عشقي لكِ كالمحيط – سارة المجيد

#عشقي_لكِ_كالمحيط

#بارت11 النهايةةةة

بقلمي سارة المجيد

 

بخطوبة ابن عمي شافني اخو اسمه قيصر وانعجب بية وكايل لامه عليه ….. وابو الي هوه عمي مفاتح ابوية بالموضوع وبابا مكيف لان ميلكي احسن من ابن اخو ينطي بنته اله …..
اني مجنت اعرف بالسالفه …. وره كم يوم بابا صاحلي وكلي تعالي اريدج بموضوع …. طبعا بابا مو مثل قبل ويايه بسبب موضوع احمد …. كله هاملني ومينطي اي اهتمام ….. جنت حييل مقهورة بسبب هل تغيير ….

بابا …. اكعدي لينا … عمج ابو ناصر طلبج مني لابنه قيصر كال شافها بحفلة الخطوبة مال ناصر وانعجب بيها ….. وهسه يريدون يحددون موعد للكعدة حتى يطلبوج رسمي …..

لينا …. من بابا هيج حجه حسيت الدنيا انهدت ع راسي حسيت روحي طلعت ….. معرفت احجي وشكول بس بدون وعي مني … صيحت وكتله شنووووو ….

بابا … اكعدي ولتعلين صوتج كدامي احترمي نفسج ولتخليني امد ايدي عليج …….

لينا … اسفه بابا اعتذر منك مو قصدي … بس الخبر السمعته سطرني …. بابا اني ماريد ازوج هسه اني اريد اكمل دراستي واحقق حلمي ان اصير دكتورة ….. كولهم لينا رفضت ….

بابا … هه ومنو كلج اني صحتلج حتى اخذ رأيج ….. اني صحتلج حتى تتحضرين نفسج لان حنطيهم موعد الخميس الجاي الكعدة …..

لينا … ? … لا بابا فدووة اروحلك لتتصرف بقساوة ويايه الله يخليك ماتحمل اشوفك هيج …..احلفك بروح ماما لتأذيني والله ممسويه شي يخليك تقسة عليه هل قسوه ??? …

بابا … اني قررت وانتهى الموضوع حظري نفسج الخميس الجاي الكعدة مال الزلم …. الولد مو ناقصه شي خوش ولد وابن عمج ودارس ومتعلم وامكانيتهم ممتازة ….. احسن من الحافي الي حبيتي …..

لينا …. بابا تره مو كولشي بالدنيا الفلوس صدك اكو شغلات احنه منكدر انجيبها بالفلوس وغيرنه يملكها …….

بابا …. هههههه صايرة فيلسوفه دكتورة لينا ….شوفي وخليها ابالج اي حركه غبية منج تخسرين حياتج بيها لان منقبل العار احنه…… البنية الي تطلع ع شور اهلها تنقتل وتندفن ……
يله اني رايح انام عندي عيادة العصر …

لينا … بابا متغيير حييل مو ذاك بابا الي يحبنه ويهتم بينه …. صاير لغته الفلوس وبس …. دخلت عليه اختي تينا شافتني ابجي … كلتلي شبيج حبيبتي ليش تبجين صاير شي …… كتلها ابوج ظلمني وراح يزوجني غصب عني …. وراح اخسر حب عمري تينا ولج احمد راح من ايدي ?? ….

تينا …. ياعمري ياخيتي اصبري ان شاءالله ربج يغير الاقدار منو يدري …. انتي بس صلي وادعي الله ….. صدكي ربنه ميقصر ……

لينا … والنعم بالله ?

واجه يوم الخميس واجوي الزلم وصارت الكعدة واتفقوا ع الحاظر والغايب والمهر …. وحددوا يوم الخطبة ….. واني مثل الجثة بلا روح والفرحة اختفت من وجهي ….. ماكدر احجي ويه احمد لايتهور …

ورحت ويه مرت عمي اشتريت النيشان واني غصة بگلبي ولا عجبني اشتري شي كله جانت هيه تسئلني واني اكوله بكيفج …….
وحددوا حفلة الخطوبة بعد اسبوع …..ثاني يوم اجه ابن عمي قيصر الصبح راد يوصلني للكلية …. كتله بعدك مصاير خطيبي حتى تجي وتريدني اصعد وياك بالسيارة وتاخذني للكلية ……. جان يكولي اني ابن عمج لتنسين الي الحق اوصلج ….. وعمي هوه الي كلفني اجي و اوصلج …..

لينا … اني ضجت من تصرف بابا ليش هيج ديسوي شيقصد بتصرفه هذا ….. تالي اتقبلت الموقف وصعدت ويا ….. وصلنه للكلية هناك شفت الطامة الكبرى ?? ……

اول منزلت من السيارة صار احمد بوجهي جان مشتاقلي وجاي يشوفني ….. شفته اتخبلت وهوه شافني نازله من السيارة وبصف شاب ميعرفه …… فقد عقله واتعصب اجه لزمني من ايدي وكلي منو هذا ….. قيصر شافه جن جنونه ركض عليه ووسحب ايدي من ايده ودفعه وكله وخر ايدك لك ناقص منو انت حتى تلزم ايد خطيبتي ……

لينا … احمد سمع هل كلام انصدم بقه فاتح حلكة وعينه ومانطق بحرف ….

احمد …. من سمعت كلام هذا الولد حسيت واحد ضربني بعامود ع راسي معرفت احجي واجاوبه ….. شفت لينا ويا صاعدة يعني قابله بي ….
يعني حبيبت عمري وحياتي خذلتني يعني خانتني ……..
اعتذرت منهم ….وكتله للولد اسف ع سوء الفهم عبالي خطيبتي منتبهت وعفتهم ورحت مثل الواحد المشلول رحت بغير عالم ……. ماصدك لينا باعتني اوووووووووف ربي شديصير ويايه ليش هيج …..

لينا … دخلت للكلية وقيصر كلي ساعة ابيش تخلصين الدوام .حتى اجي عليج ……. كتله ب2 الظهر اخر محاظرة عندي …..
اجتي علياء تركض شافتني منهارة كلتلي وينج يمعودة غالقه تلفونج ولا تجين للكلية اتخبلت ماعرف المن اسئل عليج ……. شبيج احجي شصاير …… سولفتلها ع كوولشي ….

علياء …. لا اله الا الله .. مو خوش خبر والله … بس لينا لازم احمد يعرف انو انتي مقابله ع ابن عمج ولازم يعرف ابوج الي غصبج حتى يبعدج عن احمد ……

لينا …. ماعرف علياء اني ميته من القهر مداعرف افكر راسي راح ينفجر ….. امشي ندخل للقسم بدت المحاضرة ….

احمد …. رحت للمستشفى ع رونق واني مثل الميت الدنيا اسودت بعيني …….. ردت اشكيلها همي …. دكيت باب غرفتها مرة ومرتين متجاوب دكيتها حييل نفس الشي …. فتحت الباب شفت رونق وجها شاحب وامدده بلا حركة ولا نفس ….. ركضت عليها هزيتها وصحت رونق رونق .. متجاوب …. كمت اصيح ع الدكاترة الي بالمستشفى عيطت بعلو صوتي كلهم اجوي ركض فحصوها وجاسوا نبضها …. كالوا شد حيلك البقيه في حياتك وغطوا وجها ….. اني وكعت بالكاع من الصدمة اليوم اكلت صدمتني صعبه اتحملهن بنفس اليوم ……. عفتهم وطلعت اركض مثل المخبل بالشوارع ماعرف وين اروح والمن اشكي همي …. كلهم راحوا من ايدي امي وابوية واخوية ولينا وهسه رونق …. اوووووف ياگلبي شتتحمل بعد منو بقالي …..
صار الليل ودك تلفوني جانوا المستشفى تعال ادفع المصاريف واستلم الجثة ……

رحت ع صديقي حتى يساعدني لان حيلي مهدود ….. رحنه للمستشفى اخذنه جنازة رونق وديناها للمغيسل وراها دفناها بالنجف …….

سويتلها فاتحه بالجامع 3 ايام …… اجوي اقاربنه واصدقائي وعزة النساء صار ابيت عمي الكبير …. كملنه الفاتحه …. واني روحي مشتعلة نااار متنطفي وگلبي محروك …..

اني كاعد بالبيت امدد وصافن … دك تلفوني باوعت شفته رقم غريب رديت الوووووو ..

علياء … الووو هلوو احمد اني علياء صديقة لينا

احمد … من سمعت اسم لينا كمزت وعدلت كعدتي …. كتلها هلا علياء شلونج خيتي خير خو ماكو شي ……

علياء … لا ماكو شي لتخاف …. بس حبيت افهمك بشغلة الخطوبة مال لينا وابن عمها ….
كلت لازم تعرف تره لينا انغصبت ع هل خطوبة وابوها هددها يبطلها من الدوام ويحبسها بالبيت ولتحلم يقبل عليك …….
واذا سوت اي حركه غبية يقتلها خلاص لان حبها الك اعتبره عار للعشيرة ……

احمد …. من سمعت كلام علياء اتخبلت ….
يعني حبيبتي هسه بحاجتي ولازم اوكف بجانبها ولو اعرف اضحي بروحي ولا اخليها تاخذ ابن عمها …….. اشكرج عليها ماعرف شلون اجازيج لان كتيلي ابد مانسه هاي وكفتج ويانه ……

علياء … لا احمد هذا واجبي تره لينا بمعزة اختي ..

احمد …. طلعت مثل الواحد مضيع ابنه وكلوله تعال لكينا………. رحت للكلية ادور ع لينا جنت فاقد عقلي لكيتها وردت احضنها واشمها شكد مشتاقلها موووت ……….
شفتها هيه وعلياء ديتمشون يم السنتر ركضت عليها وعاتبتها ليش هيج سويتي بيه يابنت روحي …..
تدرين انتي حكمتي عليه بالاعدام بذيج الايام الي اختفيتي بيها ………..
ونفذتي الحكم بيوم الشفتج صاعدة ويه هذا الي يسمي نفسه خطيبج ….

لينا …. اسفه احمد هذا كله بسبب ابوية من عرف بعلاقتنه تغيير ويايه …..
عبالك عدوته صرت حبسني بالبيت واخذ تلفوني وكسر السيم كارت …….
وانوب هسه غصبني ع ابن عمي كولي شسوي ???

احمد …. والله ع جنازتي تاخذين ابن عمج لو اعرف يقتلوني خلاص ماعوفج ……

بهل اثاء اجه قيصر وشافهم سوه … كلهم وهسه هم متوهم بخطيبتك …..
لينا … شفت قيصر اتخبلت ولزمت گلبي كلت الله يستر لتصير مصيبة ….. كتله خليني افهمك قيصير لتتهور …

احمد … لينا من شنو خايفه احنه ممسوين شي غلط ولا حرام …. هوه الي اجه ع تالي وكت وخرب كوولشي ……
خليني احجي وخلي يعرف ان اني احبج وانتي تحبيني ومحد يكدر يفرق بينه بس الموت …….

لينا … لطمت ع وجهي اصخام الصمني ليش احمد ليش حجيت …

قيصر بقه مثل البالع الموس ميعرف شيحجي …. وجان ع غفلة ضرب احمد بوكس ونيمه بالكاع ….. واحمد ماقصر كامله ودك بوكسيات وركلات برجله …..

لينا …. بقيت ادك والطم واصيح كافي اتخزيت كدام الطلاب بس محد يسمعني ….. اجوي الطلاب يريدون يفاككوهم ….. اني من فشلتي ركضت مثل المخبلة وطلعت من الكلية وصلت للشارع وجان تجي سيارة سريعه ضربتني انشلت وانركعت بالكاع ومحسيت ع نفسي بعد …….
احمد …. سمعت صوت علياء اتصيح وتعيط الحك احمد لينا اندعمت ….. مثل المخبل صرت ركضت شفت الناس ملتمه عليها وخرتهم شفتها مغطايه بالدم وفاقدة الوعي …..
اووووووف لااااا حبيبتي فدوووة جاوبيني لتعوفيني لينا ولج بس انتي بقيتيلي……..
وشلتها واخذتها للمستشفى … وصلت للمستشفى وكمت اعيط واصيح وينكم الحكولي اجوي اخذوها مني وحطوها ع السديه ودخلوها لغرفه العمليات …….
بهل اثاء اجه ابو لينا وقيصر للمستشفى وشافوني مغطه بدم لينا وحالتي حاله ……
ابو لينا كام يسب ويغلط عليه وراد يضربني لزمه قيصر وكعده …… كلي والله اذا صار بلينا شي ادفعك الثمن عمرك …..

قيصر …. عمو اني راح اروح عندي شغل …

طلع الدكتور من صالة العمليات …. رحت ركض عليه وكتله فدووة دكتور احجي لينا شلونها ..
كال حالتها خطرة هسه حننقلها للعناية المشددة ….. لان كلية من كلياتها متضررة ولازم تلكون متبرع الها بأقرب وقت …….
كتله اني اتبرعلها بروحي دكتور اخذوا كلياتي اثنينهن والله بس لينا تعيش ولكم هاي عمري وروحي ……

ابو لينا …. من سمعت الدكتور هيج حجه شاغت روحي للسما بنتي راح اتروح من ايدي ……
كله بسببي وبسبب انانيتي حرمتها من الانسان الي اختارته واني جنت افكر بس بالفلوس والمناصب ……
هسه شراح اتفيدني الفلوس وبنتي بين الحياة والموت …… وصدك البشر يبين بوكت الشدة وشفت احمد شلون متلهف وميت عليها ويريد ينطيها حتى روحه بس كون تعيش …..وقيصر عافني وراح ولا بقه حتى يطمأن عليها …….
كتله انت شهم احمد واعتذر منك اذا بيوم سمعتك حجاية محلوة بحقك ….. اني اب ومجنت اشوف الي جنتوا اتشوفوا جنت افكر بمصلحة بنتي ….. ومجنت اعرف مصلحتها يمك مو يم احد ثاني …..

احمد ….. فدوة عمي ماريد شي من الدنيا بس لينا ترجعلنه ………..خلي تاخذ قيصر ميخالف بس كون تعيش …..
وسويت الفحوصات والتحاليل حتى يشوفون اكو تطابق بين انسجتنه حتى يسوون العملية ….. اتبرعلها بروحي مو بس كليتي والله
والحمدلله طلعت انسجتنه متطابقه وحددوا موعد العملية …..
دخلنه لصالة العمليات قبل لا اطب لزم ايدي ابو لينا ….. والدموع بعينه ….
كلي ماشفت مثل حبك انت كفووو اتصير زوج لبنتي …. وعد اخذه من هل شارب … ونذر عليه بس تطلعون سالمين من العملية ان شاءالله هنا اجيب السيد واخليك تعقد عليها …… انت انسان متتعوض ….
احمد …. هذا الخبر هوه الي راح ينطيني الحافز ويخلي گلبي ينبض ويرجع حتى اشوف فرحة لينا من تسمع هل كلام …… فدووة اروحلك عمي ماعرف شلون اتشكرك انت نعم الاب …..
باسني من كصتي وطبيت للصالة وبعد ساعات طويلة ….. خلصت العملية …
طلع الدكتور وبشر عمي بنجاح العملية ….. وعمي طار من الفرحة لان بنته رجعتله ….

احمد ….طلعونه من صالة العمليات ودخلونه للغرفة مالتنه ……..
صحيت ع نفسي ومثل الدايخ بسبب تأثير البنج وكمت اخربط بالحجي واصيح لينا وينج حبيبتي تعالي اريد اشوفج ليناااااا ….

ابو لينا …. سمعت احمد يلهج بأسم لينا دمعت عيوني ليش هيج اتصرفت اني عبالي العالم كلها طمعانه بفلوسي ومن ضمنهم احمد ……
بس مجنت اعرف الحب

كبر واقوة من الفلوس والجاه والمال …..

لينا … صحيت من البنج وراسي يوجعني دايخه … فتحت عيني شفت بابا يمي كاعد … كتله شنو الصار وليش اني هنا …
لزم ايدي بابا وكلي فدووة لعمرج بنيتي الف الحمدلله على سلامتج انتي سويتي حادث واتضررت كليتج واحمد اتبرعلج بكليته ….. اسف بنيتي ع كوولشي سويته بحقج …
مفكرت بس بنفسي …. اعذريني وسامحيني اذيتج ?

لينا … من سمعت ابوية هيج حجه انصدمت …. احمد كم مره يعرض روحه للموت لخاطر ينقذني …..
مبالغت من سميتك المنقذ مالتي يابعد روحي والله …… ماعرف شلون اجازيك يانبض گلبي انت ……كتله بابا احمدانسان طيب وخلوق انت بس عاشره وشوف شلون انسان ….

بابا … بلا متكولين بنيتي … اليوم ثبتلي هل شي … ونذرت بس تطلعون سالمين اجيب السيد واخلي يعقدلج هنا شتكولين هههههه

لينا … صدك بابا الله عليك ?
بهل اثاء فتح عينه احمد وصاح وينها لينا …..

بابا …. ههههه ع كيفك ولك مو بعدك هستوك طالع من العمليات ….. هياتها لينا يمك لتخاف ….

لينا … احمد الحمدلله ع سلامتك …. بابا كلي انت اتبرعت بكليتك الي …. مادري شلون اجازيك …..

احمد … الله يسلمج يانظر عيني … ولج لو طالبين روحي ماغليها عليج شتحجين انتي …

بابا .. احم احم نحن هنا عيني ?..

كلنه ضحكنه وبقينه نسولف ونشاقه ونضحك ..

وره يومين عمي اجه وشفنا جايب سيد ويا وعقدلنه و وفه بوعده …. اني ولينا مصدكنه من فرحتنه ردت اشيلها واني وبعدني الخيط العملية بيه مكدرت اصبر اكثر …….
حب عمري وحياتي تصير زوجتي وحلالي …..
وره ما طلعنه من المستشفى واستردينه عافيتنه …. سوينه عرس بالاحلام وباكبر قاعة ببغداد وعزمنه كل اهلنه واقاربنه …… وبسبب هل حادث عمي اتزاعل ويه اخو لان رفض ابنه قيصر كله ابنك مو كفوو لبنتي …..
وره سنة صار عدنه محمد وهسه لينا هم حامل وان شاءالله اخلف كومه منها لان اني وحيد وماعندي احد بس الله ولينا …. بنت گلبي وروحي ??
واني رجعت للمشتفى وعمي سلمني الادارة كلها ….. ولينا اتخرجت وصارت اكبر دكتورة نسائية ….
وعشنه احلا ايام بعمرنه ….

وهاي كانت نهاية حبنا الي انولد بالمحيط ?

#النهاية