عشقي لكِ كالمحيط – سارة المجيد

#عشقي_لكِ_كالمحيط

#بارت10

بقلمي سارة المجيد

احمد .. جنت بالمختبر داشتغل .. كلت خلي اصعد ع رونق اكولها شراح تسوين تره ماتحمل بعد …. صعدت ودخلت بغرفتها شفتها ماكو بفراشها … اتخبلت هاي وين راحت ? … ومن داطلع جان اشوفها بوجهي … كتلها وين جنتي .

رونق … رحت لبيت لينا صلحت السوء الفهم الي صار وحجيتلها كووولشي ….

احمد .. اي وشكالت

رونق … للاسف شايلة ع خاطرها منك .. لان ضميت عليها هل سالفه ومحجيتلها من البداية …. وكالت بعد ماعندي ثقه بي كمت اخاف منه …

احمد .. اووووف ياربي هسه شلون راح اقنعها واكدر احجي وياها ….

رونق .. والله بقت يمك بعد ماكدر ادخل بينكم اكثر … ورجع صدري يأذيني وكمت اعيط منه … ركض احمد عليه وصاح الدكتور واجه نطاني مسكنات وكلي من باجر نسويلج العملية حتى نستأصل الثدي…….. وراها انبلش ننطيج الجرع الكيمياوي ..
احمد … وصار ثاني يوم وحظروا رونق للعملية واني بالي مشغول عليها وع لينا ياربي شسوي …..

دخلوها لصالة العمليات وره 4 ساعات طلعوا الدكاترة وكالوا العملية نجحت ….

احمد … الف الحمدلله والشكر عاشت ايدك دكتور …. وكال لتفرح هواي احمد … هذا جزء من العلاج …. كدامك طريق طويل ادعيلها تتشافه من هل مرض …. لان من باجر نبدي ننطيها الجرعات ….

احمد … ان شاءالله دكتور اكيد ادعيلها ….

دكتور محمد …. رحت لغرفتي وكعدت لان تعبان من العملية ….. وجان يندك تلفوني رسالة بيها صور ….. من رقم غريب …. جانت الصور لبنتي لينا و وياها واحد كامش ايدها ديبوس بيها ?…. وكاتب بنتك دتطلع ويه هذا يوميه وانت نايم متدري ..
اني اتخبلت معرفت شسوي فكري انشل ….. معقولة بنتي العاقلة الفاهمه الرزنه هيج تسوي وكدام الكلية كلها … شلون مخافت ع سمعتها لو سمعتي ….. ماشي سهله لينا اني اعلمج ….

رجعت للبيت ودخلت صحت بعلو حسي لينااااا …. وينج تعالي عسريع …

لينا … جنت داقراة فجأة سمعت صوت بابا كمزت من مكاني ليش هيج ديصيح شصاير ….
ركضت نزلت كتله ها بابا الله يساعدك خير خو ماكو شي …. وجان يسحلني من شعري وشمرني بالكاع …. وكام يغلط عليه

بابا …. ولج ادبسزز ياممترباية ياحسافة تعبي وياج وياحسافة تربيتي بيج ….

لينا … اني طكيت بجي وكتله شكو بابا اروحلك فدوة احجي شمسويه اني

بابا …. تريدين تعرفين شمسويه مو …. هاج شوفي فضيحتج …
باوعت ع تلفون ابوية شفت صورتي اني واحمد ?? …اصخام الصخمني هاي شنو منو مصورنه وشجابها الصورة لتلفون ابوية عززززة ?
بس لا هذا الكلب الي يذب حجي عليه …. اي لان جان كاعد بالسنتر بيومها …. خرررب حظي ?

بابا … ها شفتيها …. هسه احجي منو هذا الكلب الي مقشمرج .

لينا … ع كيفك بابا فدوة بس اهدأ خليني افهمك ??

بابا …. تحجين وتكولين هذا منو لو اصعدج واحبسج بغرفتج هسه ….

لينا … هذا احمد ??

بابا … يا احمد ولج لتكولين هذا الي ديشتغل بالمستشفى عندي …

لينا … هزيت راسي يعني اي …

بابا …. لك اني لعد شكد طلعت غبي ومافتهم …. اصلا انتوا عدكم علاقة من جنتوا بالجزيرة وجيتوا كملتوها هنا …. واني يالغافلين الكم الله مو …. جنتوا تتقابلون من ورايه وتتواعدون …. ومكفاج هذا كله لا …. جبتي وشغلتي يمي حتى يصير قريب علينه ….. بس سهلة راح اراويج شغلي ويا ..

لينا … لاااااا بابا فدووة لعمرك لتسوي شي باحمد والله ميستاهل لتنسه هوه الي نقذ حياتنه من الموت …… ??

بابا …. نقذ حياتج اكرمه بكم فلس حق وكفته ويانه مو انطي بنتي …. روحي صعدي بغرفتج بعدين حسابج وياية …

طلع بابا وقفل الباب وراه واني مثل المخبله ادك والطم مادري شراح يسوي ابوية باحمد ….. قررت اتصل باحمد حتى احذره واكوله بابا عرف بحبنه ……

لينا … الووووووو

احمد … جنت كاعد مهموم والدنيا طالعه من عيني وع غفلة رن جهازي باوعت شفته الغالية ? … يمممه بنت روحي وگلبي …. شلته الوووو
بس سمعت صوت لينا دتبجي وخايفه كلتلي احمد الحك ابوية عرف بعلاقتنه ماعرف منو دازله صورنه وشافهن وهسه جاييك بالطريق …..

احمد … بس ع كيفج حياتي فدووة لعمرج اهدي لتخافين ان شاءالله تنحل …
وره شوية اجه الممرض كلي دكتور محمد يريدك بغرفته …. اني اتخربط حالي كلت هسه شيظن بيه هل رجال وحقه شما سوه بيه …. بس لازم اتشجع و اواجه اني ممسوي شي غلط اني حبيت بنته ورايدها بالحلال و ع سنة الله ورسولة …
رحت ودكيت الباب ودخلت ….. اول مطبيت لزمني من ياختي وبقه يصيح بوجهي .. ويكول انت شلون تسمح لنفسك تضحك ع بنتي وتلزم ايدها وتبوسها كدام العالم … الظاهر نسيت نفسك انت ابن منو وهيه بنت منو ….. اصحه ع نفسك ولتباوع فوك افتهمت …. واسمع داكولك اذا سمعت مرة لاخ انك متقرب لبنتي لو حتى متصل بيها احسب روح في عداد الاموت ….. ويله من هسه احنه مستغنين عن خدماتك اطلع بره المستشفى ….

احمد … خليته يفرغ غضبه كله ويكمل كلامه حتى ابدي اني احجي …… وكتله دكتور اني ماكدر ارد عليك ولا اكدر اجابوك واسيء الك …. اولا لان انت بكد ابوية وثانيا لان انت ابو الغالية لينا ……ولتفكر بيوم من عرفت لينا او حبيتها جنت اعرف هيه منو او بنت منو ……اني حبيتها لشخصها وحتى بالجزيرة ابد مسويت شي غلط وياها ….مع انو هيه جانت وحدها انت مو يمها حتى تحميها …. اني الي جنت ادافع عنها واحميها ….. وصدك دكتور بس الموت يكدر يفرقني عن لينا .. اعذرني .

اني طالع هسه وخلي ابالك تره الله اليرزق مو عبده … اشوفك بخير ..
طلعت وصعدت واخذت رونق ويايه ورجعنه للبيت …. وبقيت مثل الواحد الي اخذوا منه روحه … اتصلت ع لينا ردت اسمع صوتها مكدرت اتحمل الي صار شفت جهازها مغلق ……….خفت اروح للكلية واشوفها اخاف ابوها مخلي عليها رقيب وتتأذه بسببي …… بقيت الوب ماعرف شسوي ما اسمح لابوها يفرقنه عن بعض …وره كم يوم دخلت رونق غير مستشفى حتى تكمل علاجها بس رونق مجانت تستجيب للعلاج والجرعات الكيمياوي

الي دتاخذهن مكاعد تفيدها …… نفسيتي اتدمرت … … لينا ماعرف عنها شي صارلي شهرين ….. ورونق حالتها بالنازل ومابيدي شي اكدر اسوي الها غير الدعاء …..

لينا …. بابا غيرلي رقمي ومنعني ان اتواصل ويه احمد وحذرني اذا شافني ويا يبطلني من الكلية ويحبسني بالبيت ……. واروح ويه السايق مال بابا للكلية وارجع ويا ….. خنكني حييل …
ومستواية الدراسي هبط عن قبل حالتي اتدهورت الانسان الوحيد الحبيته حرموني منه …..
بيوم صارت خطوبة مال ابن عمي الكبير … احنه مو هلكد شايفيهم ف عزمونه ورحنه للحفلة ….. وهناك شافني ابن عمي اصغر من اخو الخاطب عمرة 25 سنة اسمه قيصر …….
وجان هنا تصير المصيبة ….

يتبع …..