روايه هتلر للكاتبه:اروى الطاهر المسلاتي

هتلر 2

نور:مش قادره نبكي من التعب نزلت من السرير نزحف لي الطاوله وانا خلاص مش قادره نوقف خذيت التالفون واتصلت بيه اي كلمته لاني معنديش غيره في الدنيا هاذي كلها ?…

___________

ترن ترن ترن
مالك(هتلر):مقعمز ع الكرسي ورجليه فوق الكرسي التاني ويدخن …شاف التالفون بدون اهتمام
فراس(حارسه الشخصي):تالفونك يرن
مالك:بصوت بارد….عارف مش اطرش
فراس:نور عيونك كيف متردش؟!
مالك:شافله ع جنب…فراس بلا تلقيح عارفها شن تبي بنرد بتقعد تبكي زي الصغار لاني محضرتش الفرح
فراس:من رئي مستحيل تتصل بيك في ليله زي هاذي وفي وقت زي هاذا بتحديد إلا لو صار معاها شي
مالك:يشوف لي فراس بنضرات تخوف
فراس:رد هتلر رد
فراس:لوح الدخان وبصوت معبي جمود وبروده …نعم؟!
نور:مم م مالك الحق عليا بنموت
مالك:نزل رجليه وملامح وجها تغيرت….شنووو؟!وين انتي
نور:بصوت مختفي من البكي…تعالا بنموت مالك دمرني ?….وفقدت الوعي
مالك:الووو الوووو نور ردددددددي …ضرب الكرسي برجله…..الزززززززززح
فراس:شن في؟!
مالك:يركب في مخزن سلاحه…الحقني بي التيوته مفهمتش شن صاير
فراس:ضحك ع جنب ….نشم في ريحة دم
مالك:ركب السياره وبصوت عالي…ارككككككب
مالك:كانت سرعته اخر العداد دقات قلبه اسرع من السياره بي الف مره خوفه علي نور زي خوفه عليها لما كانت صغيره بين يديه متغيرش احساسه نهاائي❤️

خلوني نعرفكم علي فراس ?فراس شخصيه غريبه مش مفهومه هوا يكون حارس مالك ويده اليمين في كلللل شي عشقه وحبه وهوايته في الحياه هاذي الضرب والقتل يموووت عليهم رغم ان كل مايبي يقتل حد يشدو فيه بسيف لان مالك يحاول يكون مفيش ولا رقبه اطيح ويكونو السبب فيهم عشان الشغل بس مع هاذا فراس امية حياته يقتل كائن حي?
طويل عريض اسمر واصلع بس ملامح وجها حلوه ❤️
بس وحشيه شويه ويخوف يحب يلقح ع كل شي هوا يعرفه وغيره ميعرفاش واكتر شي ميفهمش فيه البنات ولاعمره حكي مع واحده في علاقه نهائي

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

مالك:يعيط علي بوه في التالفون…وين دين ??????حووووش العريس ووووووين
عصام:بصوت خايف….ولدي غير اهدا علاش شن في فهمني
مالك:يتكلم بصوت عالي ويخبط ع الدومان ….تي ووووووووينه الحووووش
عصام:بدي يوصف في الطريق

___________________

في المطار:-
حسام:يمسح في الدم من علي سوريته…
خالد:صحه لولدي
حسام:خذي نفس….خايف يابوي اقسم بالله
خالد:من شنو بتخاف
حسام:خايف من عيلتها انت عارف عمها كيف راص كبير في كل سكة حرام وبذات ولد عمها الكبير هذاكا
خالد:هتلر قصدك؟!
حسام:تي اسمه بروحه يرعش يابوي سامع عليه حجات مش طبيعيه
خالد:متخافش كلها ساعه بي الكتير ونكونو برا البلاد ومعندنا شي هنايا صعب يجيبونا وصعب يلوو دراعنا المهم بشر خوك
حسام:ههههههه قويه بشر خوك محسن الو خوي انا اغتصبت عروستك ??
خالد:المهم بشاره ?????

______________

مالك:نزل من السياره سحب سلاحه واشر لي فراس …خليك هنايا متخشش
فراس:مرات فيه حد ع الاقل نفتشرله دماغه جايب نوع جديد رصاص م…..
مالك:خلللليك قلت
فراس:به ?
مالك:خبط الباب برجله وخش الحوش …..يشوف يمين ويسار الحوش كان ضلاااام وهدوء مفيش غير ضي خفيف جاي من غرفة النوم ….خش مالك شوي شوي ونصدم بي المنضر يلي شافه ?
كانت نور طايحه ع الارض وبلكاد ساتره روحها بي شرشاف كله دم وفاقده الوعي …..قعد مالك يشوف مصدوم حط سلاحه في خصره وجاها يجري يدي يرعشو وقام راسها بشويه …نوور نوور
نور:سمعت صوته ❤️صوته الرجولي يلي يخوف في هلبا ناس لاكن ميخوفش فيا بلعكس نموت فيه
فتحت عيوني شوي شوي شفته ❤️شفت عيونه الرماديات وشعره والخصله يلي نازله علي عيونه
شميت ريحته يلي دددديمه كانت قويه وتجنن ❤️
مالك:تسمعي فيا صح نووور تسمعي فيااااااااا
نور:هزت براسها ببطئ
مالك:خذي باقي الغطاء يلي في السرير لفها وطلع بيها
فراس:واقف قدام السياره ….يااارب يطلع في حد داخل غير البنت وهتلر يلهى في بنت عمه وانا نشده نفعصله رقبته ونخلي الدم يبخ و……
مالك:طلع بسرعه وركبها السياره
فراس:شني ؟!
مالك:خبط السياره بقووووه بيده…..منشوف في شي متسألنيش بنقلبها علي امهم اليووووم ??
فراس:قعد يشوف لي مالك ….اول مره يشوفه هكي والع كان ديمه بارد ومستفز بس توا شن يلي صاير
مالك:مجاوبش علي ولا سؤال ولع السياره وطلع وطوول الطريق يشوفلها ويرجع يخبط ع السياره
مالك:كللللللللله منيي كيففففففف نخليها الزح ككككككيف ?

_______________

عصام:ماشي جاي وخايف…..ولدك مجنون نتوقعه بدير كل شي شن يبي في بنت عمه دخلتها اليوم وفي وقت زي هاذا مفروض مع راجلها علاش ماشيلها
نهله(مرته):هدي روحك مرات في شي تاني مش شرط شي مش كويس
عصام:بلا غبااااااء نهله بلا غبااااااء انتي عارفه ولدك علاش سموه هتلرررر ميقتلش لاكن يخلي البني ادم يتمنى الموووت منعرفش شني بندير لو دار حاجه في بنت عمه
الاء:علاش بيدير شي فيها يابابا ؟!
نيروز:اي صح كلام الاء بلعكس مالك يحب نور اكتر مني انا والاء اهو خواته وحنين عليها
عصام:الزواج هاذا مكانش موافق عليه من الاول خايف يمشي يخرب عليهاااااا امالا شني السبب يخليه يمشيلها توا بذات
نهله:هدي روحك ولدي ونعرفه يحب نور زي اخته ومستحيل يخرب فرحتها صدقني اكيد في شي بسيط لا اكتر
عصام:ولدك نعرفه يانهله من صوته انا بوه ورعشت ان شاء الله خير

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

في المشفى:-

فراس:ساكت ميبيش يتكلم ويشوف لي مالك بس
مالك:ماشي جاي ومره مره يخبط في يده ع الباب بقوووه
كانو كللللهم يعرفو في المشفى ويشفوله بي صدمه من حالته …. لانه معروف في مدينته كلها (كان معروف عليه بي هتلر ولد العيله الواعره يلي اتاجر في الممنوعات والكل يحسب لي الف حساب لو بيتعامل معاه )هاذي كانت سمعته بين الناس لاكن مستحيل يغلطو فيه بي كلمه من الخوف لان معارفه في كل مكان
فراس:منو دارها؟!
مالك:رجع شعره للخلف بيديه الزوز ..منعرفش كل يلي نعرفه اني رح نقطعه وهوا حي طروف طروف ومش وبنلوحه للكلاب
فراس:بي متعه وفرحه….عندي طرق احلا ?
الدكتور:بلع ريقه …حضرتك تقدر تشوفها ولو تبي نفتحولها محضر لان الحاله اغتصاب ولو متبيش عادي نقدر نكتب اي شي في التقرير كيف ماتبي
مالك:خش للغرفه بسرعه
فراس:متكتب شي لان مفيش داعي للمحضر بنحاسبوه بروحنا ?….خلي المذكره متعك لي اكلات رمضان
الدكتور:حاضر اكيد زي متبو
فراس:احححح امتى بسسس

____________________

مالك:حط يده بحنيه علي رقبة نور….سامعتيني؟
نور:خذت نفس…اي ?
مالك:بصعوبه قالها….من يلي دارها فيك؟!
نور:بدت تبكي
مالك:اشششش اهدي تكلمي معاي هتل…قصدي مالك انا ….منو دارها؟!العريس؟؟؟
نور:هزت راسها بي بمعنى لا….خوه حسام خوه
مالك:بنضرات صدمه…شش شني ؟!
نور:اي خوه وقالي ان العريس موافق…بنمووت يامالك ????سامحني انا مفروض خديته كلااامك
مالك:اشششش خلاص ….وحضنها ❤️
نور:باعدت عليه وتبكي بحالة هستيريا…..كله منننننك ماااااااالك كله مننك
مالك:انا؟!
نور:اي منك علاش تبدلت معاااي فهمني ؟!مش انا اختك يلي متحبش حد في الدنيا زيها ؟!علاش الفترات الاخيره حتى الشبح العيوني متشوفش علاااااااش؟!علاش تعامل فيا بي جفاف ومش مدورني كل منقرب عليك ادفني كأني مرض؟!شن درت اناااا؟!وافقت ع العريس وقلت اكيد مالك يمنعني ويرفض لاني مازلت صغيره لاكن انت مشيت وخليتني
مالك:نزل عيونه وسكت
نور:حطت يديها علي وجها وتبكي بعبرتها ?
مالك:حضنها….اششش خلاص اختي كله يتصلح ❤️ولا يهمك معش يبدا اسمي هتل….مالك قصدي لو مجبتش حقك ورجعت زي قبل واحسن
نور:حضناته بقووه….معنديش غيررك سندي
مالك: عارف خلاص انسي كل شي توا ورتاحي
نور:مسحت دموعها وكل شي صار بينها وبين حسام في دماغها لاكن حضن مالك حسسها بي الامان هلبااا❤️❤️

فراس:يتفرج من بعيد ومربع يديه…..يابنتي الصغيره لو تعرفي علاش هتلر يعامل فيك هكي بس ?نحب نعرف الحجات يلي ميعرفها حد ??

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

في السجن:-

عصام:خوووك ياعلاء خوووك منعرفش شنو الكارثه يلي بديرها الليله
علاء:هتلر؟!
عصام:ع اساس عندك اخ غيره بلا استعباط
علاء:يدخن…عندك لعند بكرا بي اذن الله وتسمع حاجه في الاخبار كان دار مصيبه علاش اتاعب في روحك افتح العربيه ولا الجزيره وانت تاكل في البندق في الحوش
عصام:متحرقليش دمممممي وبلا تفاهتك نبيك تكلمه تفهم منه يسمعلك
علاء:هه خوي هتلر يسمعلي؟!…انا حتى رائي محد يسمع فيه الا حارس الزنزانه
عصام:كلمه تو يجيك افهم منه ع الاقل بس
علاء:كلم فراس به
عصام:شرب اميه…..وفراس من امتى يقول حتى ربع حاجه تخص خوك
علاء:روح يابوي وزي مقتلك كان مات حد تو تسمع غضوا وانا مزالي 5ايام ونطلع
عصام:مفهمتش القعده متعك لاتوا علاش انا مش طالع من قبل
علاء:باش نعود نفس علي الصبر والسكينه …سكينه اخت ريا ???
عصام:متفه وجهك ماهو انا هكي يانجيب هتلر ماحد يقدر عليه حتى انا يا نجيب واحد صايع خامر تافه ماينعبه عليه في شي
علاء:انت بوي مش رح نرد منبيش عقعق الوالدين
عصام:عقوق مش عقعق ??‍♂️
علاء:زي بعضه
عصام:اصلا كنت عارف طلعتي بلا فايده مش عارف علاش جاي من البدايه
علاء:السجن سجنك ياعالي مرحبتين بيك في اي وقت
عصام:طلع وهوا بيتفجرررر
علاء:رقد ع السرير ….في حد يسيب نعمة الحبس وراحة البال ويطلع برا لوجع الراس؟!

علاء:اخ هتلر وشخصيته مش نفسه نهاااااااائي صح يخدم معاهم لاكن كل شي لازم يدخل فيه البراده وتفاها عنده قصة حب غريبه عجيبه ورح تعرفوها في باقي الحلقات مواصفاته اسمر نقشه ع الاسود وعنده غمازات ❤️

______________________

فراس:سافرو
مالك:قام حاجبه…..نعم؟!
فراس:سافرو حسام وبوه كيف طلعت الطياره وقبلها في رحله لي امه وخوه العريس
مالك:قعمز ع الكرسي ويديه علي عيونه وبصوت هادي…..كيف صار هكي ؟!
فراس:ساكت
مالك:بصوت عالي….كيفففففف صار هكي النمممم?
فراس:تو نشوفو راي
مالك:خذي نفس….خليك هني ورد بالك عليها مابين جيتك
فراس:استنا ماتقتل حد لين نجي
مالك:هز براسه وهوا طالع
فراس:افففف

__________________

الاء:تمسح في مكياجها ….روزا
نيروز:عيونها في التالفون….هممم
الاء:بنسألك شي لاكن منبيش دماغك يمشي لبعيد
نيروز:دماغي معنداش رجلين انبحي
الاء:امم …انتي حسب رايك هكي
نيروز:سكرت تالفونها وربعت يديها …اي؟!
الاء:مالك خوك
نيروز:خيره؟!
الاء:مش كأنه مزودها مع نور؟!يعني متشدد عليها هلبااا ودلال والحجات يلي يجبلها فيها والحنان الزايد
نيروز:انتي شن تبي تقولي؟!
الاء:نقصد ان كأن في شي بين….
نيروز:رد باااااااااالك الاء حتى تنطقيها ??مصحك كيف تفكري في حجات زي هكي هبلتي انتي ؟!مالك طول حياته خو نور ونور اختنا ردي بالك يسمع حد
بعدين مالك يديرلها هكي لان خايف عليها عشان يتيمه وميبيش يحسسها ان معندهاش حد في الدنيا
الاء:اففف مش عارف
نيروز:لا اعرفي ياشاطره عقلك خامر بكل انتي ….ورجعت فتحت التالفون
الاء:صوت شنو هاذا?
نيروز :شكله روووح….وناضو بسرعه

مالك:بصوت يخوف……هااااااذا العريس يلي تبيه ووافقت عليه حضرتك شفته شن دار في بنت خوك يلي مفروض تكون بنتك؟!!!!!!شفت لما مسمعتش كلامي شن صار
عصام:شن دراني انااااا متأكد العيله هاذي في السليم ومعطيتهمش نور لين جبت ملف تام عليهم
مالك:هدي شويه ويحكي بصوت واطي ….خليهم ع جنب عيله تامه رح نمسحهم نور بنرجعها هنايا ورح تطلق
نهله:حطت يدها ع فمها بصدمه
مالك:ومن اليوم كل شي يخصها بيدي انا ورحمة يلي عندي غالي اي حد بيخش في حاجه تخصها وانا موجود متلومونيش ع شي
عصام:مقعمز مصدوم من يلي صار في نور
مالك:نيرووز
نيروز:بصوت يرجففف..نن نعم
مالك:جيبي شوية حوايج لي نور
نيروز:حاضر…وجت بتطلع نخبطت في الاء وطلعو الزوز مع بعض

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

حسام:افففف باهي وصلنا توا قريب حطيت مصاريني ياراجل
محسن:ههههه تونس خطوه ياخوي
حسام:صبلي اميه صب
محسن:بالله شن رايك فيها ??
حسام:شرب وحط الكوب….حاجه الصح النم ياريت زدت حتى يومين تانيات?
محسن:هههههه عجبك يامسخ ها؟!
حسام:هلبااا?
محسن:تي به المهم ذقت امالا انا يلي شفتها بس
حسام:قلبي مش متريح لولد عمها بعد يسمع
محسن:هتلر؟!
حسام:افففف في غيره؟!كيف كنت نحكي فيها لي بوك في المطار
محسن:المهم خذينا حقنا طز فيهم كان لقونا ياخذو شن يبو
حسام:يالله تمشي

__________________

مالك:مقعمز جنب نور يلي كانت راقده ويفكر…لو تعرفي بس ليش تغيرت عليك ?مش بيدي كله بسببك
بسببك لانك كبرتي وكل يوم قاعده تزيدي حلاوه ع اليوم يلي قبله تغيرت لان مشاعري تغيرو من مشاعر اخ لي شي تاني ?تغيرت لما هتلر بكل قدراته تلعب في عقله طفله زيك ?وتمشي فيه ع كيفها وتحكم فيه ضحكتها …تغيرت لما تغيرت بوستي ليك من بوسة اخ لي بوسه تانيه غرضها شي تاني ?حاولت نباعدك عليا ونخش في الف شغل وشغل ونفش غلي في الناس يمكن ننساك لاكن انتي مسيطره علي عقلي بطريقه جنونيه ?

نهله:وجعتني نويره ?
عصام:خذي نفس …خلاص انا لعند هنايا وتم شغلي في يد ولدك وحتى نور في رقبته معش قادر نشد مسؤليه يكفي مالك قدها
نهله:الحمد الله علي كل حال وخلاص ربي يفرج غضوا ارفعني انا والبنات من الصبح حسبي الله علي يلي كان السبب?الله لاتربحهم ياربي
عصام:متأكد يلي دار هكي مليشي علاقه بينا اكيد في سر تاني ورا القصه هاذي
نهله:شن الفايده بعد ما كسرو البنت اليتيمه هاذي ?

_______________

الساعه3في الليل:-

فراس:طق طق
مالك:فاق ع روحه…ها؟!
فراس:گ العاده عرفت الحجات يلي محدش يعرفها وجبتلك ملف كامل
مالك؛يحك في عيونه….اي شي يخص الخدمه اجله لين تطلع البنت
فراس:جبتلك قصة الاعتداء علاش اصلا
مالك:ناض بسرعه…شن تقصد
فراس:محسن هوا العريس وحسام خوه يوم الدخول الصبح الساعه 3الضهر محسن سافر لي تونس تحديدا صفاقص ويلي خش بدل محسن هوا حسام خوه واعتدى علي بنت عمك
سبب الاعتداء ان ….يتبع