عشقي لكِ كالمحيط – سارة المجيد
#عشقي_لكِ_كالمحيط
#بارت9999999999
#بقلمي_سارة_المجيد
جنت شابك رونق وهيه شابكتني وتبجي … بهل لحظة انفتحت الباب وجان تدخل لينا ?? …. شفتها كمزت من مكاني ووخرت رونق من حظني …. هيه بقت متبسمرة بمكانها من الصدمة وفاكه حلكها ? …. وباوعت ع عيونها غوركت بالدموع واني مكدرت احجي شي اريد تطلع حجاية من حلكي ابررلها الموقف مكدرت اتخيط حلكي ? …. هيه اتعصبت وعافتنه وركضت بره طلعت ركضت وراها اصيح عليها ملحكت بيها اخذت تكسي واختفت ……..
رجعت لرونق …. شافتني وسئلتني شنو السالفه ومنو هاي البنية …..
كتلها رونق مو وكته احجيلج انتي مريضه …. كالت لا احمد احجي منو هاي ….. عاد سولفتلها كل القصة وكتلها والله جنت ناوي اكولج بس التهينه بشغلة مرضج ومكدرت احجي ……
رونق …. لتهتم احمد خلي هل سالفه عليه ..
احمد .. شتقصدين شراح تسوين يعني …
رونق …هههه معليك كتلك خليها عليه
صعدت رونق لغرفتها وواتمددت …. واني بقيت مثل المخبل رايح جاي ماعرف شلون احجي ويه لينا وشلون افهمها الموقف …. اكيد راح تفتهم غلط واكثر من مرة دكيت عليها ترفضه واخر شي غلقته لجهازها …..
لينا …. جنت فرحانه اريد اسوي مفاجأة لحبيبي بجيتي … تالي اني الي اكلت المفاجأة وانضربت ع راسي …. حسيت الدنيا انهدت من شفته شابك هل بنية وخالها بحظنه ….. ليش شسويتلك حتى تخوني هيج ليششش ….. كم مرة دك عليه ورفضته وتالي قفلت جهازي ماريد اسمع صوته بعد كرهته …
رونق … كمت وغيرت ملابسي وطلعت من المستشفى بدون محد ميدري … اخذت عنوان الدكتور محمد من السكرتارية وطلعت اخذت تكسي ….. ونطيته العنوان …. وصلني يم الباب دكيت الجرس طلعتلي الخادمة … كتلها اريد ست لينا …. راحت واجتي واشرتلي بيدها يعني اتفضلي دخلي …
دخلت ماشاءالله البيت فخم وامبينين اثرياء …..دخلت للستقبال بقيت صافنه ع الاثاث….. وجنت دايره ضهري وداباوع ع اللوحات الي ع الحياطين ….. سمعت صوت كلتلي اتفضلي اني لينا منو حضرتج …
درت وجهي وانصدمت لينا من شافتني وكامت اتصيح ….
لينا …. اول مندارت شفتها نفس البنية الي جان احمد شابكها … كتلها والج عين تجين لبيتي يامتستحين ياخطافة الرياجيل ضحكتي ع حبيبي واخذتي مني حسبي الله عليج كسرتي گلبي …
رونق … صح اتأذيت من كلامها بس عاذرتها لان الغيرة حارقه متنحمل …. كتلها ممكن 5 دقايق من وقتج افهمج الموضوع … وانتي احكمي بعدين ..
لينا … اي موضوع تحجين بي شفتج بحظن حبيبي وجاية بكل صلافة وتريدين تحجين ويايه ….
رونق … جسمي رجع يوجعني بس تحملت وكتلها مطالبه منج شي بس 5 دقايق افهمج القصة …
لينا .. . نعم اتفضلي شتريدين اتكولين ….
رونق … اول شي اهدي لان مراح نكدر نتفاهم ..
لينا … هففففف ماشي هديت احجي شعندج …
رونق … لينا تره الشفتي جان سوء فهم لا اكثر …. وماكو شي من الي ابالج ….
لينا … سوء فهم شلون يعني شفت حبيبي بحظنه وحدة منو قابل انتي اخته …
رونق .. لا مو اخته … خليني اسولفلج القصة ..
خليني اعرفج ع نفسي اسمي رونق بنت عم احمد …. قبل 4 سنوات ازوجت اخو احمد عن حب طبعا وجان هوه الانسان الوحيد الحبيته …. وره شهرين حبلت بأبني سيف … ومن ولدته بيوم ولادتي بيت عمي اتصلوا ع محمود اخو احمد الي هوه زوجي جان بالدوام …. حتى يجي للمستشفى لان ولادتي جانت متعسرة ولازم عسريع يحظرون دم …. محمود اتخبل من سمع بولادتي خطرة اجه بسيارته وماشي سريع وجان الجو ممطر ذيج الليله وسوه حادث اندعم بتريله وانمردت السيارة واتوفه ?? …
لينا … الله يرحمة … بس هم معرفت شنو ربط سالفتج بموضوع اليوم الي شفته …
رونق … خليني اكملج …
ومن ولدت ابني اجانه خبر محمود اني اتهسترت اتخبلت جنت نفسه وتوني والده ….. صارت بيه حمه نفاس وردت اموت من الصدمة ….. اخذوا الجنازة ودفنوا لمحمود …. واني طلعت من المستشفى … رجعت للبيت وكملت 3 ايام الفاتحه وكعدت اربي ابني …. ومرت سنة ع وفاة محمود وكول وكت اسمع كلام الناس الي مايرحم لان كاعدة ابيت عمي واحمد موجود …….. المشكلة اني وحيدة امي وابوية اثنينهم متوفين …. و صعبه اعيش وحدي عكب ما اتوفه ابو سيف …..واني بعدني صغيرة اهل احمد مقبلوا اطلع من بيتهم كلولي ابقي حالج من حالنه واكعدي ربي ابنه وانتي بوسطنه ….. كتلهم حجي العالم ميرحم لازم اروح لبيت خالتي اقل ماعدها ولد اعيش وياهم واشتغل بشهادتي ….. واصرف ع نفسي وعلى ابني ….
عمي كال لا بنيتي منو كلج احنه نقبل ابنه يتربه بعيد عنه وانتي تصرفين عليه …. باعي احنه حجينه بموضوعج … وقررنه تزوجين احمد .. هذا الحل الوحيد الي يخليج معززة مكرمة ابيتنه وكدام العالم ….
رونق … لا عمو ليش تظلمون احمد بزواج هوه ميريدها باجر عكبة يتخرج ويحب ويزوج الانسانه اليحبها ….
جان يصيحلي احمد كلي تعالي اريد احجي وياج …. كعدنه بالغرفه وكلي شوفي رونق ….. انتي دائما معتبرج اختي واذا ازوجتج ف لخاطر اخوية وسيوفي ماريدج تبتعدين عن البيت وعنه ….. اني راح اعقد عليج وزواجنه يكوان بس كدام العالم ….. بس بالحقيقه ابقه اخوج وانتي بغرفة واني بغرفه ……. اذا عجبج هل حل كولي حتى نعلن زواجنه كدام العالم ….
اني انجبرت اقبل لا ماعندي مكان اروحلة …. و وره كم يوم عقدنه يم السيد وعلنه زواجنه كدام العالم …… وراها العام احمد اخذ ابني وامه لبيت جده ابو امه بالهند واني رحت لبيت خالتي …. بالرجعة وكعت بيهم الطيارة بنفس الطيارة الي جنتي انتي بيها …. احمد سولفلي ع قصتكم …. وابني اتوفه وراح من ايدي … فقدت اعز اثنين ع گلبي ?….. ومن القهر حتى جسمي كام يوجعني
لينا … بقيت صافنه ومصدومه من كلامها … زين ليش احمد محجالي ع هل سالفه وليش بقه ساكت ليش ضم عليه …..
كتلها زين منظر اليوم شتفسري ……. اذا كلامج صحيح شعندج رايحتله للمستشفى ……..وكاعدين تحظنون ابعض ?? ..
رونق … ماشي راح اكولج ليش …. اني قبل سنة حسيت بوجع بصدري بمنطقة الثدي …. ومجنت ادير بال لحد ما الوجع صار مينحمل وكمت اتخربط من وراه …. واحمد اصر عليه ايوديني ايسويلي تحاليل وفحوصات حتى يطمأن عليه …… ومن سويتهن طلع عندي ذاك المرض ? … وبالصدفة اشتغل احمد بمستشفى والدج وجانت لعلاج الاورام ……. واليوم جايبين جهاز جديد واخذني احمد حتى يسولي تصوير مقطع طولي للجسمي …… والدكتور محمد الي هوه ابوج اكتشف المرض منتشر بكل جسمي …. واحتمال كبير يقضي عليه ويمكن ايامي معدودة بهل دنيا ….. ومن سمعت هل خبر انهد حيلي ووكعت بحظن احمد وبقيت ابجي وهوه هم انقهر عليه وحظني ….. وبهل لحظه انتي طبيتي علينه وصار الي صار
لينا … الله يشافيج ?
رونق … فدوة لينا اترجاج لتكسرين خاطر احمد …. تره يحبج ويموت عليج …. لو شفتي شصار بحالة من عفتي ورحتي بقه مثل الي مضيع شي حتى كام يبجي …… احسدج ع حب احمد الج
لينا …. ادري يحبني … بس من ضم عليه هيج شي كمت اخاف منه … حسيت فقدت ثقتي بي لو مصارحني وكايلي يمكن جان اهون عليه …. بس هسه ماعتقد اكدر اسامحه اعذريني ….
رونق … ماشي لينا المهم كدرت اشرحلج سوء الفهم الي جنتي متصورته وان شاءالله اتفهمتي الموضوع واني هسه لازم ارجع للمستشفى اخاف يفقدوني لان محد يدري واطلعت لخاطرج انتي واحمد ….
لينا … اسفه اخاف اتجاوزت عليج وحجيت حجي محلوو بحقج …. اعذريني تره احمد قطعة من گلبي وصعب الي شفته ….
رونق … لا معذروة اعرف بنار الغيرة ههههه يله حبي اترخص اشوفج بخير
لينا … غالية حبي مع السلامة ..
يتبع ..
#سارة?