رواية مجبوره للكاتبة أروى الطاهر

 

مجبوره الحلقه 8

سمر:فتحت عيوني وقعدت نساوي في روحي حسيت رقبتي توجع فيا مش راقده كويس ..بعدها اذكرت وشفت جنبي ..نبيل وين؟؟؟

نضت للحمام …نبيل ؟نبيل انت داخل؟؟؟ فتحت الحمام مفيه حد غسلت وجهي وصليت ونزلت

هناء:صباح الخير مدام
سمر:صباح النور هناء بنسألك نبيل وين
هناء:استاذ نبيل طلعت من بكري
سمر:اوكي تمام ياريت تجهزي الفطور
هناء:من عيوني ?
سمر:فتحت النت وشفت مراد باعتلي

مراد:سمرر
سمر:هلا
مراد:صباح العسل كيف الحال
سمر؛تمام بخير
مراد:وينك نبي نسمع صوتك
سمر:مراد خلينا ع نت واصدقاء فقط لاغير بالله عليك
مراد:منقدرش نكون صديقك انا نبيك
سمر:??
مراد:صدقيني والله لو تطلقي منه وحق ربي نخطبك من ثاني يوم ونتزوجو ونعوضك ع كل شي
سمر:صكرت النت بسرررعه وقلبي بيططلع قعدت نفكر في كلامه انا منحبش مراد صح عاجبني اسلوبه بس منحباش ونبيل قلب كل شي امس خلاني نسخف عليه اكتر من ان نكرها

هناء:تفضلي
سمر:مشكوره حبيبتي
هناء:العفو
سمر:بديت نفطر واتصلت بلعياده النفسيه

الاستعلامات :الو السلام عليكم عيادة الرحمه للمشاكل النفسيه تفضلي
سمر:هلا نبي نحجز موعد لو سمحتي مع الدكتور احمد اليوم
الاستعلامات:اوكي فيه الساعه 7و4
سمر:خليها7
الاستعلامات:بي اسم منو
سمر:سمر سامح
الاستعلامات :اوكي

سمر:قعدت نفكر كيف رح تكون ردت فعلي بعد منشوف نبيل اليوم وكيف رح يتصرف معاي بعد يلي صار امس وهل لو طلبت الطلاق يوافق ؟؟قاطع تفكيري صوت تالفوني

سمر:الو
فهيمه:??????
سمر:شنو في مرت خالي خيرك
فهيمه/تتت تعالي يا سمر نبيل دار حادث وحالته صعبه
سمر:?????
فهيمه:وهيا تبكي بعتلك السواق بيجيبك تعالي بالله عليك
سمر:تمام جايا…..نصدمممممت نبيل ؟؟؟مفهمتش كيف صار ؟. نضت بسررعه بدلت حوايجي وطلعت للمستشفى

روايات بنووتة الشيخ

سمر:وصلت المستفى وخشيت بسيف من كثر الصحافه خشيت لقيت خالي سامح مقعمز وعلامات الحزن علي وجها وفهيمه ميته من البكي انا معش عرفت شنو نحس ؟؟حسيته ميهمنيش لاكن بجد سخفني لا اكتر

سمر:خالي ?
سامح:حتا نبيل يا سمر رح يمشي وخلينا حتا نبيل ?
سمر:بعيد الشر متقولش هكي بي إذن الله اموره تتعدل متخافش
سامح:انشاء الله

سمر:مرت خالي وحدي الله واصبري انشاء الله مفيشي الا كل خير
فهيمه :سامحيه يا بنتي بالله عليك سامحيه???????
سمر:مسامحاته وانشاء الله ربي يشفيه ….قعمزت جنبهم وسااارحه ومصدومه بين يوم وليله نبيل بين الحياه والموت وليه 3ساعات تحت العمليه

فهيمه:طمممممني الله يربحك طمني
الدكتور:الحمد الله العمليه نجحت
سمر&سامح:الحمد الله
الدكتور:لاكن فيه مشكله انه خش في غيبوبه منعرفوش السبب بس الله غالب انشاء الله يصحى الساعات الجايه يااارب
فهيمه:?????اااااه يا حسرتي ع وليدي
سمر:اهدي يا مرت خالي اهدددي

سامح:????

سمر:قعدت في المستشفى مع نبيل لحد مجي مراد ❤️

مراد:الحمد الله ع سلامة نبيل
سامح:الله يسلمك
فهيمه:الله يسلمك يا ولدي

مراد:كيف الحال سمر
سمر:ااء الحمد الله

سمر:خالي طلع للكافيتيريا وفهيمه جابولها سرير جنب نبيل وعطوها منوم وانا قعدت مع مراد

مراد:شنو صار فكرتي
سمر:مراد انت شايف شنو قاعد يصير مش وقتها الدوا هيا
مراد:تمام ياقلبي ع راحتك بس بالله متنسيش موضوعنا
سمر:انشاء الله توا لازم نطلع عندي مشوار
مراد:نوصلك
سمر:لالا مشكور هي سلام
مراد:سلام?

سمر:طلعت للمصحه وانا طوول الوقت نفكر في كلام مراد فكرت نطلق ع الاقل نفتكا منه وناخد حد يحبني ويحافظ عليا حتا لو مكنتش نحبه لاكن هادا الكلام مش وقته توا نبيل في حاجتي وصلت للمصحه واستقبلني الدكتور

سمر:نبي التسجيلات
احمد:اااء اي تسجيلات
سمر:انا نعرف اي دكتور نفسي يسجل في الجلسه متع مريضه نبي تسجيلات يلي متعلقه بي نبيل
احمد:لا هادي في النهايه خصوصية المريض و..
سمر:والمريض هادا زوجي وانا عرفت قصة خوه التوأم
احمد:في الحقيقه انا مكنتش نسجل فيه
سمر:شوووف انا قادره نحبسك وانت اكتر واحد تعرف الشي هادا لو في حاجه مخبيها قولها وإلا والله
احمد:لا خلاااص?بس اوعديني متجيبي سيره لحد انا عندي صغار نصرف عليهم
سمر:تكلم
احمد:انا مكنتش نعالج فيه كنت ديمه نحسس فيه بذنب وان هوا سبب مقتل خوه
سمر:??????للللللليش
احمد:انا مدخلنيش بوه هكي طلب
سمر:خاالي؟؟؟
احمد:اي
سمر:بس حرام يلي يديرو فيه هكي حراااام ….وطلعت للمستشفى وانا نفكر

#تسريع_في_الاحداث

بعد مرور اسبوعين
سمر:اسبوعين ونحنا ع المشفى ماشين جاين وانت مجبت سيره لحد لاكن في راسي الف سؤال علاش خالي هكي يدير بسس وليش منعرفش ان نبيل عنده توأم المهم في يوم مع الساعه 4العشيه كنت مقعمزه انا وفهيمه في المشفى ومراد

الدكتور:انتم تبع نبيل سامح؟؟
سمر:اي شن فيه?
فهيمه:خيره ولدي?????.
الدكتور:الف سلامه عليه اخيرا ناض من الغيبوبه

فهيمه:??????الحمد الله يااارب وخشت بسرعه لي نبيل
سمر:لحقت فهيمه بس شدها مراد من يدها
سمر:?
مراد:بعدي عليه مفيش داعي تكوني قريبه عليه
سمر:هادا في النهايه ولد خالي ….وخشت

فهيمه:الحمد الله يا ولدي الحمد الله
نبيل:وين سمر
سمر:انا هنايا الف حمدالله ع سلامتك ماتشوف شر
نبيل:الله يسلمك

فهيمه:انا طالعه نكلم بوك نطمنه
نبيل:تمام

سمر:قعمزت جنب نبيل
نبيل:انسي كل شي حكيتهولك ومتجيبي سيره لحد
سمر:هادا الموضوع مش لازم نتكلمو فيه توا خلي ع جنب استنا تنوض بسلامه انشاء الله وبعدين ساهل
نبيل:انشاء الله

سامح:نبيل ??الف الحمد الله ع السلامه
نبيل.الله يسلمك
مراد:الحمد الله ع سلامتك وانشاء الله لاباس
نبيل:تسلم

فهيمه:يلا نوض وليدي كول
نبيل:كان يلاحض في نضرات مراد لي سمر ….خلي سمر توكلني
مراد:??
سمر:??
فهيمه:تعالي سمر وكلي راجلك
سمر:جبت السفره وقعدت نوكل فيه شوي شوي ومراد يشوف

سمر:صحتين
نبيل:سلمك
فهيمه:تبي حاجه ولدي
نبيل:ااااه لالا
فهيمه:انا مروحه نجيبلك معاي حوايج ونجي
نبيل تمام

طلعو روحو وقعدت سمر بس معاه فتحت النت ولقيت مراد بعتلي الاااف رسايل كلها يبيني نبعد ع نبيل

نبيل:سمر ياسرك من التالفون
سمر:ااء ببه
نبيل:تشوفي فيا مجنون؟
سمر:لا نشوف فيك تعاني من حجات بسيطه ورح تتخلص منها
نبيل:انا قتلته
سمر:نبيل خلاااص صكر السيره هادي انت مذنبك شي كنت صغير ومعش تسمع لي كلام حد مهما كان
نبيل:انا مدرت شي في حياتي فاشل محققتش ولا هدف
سمر:انت عمرك90سنه؟لا معناها الحياة قدامك تقدر ادير كل شي
نبيل:شاف لي سمر ….كيف تقدري تقولي هكي بعد كل شي شفتيه مني
سمر:اااااء اء انا طالعه نجيب اميه

سمر:اوكي نعترف ان انا نتهرب منه ومن عيونه لان تغيييييير شخص تاني بعد محكالي ع كل شي بدي انسان مكسور حتا نضرته تغيرت بس قاعده مصممه اول ميشد حيله رح نطلب الطلاق….يتبع