوا مضايق بيتفجر حاس بي شي يوجع فيه داخل قلبه لاكن ميعلمش شنو !
هناء هوا يلي ختارها اما شافها طالعه من مطعم
عجبه جسمها واناقتها وهيا باذلاته بي نفس نضرات الاعجاب وخلاص من اللحضه هاذي قرر انه يخطبها لاكن ليش شعوره تغير في اللحضه هاذي؟!ليش مشاعره ملخبطه ومش فرحان !!
_______________
عبدو:فاتح مكالمة فيديو :-
عبدو؛واتيه؟!
راويه:اممم خيرك مستعجل خلينا نهدرزو
عبدو:معنديش خلوق لا هدرزه لا نم نوضي نحي حوايجك
راويه:اففف به وانت بتهبل ….
عبدو:نحا التيشرت وبدو في مكالمتهم المقززه ??
_____________
ترن ترن ترن
نبيل:واقف قدام البحر وكل شويه تالفونه يشرين ويسكر فيه بدون ميعرف حتى المتصل منو …قعمز ع الشط يفكر!!
هوا مش قادر يتحمل اكتر من هكي ..هوا خاطره يروح لي هنادي ويتعامل معاها زي اي راجل ومرته لاكن حبه للفلوس والمصلحه اقوى بي الف مره
يتساإل داخله…ليش هنادي تقبلت موضوع الجواز عادي وحتى تعامل فيه زي قبل متغيرتش عليه نهائي !!….لهدرجه هيا تبي مصلحته وبس؟!
حمل ثقييييييل هلبا عليه لاكن مسكر راسه ميبيش يتراجع
______________
نضال:لوح التالفون ع الطاوله …ميردش
يزن:مش ع اساس بيجي هنايا؟!
نضال:ع اساس قبل هكي مفهمتش علاش تغير شنو السبب؟!
يزن:بالك ارتفاع الاسعار
نضال:ونبي ارقد يزن ارقد
____________
نسيبه:مش مقتنعه هنادي انا بنت عمك ونعررررفك اكتر من روحك في قصه ورا يلي قاعده اديري فيه ولازم نعرفها
هنادي:شن بيكون فيه يعني زي محكيتلك وانا مش رح يأثر عليا تو يأجر للمرا التانيه وانا قاعده في حوشي وخدمتي ومش ناقصني شي
نسيبه:انتي صاحيه للكلام يلي تقولي فيه؟!
هنادي:طبعا
ترن ترن ترن
نسيبه:نضال وصل خلي ننزل انا وحسابي معاك تو نعلق عليك وتتكلمي بسيف عليك
هنادي:ههههه به حاضر
نسيبه:لبست عبايتها ونزلت
سكرت هنادي الباب وجت بتخش لاكن طق الباب …شنو نست هاذي …وفتحت الباب
هنادي:????نبيل؟!خيره حالتك هكي
نبيل:ملابسه مش مرتبه ومن ملامحه واضح مش تمام…..اموري طيبه
هنادي:سكرت الباب ولحقاته ع الدار تساعد فيه في تغيير ملابسه….شن صار معاك شفتها؟!
نبيل:اي ماشيه امورها
هنادي:به كويس ربي يكمل عليك
نبيل:تلفتلها وملامحه كلها جديه….انتي كيف هكي؟
هنادي:تحاول تخفي ملامح وجها..شن تقصد؟!
نبيل:كيف قادره تتصرفي طبيعي وامورك تمام وعادي جدا انتي زمان كنتي تغاري عليا من الطير الطاير كيفففففف توا بنتزوج قدام عيونك وعادي مشفتش منك دمعه الزح
هنادي:خذت نفس….منبيش نضايقك وانت مليكش ذنب في شي من حقك يكون عندك صغار
نبيل:سكت وخش الحمام
هنادي:بصوت واطي….ومن حقي نعيش حتى انا بكيفي الايام الجايه ??…
نضال:درس سيارته…شن تبي غير الطماطم؟!
نسيبه:سلامتك حبيبي كان لقيت فستق جيبلي
نضال:حاضر
نسيبه:ابتسمت وكملت تتصفح في تالفونها لين وصل مسج ع تالفون نضال ??♂️….يتبع