عشقي لكِ كالمحيط – سارة المجيد

#عشقي_لكِ_كالمحيط

#بارت6

احنه ودنطلع جنت سريع دامشي وداضم بالجنطة دفتري منتبهت ع الطريق وجان انصدم بطالب شايل عصاير وانجب علينه اثنينه وعطت بي …. كتله شبيك اعمه متشوف كدامك …
ورفعت عيني عليه وجان اشوف احمد يالله ??

مستحيل مدتصدك عيني ?? …

احمد …. لينا ?

لينا … احمد ?

احمد .. شنو هل صدفه ولج مستحيل ….لو متواعدين هم متتحقق هيج ??

لينا … وكف گلبي من الصدمة ردت احظنه واكوله مشتاقتلك اووووف احمد …. كتله والله صدك صدفة مستحيلة بالاحلام متتحقق هههههه اشلونك شلون صحتك شخبارك ….

احمد .. الحمدلله زين والله بالي يمج ردت اسئل ابوج عليج بس استحيت …

علياء … بقيت فاكه حلكي كتلهم فهموني منين تعرفون بعض لتخلوني مثل الاطرش بالزفة ??

لينا … اهاا هههههه اسفين علياء … احمد اعرفك هاي علياء صديقتي وعلياء اعرفج باحمد المنقذ مالتي ? …

علياء … ولج شنو منقذ مفهمت …

لينا … بعدين اسولفلج القصة يرادلها كعدة هههههه

احمد … امشوا اعزمكم ع غدة شتكولون بمناسبة هاي الصدفه الرائعه ?

لينا … اخاف نسوي زحمة عليك ههههه

احمد … امشي ولج تعبتيني بلجزيرة ماسويتي زحمة ….. هسه اتسوين زحمه ع غدوة ههههههه

لينا … هههههه اي والله صدكت … يله امشي
وطلعنه وكعدنه بمطعم حلووو طلبنه الاكل وبقينه نسولف ونضحك واتغدينه وخلصنه وطلعنه …..

رجعنه للكلية وكلمن راح لقسمه …. واني گلبي طاير من الفرحه ممصدكه الي صار معقولة احمد بنفس الجامعة وياية اووويلي جان حلم بالنسبة الي ….. فدووة لعمرك يابعد گلبي ? ….

احمد … من شفت لينا حسيت روحي رجعتلي واتذكرت ايامنه الي بالجزيرة شلون جانت ايام حلووة ……. صح ايام قليلة ومشت سريعه بس حسيتهن عمر بالنسبة الي ….. كملت محاظراتي وانتظرت لينا تخلص من المحاظرة حتى شوية نسولف …. طلعت وصحتلها .. لينا اوكفي دقيقه ….

لينا…. اول مطلعت من القسم سمعت صوت احمد يصيحلي ….. رحت يمه وكتله هلا احمد ..

احمد … لينا ممكن شوية اريد احجي وياج …. علياء اتصرفت ب لباقة واترخصت وعافتنه وحدنه …. كعدنه ع المصطبة …. حجيت ويه نفسي كلت اريد اعترفلها بحبي ماكدر اضم بگلبي بعد ماتحمل ….

لينا … اي احمد اتفضل شردت تحجي كول اسمعك ..

احمد … لينا ماعرف شلون ابدي كلامي لان عمري ممار بهل موقف ابد …. ومادري شلون يعبرون عن الي بداخلهم …. بس كل الي اكدر اكوله … لينا اني احبج …

لينا … من سعمت هل كلام من احمد حسيت گلبي يريد يطلع من مكانه اووويلي شكد فرحانه …. كتله مادري شكولك انت فاجئتني الصراحة ? …

احمد .. يعني شعتبر هذا ردج … تبادل بالحب لو شنو مفهمت ههههه

لينا … دنكت راسي واحمرت خدودي من الخجل استحي اكوله اني هم احبك وحتى من جنه بالجزيرة …. گلبي صار يدك سريع وقوي محسيت ع نفسي كتله … اي ? .. وكمت من يمه وركضت وعفته ورحت طلعت من الكلية …. شفت ابو الخط منتظرني صعدت واني بغير عالم حسيت العالم حوالية كله وردي مجنت حاسة بالي ويايه بالخط ….. دغتني علياء بخاصرتي وسئلتني شبيج ولج جنج وحدة شايفه جني ومصدومه ههههههه …. كتلها اسكتي ولج خليني عايشه اللحظه ماريد احد يكعدني من هل حلم ?? …..

وصلت للبيت وطبيت شفت الخادمة محظرة الغدة ……. رحت غسلت وبدلت ملابس وكعدت اتغديت اني بابا واخوتي …… وجان بابا ديحجي ويايه واني ممنتبهه عليه شكد فشلت من صاح عليه ….. كلي لينا شبيج بابا مو داحجي وياج …. كمزت وباوعت عليه كتله ها … اسفه بابا منتبهت ….

بابا … شبيج باباتي صاير وياج شي اليوم بالدوام احد مضوجج احجيلي ….

لينا … ههههه لا حبيبي وعيونك ماكو شي بس جنت سرحانه بالمحاظرة مال الدكتور شوية جانت صعبه …..

بابا … هههه ولا يمهمج يالغالية …. اي شي يصعب عليج اني موجود ارجع اشرحه الج اذا ممفتهمه ع الدكتور …

لينا …. تسلملي يا احلا اب بهاي الدنيا كلها امووووح ? ..
بابا ……ديله حظروا نفسكم العصر نروح لبيت جدج لان اليوم خميس ومسوين ثواب ع روح عمج وعازمينه ع العشه ….

لينا .. صار بابا ان شاءالله
وصار العصر واخذنه بابا لبيت جدي والتمينه كلنه ع السفرة وضحكنه وسولفنه ورجعنه بالليل …..

ثاني يوم الصبح كعدت متأخرة ع الدوام … ركضت غسلت وبدلت واخذت جنطتي وكتبي وطلعت عسريع لكيت بابا ديتريك … كلي ها شبيج شو مبدلة وتركضين شكو وين رايحه ? …

لينا … وين يعني غير للكلية ..

بابا .. لينا بابا شبيج اليوم جمعه ياكلية … شو وضعج معاجبني ولج شصاير وياج احجي …

لينا … اصخام صدك جمعة ? …..خرررب حظي ع هل فشلة هاي شبية غير مثوله اني …. كتله ها والله من كثر ضغط الدراسة عقلي يمكن اختل ? …. فشلت شكوله عاشكة و ولهانه وداروح اشوف الحب ??

بابا … الله يساعدج بنيتي حاس بمعاناتج اني هم جنت بعمرج هيج صار بيه حالة نفسيه …..اتذكر اتهسترت والله … رجعي نامي ارتاحي شويه

لينا … ماشي بابا … وصعدت وضجت لان اليوم مراح اشوف حبيبي احمد جنت متلهفه اريد اشوف عيونه ? شيصبرني للاحد اوووف ….

واجه يوم الاحد واني كلي شوق لحبيبي هل يوم مميز عندي كعدت الفجر صليت وسبحت وفتحت كنتوري كلت اليوم اخالف الزي والبس شي يطلعني حلوة كدام احمد ….. شسورت شعري ومكيجت ونزلت جوه شفت الكل كاعد يترك ومنتظريني …. كعدت واخذت قطعه من الخبز وحطيت بيها جبن وشربت جاي …. وجان يسئلني بابا عن سبب مخالفتي للزي … كتله هيج شوية تغيير … بس بابا ذكي متفوته هل امور حس اكو شي ديصير ويايه …. سكت وعبر السالفه … اجه ابو الخط وطلعت وصعدت بالسيارة ….
وصلنه للكلية نزلت شفت احمد منتظر بالباب …. مادري شصار بحالي ردت انجبح واوكع بالكاع ….. خررب حظي شبيه اتخبلت ? ..

احمد … اول مانزلت لينا وشفتها شلابسه عقلي طار من راسي ردت اخنكها شنو هل لبس ولا عجبني …. امبين كل معالم جسمها خرررب يومج جسمها يجنن ملفت للنظر والملابس امفصلة كل جسمها …. اجتي ناحيتي وسلمت عليه ….اني عقجت وجهي وكتلها اهلا ?? …

لينا … خير ولك شبيك ماد بوزك ?

احمد … شنو هل لبس بعد متلبسين هل ملابس تره اشكهن والله … امشي طبي للقسم وبعد لطلعين منه اله يخلص الدوام ??

لينا…. يممه فدييت الي يخاف عليه ويغار ?

احمد … امشي كدامي وداصير وراج يله حتى لحد يشوف الشسمه ….خررب عشيرتج ع هل دكه ? ..

لينا .. اي اي فهمت ماشيه ? ..

خلص الدوام واني محبوسة بالقسم من وره احمد ميقبل اطلع بره يخزيني …. طلعت وشفته كدامي … كلي راح انطيج رقم تلفوني اريد احجي وياج بالليل ميصير نبقه هيج بدون كلام …. وكلي جيبي تلفونج … نطيتهيا … سجل رقمه ودك عليه وخزن رقمي يمه ….
وصعدت بالخط ورجعت للبيت …

احمد … متت لحد ما خلص الدوام وصعدتها بالسيارة وحذرتها تعيد هذا اللبس بعد ….. …..
ومرت الايام وخلصنه امتحانات اخر السنة واني تخرجت ولينا نجحت بدرجة امتياز وراحت مرحلة ثالثة طبية …… وخلصت العطلة واني ميت ع شوفتها جان بس اتصال بينه متكدر تطلع حتى اشوفها ….. و اول مابده الدوام رحت من الصبح للكلية حتى اشوفها ….. وجان تنزل من الخط …. حسيت گلبي كام يرفرف وطلع وحظنها مثل الطفل الي جان مضيع امه ….. اجتي صوبي صبحت عليه وكتلها … لينا اول محاظرة اضربيها لان مشتاقلج مووووت …..
لينا …. ههههه ماشي امشي نروح للكافتريا نكعد ….
طبينه جانوا اكو شباب من قسمي قبل مصارحيني ومنطيت مجال لاي واحد منهم …..
بيهم واحد حقير كام وطلع وجان يذب حجاية كال اثاري تتطرب ع الغريب شنو احنه لازم منعجب ……
اني سمعت اتخبلت عرفت عليه يقصد ….

احمد …. هذا شكال مسمعته زين

لينا … اصخام ليسوي مصيبة احمد ..كتله هيج مو يمنه الحجي شعلينه بي ….

احمد …. اوك .. ولج شكد مشتاقلج كوه صبرت نفسي بأيام العطلة … هاي لازم يومية اجي حتى اشوفج ?? …
لينا …. ههههههه فدوة لگلبك اروح اني هم مشتاقتلك موووت …. احجيلي من تخرجت متعيينت ممارست اختصاصك ….

احمد … لا والله ملتهي جنت بالبحث لازم اكملة والحمدلله كملته وقدمته للاساتذة ….

لينا …. لعد عندي الك مكان تتعين بي ? …

احمد … صدووك الله عليج … احجي ولج وين وشلون لكيتي

لينا … هههههه ع كيفك اسمع عيني …. بابا بنه مستشفى كوولش كبيرة والحمدلله كملت هسه وبدوا يعيون الاطباء ذو الخبرة الممتازة وهم اكو قسم تحليلات مرضية كلت لازم انت الي اتديرة ?

احمد … امممممم ومنو كلج اشتغل عدكم اني ?

لينا … لا احمد حشا ماكلت تشتغل عدنه بلعكس احنه محتاجين مهارتك وخبرتك بهل تخصص يعني تشتغل ويه بابا … مو عنده افتهمتني ? …

احمد .. اممممم اذا هيج ماشي هههههه …. انطيني العنوان وباجر من الصبح اروح للمستشفى اقدم ع التعيين …

لينا … صاااار واني هم راح انطي خبر لبابا حتى يصير عنده علم بجيتك …

احمد ….. اتفقنه حبيبي ديله اني اروح عندي شغله اكملها واروح احظر اوراقي وكذا هههههه …

لينا … ههههه ماشي عيني روح اني هم اروح اشوف علياء وين راحت لان من شافتك طفرت …

احمد …..وطلعت من الكلية وكملت كم شغلة جانت عندي …..
ورجعت لبيتي دخلت للبيت جانت زوجتي منتظرتني ع الغدة صاحتلي الله يساعدك احمد …كتلها هلا ام سيف بس اغسل واغير ملابسي واجي ….
اجيت كعدت ع السفرة وكتلها .. شلونج اليوم خما يوجعج شي ….

ام سيف …. والله احمد وجع صدري مخلاني انام بالليل وماردت اقلق نومك …. بس ماكدر اتحمل الوجع ديأذيني حييل ….
اعرفكم بنفسي …. اسمي رونق زوجة احمد …عمري 22 سنة بشرتي بيضه وعيوني خضر وشعري اشقر …. اتزوجت احمد بسبب ضروف بعدين تعروفها بأحداث القصة الجاية …

احمد … لعد حظري نفسج باجر اخذج للمستشفى حتى اسويلج بعض الفحوصات …حتى نطمأن عليج ..

رونق .. ان شاءالله

احمد … صعدت لغرفتي واتمددت ع السرير واخذت موبايلي وطلعت رقم لينا … اوووف يا بنت گلبي شكد مشتاق احظنج واشم عطرج … دكيت ع الرقم وجان يرن ? ..

لينا … جنت كاعدة وسرحانه بافكاري وع غفلة دك تلفوني ? باوعت لكيت احمد يتصل ?
يممه گلبي حيوكف … رديت الووووو

احمد .. هلا بهل صووت هل بروحي ونبض گلبي … ولج شسويتي بيه شلون خليتيني احبج هلكد …. اخاف ساحرتلي ولج ?? ..

لينا ? .. اي عيني سحرتك بجمالي ونظرت عيوني ??

احمد …. يممه فدييت عيونج ونظراتها صدك اول ماباوعت عليهن انسحرت بيهن ?

لينا …. ههههه ياعمري … شلونك شخبارك

احمد … الحمدلله زين …..باجر احتمال ما اجي للكلية وشغلة التعيين راح ائجلها فد كم يوم

لينا .. ليش ?

احمد … ها مو صار عندي شغل طارئ ان شاءالله اكمله وابلش

لينا … ماشي حبيبي ان شاءالله مكضيه

احمد … تسلمين حبيبي .

لينا … يله حبيبي حروح هسه لان اخاف بابا يصحيلي هسه .

احمد .. ماشي ياعمري الله وياج ….
……
كعدنه الصبح اني ورونق اخذتها للمستشفى حتى اسويلها تحاليل وفحوصات لصدرها ….
وصلنه للمستشفى … اخذوا منها دم ورادوا خزعة من الثدي اخذوا منها … وكالوا اسبوع وتطلع التحاليل ….. اني كمشني گلبي من اخذوا منها الخزعة بس لا ذاك المرض اعوذ بالله منه …..
رجعنه للبيت …
وره اسبوع رحت للمستشفى حتى اخذ نتيجة التحاليل وجانت النتيجة !! ….

يتبع …..
اريد تفاعل ويه القصة حبايب حتى اتشجع انزللكم التكملة ☺☺

#سارة?