روايه هتلر للكاتبه:اروى الطاهر المسلاتي
#هتلر 8 ?
طق طق طق
نور:اكيد نسي مفاتيحه زي العاده …وفتحت الباب
مالك:يشوفلها
نور:تشبحله وتشبح يلي واقف جنبه بصدمه …
مالك:ساكت ويشوف لي نور
نور:تشبح لي مالك بنضرات غريبه كأنها تلوم فيه
زكيه:حضنت نور…بنتي حبيبتي قداش استاحشتك ياماما
نور:قعد ساكته ومبادلتهاش الحضن
زكيه:بعدت عليها وحطت يدها علي خد نور…كبرتي ياروحي وليتي تهبلي
نور:شن جايه تبي
زكيه:جايه علي خاطرك نور استاحشتك
نور:هه والله؟!مسمعتيش بيا تزوجت؟!مسمعتيش بي كل شي صار فيااا؟سنين ليا هنايا اخر مره شفتك فيها بعد زواجك لما كان عمري15السنه !!!
زكيه:لهيت يابنتي والله و…..
نور:لهيتي؟؟؟تلهي علي بنتك ومتجيش حتى يوم عرسها ؟شن تقوووولي انتي ؟بابا مهما كان انسان سيئ لاكن قعد معاي وداير باله عليا لين توفى مش زيك وزي خوي وزي اختي المتزوجه يلي ليا سنين معادش شفتها
زكيه:شبحت لي مالك كأنه تطلب منه المساعده لاكن مالك مدار شي لان الحق كان مع نور
زكيه:بنتي انا ….
نور:مش بنتك انااا وخليني في حالي منبيش نشوفك…وخذت بعضها ركبت تجري بسرعه
زكيه:عيونها دمعو وتشوف لي مالك…دير حل تربح
مالك:سيبها بدون اهتمام ولحق نور
نهله:شهقت بي صدمه لما شافت زكيه وتوترت…زز زكيه ؟!?….اهلا اهلا تفضلي
زكيه:سلمت علي نهله… زايد فضلك …وتمسح في دموعها
نهله:تفضلي استريحي الاء بري جيبي كوب اميه لي مرت عمك
الاء:تحركت للمطبخ بعد ماكانت في حالة صدمممه
________________
منى:خانبه حفاضه متع حلويات تاكل فيها
نور:خشت لي الدار متنرفزه لين منى نخلعت
منى:بسسسم الله خلعتيني
مالك:خش ورا نور واشر لي منى براسه بمعنى اطلعي
منى:فمها معبي….شنو !
مالك:اطلعي
منى:طلعت من الدار وعيونها علي نور
نور:قعمزت ع السرير ويدها علي وجها
مالك:قعمز جنبها ويحكي بهدوء…..مهما كانت ومهما صار في النهايه امك صح؟
نور:مالك متقولش امي بالله عليك ترااا
سنين بكيت فيهم نبيها وهيا مشت تزوجت وع خاطر راجلها كان رافضني مبتش ترفعني او حتى تجي تشوفني شن جايه تبي توا؟!
مالك:مهما كانت مقصره هيا ام في النهايه وجايه تشوفك او حتى تصلح يلي دراته
نور:عمرى ماننسى انها مجتش لي عرسي او حتى بعد يلي صار معاي
مالك:يعني توا نلزوها؟
نور:قامت عيونها فيه…اي
مالك:قرن حواجبه
نور:خافت ونزلت راسها…به متلزهاش لاكن منبيش نشوفها
مالك:مسك يدها وبدي يحكي معاها❤️
?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?
منى:كانت تسمع في الاء تحكي مع نيرزو وطبعا منى فهمت القصه وليش نور راكبه معصبه ومالك وراها
خشت منى لي الصاله وهيا تمسح في فمها من عسل المقروض?….السلام عليكم
نهله:بلعت ريقها وتفنص لي منى
زكيه:تمسح في خشمها من البكي…وعليكم السلام
منى:قعمزت..اي اي رشفي دموع التماسيح ياحنى رشفي
زكيه:شبحت لي منى بصدمه من حقارتها
منى:بعد سنين جايه لي بنتك يلي مسيبتيها ع خاطر الراجل مصحك مكلوبه ع السرير وقلت الادب الله يبارك …وتوا وين راجلك يابعدي
نهله:تفنص لي منى….منى عيب
منى:ع يلي يدير في العيب ياحنى ومعش تفنصي عيونك بيطلعو والله الكلام ما ندسه في خاطري يااااما ليلالي فاتو عليا ونور تبكي وتنفخلي في راسي للفجر ع خاطر امها يلي خلتها
زكيه:لو سمحتي ضروفي م…..
منى:شهقت زي المصريه?….ضرووووف ضروف علي بنتك ؟علي فلتت كبدك ؟!معش تحسي ولا جاياتك القرحه ؟!ماهو م…..
مالك:بصوت يخوف ….منى
منى:ابتسمت بي برائه ….كنت نرحب بيها ?
مالك:واقف ونور خشت بعده عيونها لوطه …سلمت علي امها وقعمزت جنبها
منى:وقفت جنب مالك…عبيتلها راسها ولا
مالك:الهي في روحك واسكتي
منى:عنشكلك محلاك وانت تهزب فيا خزي …حقا شن رايك في لون شعري جديد مووڤ
مالك:شافلها بي طرف عينه..خيره هكي تقول فايبر
منى:هههههه لان كان واتس اب اخضر ???
مالك:هز راسه ويضحك بي استهزاء
_______________
دنيا :مقعمزه في كافي الجامعه هيا وصاحبتها ريان فجآه يخش شاب ماسك باقة ورد كبيرررررررره لدرجة لفتت نضر الناس كلهاااا
الشاب:لو سمحتي …انسه دنيا ولا؟
دنيا:بصدمه وكلهم يشبحولها..ان شاء الله
الشاب:تفضلي هاذي ليك
دنيا:اءءء
الشاب :حطها ومشي بسرعه بدون ميسكع منها شي وكلهم يشوفو لي دنيا والباقه ويتهامسو عليها
ريان:حي عليا تجنن????من منو دنيا؟
دنيا:قربت ع الباقخ لقت كرت مكتوب عليه
(اقسم بالله معاد كلمة وحده حتى البنت يلي تبيع في الورد ولابسه سروال اسود مزق من جيهة رجلها ?وبلوزه صفرا والله مقتلها ياسعد الناموس يقرض ويبوس )
دنيا:ضحكت…غبي يفضح في روحه بروحه
ريان:منو هاذا احككككيلي
دنيا:خذت رشفه من القهوا …اخ هتلر
ريان:بصوت عااالي…تبصرررررررري?
دنيا:وطي صوتك فضحتينا
ريان:جديات خو هتلر هذاكا القنين يلي نقشه ع الاسود؟
دنيا:اي البناوتي
ريان:ياحليله?…به قوليله يلخبطلي هتلر?
دنيا:مصحك وين تشوفي فوق هلبا انتي ?
ريان:اححح كله كوم وشخصيته كوم يجنن
دنيا:الهي في قرايتك ياحنى خلي نشوف الحديقه يلي جايبهولي وين بنديرا
ريان ???
?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?
نور :مقعمزه تساير في امها بسيف
زكيه:ياقلبي انتي ❤️…نبي نرفعك تتعرفي علي خوتك
نور:عيونها لمعو…خوتي؟?
زكيه:اي عندي رونق ورضا
نور:قاومت رغبتها وتبي توضح انها عادي بس مقدرتش …كان خاطرها تعيش دور الاخت بس معندهاش مع منو
زكيه:شن رايك تجي معاي؟
نور:بحركه لا إراديه شافت لي مالك كأنه كان مسؤل عليها
مالك:وين راجلك؟
زكيه:قاعد في الحوش
مالك:تبيها تشوف خواتها جبيهم هنايا الحوش مفتوح ليك وليهم لاكن نور تمشي لا
زكيه:ماهو ان اءء
نور:تشوف لي مالك بنضرات ترجي
مالك:بعد عيونها من عليها باش ميضعفش
زكيه:خذت نفس…تمام ان شاء الله بكرا نجيبهم
نور:فرحت في قلبها بس محكتش ولا كلمه
زكيه:وقفت …يالله عن اذنكم انا لازم نروح
نهله:وين خليك تعدي معانا
منى:بالله تبي حتى تغديها هاذي ال…. سكتت وعطت عيونها بي برنوص التوته لما شافت تفنيصة مالك?
زكيه:مشكوره نهله مره تانيه ان شاء الله
نهله:مرحبتين بيك
زكيه:حضنت نور …ونور عفيت ع قلبها وبادلتها الحضن
زكيه:هي بسلامه
نور:سلامات
________________
طلعت زكيه ركبت سيارتها ومالك واقف ع الدروج
فراس:شنو مصارش من الطلعه؟!
مالك:صار غير موضوع لخبط كل شي
فراس:اممم
مالك:شاف لي فراس ع جنب…نعرفها ال اممم هاذي ريح روحك وبلا تفكير زايد
فراس:اكيد اكيد
مالك:ضحك…خير ما نطلق عليك منى ره
فراس:تغيرت ملامح وجها….ناقصني مجانين انا ?
مالك:ركب السياره وطلع
الساعه 6العشيه :-
كانت العيله كلها خاشه بعضها هاذي تمكيج وهاذي تستشور وهاذي تلبس
ونور كانت من ضمنهم لاكن عقلها مش معاها ابداااا تفكر في امهاا ..رغم انها كانت حاقده عليها بس لما جت شافتها وبسبب كلام مالك حست قلبها مال وحن لي امها❤️وحنان الام
منى:واقفه ع المرايا ادير في تسريحه رغم هبالها والالوان الغريبه يلي ادير فيها في شعرها ولازم يكون الروج وزمالطو نفس لون الشعر ?باس كانت محترررفه في المكياج والصبغات تجنن ??
الاء:لبست ومكيجت ع اخر طقه لاكن تفكيرها مش اختها المتزوجه ولا محضر اختها تفكيرها كان في شي تاااااني بكل ….
نيروز:لبست العربي ومكيجتها مزينه وكانت طالعه تحففففه وراجلها (ايمن)بيهبل عليها ياحليلي ?
كانت فيه صاله كبيررره في حوش ايمن زينوها وجهزوها عشان المحضر ❤️
?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?
نور :لبست قفطان اسود ضيق ع الجسم وقصير ودارتلها منى تسريحه نازله بحيث ان ميكونش مفتوح زي اوامر هتلر …لبست عبايتها بس وطلعت من الدار تلاقت مع مالك
مالك:اول وحده توتي في روحها مشاء الله
نور:لفت وتضحك…ولا
مالك:قرب عليها بخطوات هاديه
نور:ترمش بسرعه ومش فاهمه خيره؟!
مالك:حط صبعه ع فم نور…شن قتلك انا ؟!
نور:عع ع شنو
مالك:يمسح في شفايفها….ع العفن يلي يديرو فيه ع الوجه
نور:ضحكت بهبل…تي لا هاذي زبدة كاكاو غير لونها زهريه ?
مالك:تأمل في وجها كويس وتأكدت انها مش دايره مكياج …بعدين ابتسم وبعد عليها بهدوء
نور:شفت كيف ناخد في كلامك
مالك:قام حاجبه ..امممم
صابرين:طلعت قدامه بي قفطانها العريان ع اساس متعلمش بيه وطبعا كان فيلم ….اااه مالك هنايا ؟!
مالك:رجع نضره لي نور يشوفلها
نور:عقدت حواجبها….اي هنايا بري استري روحك
مالك:سيبهم وخش الغرفه وهوا يضحك
صابرين:متعفلقه….به سلم ماما بشويه عليك شن كان خوك خلاص
نور:اي خوي وخلاص
منى:طالعه تلعلع من الدار….نشممم في صنة عركه منو يلي كلمك بسسسس خلي نديرو بيه كبابا نتعشو بيه اليوم
نور:عارفه لو حكة منى بدير العار ?….حد حد خشي
صابرين:قامت قفطانها وطلعت
____________________
ترن ترن ترن
دنيا:افففف افففف نعم الف مره تتصل
علاء:تي به تكشخي توااات
دنيا:بنكشخ لاني فددديت
علاء:تعرفي تسكتي ولا ؟!
دنيا:سكتت شن تبي هي
علاء:جاني شعور انك تفكري فيا مش عارف علاش هكي
دنيا:اففف ياربي …تعرف شنو بندير
علاء؛فضفضيلي….
دنيا:بنمشي لي بابا بنسرق كل الاوراق يلي فيها خدمتك الوسخه وبنرفعها لشرطه خليهم يطبوك ويريحوني منك
علاء:ضحك….به نرفعلهم الكميرا متع حوشنا ونوريهم كيف حتى انتي تجي وتجيبيلنا في اوراق وشغل بوك
دنيا:في حد قالك انك حقير؟!
علاء:انتي احقر وربي
دنيا:به علاااش تكلم فيا شن تبي
علاء:قصدي مش داخله دماغي انا مطيح بنات الدنيا كلها بي ضحكه بس انتي شن فيك الزايد عنايديه فهميني
دنيا:لاني مش زيهم
علاء:راسي وراسك لين اطيحي
دنيا:احلممم…..وسكرت الخط
________________
منى:طلعت تتمايل بي الكعب زي الناقه السكرانه ع اساس تقهر في فراس ووراها العيله كلها
مالك:شنو مع منو بتركبو ؟
عمته:احني الكبار تو نركبو مع بوك انت ارقع البنات يخافو منك والله كان ركبو مع عصام بيديرو العار في الطريق
منى:اطيح في وشاحها ع اساس بلغلط تبي فراس يشوف جمالها ?
وفراس يشقلب في عيونه
نهله:اي صح احسن ?خود معاك البنات سلم ولدي وين فرخ علاء
فراس:علاء طلع من بكري
منى:وانت من كلمك افف يامالك يلي مخدمهم عندك مش محترمين خصوصية العائله
مالك:شاف لي فراس وغمزله وفراس بيطربقق ?
نهله:اهو جي عصام هيا
طلعت نهله وخلات وعمات مالك ركبو السياره
وئام:انا اكبر وحده فيكم بنقعمز من القدام
الاء:احسن خلوني تالي انا
نور:قامت حاجبها وتشوف لي مالك
مالك:نور تعالي القدام والباقي لتالي
نور:جايه ??
صابرين ووئام يشوفو لي الاء بصدمه
الاء:بصوت واطي …شن دخلي انا
منى:تضحك بصوت عاالي زي المصريات عشان تغيضهم….ووووه عليا ريحة شياااط حاجه مزيته هكي مشيطه
مالك:اسكتي يابنت
منى:حاضر ياسبب تعذيبي والاسم حبيبي ??
مالك:ولع السياره وطلع بس كان داخله مضاااايق كيف نور متحكمه فيه لدرجه هاذي ؟!كيف قادره تسيطر عليه بطريقه هيااا !!!
?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?
طول الطريق ومنى تغني وادير في حركات عبيطه بيديها ومره مره اطيح علي صابرين و وئام ع اساس تغيض فيهم ومالك معلي الاغاني ميسمعش فيها وكانت الدنيا ضلام
نور:بعتت مسج لي مالك….ايوااه خليك تسمع في كلامي زي مانسمعفي كلامك
مالك:وصلاته الرساله قراها وهوا يسوق …سكر تالفونه وتبتسم بي ضحكته يلي تجنن ومسك يدها
نور:كنت فرحانه منعرفش علاش ?❤️
اخيراااا وصلو …نزلو كل البنات ولما جت بتنزل نور مسكها مالك من يدها
مالك:استني
نور:اها
مالك:زي موصيتك رقيص لا وتقعدي مرتزعه في مكانك
نور:ههههه باهي وانت تقول راجلي ??
مالك:ابتسم بوجع
نور:هي باي
مالك:اشرلها بيده ونزلت
نور:سكرت الباب وخشت مع منى
مالك:فجآه بدي يخبط في السياره بقلة حيله ?…لاول مره في حياته كان يبي شي ومش قادر يحصله نهااائي
___________
ترن ترن ترن
مالك:ياخد في نفس سريع ورد ع التالفون …ها
علاء:هتلر…تعال لحق عليا
مالك:وين ؟!
علاء:في الحبس قضية تحرش وتهديد بلقتل
مالك:بصدمه….بي منو متحرش النم متعقلش انتت؟؟؟؟؟؟؟فهمني
علاء:ضلم وحياتك اقسم بالله حسبي الله ونعم الوكيل
مالك:بلا تحسيب زي النتايات في اما مركز انت
علاء:متع المدينه
مالك:تمام هي سكر فراس انتضار
علاء:سكر الخط
مالك:ولع السياره وطلع …ها فراس
فراس:خوك علاء شادينه في قضية تحرش ويلي رفع القضيه هادي تكون دنيا نجم الدين رفعتها الساعه 7المغرب واتهام تاني تهديد بي القتل عبر رساله نصيه مبعوته من رقم خوك
مالك:تامه مشاء الله
فراس:نعرف الحجات يلي ميعرفوهاش الناس ونشم في ريحة دم?
مالك:اصلا انت خشمك في شنو يشم تاني ..اهو جاي انا
فراس:تمام
_____________
نور:هههههه منى بطني والله معاد قادره ياسرك
منى:والله نقول في الحق …شوفي هذيكه راسمه حواجبها فوق هلبا كل منشبحلها نسحابها مستغربه ?
نور:ههههههه ????
منى:تالفونك يهز زي قلبي لما نشوف واحد حلو ?
نور:مسكت تالفونها وتمسح قي دموع الضحك لقاته مسج
مروان:بكرا بنجي نروح بي اختي من المدرسه بنوقف عليك5دقايق بس مش اكتر
نور:سكرت التالفون بدون اهتمام ورجعت
منى:منو هاذا؟
نور:خو فاطمه نفخ تعرفي مش عارف من وين جاب رقمي
منى:وعلاش متعطيشي فرصه نهارك اسود قاعده هكي بلا حبيبي
نور:ريحيني من ها السريب ع اساس انتي عندك حبيب يعني
منى:انا متزوجه الولد يلي شفته مش عارف شنو اسمه نسيت نسأله وعندي علاء راجلي الاحتياطي من غير هكي كان تسكرت في وجهي نرجع لي فراس وامري لي الله …انا نفكر فيك انتي يلي قاعده هكي
نور:هههههههه منى نبي نكون زيك ياريت عندي ربع الثقه متعك
منى:اححح خيتي سلمني
___________________
علاء:خش لمكتب الضابط وارتاح اول مشاف خوه
مالك:حشم حالك خو هتلر يشدوه في قضية تحرش
علاء:اسكت عاد الضابط هنايا
الضابط:استاذ هتلر انا طالع دقايق وراجع
مالك:هز براسه
علاء:استاذ هتلر صار اخخ قداش يزمزكو
مالك:بتبات هنايا اليوم
علاء:تي وراااااس السحاب والكواكب منقعد دقيقه هنايا
مالك:انا قلت بتبات وغضوا بنجيب البنت تقدم تنازل
علاء:تو ع اساس انت خلاص متقدر ادير شي
مالك:نقدر لاكن نبيك تتربى
علاء:لوي وجها ???….اصلا نحبه الحبس عادي
مالك:نزيدك اسبوع؟!?
علاء:تي لاااا عندي خدمه هلبااا اقسم بالله
مالك:يصير خير تو غضوا نخطم عليك
ترن ترن ترن
مالك:ايواا…
الاء:قتلك امي تعالا روح بينا
مالك:به تمام …وسكر الخط
علاء:نراجي فيك
مالك:وقف يعدل في سلاحه.وطلع
?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?
علاء:رجع لزنزانه وقلبه حقد علي دنيا لاكن هاابل فيها لانها مش عاطياته وجه
اما مالك طلع من السجن لي فراس عنده اجتماع صغير
فريد:ممكن نفهم هتلر المعروف شنو طبيعة شغله؟
مالك:يتكلم بشخصيه رهيبه?…عندي شركة اعذيه ومعرض اثاث …ندخلو في حجات ع اساس انها قانونيه من خلال الشركه متاعنا معارفي ورجالي في كل مكان ولما نأشر الدنيا تولع
فريد:توتر …احم اه اكيد عارف …حضرتك شنو المشاكل يلي تواجها؟
مالك:اتكا ع الكرسي …والله …شوي من الصعاليك يلي طالعين ع الساحه لاكن ميسكروش 48ساعه
فريد:يموتو؟!
فراس:بتعابير خيبة امل علي وجها…ياريت?
مالك:ضحك بي استفزاز…ديمه نحرصو شغلنا متكونش فيه حتى قطرة دم
فريد:امالا كيف يصير فيهم
فراس:شاف لي فريد وابتسم بخبث…صدقني انت متبيش تعرف شنو يصير فيهم
مالك:?
فريد:تت تمام حضرتك اكتب ع الورق يلي تبيه وان شاء الله خير
مالك:عندي مشوار توا خلي فراس ينضم الجو ع كيفه
فريد:لاكن ….
مالك:فرااس هاذا
فريد:تمام تمام
________________
منى:اففف ساعه ليا لابسه العبايه تقول خليجيه تراجي في رفيجاتها
نور:تصور في سلفيات…الصبر حلو
منى:والله مفي حاجه حلوه غيري
الاء:نور اطلعي انتي وشرشوحه يلي جايبتيها مالك برا
منى:الشرشوحه احمدي ربك ان جوها رايق كنهادا تشوفيها شني تدير فيك
نور:حطت الوشاح ع راسها وطلعت هيا ومنى لي السياره ركبو
مالك:يدور بيطلع …كيف كان الجو
نور:جت بتتكلم لاكن قاطعتها
صابرين:يهبببل يا مالك عيلة راجل نيروز حلوه ربي يهنيها
وئام:وهيا خايفه حسيتها مش قادره توقف هههههه
صابرين:ههههههه
منى:قصدي مفهمتش وين الحاجه يلي لازم بنضحك عليها بزبط!! وحده خايفه علاش ال ههههه ولا لازم تتبودعي قدام الذكوره هرمون المياعه عندكم بكل
وئام:انتي تسكري فمك ولا نجي نريشك ساكتتلك من الصبح ره
منى:بدت عاد تلعلع ويديها في السماء….تعااااالي تعاااالي ياماما واتيه
مالك:بصوت يخوف ياااااسر انتي وياها
منى:سكتت وهيا ترقص في حواجبها
ساد الصمت في السياره لين وصلو الحوش
مالك:نور اقعدي بنوصلو منى لحوسها
نور:رجعت سكرت الباب …به
نزلت الاء وصابرين ووئام
منى:الله الله ع الوسع مشاء الله السياره 4هكتار ولت
مالك:شبحلها في المرايا…..تي اسكتي وانتي لسانك ملوحي ع رقبتك
منى:حاضر يادوائي ومعذب فؤادي?
نور:ههههههه
مالك:يضحك…مفيش فايده منك
نور:طلعت من شنطتها بكلاوه ومكسرات…هاك خليتهولك
مالك:ابتسم وقرصها في خدها …سلمها الحنونه
منى:تمسح في المكياج ومنزله راسها….ادس في البكلاوه من بداية المحضر زي العانس يلي كيف متزوجه
نور:ههههههه واك منك منى وااااك
مالك:مشاها بضحكه بس كان متمنى يكون في الموقف هاذا ❤️
_______________
وصلت منى لي حوشها ونزلت
منى:بسلامه صحيت ياهتلر العرب ان شاء الله نجوك في فرحك وناكل رزقك
مالك:ضحك…ان شاء الله
منى:تعالي بكري المدرسه غضوا به؟
نور:يصير خير
منى:خشت لحوش ومالك حرك السياره
نور:متكيه ع الباب تتفرج ع الطريق وتحكي داخلها…عرس مالك؟!الله عمري متخيلته يتزوج اخخخخي تخيلي يانور يتزوج ويتغير عليك؟!اففف علاش كل شي حلو لازم يختفي من حياتنا ويتغير
مالك:وين سارحه
نور:شي تاعبه من العرس
مالك:ابتسم…خذيتي كلامي ولا….
نور:اقسم بالله بلحرف وربي هي ?
مالك:مد يده لي خدها وخذي منها بوسه طفوليه…سلمها العاقله
نور??
___________________
كان مالك طول الطررريق يشوفلها بعيونه ويخطف في نضرات بدون متحس وكان ميتتتت فيها اكتر من قبل يحبهااا ويحب عفويتها وضحكها وبرائتها بس كل ميذكر انها تعامل فيه خوها يتكهرب ومزاجه يتغير ?
وصلت نور الحوش وزي العاده غسلت وجها بدلت حوايجها ولي سريرها طول من التعب
اما مالك ياحليلي ❤️…طول الليل مرقدش غمضه وهوا يفكر في نور وكيف بيتصرف بعدين ….دار الف تفكير في راسه …مثلا يسافر ويخليها!!!
ولا يختفي عليها نهائي
ولا حتى يطلع من الحوش بس عشان متكونش ديمه قدام عيونها ….وبي التفكير هاذا لين طلعت الشمس ❤️
ثاني يوم??
طق طق طق
نور:فتحت الباب …صبااااحوو …تغير تعابير وجها لما لقت الدار فاضيه ..لبست شنطتها ونزلت
نور:صباح الخير
نهله:صباح الورد قعمزي افطري هي
نور:الحمد الله مخاطريش …وين مالك وقت عليا!
نهله:عمك واقف برا قوليله يوصلك مالك طلع الصبح عنده مشوار قال
نور:غريبه مقاليش!!
نهله:طالع مستعجل
نور:به تمام صحيتي مرت عمي
نهله:سلمك بنتي
?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?
دنيا :واقفه قدام علاء وقارنه حواجبها
مالك:هي شنو بتتصالحو ولا منردوكش لجامعه ؟
دنيا:اففف به بندير تنازل
مالك:تمام هي نضم الامور وخي
الضابط:ان شاء الله
علاء:يشبح لي دنيا من بعيد ودنيا تتفادى في نضراته ليها وخايفه يديرلها شي بعد الحبس هاذا عكس مكانت تبي انه يخليها في حالها
في الفصل:-
نور:اففف نفخ تعرفي جايه بسيف
منى:ساكته
نور:نعرف النضرات هاذي احكي شن فيه
منى:تزركي ولا تعيطي نقتلك
نور:بي اهتمام…شنو به
منى:عطتها بضهر وقامت الواشح وفتحت شعرها
نور:بتعيط حطت يدها ع فمهااا من الصدمه
كان شعر منى هلبااااا الوان مدرجات موف اخضر برتقالي اصفر وردي
منى:شن رايك
نور:نهاااااارك اسود امتى درتي هكي ???
منى:يجنن صح ?امس في الليل شفت صوره في النت ونضت درته
نور:بتجلطيني انتي بتهبلينى
منى:????
احمد:السلام عليكم
وقفو الطالبات كلهم ومنى مقدرتش توقف من كثر ما الاستاذ حلو
احمد:تفضلو اجلسو
منى????
نور:منى بلا عار عيونك بيطلعو
احمد:انا استاذ احمد الاخضر معيد في الجامعه وبنعطيكم الكيمياء لين ابلتكم ترجع من السفر
منى:لقبه الاخضر زي لون شعري قبل معناها يحبني
نور:لين خلاص ?
احمد:اي اسإله قبل ما نبدو الدرس؟!
منى:وقفت ….استاذ
نور:بصوت واااطي…منى بالله عليك لا ونبي
احمد:تفضلي
منى:محلاك
البنات كلهم يشفواها بصدمممه ونور ضربت راسها من الحشمه
الاستاذ:ارتبكي …تفضلي يا طالبه ونتبهي
منى:اصلا نحبك نقصد ان الكيمياء نحبها
وبنات الفصل كلهممممم ميتين بضحككك
____________________
مالك:مقعمز في خدمته مش قادر يركز ودخان طرف ورا طرف ويعد في الدقايق عشان يجي وقت مرواح نور ويمشيلها ❤️
علاء:هكي صار يالفعه
دنيا:ترا نحي تأخرت علي محاضراتي
علاء:بنضرات عنيفه….اقسم بالله إلاما نوريك يادنيا واحفضي اسمي كويس
دنيا:خافت اول مره تشوف علاء يتكلم بي الطريقه هاذي بس توضح انها قويه….طز فيك يلي تبي اديره ديره …ورفعت خشمها وطلعت
______________
في المرواح نور ومنى واقفين برا …..
نور:حشم حااااالك منى حشم حااااالك نهار اسوود
منى:والله منقدرش نشد روحي انا محد قاله يجي حلوو
نور:حي عليك تخيلي يحطك في راسه ويقول عليك للاداره والله اما يفصلوك ونقعد بروحي ????
منى:ترا اسكتي وانتي ديما تعيطي خليني ندير حركاتي السحريه باش نتزوجو …طول الحصه نفكر وين بندير حفلتي
نور:ياربي بسسسس منك …
مروان:نور…
نور:تلفتت …شبحتله ورجعت عطاته بضهر لما عرفت انه مروان
مروان:به 5دقايق بس مش طالب منك اكتر
منى:خلاااص عاد اقلب وجهك البنت متبيش تكلمك شن هاذا
مروان:متجاهل منى ويحكي مع نور
نور:وجها اصفرررر ورجليها يرعشو لما شافت مالك نزل من السياره ومقدم جيهتها
مالك:بدون ميحكى ولا كلمه ولا حتى حرف ضرب مروان ع وجها لين طاح
مروان:يده ع خشمه يلي ينزف
مالك:جي بيكمل عليه بس نور خشت في النص تعيط وتترجى فيه
مالك:كانت محلامحه تخوووووف …خذاها من يدها بقوه ركبها السياره بتخبيط ويلي في المدرسه كلهم يتفرجو بي صدمه
مالك:يسوق بسرعه جنونيه ونور مش قادره تحكي حتى حرف ولا حتى تبكي ساكته والخوف محاوطها
?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?
منى:تو باهي هكي؟!كليت طريحه واشبح نور شن يصير فيها عليك دراه
مروان:واقف ينفض في حوايجه واخته واقفه جنبه مصدوووومه
نور:اول موقفت السياره نزلت تجررري للحوش وركبت دارها ومالك وراها
الاء:حي عليا خيره امي مش في الحوش كان متصير كارثه وانا بروحي هنايا
نور:خشت دارها حاولت تسكر الباب بس مالك دف الباب لين نور طاحت
مالك:مسكها من يدها ووقفها بقوه….شن كان يبي منك
نور:اءءء ان انن انا
مالك:يهز فيها من يدها بقوووه….تكلمممممي شن كنتي تحكي معاااااه ادوي
نور:اقسم بالله منعرف خيره ولا رديت عليه ماااالك صدقني
مالك:ساكت ويشبحلها لان فعلا لما شافها مكانتش تحكي معاه
نور:يدي. يامااااااالك
مالك:انتبه لي نفسه ونزل يده
نور:تعيط عليه….علاااااش هاذا كله علاااااااش فهمني وكان كلمني الولد يعني
مالك: يعيط تبي تعرفي علااااااااااااش
نور:بصوت عياط اعلا منه……اي نبي نعرررف علااااااش هاذا كله م….
مالك:خبط يده ع الحيط جنب راسها…..لانك ليااااااااا لياااااا بسسسسس….يتبع