عشقي لكِ كالمحيط – سارة المجيد

#عشقي_لكِ_كالمحيط

#بارت5

#بقلمي_سارة_المجيد ??

وطفر احمد ركض جاب مسدس التنوير وضرب طلقه بالجو …….وضوت المكان شفنه الطيارة راحت وردت رجعت ……احنه كمنه انكمز ونصيح ونلوحلها للطيارة حتى يشوفونه …… وفعلا شافونه الحمدلله ونزلت الطيارة قريب الشاطئ لان الطيارة جانت برمائية ……نزل منها الطيار وجان ينزل وراه بابا ردت افقد وعيي من المفاجئة مصدكت عيني ……. ركضت اني واخوتي ع بابا وحظنته وطكيت بجي كتله بابا ليش اتأخرت ليش عفتنه وابجي هوه هم شابكنه ويبجي ممصدك شايفنه بخير…. كلي صارلي اسبوع اركض منا ومنا بس حتى اشوف احد يساعدني والكيكم …. وراها رجعت للعراق وحجيت ويه المسؤولين وامنولي طيارة خاصة …….واليوم الصبح وصلنه لهذا المكان وكالوا هنا سمعوا نداء الاستغاثه ومافقدت الامل بقينه نفتر وندور لحد مالكينه هاي الجزيرة كتله خلي نروح فوكها نستكشف المكان بلكت واصلين الها ….. والحمدلله شفت التنوير بالجو ورجعنه عرفت انتوا …… لينا حبيبتي وين ماما لعد

لينا .. باوعت عليه ودنكت راسي ? وكتله ….من صار الحادث ووكعت الطيارة جان السقوط قوية وانضربت براسها واتوفت …. بابا امي عافتنه وراحت بعد منشوفها بابا ?? …. كلهم كاموا يبجون ع الموقف ابوية اتخبل وطك بجي مكدر يتحمل الصدمه وكع بلكاع …. هاي حبيبته عشرة عمر ويا رفيقة دربه صعبة يتفاركون …..

بابا … وين جثتها لعد ..

احمد … والله ياعمي من وكعت الطيارة بعيدة عن الجزيرة مكدرنه ناخذ اي جثه من اهلنه ……يادوب كدرنه نخلص نفسنه ……. جفناهم وحطيناهم بلطيارة وسدينه باب الطيارة حتى لتوصللها الاسماك وتنهش بيهم …..

لينا …. بابا تره احمد نقذ حياتنه وبالاخص اني اكثر من مرة نقذ حياتي من الموت..

بابا …. اشكرك وليدي بارك الله بيك شتطلب اني حاظر لو تطلب عيوني ترخصلك والله …..
احمد … لا عمي العفو ع بختك اني ماسويت الا الواجب واي واحد بمكاني جان سوه الي سويته واكثر بعد ..

بابا …. الحمدلله ع سلامتكم كلكم … وان شاءالله اكلف ناس حتى نطلع الجثث اليعرفون بهيج امور حتى كل واحد ياخذ جثة اهله …. الله يرحم امواتكم ويصبركم ع فراقهم ..

احمد … امين يارب ويرحم ام قائد ويجعل مثواها الجنة ان شاءالله …

بابا … اميين يارب …. يله هسه اصعدوا للطيارة خلي ناخذكم للديار ..

لينا …. جانت الفرحة مسايعتني من شفت بابا نازل من الطيارة …..نسيت كل التعب والخوف والرعب حسيت بالامان …. حظرنه نفسنه وصعدنه بلطيارة واحمد بس يباوع عليه بقهر حسيته يريد يكول كلام بس ميكدر جان مهموم ….. عبالك بالجزيرة جان فرحان وضاج من وجدنه طريق الخلاص لان راح نبتعد وماشوفه بعد …..

وصلنه لارض الوطن حسينه بحنين جنه فاقدي بهل كم يوم اتنفسنه هوه العراق افييششش يختلف عن كل هوه بالدنيا …..
وراها ودعنه بعض وحسيت گلبي راح ويه احمد ياترى يجي يوم ونلتقي من جديد منعرف القدر راح يجمعنا لو لا … بقيت الطريق كلة افكر ب احمد يارب اشوفه مرة لاخ ….

احمد … من ودعتني لينا حسيت گلبي انشلع من مكانه ردت اركض واحظنها واكولها اني احبج …. بس فراقنه جان اسرع من لمح البصر مادري شلون حكدر اتواصل وياها …….. اوووووف ياعمري وحياتي شلون راح اعوفج شلون ….. بهل اثناء مد ايده ابو قائد ونطاني كرت كلي هذا الكرت بي كل تلفوناتي تكدر تتصل بأي وقت حتى تسئل علمود الجثث من انجيبها ….. كتله اشكرك عمي ممنون منك ….

لينا … وصلنه لبيتنه وطبيت اتذكرت امي بكل اركان البيت طكيت من البجي حتى اخوتي وتينا هم … بس المصيبة مينا متدري لحد هسه بخبر وفات امنه مادري شلون راح ننقللها الخبرر …. من رجعنه بابا اتصل ع بيت جدي وبشرهم برجعتنه واتصل ع مينا هم بشرها ….. وره ساعتين اجوي بيت جدي بوسونه وفرحوا برجعتنه وتحمدولنه بالسلامة …… وره شوية سمعت حس بجي ماشوف اله مينه طبت مثل المخبلة ركض عليه شبكتني وتبجي وتبوس بيه ….

لينا …. ولج فدووة اروحلج خيتي يابعد گلبي … ولج متدرين شصار بيه يوميه اتصل ع بابا واسئل عليكم احجيلي شصار وياكم گلبي نار عليكم …… وراها سلمت ع اخوتي وبوستهم وكامت تشمشم بيهم وبوست تينا وسلمت ع بيت جدي ….. بعدين كامت اتباوع وكالت … لعد وين امي .. سودة عليه اكيد فوك نايمة من التعب …. وراح تدور عليها واني حابسة الغصة بصدري ماكدر احجي شي كدامها شراح اكولها ياربي منين ابدي ….. نزلت مثل المخبلة كامت تعيط ولج لينا امي وين ليش متحجين شبيج …..

لينا … مينا فدووة اروحلج اهدي شوية انتي مؤمنه وتصلين وتعرفين الله ….. ولازم تتقبلين قضاء الله وقدرة …

مينا …لطمت ع جهي وكتلها … اصخام الصخمني ولج شدتحجين انتي ياقضاء ياقدر شبيج ليش متحجين عدل ….

لينا … ?? مينا … ماما ماتت بالحادث ..

مينا …. عزززة العزاني يبووووووو وكامت ادك وتلطم وتبجي وتعيط واني اهدي بيها والزمها وكلهم كاموا يبجون وصار عزة ابيتنه ……

لينا …. باجر بابا راح يجيب الجنازة من مكان الحادث ياخذ ويا جماعة متخصصين حتى ينتشلون الجثث …

بابا … كعدت الفجر و وره ما سويت اتصالاتي ويه الجماعة …..دفعتلهم مبلغ ضخم حتى اخذهم بطيارة خصوصية اجوي 4 غواصين ويه عدتهم ….. وره كم ساعة وصلنه لمكان الحادث نزلوا الغواصين وبدوا بالبحث وشافوا هيكل الطيارة جوه بالاعماق ….
وكدروا ينتشلون 3 جثث الي بالطيارة جثة ام قائد وجثة ام احمد والطفل …… وراها الدولة اتكفلت بالشغلة ودزت متخصصين وراحوا لمكان الحادث وطلعوا كل الجثث وخلوهم بطيارة ورجعوهم للعراق …. واني اخذت جثة زوجتي ورحت غسلتلها بلمغيسل وكفنتها وخليتها واخذتها للبيت حتى يشوفها ونروح للنجف ندفنها ……. وبقيت جثة ام احمد والطفل بالثلاجة مال الاموات …. اذا اتصل احمد انطي خبر بمكانهم …..
وصلنه للبيت ودخلنه التابوت اني واخوتي وطبينه للبيت وبده العياط والصياح والدك واللطم مال بناتي وكعن ع تابوت امهم ….. مكدرت اتحمل المنظر طكيت بجي شفت ولدي حاظنين التابوت ويبجون …. گلبي اتكطع عليهم ….. فكرت هذولي شلون راح اعوفهم بعد مافقدوا امهم ماكدر اسافر بعد گلبي مينطيني ….. اووووف ام قائد هديتي حيلي بفراكج ?? …..شلنه الجنازة ورحنه للنجف ماقبلنه ناخذ اي مره ويانه …. رحت اني واخوتي بس دفناها ورجعنه …. نصبنه الفاتحه وجبت طباخين وانكلبت العالم علينه فاتحتها انترست ترس حتى مسؤولين اجوي يعزوني ….

وراها اتصل عليه احمد وسئلني ع جثة امه والطفل ودليته كتله بفلان مستشفى وسد التلفون …..

لينا … كملنه الفاتحه وانهد حيلنه بفراك امي …. بقينه وحدنه … بابا جمعنه وكال شوفي اولادي وبناتي …. اني راح استقيل من شغلي وارجع استقر بالعراق اصفي كل اشغالي بالهند ……واسوي مستشفى كبيرة ببغداد لعلاج الاورام السرطانية …. وافتح هم بيها مختبرات واسوي بعد تخصصات بيها لينا اريدج تشدين حيلج حتى تتخرجين وتلزميلي المستشفى …. واي طالب بدفعتج متفوق هم نجيبه يمنه يشتغل واشوف اصدقائي الاطباء القدامة اذا كدروا يساعدوني بادارة المستشفى ….. ان شاءالله اسويها اكبر مستشفى بالشرق الاوسط …

لينا … ان شاءالله بابا وتدلل راح اجتهد اكثر واكثر وارفع راسك بيه ….

بابا … ان شاءالله بنيتي وانتوا هم ياولد شدوا حيلكم واتخصصولكم بفد شي يفيدكم لان هل مستشفى اصلا الكم سويتها …..
ومرت الايام
لينا … فعلا بابا قدم استقالته من السفارة وبلش بتحضيرات بناء المستشفى ……اشترى ارض كبيرة واتفق ويه مكتب هندسة للعقار وبدوا ببناء المستشفى …..
كملت عطلة اخير السنة وبده الدوام … اول يوم بالدوام كعدت الصبح وكعدت اخوتي واختي تينا ….. وبابا جابلنه خادمة فلبينية حتى تخدمنه لان ماكدر اشتغل اني عندي دراسة ولازم اشد حيلي بيها …… كعدنه اتريكنه واجه ابو الخط عليه دك هورن كمت ع سريع بوست بابا وطلعت … واخوتي وتينا بابا وصلهم لمدارسهم
دخلت للكلية شفت صديقاتي الي جانوا بالمرحلة الاولى
بوستهن وعزني بموت امي … وكعدنه شوية بالكافتريه طلبنه نسكافيه شربنه ورحنه للقسم …. دخل الدكتور ولقى محاظرته وخلص وطلع …. احنه لمينه كتبنه وطلعنه … دنتمشه بالكلية مرينه من قسم علوم البايو … وكفت كلت ويه روحي هذا القسم مال احمد الله لو هنا يدرس بنفس جامعتنه …. اني هم مسئلته بيا جامعة تدرس مادري شبيه مثل الغبية عبالك وجع ? …..
عاد هزتني صديقتي علياء كلتلي ها وين وصلتي هههههه

لينا … ههههه امداج دعوفيني عايشة بالحلم ?

علياء دمشي عيني راح تبده المحاظرة الثاني لا يطردنه الدكتور بره القسم ? …

لينا …امشي امري لله هههههه
دخلنه للقسم وكعدنه ع المدرج دخل الدكتور … وطلعت دفتر المحاظرات وبقيت اكتب محاظرة الدكتور …. وخلصنه وطلعنه كتلها لعلياء امشي للكافتريا متت جوع خلي نتغدة …. طبينه لكينه المكان مزدحم ماكو مكان فارغ …..

لينا … اهووو متكولولي شبساع كعدوا وترستوا المكان بله هسه وين نكعد …. امشي يمعودة نطلع بره بالمطعم نتغدة …..
لينا …. اهووو نسيت دفتري بالقسم امشي نرجع ناخذه …..

علياء اوويلي عليج متكوليلي عقلج وين ? …

لينا …. انجبي عاد وين يعني عقلي غير جوعانه ومداركز وجع ? …
رحنه للقسم طبيت اخذت دفتري وطلعنه عسريع ….
احنه ودنطلع جنت سريع دامشي وداضم دفتري بالجنطة منتبهت ع الطريق وجان انصدم بطالب شايل عصاير وانجب علينه اثنينه وعطت بي …. كتله شبيك اعمه متشوف كدامك …
ورفعت عيني عليه وجان اشوف ??