روايه هتلر للكاتبه:اروى الطاهر المسلاتي

#هتلر 3 ?

فراس:محسن هوا العريس وحسام خوه سافر يوم الدخول الصبح الساعه 3الضهر محسن سافر لي تونس تحديدا صفاقص ويلي خش بدل محسن هوا حسام خوه واعتدى علي بنت عمك
سبب الاعتداء ان….
مالك:تكلممم
فراس:سكر الملف….ولد عمك
مالك:من ولد عمي؟!
فراس:اخ نور ولا نسيت ان عندك ولد عم
مالك:راح من بالي مسافر ليه سنين ونقطعت اخباره …تغيرت ملامح وجها…شن جيب سيرته ؟!
فراس:ولد عمك يلي هوا اخ نور من كم شهر رجع لي ليبيا
مالك:به؟!
فراس:ضحك علي بنت وخلاها تحمل وهرب والبنت هاذي منو تكون حسب رايك؟!
مالك:من تكون؟
فراس:حط يديه في جيوبه ….تكون اخت محسن يلي خطبها نور
ومن البدايه مخططين هكي يغتصبها خوه بلحرام عشان ياخذو بتار اختهم
مالك:خذي نفس والشر يتطاير من عيونه…..يعني نور كانت ضحية بسبب حجات وسخه دارها خوها
خوها يلي معش شافها من لما كان عمرها 11السنه
فراس:بزبط
مالك:ساهل كله ساهل غير تطلع من المشفى وتو نضمو الامور
فراس:نشم في ريحة دم?
مالك:مزال وقت
فراس:انا برا كان تبي شي
مالك:ينحي في جاكيته…جيبلي 4رجاله من المعرض خليهم قدام الحوش ويفتحو عيونهم كويس
فراس:تم …وطلع وسكر الباب

فاتت الليله كلها ومالك جنب نور يتأمل فيها ويخطط لي النضام الجديد يلي بيصير ?
______________

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

ثاني يوم??
نور:فتحت عيونها بصعوبه شافت مالك مقعمز ع الكرسي
مالك:ابتسملها….صباح الورد
نور:صباح الخير
مالك:كيفك اليوم
نور:بخير..حطت يدها علي خده…خيره وجهك تاعب هكي؟مرقدتش صح؟
مالك:تغيرت ملامح وجها وقلبه دق❤️نزل يدها بهدوء…اي مجانيش نوم
نور:قعمزت …تلم في شعرها ومالك هايم في كل خصله من شعرها الاسود يلي يموت فيه من صغرها ❤️
مالك:جبتلك عبايه من الاء امس البسيها بنروحو
نور:توا؟
مالك:اي منبيش نخليك هنايا من اليوم بترجعي حوشك ونضام جديد بتمشي عليه
نور:مسكت يديه الزوز….وانت بترجع معاي صح؟
مالك:خذي نفس….انا عندي خدمه و….
نور:لا مااااالك بالله عليك ارجع نوعدك نسمع كلامك في كل شي
مالك:ابتسملها وهز براسه….به تمام هي البسي وقت
نور:ناضت تلبس في عبايتها وهوا يفكر ويشبحلها
مالك:كيف بنتحمل وجودها معاي في نفس الحوش؟!كيف بنتحمل نضراتها كلامها ضحكتها بدون ماننسى روحي وندير شي غلط معاها ??‍♂️
كيف بنعاملها علي اساس انها اختي كيف ?
نور:انا جاهزه
مالك:فاق ع روحه…هي
نور:استندت عليه وطلعو مع بعض لسياره
فراس:الحمد الله ع السلامه نورنا
نور:ابتسمت …الله يسلمك فراس❤️
طبعا فراس كان حارس هتلر (مالك)من لما نور صغيره متعودين عليها وديمه يقوللها نورنا

________________

نهله:تبخر في الحوش….الله يهديه من البدايه قتله بنمشي الصبح نشوفها
عصام:يقرا في الكتاب….متكبريش القصه حالتها كويسه وبتطلع اليوم شوي ويوصلو وتشوفيها
نهله:حطت المبخره وبي تنرفيز….كيف ياعصاااام فهمني اعصابك بارده متقولش عليها بنت خوك يلي اعتدو عليها ودمروها
عصام:نزل نضاراته….عارف ولدك مش رح يسكت
نهله:كل شي ولدي ولدي ولدي الله يستر وخلاص
عصام:متخافيش عليه جايبه هتلر الله يبارك
نهله:يافرحتي بيه ….شن بنقولو لناس بس البنت من اول يوم روحت ويلي اعتدي عليها …اففف استغفر الله ياربي وخلاص
عصام:كله ليه حل ان شاء الله
نهله:وشن قصة الرجاله يلي جو جدد قدام الحوش؟!
الاء:اي يابابا مش ساد زوز حراس قبل ،؟افف تقول عايشين في حبس
عصام:خوك ادرى بي مصلحت الحوش
نيروز:تشوف لي الاء بنضرات حاده….اي احسن خلي مالك يحط الف حارس في الحوش وان شاء الله نسلمو
الاء:بصوت واطي…سكري فمك بلا تلقيح
نيروز:مليكش علاقه
الاء:طز فيك تسحابيني خايفه
نيروز:تو يجي مالك نحكيله ع يلي اديري فيه ونعرفك خايفه ولا لا بعدين
الاء:لا نيروز ردي بالك يقتلني اقسم بالله انتي عارفه
نيروز:بصوت واطي وتحاول انها متوضحش….خلاص امالا اعقللللي
الاء:بلعت ريقها بخوف وسكتت

مالك:السلام عليكم
نيروز:ناضت بسرعه وارل مشافت نور حضنتها وبدو يبكو
مالك:خش لي الصاله
نهله:تحضن في نور….الله غالب يابنتي حضك شويه في ها الدنيا شافوك يتيمه لعبو عليك الله لاتربحهم الله غالب
نور:تبكي بحرقه في حضن مرت عمها ?
مالك:ملامح وجها بااااارده…خلاص نور بتركب ترتاح
نور:مسحت دموعها….بنقعد شوي م…..
مالك:قام حاجبه….بتركبي ترتاحي قلت
نور:عيونها حمر من البكي تشوف لي مالك مستغربه…خيره فجآه انقلب هكي ؟!
مالك:شاف لي نيروز…ساعديها تمشي غرفتها وتعالي متعطليش
نيروز:حح حاضر هيا نور
نور:ركبت لي دارها وافكارها ملخبطه
عصام:عيونه في الكتاب….فهمت القصه؟!
مالك:طبعا
عصام:ابتسم….هاذا ولدي ?
مالك:شاف لي امه….حطي الغدي وبناتك الزوز يجو قدامي في شي مهم لازم نحكو فيه
الاء:بخوف في صوتها…شن في؟!
مالك:بدون ميشوفلها ….انتي بروحك خليك
الاء:جف الدم في عروقها من الخوف ووجها اصفرر عرفت انها رح اضيع ?

________________________

نور:خشت الدار وقلبها مغموم ?مش قادره تنسى تفاصيل يلي صار معاها يوم العرس ابدا
كيف بتكمل حياتها؟!كيف بتعيش باقي عمرها بين الناس وهيا اعتدو عليها ليلة عرسها؟!
مقدرتش ادير اي شي غير البكي وبس

ع سفرة الغدي:-
كلهم يشوفو لي مالك يراجو فيه يتكلم
مالك:نور رجعت وبما انها خشت الحوش هاذا يعني قصت زواجها وطلاقها تسكرت منبيش مخلوق يتنفس يجيب سيرت يلي صار
عصام:ياكل…وهاذا من رائي حتى انا
مالك:يشوف لي خواته….ولا اي كلمه يا الاء
الاء؛هزت راسها بخوف…اكك اكيد
مالك:الايام هاذي ممنوع تطلع من الحوش ممنوع تشوف حد من برا
نيروز:حتى حني؟
مالك:نتكلم علي نور انا
نهله:حرام البنت تزيد تقهر فيها
مالك:طبعا مش رح نخليها هكي لاكن الشي هاذا لازم يما
نهله:تنهدت بوجع ….ان شاء الله خير
مالك:شاف لي خواته….فاهمين ؟!
الاء ونيروز هزو براسهم
مالك:ابتسم ….شاطرين ابدو تغدو
عصام:خوك امتى بيطلع؟!
مالك:قال لين يكمل المده متعه ميبيش يطلع ع اساس يبي يلتزم بي القانون
عصام:الولد هاذا غريب
نهله:تحكي بحسره….تمنيت ولاد يطلعو دكاتره ومهندسين مش زي ….
عصام:شافلها بغضب…..زي شنو كمليها
مالك:يشوفلهم وساكت
نهله:زي بوهم اي دي بوهم عمري ماراضيا علي خدمتكم ومواضيعكم هاذي شوف ولادك كيف طلعتهم واحد في الحبوس والتاني من كثر ماينادو فيه هتلر لين نسينا اسمه
عصام:بي برود….الاولاد ولادي وانا حر كيف نربيهم
مالك:ياكل بدون اهتمام

طق طق طق طق
الاء:ناضت فتحت الباب وخشت بنت تصادع ?
منى:هااااااي انا جيت
الاء:تشوفلها بي استحقار…الاحسن انك تروحي مالك مانع اي حد يزور نور
منى:طز فيك وانتي وجهك لاتعرفيه معكرش ولا مفترش ….وخشت
الاء:قلبت عيونها بي ملل وسكرت الباب
منى:الف صحه عليكم
نهله:اهلا منى تفضلي تغدي
منى:صحيتو سبقتكم ….هاي هتلر?
مالك:قام عيونه ويبتسم…اهلين منى
منى:الله يعطيك جلطه كل يوم زايد حلاوه شن كنتي تاكلي وانتي حامل بيه ياعمتي نهله
نهله:هههههه عطيك السلامه
منى:نبي نشوف نور
مالك:مش اليوم
منى:ورااااس اممممممك يلي مقعمزه تاكل ونبي ونبي ونبي ونبي ونبي ونبي ونبي ونبي
مالك:لا قلت
منى:ننتحر بي بوريكه توا؟!
مالك:كاتم ضحكته….وكيف بتنتحري بيها
منى:نزمطها بي العرض ????
مالك:ضحك….. به خلاص بطلي زنين بري
منى:يانجيه الغزال يلي ياخذ بخواطر الناس الله يفتحها في وجهك وين ماتمشي
عصام:ههههههه متتغيريش يافرخه
منى:امالا شنو ياعمي …طبست ع مالك …وين راجلي المستقبلي فراس؟!
مالك:ضحك…خلي الراجل في حاله خير ميقتلك
منى:احلا موته يا كبدي ?
مالك:بتركبي لي نور ولا نغير رائي؟
منى:راكبه راكبه …هي صحتين
كلهم:سلمك
منى:الاء
الاء:ها
منى:ان شاء الله تموتي ….وركبت
نيروز:هههههه عطيها نقطه مستحيل تكبر
نهله:بكل???

منى صاحبة نور الوحيده من الاعدادي وتموووت في حاجه اسمها فراس رغم ان مش عاطيها وجه ابدا ومقرره من راسها انها رح تتزوجه ??
انسانه مجنونه بشكل مش طبيعي واي كلمه تحطها عادي جدا
طبعا ديمه تتغزل في مالك في وجها ومتتحشمش منه لان واخد عليها وعلي هبالها ??

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

نور:????بنمووت يامنى مخنوقه حاسه روحي
منى:ووه علاش تنكدي عليا اذكري فيا بي جرحي حتى انا
نور:تمسح في دموعها….ليش شن صاير معاك
منى:بوي خلاني نقص ضوافري امس
نور:بضربه وضحكه خفيفه….بارده
منى:اضحكي هكي ياقلبي عادي حقك مستحيل يضيع
نور:الناس ؟!كلامهم عليا شني ??
منى:مصحك ع اساس هتلر يلي مقعمز يتسمسم لوطه بيخلي مخلوق يحكي عليك شن حالك انتي خلاااااص سكري الموضوع هاذا جبتلك 4كريمات معاي
نور:لي شنو؟
منى:باش يتنحو اثار يلي في جسمك وخليقتك اصلا من يلي سمعت بي القصه جبت احتياطي
نور:ضحكت….مش طبيعيه انتي
منى:اسكتي وادهني روحك يالله….ونحت وشاحها
نور:مصدومه
منى:شن رايك في شعري صبغته اخضر زي جنت حبنا انا وفراس ?
نور:بطلي منى وبعدي من عليه
منى:مصحك راجلي المهم توا لازم انتي تغيري نفسيتك
نور:تنهدت بوجع….مش قادره حتى ننسا تعرفي ?
منى:ولا يهمك تو تشوفي كيف تنسي غير ساعدي روحك حتى انتي وين هذاك الخرا
نور:علاء؟!
منى؛اي
نور:في الحبس شدو في سيارته ممنوعات الفتره يلي فاتت
منى:وووه شن ها العيله يلي كلها ممنوعات امالا الحرس يلي برا مفروض تلبسو بدلات برتقاليات وخلاص
نور:???

________________

استمر الوضع هاذا لعند الساعه 9في الليل :-
مالك مع فراس لاهي في شغله بس كل تفكيره في نور كيف رح يقاوم ويتصرف عادي وهوا في نفس الحوش معاها؟!والف قصه وقصه

اما نور رغم الكارثه يلي صايره معاها طول الوقت تضحك لان بجد منى مش طبيعيه مستحيل يقعمز معاها حد وميضحكش

شاهين:بصوت مكسووور ويرجف….الاء اسمعيني وراس حبيبتي وحده وحده عليا خليني نفهم
الاء:اففف به هي
شاهين:فهميني انا بشنو قصرت معاك اقسم بالله صبح وليل نخدم باش نكمل حوش وتكوني حلالي علاش فهميني بتنهي كل شي؟!حرام عليك نشوف فيك دنيتي كلها راهو علاش ادمري فيا ؟؟؟
الاء:هكي فجآه عرفت ان انا وياك مش مناسبين لبعض
شاهين:بعد 5سنين اكتشفتي الشي العبقري هاذا؟
الاء:اي قصدي تعالا فكر فيها بلعقل انا الاء بنت عصام واخت هتلر وعلاء بي جاهنا وفلوسنا ناخذ شاهين ولد النجار؟!
شاهين:موس ونغرس في قلبه….ع الاقل شاهين ولد النجار فلوسه حلال مش زيك وزي عيلتك معيشين الناس في رعب منكم
الاء:اشرف منك واقوى بي الف مره ولو تقعد مليون سنه تخدم مستحيل تجي ربع عيلتي
شاهين:يكفي اني ملعبتش عليك وكنت ناويك بي الحلال يا الاء لاكن مدامك هكي تو تجربي غيري وتعرفي خيري
الاء:تصبح ع خير
شاهين:سكر الخط بدون ميرد عليها
الاء:خطت التالفون في جيبها وتشوف من الروشن وتضحك لي الشاب يلي جاي بيخدم مع خوها
شكلها الاء شبحت فوووق ومعش عاجبها حب حياتها يلي علي قد حاله ?

_________________________

طق طق طق
نور:سكرت مذكرتها….ادخل
مالك:فتح الباب وخش….روحت هذيك المجنونه؟
نور:ابتسمت….اي
مالك:به غيرتلك جوك طلعت ليها فايده في الدنيا
نور:هههههه اي
مالك؛الاسبوع هاذا ارتاحي فيه وممنوع تطلع من دارك
نور:علاش؟!انا م….
مالك:كلامي يمشي نور بدون اسئله
نور:سكتت
مالك:وبعدين مزال اسبوع والمدرسه تبدا لازم تكملي 3ثانوي
نور:فرحت وناضت من سريرها….جديات مالك؟!قصدك بنقرا؟!
مالك:اكيد ?
نور:حضناته ….وحق رررربي احلا اخ في الدنيا كلهاااا
مالك:تشنج جسمه ?وقلبه زاد دقاته …للحضه كان رح يحضنها لين جسمها يتكسر في حضنه بس وقف روحه فجآه….باعدها بهدوء
مالك:توا اسمعي كلامي وارتاحي
نور:تمام
مالك:مسح علي شعرها….سيرة الجواز امسحيها من حياتك منبيش نسمعها كأنه مصارش شي
نور:هزت براسها
مالك:والف مره نقولك قيمي شعرك
نور:في الحوش انا
مالك:ابتسم وطبطب ع خدها….قيميه نور
نور:به
مالك….طلع من الدار وكان خاطره يقعد معاها الف سنه بدون ميخليها ?كان غااضب من نفسه كيف يحبها ؟كيف يحبها وهوا مفروض يكون خوها؟!كيف يفكر في حضنها والف حاجه تاني ?وهيا كانت زي البلهاء مش فاهمه تصرفاته معاها !!

?رِوايـَــــاتْ بـــــَــــنـــو تــِةْ الشــِـــيـــــــخْ?
?أَروى الطــَـــاهـــــِرْ المــــســـلاتـــــــــي?

بعد مروراسبوع……
نور؛واقفه قدام المرايا….مش مصدقه اني رح نرجع لقرايتي زي قبل رغم كل شي صار ?بعد المر يلي ضقته مستحيل نفرط في قرايتي لي اي سبب يكون
نيروز:نوووور الفطور واتي
نور:خذت شنطتها وطلعت من دارها لي دار مالك طول وكانو الزوز مقابل بعض

نور:خشت لدار مالك …مااالك ماااالك هيا الفطور واتي امتى بنلحق نمشي؟!
مالك:طلع من الحمام يجفف في شعره…ديما بتهبلي ع المشي
نور:تشوفله بي اعجاب
مالك:شنو؟
نور:محلاك?
مالك:ضحك ويمشط في شعره
نور:هي خلي نسبقك لوطه انا متعطلش
مالك:بنضرات تخوف ….وقفي مكانك
نور:شنو
مالك:قرب منها هلبااا
نور:تبلع في ريقها
مالك:مسح فمها بي صبعه….شني هاذا نور؟!
نور:اءء هاذا
مالك:يشوف في عيونها
نور:حسيت ان ان وجهي اصفر اليوم شكله عندي هبوط قلت ندير حجات هكي
مالك:قاطعها بصوته العالي…الفففففف مره تكلمنا عليه الشي هاذاااااا
نور:سكرت عيونها من الخلعه….اسفه نسيت
مالك:اقلبي وجهك اغسلي خليقتك ومعش نبي نشوفك هكي مره تانيه
نور:بب به
مالك:بعد عليها ونور طلعت تجررري
مالك:يشوف لي صبعه يلي ملبز بروج نور خذي نفس عممميق وغسل يده

____________________

نور:تجفف في وجها…الزفت وين كان عقلي انا وخاشتله بي كل ثقه حمااااره طول عمري حماااره

طق طق طق
الاء:راقده ع الصالون…ياطالبه افتحي الباب
نور:تسهوكي انتي التانيه
طق طق طق
نور:فتحت الباب وتشوف بنت قدامها حلوه ❤️
طويله وجسمها متناسق سمره ونقشها علي العسلي
نور:تفضلي
دنيا:لو سمحتي هتلر قاعد؟!
نور:قامت حاجبها….مالك اقصدي؟
دنيا:اي
نور:منو انتي ؟!
دنيا:نادي عليه لو سمحتي
نور:ولو مسمحتش
دنيا:اففف نادي عليه بنتي وبري لي مدرستك سلم ماما
نور:تكنطت كيف تحكي معاها كأنها عيله جت بترد لاكن قاطعها صوته ???…يتبع

 

error: